Conceyos Esposición en Quirós sobre Burkina Fasso by asturnet 3 d'agostu, 2009 L’Ayuntamientu Quirós organiza una esposición de semeyes pa dar a conocer la presencia del conceyu en Burkina Fasso, pol mediu d’un proyectu de cooperación que se ta desenrrollando allí. Pue visitase na Casa de Cultura del 1 al 15 d’agostu, de martes a sábadu, de 11 a 14 y de 17 a 20 hores. 3 d'agostu, 2009 0 FacebookTwitterPinterestEmail
Educación La Universidá d’Uviéu entama una edición más del Master en Xestión d’ONGs by asturnet 3 d'agostu, 2009 La Universidá d’Uviéu convoca la sesta edición d’esti Máster dirixíu a titulaos universitarios, con interés o esperiencia profesional o voluntaria n’organizaciones de cooperación pal desarrollu y/o intervención social. Los interesaos pueden tener accesu a una de lesb16, de les 24 places del cursu, que tán becaes nun 70,15% del total de la matrícula pola Axencia Asturiana de Cooperación al Desarrollu. Al terminar el cursu los alumnos van tener la oportunidá de facer práctiques pagaes n’entidaes venceyaes cola cooperación pal desarrollu o la intervención social. Esti Máster ye un títulu propiu de la Universidá Asturiana y pue consiguise más información na cai Los Pozos, 6, d’Uviéu nel teléfonu 985 104 917. ContenÃos del Master 3 d'agostu, 2009 0 FacebookTwitterPinterestEmail
Sociedá Entamen n’Ibias los «XXVII Cursos de Branu» de l’Academia de la Llingua Asturiana by asturnet 3 d'agostu, 2009 Güei, llunes 3 dagostu, a les 13:30 hores, nel Salón dActos de la Escuela-Hogar de Santantolín (Ibias), entamen los XXVII Cursos de Branu de lAcademia de la Llingua Asturiana (Cursos Elemental y Avanzáu de Llingua Asturiana, Cursos dAfondamientu Cultural y Llingüísticu y 1ª Fase del Cursu de Capacitación en Gallego-Asturiano). Nel actu intervendrán la Presidenta de lAcademia, Ana Mª Cano González; el Director de los Cursos, Xosé Antón González Riaño; el Coordinador dEnseñanza de Llingua Asturiana de la Conseyería dEducación del Principáu dAsturies, Fernando Padilla Palicio; el Vicerrector dEstensión Universitaria, Cultura y Deportes, José Antonio Cecchini Estrada y lAlcaldesa del Conceyu dIbias, Nélida Barrero Pantiga. Los Cursos desarrollaránse ente los díes 3 y 14 dagostu y nellos van participar más dun centenar de persones. Cursos de Branu 2009 3 d'agostu, 2009 0 FacebookTwitterPinterestEmail
Sociedá Alain Fernández y Pepel Ferreiru algamen lHorru dOru 2009 by asturnet 30 de xunetu, 2009 Lasociación cultural «El Hórreo» de Barcia (Valdés) entregó la so distinción añal a José María Naveiras Escanlar «Pepel Ferreiru», responsable del Muséu Etnográficu de Grandas de Salime, y a Alain José Fernández Fernández, director xerente del Teatru Prendes de Candás, na so categoría comarcal y autonómica, respectivamente. El xuráu destacól llabor de Pepel Ferreiru na recuperación y preservación de tradiciones y costumes populares que favorecieron el desenrrollu y conocimientu de la fastera occidental. DAlain José Fernández resaltó la so contribución a la promoción del teatru asturianu, por afalar les artes escéniques favoreciendol so afitamientu. 30 de xunetu, 2009 0 FacebookTwitterPinterestEmail
Sociedá El Gobiernu oficializa la toponimia tradicional del conceyu de Siero by asturnet 30 de xunetu, 2009 Nel Conseyu de Gobiernu celebráu esti miércoles 29 de xunetu aprobóse’l decretu onde se determinen los topónimos oficiales de Siero. Con esti alcuerdu yá son 39 los conceyos cola toponimia oficial aprobada, a la espera de la espublización desti decretu nel BOPA. El Conceyu de Siero ta formáu poles parroquies dAramil, Argüeyes, La Carrera, Celles/Ceis, La Collá, Collao, Feleches, Granda, Hevia, Lieres, Llimanes, Llugones, Marcenao, Muñó, La Paranza, La Pola, Samartindianes, Samartino, Samiguel, Santa Marta, Santiago, Areñes, Santolaya, San Xuan del Cuto, Tiñana, Trespando, Valbona, Valdesoto, Viella y Santa Marina. Col determín, el Gobiernu recordó que, como nos demás casos, «les Alministraciones Públiques han adecuar de manera progresiva les rotulaciones en víes públiques y carreteres de Siero, amás de mapes y planos oficiales, a les formes establecíes nel decretu». 30 de xunetu, 2009 0 FacebookTwitterPinterestEmail
Educación La Universidá dUviéu acepta una Memoria de Práctiques redactada n’asturianu by asturnet 29 de xunetu, 2009 El Conceyu Universitariu pol Asturianu (CUPA), ta acabante anunciar lo qualbidren un pasu alantre pal asturianu na Universidá dUviéu. Según la nota unviada por esta organización, ún de los sos miembros presentare una Memoria del Practium de la Diplomatura de Turismu redactada en llingua asturiana. Nun primer momentu, la comisión encargada de la calificación d’esti trabayu imprescindible pa superar la Diplomatura, esixía al alumnu qu’entregare’l mesmu en castellán, pa dalu por válidu, pero dempués daclariar a la dirección del centru la llexislación vixente, el trabayu foi aceptáu nasturianu. Col asesoramientu del CUPA, l’alumnu en cuestión aconceyó cola dirección de la Escuela Universitaria Xovellanos ya informó de la llexislación vixente, que protexe a los alumnos de la Universidá d’Uviéu, como queda afitao na Llei d’Usu del asturianu de 1998 y nel artículu 6 de los Estatutos de la Universidá d’Uviéu, que diz “naide podrá ser discrimináu pol usu del asturianu na institución”. A la fin, rellaten dendel CUPA la dirección de del centru, atendiendo a la normativa llegal actual sobre la que se-y informó, dio-y la calificación de sobresaliente a la Memoria orixinal, redactada n’asturianu. El CUPA felicita nel comunicáu a la Escuela Universitaria Xovellanos de Xixón pol reconocimientu d’un drechu democráticu, que recueye la llei y al alumnu en cuestión por caltenese firme pa que se-y reconozan los sos drechos. Pal CUPA ye esta la manera, de questi fechu seya normal nel futuru, y non namás una feliz anécdota. Según el Conceyu Universitariu esti casu vien a amosar que trabayando con seriedá na Universidá y al traviés del diálogu ye posible que se dean avances significativos na reconocencia de los drechos de los estudiantes que quieren usar l’asturianu na so vida diaria, y tamién qu’esiste un conflictu abiertu na mesma, qu’ha solucionase cola reconocencia absoluta de la igualdá de drechos pa los usuarios de castellán y asturianu. El CUPA anima amás a los alumnos de la Universidá d’Uviéu a que nun s’autocensuren nel usu de la llingua asturiana, y presenten trabayos y faigan esámenes usando l’asturianu, pues entienden que la normalización social de la llingua nunca nun se va dar si los miembros de la comunidá falante nun faen un usu normal de la mesma. Recuerden dende la organización quen casu de tener cualesquier problema, el CUPA va ufrir el so apoyu lloxísticu y llegal, pa defender el drechu humanu a espresase na llingua materna. 29 de xunetu, 2009 0 FacebookTwitterPinterestEmail
Sociedá La Sidra convoca’l III Tour del Llagar by asturnet 28 de xunetu, 2009 El Sábadu 22 d’Agostu, la revista la sidra entama’l III Tour del Llagar: 4 llagares, dos espiches, música asturiana… n’autocar, por 50 too incluyío (35 pa soscritores) y… 50 ÚNIQUES PLACES (por rigurosu orde d’iscripción). 28 de xunetu, 2009 0 FacebookTwitterPinterestEmail
Sociedá Mediu Rural nun va entamar aiciones escontra l’ocalitu by asturnet 27 de xunetu, 2009 La Conseyería de Mediu Rural del Gobiernu asturianu nun tien previsto entamar denguna midida pa llendar la espansión de les plantaciones d’ocalitu, como la del Ayuntamientu d’Illas, xestionáu tamién por IU-BA-Verdes. El Conceyu d’Illas incluyó nel so Plan Xeneral una ordenanza municipal que prohibe’l xorrecimientu de la superficie d’ocalitu más allá de la yá existente nel conceyu. La Coordinadora Ecoloxista vien desixendo dende hai tiempu que se reduza l’actual superficie ocupada por esta especie, mientres que los madereros piden que se consulte colos propietarios de finques. 27 de xunetu, 2009 0 FacebookTwitterPinterestEmail
Sociedá El xerente de Recrea diz dimitir por motivos personales by asturnet 27 de xunetu, 2009 El xerente de Recrea, Jesús López, dixo güei nuna rueda de prensa que “hai delles selmanes qu’informó a la conseyera de Cultura y Turismu de la so decisión de volver a la Universidá y dexar por ello’l cargu”, asegurando que la so dimisión ye por mor de motivos personales y profesionales. Na presentación de la nueva temporada de teatru de La Llaboral, Jesús López aseguró que dexa Recrea depués de dos años “d’enorme satisfaición, que van marcar la so vida”(¿?). 27 de xunetu, 2009 0 FacebookTwitterPinterestEmail
Sociedá El Bloque diz que l’Ayuntamientu quier desaniciar los chiringuitos nes Fiestes de San Mateo by asturnet 27 de xunetu, 2009 El Bloque por Asturies (BPA), siguiendo col so enfotu en criticar la postura l’Ayuntamientu al respective, denunció esti día “la intención del equipu de gobiernu del Partíu Popular n’Uviéu d’acabar colos chiringuitos de les fiestes de San Mateo”. Na nota de prensa el Bloque diz que “de va años p’acá tolos branos mos atopamos col mesmu cantar colos chiringuitos y los problemes que se-yos ponen”. Estes instalaciones son, según la nota, “la fonte de financiación principal de munches organizaciones, sociales, culturales y vecinales de la ciudá, a parte de representar lo poco que queda de popular nes fiestes de San Mateo; y la respuesta que reciben del equipu de gobiernu ye que cada vez tienen que pagar más por servicios de los que nun se beneficien sólo ellos”. Darréu d’ello, nesta organización tan convencíos dafechu que “el señor Arias-Cachero pasa de decidir qu’estética tienen que tener los chiringuitos, col sacrificiu económicu que supón el cambiu pa les asociaciones, a creese col derechu de poder fiscalizales y cuestionales públicamente”, denuncia’l partíu, integráu na coalición IU-BA-Verdes. El comunicáu pide sensatez “a los únicos responsables de querer zarrar los chiringuitos, que son el conceyal de Cultura Arias-Cachero, el conceyal de llicencies Alberto Mortera, y l’alcalde de la ciudá Gabino de Lorenzo”. 27 de xunetu, 2009 0 FacebookTwitterPinterestEmail