ConvocatoriesFiestes Cursos d’alfabetización de l’Academia de la Llingua Asturiana n’Uviéu y Llugones by asturnet 18 de setiembre, 2006 L’Academia de la Llingua Asturiana participa na celebración de dos cursos d’asturianu pa los prósimos meses nos conceyos d’Uvieu y Siero. Los dos cursos, que van empezar el próximu 2 d’ochobre, tán destinaos a l’alfabetización n’asturianu y van reconocer la participación de los asistentes con un diploma acreditativu. En collaboración col Ayuntamientu de Siero l’Academia de la Llingua Asturiana va organizar un cursu d’alfabetización nel Centru de Día de Llugones. Con una duración de 36 hores y 15 places, el cursu, que tien un preciu de 20 euros, va celebrase los llunes y los miercoles de 19.30 a 21.30 hores. Les persones interesaes nesti programa pueden llamar, mesmo pa informase que p’apuntase, a los telefonos 654 728 973 – 985 723 085. Per otra parte, l’Academia tamien va impartir un cursu d’alfabetización nel local Cambalache d’Uvieu. De caracteristiques iguales al anterior, el cursu tendrá llugar los llunes y miercoles de 17 a 19 hores. 18 de setiembre, 2006 0 FacebookTwitterPinterestEmail
ConvocatoriesFiestes Concentración n’apoyu de los militantes de la Xunta denunciaos por pidir la oficialidá by asturnet 15 de setiembre, 2006 Seis miembros de la Xunta pola Defensa de la Llingua Asturiana tán llamaos a xuiciu de faltes pa esti 25 de setiembre, por participar nuna acción reivindicativa, en defensa de la oficialidá del asturianu, el pasáu día16 de xunu, coincidiendo cola inauguración del Centru de Salú de Llugones, onde s’alcontraba’l presidente del Gobiernu asturianu, Vicente Álvarez Areces. La “pita” y dellos miembros de la organización de defensa de los derechos llingüísticos taben reclamando la oficialidá nel momentu nel que fueron reteníos poles fuerces de seguridá, pa facer la identificación de los militantes. Énte la denuncia a los seis miembros de la organización de defensa de los derechos llingüísticos de los asturianos, representantes de la Xunta manifestaron que “si al presidente Areces-y molesta que les crítiques tresciendan a la opinión pública, la via pa evitales nun ta na criminalización sinon na corrección de la política de marxinación llingüística que ta llevando alantre’l so gobiernu”, por eso, la Xunta, qu’aclarió que na manifestación de los sos militantes nun hebo disturbios nin engarradielles, sinón que simplemente se fizo actu de presencia con pancartes d’apoyu a la llingua, “quier denunciar qu’estes actuaciones son contraries al exerciciu del derechu a la llibertá d’espresión y a la crítica política. Ye evidente qu’esto, qu’en distintos graos llevamos careciendo dende va muncho tiempu, namás persigue callar les voces crítiques cola xestión d’esti gobiernu”. Por esa razón, la Xunta pola Defensa de la Llingua afirma que pela vía xudicial nun van abandonar la denuncia pública de la situación de “marxinación y falta de derechos que carez la llingua asturiana y les persones falantes d’asturianu”. Per parte de la Xunta pola Defensa de la Llingua Asturiana, los militantes encausaos “van cuntar cola solidaridá y l’apoyu de la organización”, que tien convocada una concentración a la una la tarde del día 25 de setiembre ente los xulgaos de la Cai Parroco Fernandez Pereda de Siero. 15 de setiembre, 2006 0 FacebookTwitterPinterestEmail
ConvocatoriesFiestes La Fundación CTIC convoca la segunda edición de los Premios TAW n’Accesibilidá Web by asturnet 14 de setiembre, 2006 La Fundación CTIC convoca col apoyu del Ministeriu d’Industria, Turismu y Comercio y el Gobiernu del Principáu d’Asturies la segunda edición de los Premios TAW n’Accesibilidá WEb que busca que les condiciones físiques o psíquiques de los usuarios sían problema pa navegar pela rede o acceder a la información. Los gallardones, estructuraos en seis categoríes (alministraciones estatales, autonómiques, locales, pymes, grandes empreses y entidaes ensin ánimu de lucru), reconocieron na pasada edición a la Seguridá Social, Cintra, Red Infancia y Poryectu Gadea de la Universidá d’Uvieu. El plazu pa presentar candidatures a esti proyectu termina’l próximu 8 d’ochobre y fáise al travies del formulariu que se puede atopar na páxina Tawdis. 14 de setiembre, 2006 0 FacebookTwitterPinterestEmail
ConvocatoriesFiestes Acampada en Caliao en defensa del Parque Natural de Redes by asturnet 13 de setiembre, 2006 La Plataforma en Defensa del Parque Natural de Redes organiza una acampada solidaria pa los próximos díes 22, 23 y 24 de setiembre nel pueblu de Caliao. Los asistentes a la concentración van conocer de primera mano les demandes d’esti colectu enfotáu na protección de la reserva natural, al tiempu que van poder esfrutar d’escursiones pela zona, nes que van asistir a la berrea de los venaos asina como pasiar pel desfiladeru de Los Arrudos. El vienres día 22 ta prevista la salida n’autobús dende l’edificiu de les conseyeríes de Llamaquique, n’Uvieu con destín a Caliao, onde se va desplicar a tolos participantes el motivu de l’acampada, al travies d’una proyección de diapositives. A lo llargo de los díes que dure la concentración, habrá escursiones pela zona nes que va poder asistise a la berrea de los venaos, asina como a diverses charres y alderiques organizaos por Itoiz, Fundación Rodríguez de la Fuente y la Plataforma de Redes. Les nueches de l’acampada van tar amenizaes por tres velades musicales. L’oxetivu d’esta acampada ye’l de reclamar un cambiu na política del agua n’Asturies y una nueva cultura del agua, refugando instalaciones como’l pretendíu embalse de Caliao. Toles persones interesaes n’asistir a l’acampada pueden contactar colos organizadores al travies de los telefonos 659 602 531, 608 788 368 o 985 24 35 81. 13 de setiembre, 2006 0 FacebookTwitterPinterestEmail
ConvocatoriesFiestes La Conseyería de Cultura caltién abiertu’l plazu pa los sos premios lliterarios n’asturianu by asturnet 12 de setiembre, 2006 La Conseyería de Cultura del Gobiernu del Principáu d’Asturies caltien abiertu’l plazu de recepción d’orixinales destinaos a los premios de novela y poesía en llingua asturiana hasta’l prósimu 16 d’ochobre. Los concursos de poesía y novela tán dotaos con 6.000 euros, amás de la publicación de la obra ganadora. Na pasada edición d’estos premios los ganadores foron Ismael María González Arias, nel premiu de novela, y Xabiero Cayarga nel de poesía. Bases de los premios 12 de setiembre, 2006 0 FacebookTwitterPinterestEmail
ConvocatoriesFiestes ‘Les Filanderes’ convoca’l V Certame Internacional de relatos “Filando cuentos de muyer” by asturnet 11 de setiembre, 2006 El colectivu llangreanu de muyeres “Les Filanderes”, vuelve a convocar el so concursu de relatos ‘Filando cuentos de muyer’, termiando’l plazu pa participar el próximu 17 de setiembre. La temática de los relatos tien de tratar sobre cualasquier aspectu rellacionáu cola realidá de les muyeres, les sos aportaciones nel campu social, cultural, familiar, deportivu, económicu, etc. Y, según les sos bases, van poder participar nel toles persones quieran, independientemente de la so nacionalidá, siempre que les obres tean escrites en castellanu o asturianu. Los orixinales habrán de ser ineditos, nun tar premiaos de primero y tener una estensión máxima de 6 folios y mínima de 3. Presentaranse, mecanografiaos a doble espaciu per una sola cara, en formatu DIN A-4 y encuadernaos, a la siguiente dirección: V Certame Internacional de Relatos Cortos “Filando Cuentos de Mujer” Colectivu sociocultural Muyeres “les Filanderes” C/ Cipriano Pedrosa s/n, Edificiu RENFE 33900 Llangreu Asturies España Nel sobre habrá de constar una plica colos datos del autor, una fotocopia del DNI o pasaporte, el títulu del relatu, mesmo que cinco exemplares del relatu a concursu. El plazu de presentación d’orixinales, pal que se tien un primer premiu de 1200 euros y dos accesit de 300, termina’l próximu 17 de setiembre. Bases completes del concursu 11 de setiembre, 2006 0 FacebookTwitterPinterestEmail
ConvocatoriesFiestes L’Asociación de Muyeres ‘Valdés Siglo XXI’ convoca’l IV Certame de Poesía Nené Losada Rico by asturnet 7 de setiembre, 2006 L’Asociación de Muyeres ‘Valdes Siglo XXI’ convoca Certame de Poesía Nene Losada Rico qu’esti añu llega a la cuarta edición. El Certame, al que pueden presentase poemarios n’asturianu o castellanu,ta dotáu con un premiu de 1.000 euros, asina como un diploma pa cada modalidá. El plazu de presentación d’orixinales termina’l próximu 5 d’ochobre. Les obres, de les qu’han de mandase cinco copies, tienen de remitise a la dirección Cai Los L.lagos, s/n 33787, de Barcia (Valdes). 7 de setiembre, 2006 0 FacebookTwitterPinterestEmail
ConvocatoriesFiestes La Fundación Manuel Nevado Madrid convoca’l III Concursu de Relatos Mineros by asturnet 24 d'agostu, 2006 La Fundación Manuel Nevado Madrid ta acabante de convocar la tercer edición del so concursu de Relatos Mineros Curtios. Les hestories, qu’han de tocar cualasquier temática rellacionada col mundu de la minería de cualasquier país, nun podrán pasar de 20 ringleres a cuerpu 12 y van poder presentase mesmo en castellanu que n’asturianu siempre y cuando sían inedites y nun fueren premiaes en dengún otru concursu. El xuráu va escoyer ente los relatos presentaos, alxudicando un primer premiu de 1000 euros, más un lote de llibros y un grabáu de Manuel Calvo. Les obres n’asturianu tendrán un accesit de 300 euros, más un grabáu y un lote de llibros valoraos en 200 euros. Per otra parte, tamien se cunta con otros dos accesit de 300 euros cadún: ún pal testimoniu hestóricu y otru pa los autores menores de ventiseis años. Les obres habrán de presentase per correu postal a la Fundación Juan Muñiz Zapico, indicando que ye pal concursu de Microrrelatos Mineros ‘Manuel Nevado Madrid’, na cai Santa Teresa, 15, Códigu Postal 33005 d’Uvieu. 24 d'agostu, 2006 0 FacebookTwitterPinterestEmail
ConvocatoriesFiestes La Comarca de la Sidra convoca una nueva edición de los concursos del programa Creación by asturnet 14 d'agostu, 2006 El programa Creación, de la Comarca de la Sidra, que dende les sos distintes modalidaes trata de promocionar y favorecer les nueves formes d’espresión y creatividá, ta acabante de convocar la Tecer Bienal d’Arte Emerxente Comarca de la Sidra, asina como’l Sestu Concursu de Cortometraxes d’Animación y el so Concursu de Microrrelatos. El plazu pa participar nes tres convocatories va tar abiertu hasta’l 15 d’ochobre. El Concursu de Microrrelatos ta abiertu a mozos menores de 35 años, de cualasquier nacionalidá y residencia, que participen con un másimu de dos microrrelatos escritos en castellanu o n’asturianu y que nun tomen más de 200 palabres o 1.500 caracteres (ensin espacios). El premiu pa esti modalidá ye de 600 euros. Pela so parte, la Tercer Bienal d’Arte Emerxente Comarca de la Sidra ye una ayuda a la producción artística destinada a mozos menores de 35 años residentes o naturales de cualasquier de los conceyos que formen la Mancomunidá. L’ayuda consiste nuna compensación económica de 3000 euros y, pa consiguila, cada artista ha de mandar una Memoria del Proyectu Artísticu. Finalmente, el Sestu Concursu de Cortometraxes d’animación establez dos premios: Premiu al meyor cortu animáu, por un valor de 1000 euros, y un Accesit mención especial del xuráu por 300 euros. Más información de los concursos 14 d'agostu, 2006 0 FacebookTwitterPinterestEmail
ConvocatoriesFiestes Les llárimes de San Llorienzu vuelven a la so cita añal nel Monte Deva by asturnet 11 d'agostu, 2006 El Centru d’Interpretación de la Naturaleza del Monte Deva, xestionáu pola Asociación Astronómica Omega, va abrir les sos puertes güei y mañana, a partir de les diez y media la nueche, con motivu del fenómenu denomináu ‘lluvia d’estrelles Perseidas’, tamien conocíu como ‘llárimes de San Llorienzu’, cuyu nivel másimu d’observación va ser na nueche del sábadu pal domingu. La lluvia de Perseidas ye un eventu añal seguíu por cientos d’observadores d’estrelles que vuelve al cielu esta selmana. Los que quieran esfrutar d’esta lluvia d’estrelles pueden dir a les instalaciones del observatoriu astronómicu municipal xixones nel Monte Deva, que va abrir les sos puertes esta nueche y la de mañana, a partir de les diez y media, con tala fin. Los miembros del colectivu Aula d’Astronomía tán amás faciendo observaciones astronómiques toles fines de selmana del branu dende’l Náuticu, nes que pueden llegar a vese, en condiciones favorables, hasta unos 80 meteoros por hora. 11 d'agostu, 2006 0 FacebookTwitterPinterestEmail