Comunicación ‘Al Aldu’ pasa a emitise a les 10:30 de la mañana na TPA by asturnet 7 de payares, 2007 Lúnicu programa diariu de la Televisión del Principáu dAsturies, Al Aldu, cambió dhorariu esta selmana y pasó a emitise a les 10:30 de la mañana de llunes a vienres. Al Aldu va siguir colos sos espacios habituales presentaos por Lluis Antón González, Carlos Suari, Miliol del Nido, Inaciu Galán y Mercedes Menéndez y con una duración dunos quince minutos diarios. Los llunes yel momentu pal humor y Al aldu dedical so tiempu a La risión, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Carlos Suari ta al frente de la sección deportiva A galmiaes, que percorre lactualidá deportiva dAsturies. Miliol del Nido lleva a los espectadores les sos Recetes con cuentu los miércoles, mientres que los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, con actividaes pa la fin de selmana. Pa los que nun pueden velos pela selmana, el programa repítese los sábados a les 10:30 y a les 12 de la mañana. El programa produzlo Saltadera, la productora dirixida por Antón García. 7 de payares, 2007 0 FacebookTwitterPinterestEmail
Sociedá El catedráticu de Filoloxía Vespertino Fernández fala sobre l’islam ya’l cristianismu by asturnet 7 de payares, 2007 “Islam y cristianismu” ye’l teme alredor del que va xirar la conferencia que va pronunciar esti miercoles Vespertino Fernández, catedráticu de Filoloxía Románica de la Universidá d’Uvieu. L’actu entama a partir de les 20:00 hores nel Club Prensa Asturiana d’Uvieu ya va escomenzar cola presentación del mesmu al cargu del profesor titular de Llingua Arabe de la Universidá d’Uvieu, Juan Carlos Villaverde Amieva. 7 de payares, 2007 0 FacebookTwitterPinterestEmail
ConvocatoriesFiestes Ábresel plazu pa presentar orixinales al Premiu de Narraciones Trabe 2007 by asturnet 6 de payares, 2007 Ediciones Trabe ta acabante dabrir el plazu pa presentar obrea al Premiu de Narraciones Trabe 2007. Un premiu que convoca cola ayuda de la Conseyería de Cultura del Principáu d’Asturies y que va alternando cada añu col Premiu Montesín de Lliteratura Xuvenil, que ganó na convocatoria de 2006 Adolfo Camilo Díaz, cola novela Khaos. El Premiu de Narraciones Trabe tien yá un prestixu bien importante, magar de que per unos años nun se convocacra. Nel 2005 ganó Xandru Fernández cola novela La banda sonora del paraísu, yá publicada. El premiu desti añu ta nos 3.000 euros y pueden presentase noveles o volúmenes de cuentos hastal 30 de payares. BASES: Primera: puen participar toles persones interesaes, soles o en grupu, ensin límite d’edá, con obres de narrativa en llingua asturiana, yá seyan noveles, recopilaciones de cuentos o cualesquier otra forma posible de narración. Segunda: los trabayos presentaos nun tendrán menos de sesenta páxines DIN A-4 o foliu mecanografiaes a doble espaciu per una sola llana (1.800 caracteres). Han ser ineditos y han tar ensin premiu n’otros concursos como conxuntu, quier dicise, puen presentase obres de les qu’apaecieren fragmentos publicaos, o recopilaciones de cuentos onde hebia dalgún editáu. Tercera: el premiu tien una dotación de 3.000 euros en conceptu de drechos d’autor, la so publicación dientro de dalguna de les colecciones de la casa editorial y una escultura orixinal de María Jesús Rodríguez realizada a costafecha pal premiu. El xuráu pue partilu, conceder accesit, recomendar la publicación d’otres obres o dexalu desiertu según aconseye la calidá de los trabayos presentaos. Cuarta: les obres han mandase, per correu o en mano, en cuatro copies a Ediciones Trabe, S. L., c/ Padre Buenaventura de Paredes, 4, 33001 d’Uvieu, enantes de les 24 hores del día 30 de payares de 2007, faciendo constar la siguiente lleenda: PREMIU DE NARRACIONES TRABE 2007. Puen presentase de dos xeitos: firmando col nome, dirección y telefonu o baxo plica, quier dicise, figurando dientro d’un sobre zarráu los datos del autor y fuera’l títulu de la obra presentada y l’alcuñu col que se presenta, d’habelu. Quinta: el xuráu tará formáu por persones relacionaes col ámbitu de la lliteratura asturiana. Como secretariu o secretaria, con voz pero ensin votu, actuará un representante d’Ediciones Trabe. Sexta: al fallu del xuráu nun se pue retrucar. Fairáse públicu enantes del día 31 de xineru de 2008. El xuráu queda autorizáu a abrir la plica de les obres premiaes y de les que recomiende pa publicar. Pal casu de les obres que nun reciban premiu económicu, Ediciones Trabe tien que se poner d’alcuerdu col autor o autores enantes d’entamar la so edición. Setima: los trabayos que nun se premien volveránse a los autores, en pidiendolos estos, nos tres meses siguientes a que se dea conocencia del fallu. Desque pase esti plazu ensin que naide los reclame pasarán a formar parte del archivu editorial. Octava: presentase al premiu supón tar d’alcuerdu coles bases. Les cuestiones que se plantexen y que nun tuvieren establecíes nestes bases podrá resolveles el xuráu. Uvieu, 24 d’ochobre de 2007 6 de payares, 2007 0 FacebookTwitterPinterestEmail
Sociedá El CAO estrena nueva web sobre la manifestación del 24 de payares by asturnet 6 de payares, 2007 Conceyu Abiertu pola Oficialidá estrenó nueva páxina web, www.24payares.org, na que van informar de les novedaes alredor de la manifestación que ta convocada pal prósimu sábadu 24 de payares na estación del Norte d’Uvieu pa esixir la pa oficialidá del asturianu nel Estatutu d’Autonomía. La movilización va entamar a partir de les 18:00 hores y va cuntar cola actuación de La Bandina nel conciertu de cierre. Enantes de la marcha principal, Xixón, Aviles, La Pola Siero, La Felguera, Mieres y Trubia van ser escenarios d’otres marcheas a pie. La marcha de Xixón va salir a les 9:30 de la Gasolinera Foro; la d’Aviles a les 9:00 d’El Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza l’Ayuntamientu. La xente del occidente aconceyará en Trubia pa salir a les 12.00 dende l’Institutu. 6 de payares, 2007 0 FacebookTwitterPinterestEmail
ConvocatoriesFiestes El Xardín Botánicu Atlánticu acueye una llectura poética esti domingu by asturnet 4 de payares, 2007 El Xardín Botánicu Atlánticu acueye una llectura poética, una iniciativa que ta dientro del ciclu Lleer el paisaxe. Nesti casu los poetes convidaos van ser Herme G. Donis, Humberto Gonzali, Graciela Litvak, Pablo Rodríguez Medina, Pilar Sánchez García. Tolos visitantes van recibir un diariu y una consumición de baldre. L’actu va celebrase dende les 12:30 de la mañana. 4 de payares, 2007 0 FacebookTwitterPinterestEmail
Sociedá Ultimáu’l recorríu de la manifestación del 24-11 by asturnet 2 de payares, 2007 El Conceyu Abiertu pola Oficialidá entamó estos díes la campaña de convocatoria pa la movilización del sábadu 24 de payares col repartu de cien mil sobres de zucre rotulaos nestablecimientos hosteleros de toa Asturies del que ya diere cuenta Asturnews, pero amás yá tien preparada la organización de les marches que van aportar a Uviéu esi día dende estremaos llugares d’Asturies. Les seis marches a pie dende Xixón, Avilés, La Pola Siero, La Felguera, Mieres y Trubia que van aportar a Uviéu tienen un horariu qu’entama en dalgunos casos a les nueve la mañana pa poer llegar a les seis de la tarde a la Estación del Norte na capital uvieina. Sigún informa esti día’l blog “fueyaenblancu”la marcha de Xixón va salir a les 9:30 de la Gasolinera Foro; la dAvilés a les 9:00 dEl Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza lAyuntamientu. La xente del occidente aconceyará en Trubia pa salir a les 12.00 dende lInstitutu. Asinamesmo, les marches de Xixón y Avilés alcontraránse en Llugones a les 16:00; la de La Pola y La Felguera alcontraránse en Fonciello a les 14:00. La marcha del Caudal va tener el puntu dalcuentru en Les Segaes a les 16:30 y la marcha de Trubia fará parada en San Cloyo a les 14:30. Toles marches llegarán a la plaza la Estación del Norte a les 18:00, hora del entamu de la gran manifestación. El grupu La Bandina va actuar dandol cierre a esta xornada reivindicativa. 2 de payares, 2007 0 FacebookTwitterPinterestEmail
Sociedá La Caravana pola Oficialidá aporta a L.lena y Ayer by asturnet 1 de payares, 2007 Esti miércoles 31, a les 13 hores nel Hotel dAsociaciones de La Pola (L.lena) presentábase en rueda de prensa la Caravana pola Oficialidá que va recorrer los conceyos de L.lena y Ayer el sábadu 3 de payares. La Caravana, convocada pol Conceyu Abiertu pola Oficialidá, quaxunta más de 200 organizaciones de toa Asturies, va percorrer dende pela mañana Uxo, Felechosa, Cabanaquinta, Morea, Mieres, La Pola, Campumanes y Carabanzo. La hora de salida ye a les 10:30 de la Escuela La Salle dUxo, nacabando la caravana va facese una espicha en Carabanzo pa depués rematar los actos con un conciertu nel Teatru Vital Aza a les 19h onde van participar: Liseo (gaitiru de Carabanzo), Pingüínos Asesinos, Adizión Etílika y Fala non Caduca, toos ellos grupos del conceyu de L.lena. El CAO pretende averar a los conceyos la llingua asturiana y la necesidá de quesista un marcu llegal pa la llingua asturiana como ye la oficialidá na prosima reforma estatutaria. Nesti sentíu, la caravana ye un actu más colos quel Conceyu Abiertu pola Oficialidá quier animar a la xente a que participe na prósima manifestación pola oficialidá de la llingua asturiana que se va facer el 24 de noviembre a les 18h nUvieo. La manifestación cuenta con 6 marches a pie dende distintes zones dAsturies (Xixón, Caudal, Nalón, Avilés, Trubia, Siero), que van xuntase na Estación de la Renfe donde va salir la menifestación. 1 de payares, 2007 0 FacebookTwitterPinterestEmail
Sociedá Yá pue tomase un café con zucre pola oficialidá del asturianu by asturnet 31 d'ochobre, 2007 El Conceyu Abiertu pola Oficialidá, organización quaxunta a más dun cientu dorganizaciones pola oficialidá del asturianu, ta acabante de sacar unos sobre de zucre con propaganda de la gran manifestación que se prepara pal próximu día 24 de payares nUviéu. Una iniciativa que quier dar a conocer la cita duna forma nueva y que ta yá distribuyéndose pelos chigres asturianos. La manifestación va salir esi día, a les 18:00 hores, de la Estación del Norte d’Uviéu col recorríu habitual hasta la Plaza de la Catedral, pero la novedá ye que se tán organizando distintes marches que lleguen a Uviéu pa xuntase toes nuna na cai Uría. Les marches van salir dende La Pola Siero, Xixón, Avilés, Trubia, Mieres y La Felguera. 31 d'ochobre, 2007 0 FacebookTwitterPinterestEmail
Sociedá La esperanza de vida de los asturianos ye de 79 años by asturnet 30 d'ochobre, 2007 La esperanza de vida al nacimientu n’Asturies aumentó en 4,95 años, pasando de los 74,81 de 1981 hasta los 79,76 del 2005, según les últimes tables de mortalidá nel nuesu país calculaes pol Institutu Nacional d’Estadística (INE) y espardíes esti llunes nun comunicáu. La esperanza de vida n’España xorreció en más de dos años ente 1995 y 2005 hasta superar los 80 años, según l’Instituto Nacional de Estadística (INE). 30 d'ochobre, 2007 0 FacebookTwitterPinterestEmail
Sociedá Más de 900 neños participen en Llanes na “Folixina del Tardíu” by asturnet 30 d'ochobre, 2007 Enantes del Festival “Llanes al Cubo”, que se cellebra na capital del conceyu durante’l primer fin de selmana de payares, los más neños tan participando dende ayeri na “Folixina del Tardíu”. L’ayuntamientu programó pa estos tres dies previos a los festeyos principales delles xeres en horariu escolar pa los escolinos de primer y segundu ciclu de primaria de tol conceyu. Ente les xeres que se vienen desendolcando estos díes destaquen los talleres de xuegos y deportes tradicionales de la cultura asturiana como carreres de sacos y tiru de cuerda y un espectáculu teatral basáu na herencia mitoloxíca asturiana 30 d'ochobre, 2007 0 FacebookTwitterPinterestEmail