Comunicación Un grupu de promotores estudia la creación dun periódicu diariu nasturianu by asturnet 28 d'abril, 2008 Según informen na páxina LAsturies Lliberal nos próximos díes un grupu promotores va aconceyar nun hotel de Mieres pa estudiar la creación d’un diariu en llingua asturiana. Según fontes averaes al proyectu, un grupu de promotores, formáu por empresarios, xestores culturales y profesionales de medios de comunicación, van aconceyar a primeros de mayu pa entamar l’estudiu d’una iniciativa editorial que quier, ente más otres coses, facer posible l’apaición d’un nuevu periódicu diariu d’ámbitu asturianu, cola novedá de que s’editaría en llingua asturiana. Según informa lAsturies Lliberal, una de les opciones que s’analizarán contempla la participación d’una importante empresa editora de calter estatal, cola que se tuvieren dellos alcuentros nes últimes selmanes. El grupu entamador, informa la páxina apuesta por un mediu allugáu na centralidá política, asturianista y abiertu a toles sensibilidaes presentes na sociedá asturiana, que valga de calce p’amosar tolos enfotos que nazcan na nuestra comunidá autónoma. Nel mesmu aconceyamientu esbillaránse tamién les diverses víes de trabayu na edición dixital y na producción audiovisual. El proyectu sumaríase de facese realidá a lactual ufierta de conteníos informativos nasturianu, nes que sincluyen páxines como Asturnews.com o la revista dixital lliteraira Lliteratu. 28 d'abril, 2008 0 FacebookTwitterPinterestEmail
Sociedá La variedá pal.lueza del asturianu ta a piques de la desapaición by asturnet 28 d'abril, 2008 El secretariu de lAcademia de la Llingua Asturiana, Roberto González-Quevedo, aseguró estos díes en Lleón quel pal.luezu, la variedá del asturianu falada falada en L.laciana y na so redolada ta prácticamente estinguíu, anque tovía esiste, pal escritor lleonés, una concencia xeneral de la so esistencia na zona. Nesta zona lleven años entamándose cursos dasturianu centraos na variedá pal.lueza falada na fastera, daque, que poles declaraciones de González-Quevedo, paez que nun ye abondo pal caltenimientu del dialectu del asturianu falado nesa zona lleonesa. 28 d'abril, 2008 0 FacebookTwitterPinterestEmail
Sociedá El Muséu del Pueblu d’Arturies asoleya’l llibru “Baille y danza tradicional nAsturies” by asturnet 24 d'abril, 2008 El Museu del Pueblu d’Asturies ta acabante de poner a la venta el llibru “Baille y danza tradicional n’Asturies” coordináu pol responsable del Archivu de la Música Tradicional, Fernando Ornosa. La obra recueye les ponencies y trabayos que tuvieron llugar durante les Xornadas d’Estudio sobre’l tema qu’orgfanizó’l museu, l’añu pasáu en Xixón y Aviles. Estes xornaes axuntaron especialistes del baille y la danza tradicional asturiana asina como representantes d’esti mundiu nuna iniciativa pionera na rexón. El llibru vien completáu con un dvd tituláu “El baille na tradición asturiana”, nel que se recueyen una esbilla de danzes fecha pol Conceyu de Cultura Tradicional Vezos Astures, ta editáu por Trabe y pue mercase en llibreríes al preciu únicu de 25 euros. 24 d'abril, 2008 0 FacebookTwitterPinterestEmail
Política La plataforma en defensa de la rede de biblioteques municipales va manifestase güei nUviéu by asturnet 23 d'abril, 2008 Coincidiendo col Día del Llibru lhotel España dUviéu va acoyer a les siete la tarde un actu en defensa de la rede de biblioteques municipales cola presentación de Paco Abril y cola participación dalredor de 25 persones del mundiu de la cultura dAsturies Reivindicando la defensa de la calidá del serviciu públicu de les biblioteques municipales y el trabayu de los profesionales que nestos momentos sufren les consecuencies dun importante recorte presupuestariu, según declaró un conceyal socialista uviedín. Les organizaciones que formen parte desta plataforma son asociaciones de vecinos, organizaciones sindicales, clús de llectura, PSOE, ASCIZ y organizaciones profesionales de la documentación. Ente los presentes van tar escritores, como Miguel Barrero, Ramón Lluis Bande y Vanesa Gutiérrez; periodistes, como Beatriz Bidau y Xuan Cándano; profesores como Sergio Tomé; actores como David Acera, persones rellacionaes col mundiu de la cultura, como Marco Antonio Velasco (asociación Lata de Zinc) y Lola Lucio (cofundadora de Tribuna Ciudadana). 23 d'abril, 2008 0 FacebookTwitterPinterestEmail
Sociedá La llingua protagoniza la xornada electoral al Rectoráu de la Universidá d’uviéu by asturnet 23 d'abril, 2008 Les eleiciones al Rectoráu de la Universidá d’Uviéu tienen güei na so segunda vuelta un protagonista claru: la llingua asturiana. Mentantu Paz Andrés se presenta con un programa billingüe y midíes concretes nesi programa pa desenrrollar la normalización de la llingua asturiana na Universidá hasta onde la llei lo permite, Vicente Gotor preséntase con un programa nel que nun apaez un res sobre l’asturianu, pero cada vegada que-y entruguen por ello fala de que cumplirá la promesa fecha hai cuatro y renovada agora a la Xunta Moza. Esti martes, precisamente, ente les informaciones apaecíes en prensa sobre lapoyu duna organización nomada CUPA a la candidatura de Vicente Gotor al rectoráu de la Universidá dUviéu, y sobre la referencia nel comunicáu desa organización a la campaña pola defensa del asturianu na universidá llevada alantre nes ellecciones anteriores; la Xunta Moza veíase naobligación desclariar lo que vien darréu: 1. La Xunta Moza foi la organización quentamó la campaña pola defensa del asturianu na Universidá nes pasaes elleciones a rector del añu 2004. Naquella ocasión, de los dos candidatos al Rectoráu, sólo Vicente Gotor asumiól decálogu de propuestes presentaes pola nuesa organización. La Xunta Moza retiró naquel momentu la campaña alternativa pol votu nulu y pidió formalmente que nun se diera apoyu al candidatu Juán Vázquez por escluyir a la llingua asturiana nel so programa electoral. 2. Nesta ocasión, la Xunta Moza entamó un calendariu de reuniones con tolos candidatos pa ufiertar nuevamente un decálogu de propuestes prioritaries pa la dignificación y normalización de la llingua asturiana na Universidá dUviéu. La Xunta Moza quier destacar que nes presentes elecciones al rectoráu los dos candidatos, Vicente Gotor y Paz dAndrés, asumieron públicamente como propies toles sos propuestes y esta ye la razón pola que la Xunta Moza nun entamó nenguna campaña alternativa: “la llingua asturiana yá ganó estes eleiciones”. La Xunta Moza aprovechaba ayeri pa traslladar les meyores felicitaciones a los dos candidatos pol so compromisu nel respetu a los derechos llingüísticos de la comunidá universitaria. 23 d'abril, 2008 0 FacebookTwitterPinterestEmail
Política Xuristes pol Asturianu denuncia les declaraciones dAreces nel alcuentru col so homólogu gallegu by asturnet 22 d'abril, 2008 LAconceyamientu de Xuristes pol Asturianu unvió un comunicáu nel que denuncia les llamentables manifestaciones feches pol señor Areces en Galicia. Unes declaraciones énte les que lAXA vese nel casu de refierta-y a la ciudadanía asturiana que Lemplegu públicu de la llingua propia ta proclamáu pela Organización de les Naciones Xuníes y el Conseyu dEuropa como drechu humanu imprescriptible ya independiente dafechu de les mayoríes polítiques de gobiernu. Amás, pal AXA Tolos poderes públicos tan obligaos a cumplir bonalmente lordenamientu xurídicu (nesti casu la Carta Europea de les Llingües Rexonales o Minoritaries y la Llei 1/1998, dusu y promoción del bable/asturianu) y los pautos que roblen (Plan pa la normalización social del asturianu, 2005-2007), al marxe de les sos comenencies. Los xuristes creen tamién que pa saber cuala ye la opinión dun pueblu hai que-y la entrugar primero. Poro, sil señor Areces nun cree no que dicen les encuestes sociollingüístiques -que los más de los ciudadanos tán porque lasturiana tenga un tratu asemeyáu al que reciben les otres llingües rexonales españoles- que convoque un referendum pa salir de duldes LAXA declaró tamién nel comunicáu que El nome de la Ría del Eo; la colonización televisiva gallega del occidente dAsturies; y les iniciatives parllamentaries a la gueta de la declaración doficialidá de la llingua gallega na fastera Navia-Eo, son problemes de presente y de futuru que meriten daqué más del minutu quel señor Areces diz que nun quiso da-yos nel so alcuentru institucional col presidente de la Xunta de Galicia. 22 d'abril, 2008 0 FacebookTwitterPinterestEmail
Política Darréu celebró esta fin de selmana la so I Marcha Montañera de Mocedá by asturnet 21 d'abril, 2008 Darréu entamó una actividá pela montaña de Somiedu y embaxol lema Independeica y socialismu, un grupu de militantes de la organización independentista xuvenil Darréu xuntóse pa facer, el pasáu sabadu 19 dabril, lo que la organización política xuvenil nomó como I Marcha Montañera de Mocedá. Na mesma participaron mozos y moces de los conceyos de Ribeseya, Maliayu, Xixón, Uvieú, Llaviana, Samartin del Rei Aurelio, Noreña, Siero y Llangréu. La marcha entamó a les once la mañana en Vil.lar de Vildas, nel conceyu de Somiedu y dende ehí la mocedá de Darréu xubió a la braña La Pornacal y a Braña Viel.la, onde se ficieron dos talleres de formación, según informen dende la organización. Magar del mal tiempu con fríu, lluvia y ñeve, comenten lactividá desendolcóse dientro lo previsto, el bus garróse de torna a les ocho la tarde y tolos asistentes ficieron una valoración perpositiva de la mesma 21 d'abril, 2008 0 FacebookTwitterPinterestEmail
Política Sánchez (PP) sal a saludar a los manifestantes a favor de la oficialidá concentraos ante’l Parlamentu by asturnet 21 d'abril, 2008 El presidente del Partíu Popular asturianu, y diputáu na Xunta Xeneral, Ovidio Sánchez, salió a la puerta principal del Parlamentu autonómicu pa saludar a grupu de persones ellí concentráu que pidíen la oficiliadá na reforma del Estatutu d’Autonomía, coincidiendo cola celebración d’una de les xuntes pa tratar la ponencia. Según esplicó Fernando Ornosa, voceru del Conceyu Abiertu pola Oficialidá (CAO), colectivu que convocaba l’actu, Ovidio Sánchez, qu’entrara per otru accesu secundariu, salió pela puerta principal y saludó con un xestu a los ellí concentraos. Tratábase de dalgunes decenes de persones, que se colocaron ante la entrada principal, con una gran pancarta na que se lleía la conseña ‘Na reforma l’estatuttu l’asturianu llingua oficial’. Contaron con presencia de gaiteros y cantaron dalgunes conseñes favoratibles a la oficialidá de la llingua. L’actu entamó a les 8.30 y prollongóse hasta les 9.15 hores. Ente los asistentes tuvieron los diputaos del grupu d’Izquierda Xunida-Bloque por Asturies-Verdes, Noemí Martín y Francisco Javier García Valledor. El CAO va realizar estes concentraciones ante’l parlamentu autonómicu siempre coincidiendo colos conceyos previos a la negociación del estatutu d’autonomía. La próxima cita va ser el llunes 28, a les 9.30 nel mesmu llugar. “Y si cambien la hora, nós vamos cambiar la nuesa tamién”, finó Ornosa. 21 d'abril, 2008 0 FacebookTwitterPinterestEmail
Sociedá El CAO axuntó a los músicos a les puertes de la Xunta Xeneral pola oficialidá del asturianu by asturnet 21 d'abril, 2008 El Conceyu Abiertu pola Oficialidá axuntó una representación de músicos asturianos na primera de les concentraciones previstes, esti llunes 21 a les 08:30 hores, ente la Xunta Xeneral del Principáu. El CAO anunció a Asturnews la intención de convocar concentraciones de calter temáticu, esto ye con músicos, deportistes, escritores, etc, durante tolos díes nos que qu’aconceye la ponencia de partíos pa la negociación del estatutu d’autonomía. Les convocatories, que van facese con independencia de la hora na que se cellebre la ponencia, van tener llugar a la entrada de los diputaos a la xunta de la ponencia estatutaria y hasta que fine’l procesu de reforma estatutataria. La intención ye denunciar que cola no inclusión de la oficialidá del asturianu neste reforma diba tar negándose un derechu civil básicu pa una sociedá democrática. 21 d'abril, 2008 0 FacebookTwitterPinterestEmail
Sociedá La Comarca la Sidra convida a los ciudadanos a Moyase cola Llingua na hostelería y el comerciu by asturnet 17 d'abril, 2008 La Mancomunidá Comarca de la Sidra, nandecha cola Conseyería de Cultura,y Turismu y los diferentes Conceyos y Mancomunidaes que componen la Rede de Normalización Llingüística, entama esti mes dabril col repartu de dos campañes de promoción de la llingua asturiana, una empobinada al sector hosteleru y otra al comerciu. La campaña de promoción pal sector de la hostelería Muéyate cola Llingua quier complementar la campaña Equí tas en Casa, que tantu ésitu tuvo en pasáu añu y naz col oxetivu cimeru de favorecer lusu del asturianu en tolos establecimientos que lo deseen teniendo en cuenta que ye ún de los sectores onde se caltién duna manera más viva lusu de la llingua asturiana. La Campaña compónse de 800 serviyeteros col eslogan de la campaña, Muéyate cola Llingua (Equí tas en Casa) per una cara y pela otra con un poema dAndrés Solar, 5000 Posavasos col mesmu eslogan, 300 cartelos promocionales centraos en mundu de la hostelería y, más en concretu, de la sidra pal so espardimientu pelos negocios de la comarca y 300 cartelos que faen referencia a la prohibición de vender tabacu a menores. Pela so parte, el comerciu ye un de los sectores más dinámicos de la sociedá al que la llingua asturiana, si quier tener pervivencia nun pue quedar ayena. Pa incrementar la percepción del asturianu como llingua vehicular que val pa desenvolvese ensin problemes nes xeres diaries, llánzase esta campaña compuesta por 900 espetos colos nomes de los productos nasturianu destinaos a caúna de les xebraes estayes del comerciu col eslogan Ye Como Ye, 15000 bolses de plásticu col eslogan Lo que Necesites, lo que Quiés, lo que te Presta, cartelos de rebaxes con un diseñu nuevu, nel que rescampla bien dello la parte llingüística. Toos estos materiales, informaron en rueda de prensa esta selmana, yá tán iguaos y van repartise dende esta mesma selmana. Nel actu de presentación, amás de los representantes de los conceyos que componen la Mancomunidá Comarca la Sidra, y miembros del Patronatu de Turismu de la Mancomunidá, tuvieron presentes el Presidente, Alejandro Vega Riego, y la Xefa de la Oficina de Política Llingüística del Principáu, Mª Antonia Pedregal Montes. Alejandro Vega Riego, dempués dagradecer a la Xefal sofitu del Principáu pa col Serviciu, emponderól llabor que se vien faciendo dende la Rede de Normalización Llingüística nos Conceyos a favor de la normalización social del asturianu. Arriendes desto, comentó que la Mancomunidá quelli preside vien dende va años moyándose cola llingua, y fizo referencia a les campañes de promoción que dende la mancomunidá vienen desenvolviéndose, amás del procesu de recuperación toponímica nel questa comarca ye cabezalera, tando tolos conceyos que la componen colos espedientes peracabaos. Pela so parte, La Xefa de la O. P. LL. agradeció la invitación de la Mancomunidá a esti actu de presentación, cincando enforma sobre les actuaciones que tanto dende la Mancomunidá como de los conceyos que la componen, tán dándo-y a la llingua asturiana la visivilidá y el puxu de los que tien menester. Emponderó les dos campañes que güei se presentaben nandecha cola REDE y col sofitu de la Conseyería de Cultura y turismu, a les que-yos adivinó un gran éxitu y de les que dixo que se complementen col trabayu que se vien faciendo dende la Oficina de Política Llingüística del Principáu. 17 d'abril, 2008 0 FacebookTwitterPinterestEmail