Educación L’Academia amuesa so fonda esmolición énte la inseguridá xurídica que supón la decisión tomada en Filoloxía by asturnet 26 de xunu, 2008 L Academia de la Llingua Asturiana, énte lalcuerdu tomáu, el 24 de xunu, na Xunta de la Facultá de Filoloxía de la Universidá dUviéu, de nun incluyir lasturianu dientro del catálogu de maiores y minores, quier manifestar lo que vien darréu: 1.- La so reconocencia al Equipu Decanal saliente, porque dexando a un llau estigmes y prexuicios estrallingüísticos, inxertó lasturianu dientro de la propuesta del catálogu de maiores y minores a ufiertar nos nuevos títulos de Grau, al mesmu nivel quel restu de les llingües que simparten nestos momentos na mentada Facultá. 2.- La so fonda esmolición énte la inseguridá xurídica que supón la decisión tomada, darréu quésta asítiase oxetivamente a la escontra de los conteníos de la Llei dUsu del Asturianu de 1998 (Art. 17: «La Universidá dUviéu, nel exerciciu de les sos competencies y col fin de garantizar la capacitación afayadiza del profesoráu necesariu pa la enseñanza del bable/asturianu, llevará darréu, al traviés de los correspondientes departamentos, la formación inicial désti. Del mesmu mou, compete a la Universiá la investigación llingüística y filolóxica en rellación col bable/asturianu»). 3.- La so inquietú polos perxuicios causaos al alumnáu, al refugar un planteamientu académicu dafechu prudente y fondamente respetuosu col drechu a la llibre eleición per parte del mesmu, al proponer un bloque destudios dasturianu optativu y combinable, dun llau, y quatendía a les necesidaes reales de la demanda educativa del futuru profesoráu de Llingua Asturiana, dotru. Hai que conseñar, amás, que la propuesta cuntaba col sofitu científicu y cola esperiencia dun profesoráu que vien impartiendo materies rellacionaes col asturianu, dende va años, na Facultá de Filoloxía. 4.- La denuncia de los argumentos demagóxicos y alarmistes nos que se sofitaba la posición que foi aprobada, al entemecer lo académico colo político-ideolóxico, tal y como se pue apreciar, por exemplu, na llinia argumental que recoyía testualmentel documentu de la enmienda: «yo diz el proponente no puedo respaldar una inclusión que contribuye a reforzar la imagen del asturiano como lengua nacional, eventualidad que yo al menos no desearía ver realizada». 5.- El so enfotu en quel nuevu Equipu Decanal y la Xunta de Facultá seyan quien, xunto col Rectoráu y les autoridaes del Principáu dAsturies, a reconducir la situación presente y dar a los estudios dasturianul llugar que-yos correspuende, como una llingua más de les que sufierten na Facultá de Filoloxía, dientro de la estructura de los nuevos títulos de Grau. Y nun sedría aceutable nenguna otra solución intermedia. 6.- La petición a les fuerces polítiques parllamentaries asitiaes na Xunta Xeneral del Principáu pa quaborde la solución definitiva destos y otros problemes arreyaos al exerciciu de los derechos llingüísticos de los asturianos, pente medies del reconocimientu xurídicu del asturianu como llingua co-oficial nel Estatutu dAutonomía dAsturies. Llamenta lAcademia que se llegue a esta situación xustamente porque nun cumplieron les correspondientes autoridaes un pautu anterior de la mesma Facultá que pidió nel so día que se creare la especialidá de Filoloxía Asturiana. Según l’Academia, “cuando una demanda democrática nun satiende ta favoreciéndose que los intereses antidemocráticos actúen a la escontra de los más”. 26 de xunu, 2008 0 FacebookTwitterPinterestEmail
Educación Homenaxe na so xubilación a Pablo Xuan Manzano, maestru dasturianu y miembru de lALLA by asturnet 25 de xunu, 2008 Mañana xueves, 26 de xunu, la comunidá educativa del Institutu Juan José Calvo Miguel de Sotrondiu, va homenaxear por mor de la so xubilación al maestru de llingua asturiana y miembru de lALLA, Pablo Xuan Manzano Rodríguez. Lactu va consistir nun xinta nel restorán El Urugallo y nuna actuación del grupu Nuberu. Pablo Xuan Manzano ye profesor de Ciencies Naturales y de Llingua Asturiana y tien, ente otros reconocimientos, el premiu Urugallo de bronce del Centru Asturianu de Madrid. Nel actu va facese homenaxe tamién a la profesora de matemátiques Aurora Suárez, que tamién ye directora del grupu de teatru de Bimenes, Refaxu, formáu namás por muyeres. 25 de xunu, 2008 0 FacebookTwitterPinterestEmail
Educación Ana Cano dimite como Decana dempués del trunfu duna enmieda contra lasturianu na Xunta de la Facultá de Filoloxía by asturnet 25 de xunu, 2008 La presidenta de lAcademia de la Llingua Asturiana, y hasta agora Decana de la Facultá de Filoloxía de la Universidá d’Uviéu, anunció ayeri labandonu del so puestu al frente de la institución académica. La razón ye la victoria duna enmienda que torga l’aprobación del nuevu estudiu de grau de Llingües Modernes, onde s’inxertaba dafechu la enseñanza d’asturianu. La enmieda foi presentada pol profesor titular del área de Llingua Española, Félix Fernández de Castro y recibió 34 votos a favor, 30 a la escontra y 7 en blanco. La propuesta impulsada por Ana Cano, torgada por esta decisión, inxertaba una titulación de Llingües Modernes na que sumaríen un total de 120 créitos nuna combinación de Llingua A (72 créitos) y Llingua B (48 créitos), una fórmula cola que la llingua asturiana podría optar a formar parte de cualesquier de los dos bloques, n’igualdá de condiciones con toles demás llingües modernes que sufierten anguaño como llicenciatures. Na defensa de la propuesta dAna Cano salió a la defensa, Ramón d’Andrés Díaz, profesor de la facultá y miembru de la Xunta de Facultá. 25 de xunu, 2008 0 FacebookTwitterPinterestEmail
Educación El rector entama a desdecíse de les sos promeses de campaña pa col asturianu by asturnet 25 de xunu, 2008 El nuevu Rector de la Universidá d’Uviéu, foi entrugáu esti llunes, na constitución del Claustru Universitariu, por un miembru de Fai! sobre les midíes, no que cinca a la normalización llingüística, que se comprometiere durante la campaña electoral a llevar alantre, pidiendo información sobre cuáles diben ser y cuándo diben entamar y la rempuesta del Rector, descrita por FAI na so páxina web ye nidia de que vieno acabante d’entamar a desdecíse de les sos promeses. Sigún asoleya la organización estudiantil na só páxina web, “un representante de Fai! nel Claustru -l’únicu miembru del sector d’estudiantes qu’intervino- instó al nuevu Rector a que se pronunciare sobre les necesaries midíes qu’han desendolcase pa la normalización llingüística del idioma na universidá asturiana, l’usu alministrativu, la visibilización esterna de la llingua en toles estayes de la institución asina como pola urxente falta de resolución del conflictu coles titulaciones de Filoloxía Asturiana y el títulu d’espertu en Llingua Asturiana en Maxisteriu. La rempuesta per parte de V.Gotor pasa por aparcar, pel momentu, el tema de les nueves titulaciones de filoloxía y maxisteriu énte la reforma y adaptación al EEd’ES (Espaciu Européu d’Educación Superior) d’estos títulos propios y, en resume, reduz la política llingüística, a la presencia del asturianu, xunto col inglés, nel web de la Universidá y a que se permita a los investigadores l’usu del idioma asturianu nos sos trabayos d’investigación, siempre acordies cola calidá certificada de los mesmos, ensin esclariar custiones tan importantes como si va haber una planificación global en materia llingüística col so presupuestu asignáu, qué decisiones se van tomar pa evitar cualquier tipu de discriminación por mor del usu de la llingua asturiana, qué posición va defender el Rector no tocante a los títulos de o cuándo van entamar a ponese en marcha eses midíes.” 25 de xunu, 2008 0 FacebookTwitterPinterestEmail
Educación El CUPA repulsa la decisión de la Xunta de Facultá de nun incluyir Filoloxía Asturiana nos nuevos títulos by asturnet 25 de xunu, 2008 El Conceyu Universitariu pol Asturianu (CUPA)fizo públicu un comunicáu nel que manifiesten la so “repulsa ya indignación” énte la decisión de la Xunta de la Facultá de Filoloxía d’aprobar la enmienda del profesor Félix Fernández de Castro a la propuesta d’estudiu de Grau de Llingües Modernes presentada pol equipu decanal que presidía hasta ayeri Doña Ana María Cano. Esta propuesta presentada a la Xunta de la Facultá de Filoloxía, y que foi defendida por Doña Ana María Cano y pol tamién profesor Don Ramón d’Andrés Díaz, suponía, pal CUPA “un cambiu radical no que cinca al estudiu de la llingua asturiana na Universidá d’Uviéu, asitiándola al mesmu nivel que llingües como l’inglés o’l francés”. La Xunta de Facultá y “por una escasa mayoría de 34 votos frente a 30 votos” optó por aprobar una enmienda que pal CUPA “marxina a la llingua d’Asturies na Facultá de Filoloxía, continuando col absurdu de que primen unos prexuicios acientíficos e ideolóxicos de calter xacobín sobre la necesidá de que la Universidá d’Uvieu seya una Universidá de y pa la sociedá asturiana”. Pa la dirección del CUPA, “la esistencia d’una Universidá nun se xustifica en sí mesma sinón en función d’un serviciu a los asturianos, pa lo que ye imprescindible que los estudios de Filoloxía recueyan l’estudiu de la llingua del nuesu país”. Amás, quixeron aplaudir “la decicisón de Doña Ana María Cano, de nun ser cómpliz de l’absurda decisión de la Xunta de Facultá y dimitir”. El CUPA espera “que se tomen midíes pa dar marcha atrás a esta decisión irracional de sacar al asturianu de la Universidá”. Páxina del CUPA 25 de xunu, 2008 0 FacebookTwitterPinterestEmail
Educación La intolerancia y el prexuiciu ganen na Xunta de Facultá de Filoloxía by asturnet 25 de xunu, 2008 La Xunta pola Defensa de la Llingua Asturiana, nun comunicáu que facía públicu esta mañana, quier “llamentar el resultáu de la votación fecha ayeri martes 24 na Xunta de la Facultá de Filoloxía onde se decidía la estructura de les titulaciones de Grau. Na propuesta del equipu decanal la Filoloxía Asturiana teníal sitiu dignu que se venía reclamando dende hai venti años. La victoria nes votaciones de la enmienda en contra presentada pol profesor Félix Fernández de Castro vuélvenos a los tiempos escuros de la Universidá cuando la intolerancia y el prexuiciu valtaron una vez y otra tolos intentos de que lasturianu tuviere presente de manera digna nos estudios universitarios de Filoloxía. Nun fai falta recordar que la Universidá dUviéu ta obligada, como máxima institución académica dAsturies, a protagonizar lestudiu científicu y el llabor investigador sobre la nuestra realidá llingüística. Negar quhaya una titulación dAsturianu nos planes oficiales destudiu cuando sí la hai dotres llingües supón nega-y a la nuestra cualquier salida aceptable. ¿En qué otra Universidá si nun ye la dAsturies va poder estudiase lasturianu?”. La enmienda presentada pol profesor Félix Fernández de Castro nel sentíu de negar la entrada de la Filoloxía Asturiana pa evitar la politización de la universidá, ye pala Xunta “una muestra, precisamente, de la politización de dellos sectores universitarios que nun admiten la normalidá y que nel estudiu de les llingües minoritaries ven una amenaza pal so estatus personal”. A estes altures de sieglu, cuando por fin se taba superando una etapa danormalidá, cuandol patrimoniu llingüísticu asturianu diba atopar lapoyu y lestudiu de la máxima institución académica dAsturies, cuando yá sescaecieren les cruzaes de los «sensatos y pensantes», reculamos de golpe venti años. Ye una vergüenza pa la Universidá dUviéu, pal autor de la enmienda y pa los profesores que votaron a favor della o sabstuvieron, que nuna institución onde tenía que pesar el criteriu científicu y académicu mande más el provincianismu acérrime, la inorancia y la politización más demagóxica. La Xunta pola Defensa de la Llingua Asturiana quieren dexar clarul so apoyu a la ex-Decana de la Facultá de Filoloxía, Ana Cano, a tol so equipu y a tolos profesores que mantuvieron la dignidá de la institución apoyando la so propuesta. Nuna Asturies normal, onde la llingua tuviere lestatus oficial que merez y ondel Gobiernu y tola clas política defendiere con toles consecuencies el nuestru patrimoniu cultural, diba ser intolerable que naide plantegare que la Universidá dUviéu-y zarrare la puerta en focicu al estudiu científicu del asturianu na Facultá de Filoloxía. La Xunta pola Defensa de la Llingua Asturiana “esixe al Gobiernu asturianu y al rector Vicente Gotor que condenen esti determín inaceptable que dexa fuera de la Universidál mayor patrimoniu cultural dAsturies.” 25 de xunu, 2008 0 FacebookTwitterPinterestEmail
Educación La Xunta denuncia que’l colexu La Milagrosa dUviéu oculta la información pública pa la matriculación dasturianu by asturnet 25 de xunu, 2008 La Xunta pola Defensa de la Llingua Asturiana acaba denunciar un casu nuevu dataque a la llingua asturiana nel sistema educativu, que “vuelve evidenciar la precariedá llamentable y la situación dallegalidá na que satopen los derechos llingüísticos y educativos nAsturies”. Según delles denuncies feches por dalgunos padres a la Xunta pola Defensa de la Llingua Asturiana, “nel colexu La Milagrosa, nel conceyu dUviéu, tán negándo-yos el derechu de matricular a los fíos na asignatura dasturianu con mentires quincumplen la llei y con ocultaciones de les informaciones asoleyaes pa les matriculaciones. Como, por exemplu, nun dexar que puean facelo nun cursu si nun lo ficieren nún anterior, lo que va contra la circular que se mandó dende la Conseyería dEducación quaclaraba que sí podía facese. Según la Xunta, ye pregrave que nesti colexu se te dando la información interesada de que les clases dasturianu nun son pa los colexos concertaos sinon pa la enseñanza pública, lo quincumple la llei quafita lenseñu dasturianu tanto pa los colexos públicos como pa los concertaos y quobliga, nos dos casos, a la ufierta pública de matriculación. La Xunta pola Defensa de la Llingua va facer llegar bien llueu esta denuncia a la Conseyería dEducación pa que tome cartes nel asuntu y sigue esti casu tan grave de violación de derechos llingüísticos y educativos. Amás, ye preocupantel papel que desempeña la inspección de la Conseyería porque ye rarul día que nun llega a la Xunta pola Defensa de la Llingua dalguna denuncia o quexa por parte de los padres nel periodu de matriculación. Añu tres añu venimos teniendo que denunciar situaciones como esta, que se repiten sistemática y xeneralizadamente ensin que la Conseyería dEducación faga nada por garantizar el cumplimientu de la llei. Nel mes de febreru pasáu la Xunta pola Defensa de la Llingua Asturiana convocaba una movilización pa denunciar la precariedá de lasignatura que cuntó col apoyu unánime de tolos sindicatos denseñanza y que, por desgracia, volvió chocar cola indiferencia absoluta de la Conseyería dEducación. Agora, tres la presentación duna campaña gubernamental pafalar a la matriculación na asignatura dasturianu, la Xunta pola Defensa de la Llingua Asturiana quier recordar que la primer campaña que habíen facer ye la del cumplimientu de la llei, garantizando que toos aquellos que quieran cursar lasignatura dasturianu puedan facelo ensin llimitaciones nin coacciones: que sufierte lasignatura en tolos centros, en tolos niveles y pa tolos escolinos y escolines. Pala Xuntra , “nun ye tolerable que na Asturies del sieglu XXI se siga prohibiendo estudiar y conocer la llingua propia a miles destudiantes de toles etapes que lo piden voluntariamente”. 25 de xunu, 2008 0 FacebookTwitterPinterestEmail
Educación Esmolición en Política Llingüística pola votación en Filoloxía by asturnet 25 de xunu, 2008 La Directora Xeneral de Política Llingüística, Consuelo Vega, en declaraciones a Europa Press, amosaba güei la so esmolición pola decisión de la Xunta de Filoloxíua, pol fechu de que pueda suponer la “renuncia”, pola parte de la Universidá, “a lliderar los estudios sobre la llingua asturiana y da-yos rigor académicu, científicu, porque atalanto que ye’l sitiu ideal pa que dende ellí se impulsen todlos análisis relacionaos cola Filoloxía Asturiana”. La Directora recordó-y tamién a Europa Press que’l so llabor, nel Principáu, ye la promoción de la llingua y nesti sen destacó la “importante” lliteratura del idioma, enforma analizada en dellos estudios de la Universidá. 25 de xunu, 2008 0 FacebookTwitterPinterestEmail
Música Felpeyu destaca na nueche Folk de San Xuan en Llugones by asturnet 23 de xunu, 2008 El parque de la Paz de Llugones ye’l llugar de celebración de la fiesta de San Xuan y la tradicional foguera desti añu que va completase con una nueche folk. Los conciertos entamarán a les diez y media de la nueche, cola actuación de la “Bandina la Curuxa”, cuartetu asturianu que recientemente presentó’l so primer discu. Tres de la Foguera actuará la banda irlandesa “Beoga” y pesllará la Nueche “Felpeyu”, a partir de les dos menos cuarto de la madrugada. 23 de xunu, 2008 0 FacebookTwitterPinterestEmail
Música La Ilesia de San Pedru de Tinéu acueye un conciertu del Coru Villa de Bual by asturnet 20 de xunu, 2008 Mañana sábadu 21 de xunu, a les ocho la tarde y na ilesia de San Pedro de Tinéu. Va celebrase un conciertu del Coru Villa de Bual, dientro del ciclu Ronda per Asturies Caxastur 2008. El coru ta formáu por 21 voces mistes y tolos sos integrantes son vecinos del conceyu de Bual. Tien un repertoriu ampliu, onde que sinclúi música asturiana, habaneres y música popular española. 20 de xunu, 2008 0 FacebookTwitterPinterestEmail