Lliteratura La Fundación Muñiz Zapico entama la cuarta edición del so Concursu de Microrrelatos by asturnet 14 d'ochobre, 2007 La Fundación Juan Muñiz Zapico acaba de convocar por cuartu añu el so Concursu de Microrrelatos “Manuel Nevado Madrid”. El certame busca premiar narraciones curties escrites n’asturianu o en castellanu y relacionaes temáticamente col mundiu de la minería. La brevedá ye xunto a la orixinalidá el requisitu fundamental del premiu convocáu pola fundación cultural de Comisiones Obreres d’Asturies embaxo’l nome del dirixente sindical Manuel Nevado Madrid. Asina nengún cuentu presentáu va poder pasar de les cuarenta llinies anque van almítense un másimu de dos obres por persona. El primer premiu del concursu ta dotáu con 1.000 euros y hai diversos accesit: asturianu, de tema hestóricu y mozu. Les obres tienen d’unviase a la Fundación Juan Muñiz Zapico (Concursu de Rellatos Mineros Curtios “Manuel Nevado Madrid”) c/ Santa Teresa 15, CP 33005 Uvieu, enantes del prósimu 22 d’ochobre. El fallu va dase a conocer el 4 d’avientu, na celebración de Santa Bárbara, la Fiesta de la Minería. Los cuentos gallardonaos y los más interesantes van editase. Bases del Concursu 14 d'ochobre, 2007 0 FacebookTwitterPinterestEmail
Lliteratura Finó’l plazu d’entrega d’obres al V certame de poesía “Nené Losada Rico” con 44 inscripciones by asturnet 14 d'ochobre, 2007 44 obres d’otres tantes artistes procedentes de tol estáu nacional asina como de Arxentina o Cuba son les que van competir pol premiu nel Certame de Poesía Nene Losada Rico qu’organiza l’asociación de Muyeres “Valdes Siglo XXI” na so quinta edición. Al certame van concurrir cinco poemarios escritos en llingua asturiana y 39 en castellanu. El primer premiu ye de 1.000 euros, asina como un diploma pa cada modalidá. El xuráu va aconceyar pa decidir el fallu durante la última slemana d’esti mes y van dar el so veredictu na primer quincena de payares. 14 d'ochobre, 2007 0 FacebookTwitterPinterestEmail
Música El Grupu de Baille San Félix entama un cursu de baille p’adultos by asturnet 14 d'ochobre, 2007 Dende’l prósimu 7 de Payares el Grupu de Baille Tradicional San Felix de Candás va impartir un cursu de baille p’adultos. La matrícula val 15 euros y pue cursase los sábados d’11:00 a 13:00 hores nel local de SOFECA en Candás. El cursu va cellebrase los miercoles de 19:30 a 21:00 hores y va tener una duración de 30 hores. El Grupu de Baille Tradicional San Felix, edita la revista «El Cuirno», y ente otres llabores organizó la decima edición de la Nueche Celta y los III Alcuentros cola Cultura Tradicional. 14 d'ochobre, 2007 0 FacebookTwitterPinterestEmail
Música Dover toquen esta nueche nel Palaciu de Deportes de La Guía by asturnet 12 d'ochobre, 2007 Tres un mes d’espera los seguidores de la banda madrileña Dover van tener la oportunidá de disfrutar del conciertu que se suspendió con motivu del partidu de la selección española de baloncestu. Dover actuen esta nueche nel Palaciu de Deportes de la Guía a les 20:30 hores con entraes disponibles al preciu de 9 euros nes taquilles del Teatru Xovellanos, nos caxeros de Cajastur, al travies de Tiquetxpress y nel númberu 902 106 601. Dover lleguen a Xixón nel marcu de la xira de presentanción del so último trabayu “Follow the city lights”, nel que pa sorpresa de críticos y seguidores amesten el rock independiente que los definió nel pasáu con soníos ellectrónicos y bailables. 12 d'ochobre, 2007 0 FacebookTwitterPinterestEmail
Música Llastres acueya el tercer alcuentru de música coral “La sidra y el mar” by asturnet 12 d'ochobre, 2007 El Coro Errante de la Comarca de la Sidra, la Coral Amanecer, de Xixón; el Coro Marinero “Manín”, de Llastres; el Coro Villa de Navia y Rondalla “Nostalgia” de Cuañactuaron esti sábadu nel marcu la Ilesia parroquial de Llastres dientro del III Alcuentru coral “La sidra y el mar”. Les actueciones escomencipiaron a partir de les 19:30 hores de la tarde. Esta edición llega al conceyu de Colunga tres pasar n’otros años por Sariegu y Nava anque mantien el so compromisi inicial d’axuntar dos e les tradiciones más arraigaes na cultura asturiana: el cultu a la sidra y el trabayu nel mar. Amás de los recitales, el Coro Errante va entregar el gallardón “Errante 2007″ a Cajastur pol so enfotu en promover la cultura, l’arte y sobre manera la música asturiana. Amás d’esti alcuentro va poder disfruse durante tola xornada en Llastres de los actos gastronomícos, d’ociu y de cultura que hai programaos pa ” Les tres arribaes de Llastres” qu’organiza l’Asociación Colunguesa de Turismu. 12 d'ochobre, 2007 0 FacebookTwitterPinterestEmail
Plástiques El Salón Internacional del Cómic dedica la xornada al cómic d’humor by asturnet 11 d'ochobre, 2007 La xornada d’esti dia na XXXI edición del Salón Internacional del Cómic del Principáu d’Asturies va tar dedicada al cómic d’humor. Amás de firma d’autógrafos per parte de los artistes invitaos va haber alderique con Pinto y Chinto por Neto, con Carlos Gimenez por F. R. Arbesú y con Luis Olmo por Juan Jose Plans. Eel festival, dedicáu nesta edición a dibuxantes como Luis Olmo, Stan Sakai o Michael Golden va cuntar con presencia asturiana na figura de los viñetistas Jesús Perez Losa (Suso Mortimer) y Alfonso Zapico. Dientro de la programación d’esta edición tamien se van impartir tres cursos de comic que van cuntar cola presencia del norteamericanu Michael Golden, co-creador del perxonaje de los comic X-Men, Rogue. Los cursos van impartise nel Centru de Cultura Antiguu Instituto y na Escuela d’Arte d’Uvieu. 11 d'ochobre, 2007 0 FacebookTwitterPinterestEmail
Escéniques Entama “Asturies a escena” con “Hasta que la boda nos separe” de Roberto Lumbreras by asturnet 11 d'ochobre, 2007 La compañia “Barataria Teatro” van ser los encargaos d’escomenzar el programa de representaciones del ciclu “Asturies a escena” cola obra de Roberto Lumbreras, “Hasta que la boda nos separe”. La pieza va llegar al Teatru Filarmónica d’Uvieu esta nueche a les 20:15 hores. “Hasta que la boda nos separe” ta dirixida por Roberto Corte y cunta la rellción emocional de Ramón Gómez de la Serna con una muñeca de goma. Representada por “Barataria Teatro” algamó los premios al meyor espectáculu, a la meyor interprete femenina y al meyor director d’escena na edición de 2004 de los premios Asturies de les Artes Esceniques 2004. El ciclu “Asturies a escena” ta organizáu pol Conceyu d’Uvieu, la Conseyería de Cultura y el Circuitu Profesional de Teatru Asturianu. 11 d'ochobre, 2007 0 FacebookTwitterPinterestEmail
Música El Savoy Club de Xixón recibe a los catalanes “The Next Club” by asturnet 11 d'ochobre, 2007 Xixón acueye conciertu de la banada catalana de soul, blues y rock “The next Club”. La cita ye’l sábado a partir de les 24:00 hores nel Club Savoy. Los músicos barceloneses van repetir el día siguiente a la mesma hora. The Next Club nacieron en 2006 asi hace un año en barcelona cunten ente les sos influencies a artistes como Brian Setzer, Jimi Hendrix, Bb King, Stevie Ray Vaughan, Robben Ford, Ottis Reding, Aretha Franklin o Wilson Picket ente otros. 11 d'ochobre, 2007 0 FacebookTwitterPinterestEmail
Música El pub Radio 8 cellebra’l so primer aniversariu col conciertu d’Entropía by asturnet 11 d'ochobre, 2007 Los ovetenses Entropía faen el so debu en públicu esti sábadu a partir de les 19:30 de la tarde en La Antugua Estación con motivu de la fiesta d’Aniversariu del pub Radio 8. Los asturianos van tar acompañaos pola banda madrileña “Miss Cafeina”. Entropí nacen en 2005 col firme enfotu de texer cancios plenos de melodía basaos na meyor tradición pop. Entropía son Willy a la voz y a la guitarra, Pelayo al bajo y a los coros, Fran, a la guitarra y Nacho, a la batería. Tienen fecha una maqueta con cuatro temes. 11 d'ochobre, 2007 0 FacebookTwitterPinterestEmail
Plástiques L’artista ovetense Eugenio López espón una amuesa del so trabayu na Galería Vértice by asturnet 10 d'ochobre, 2007 Dende’l miercoles 10 d’esti mes y hasta’l 13 de payares ta esponiendose na Galería Vertice ( Marques de Santa Cruz, 10,) d’Uvieu una amuesa de la obra del pintor y escultor ovetense Eugenio López. Escultures, pintures, una intervención mural na sala 0 de la galería y el proyectu Gran Arcu Cuadrangular podrán vese d’11:30 a 14:00 y de 17:30 a 21:00. Amás coincidiendo cola esposición editose la obra gráfica que lleva por títulu “Triangular, París”. Acompañando a la exposición pictórica y escultórica, el artista presentó el so proyectu d’escultura pública Gran Arco Cuadrangular. Esti trabayu consiste nun monumental arcu cuadrangular fechu d’acero, pintáu de rojo, que como si fuera unapuerta, ye atravesáu por una autovía. L’artista lleva esponiendo les sos obres dende 1975 nes feries más importantes d’España y Europa y cunta nel so haber con varies amueses en centros tan importantes como’l Museu de Belles Artes d’Asturies, o el Reina Sofía de Madrid. Eugenio López ta consideráu como un de los artistes de referencia del constructivismu xeometricu. 10 d'ochobre, 2007 0 FacebookTwitterPinterestEmail