Sociedá 11 de cada 100 congresistes visitaron Asturies nel añu 2007 by asturnet 15 de xineru, 2008 L11% de les persones quen 2007 fueron a un congreu tuvieron como llugar darribada Asturies. El nuesu país conviértese asina na cuarta comunidá autónoma con más congresos, superada namás por Madrid, Andalucía y Cataluña. Los datos diéronlos estos díes la Conseyera de Cultura y Turismu, Encarna Rodríguez y la Directora Xeneral de Turismu, Elisa Llaneza. Pa la Conseyera esti ye un fitu, pues les comunidaes que mos superen son les más potentes del país. Amás recordó que se creció un 28%» nun periodu que nun inclúi tol añu, porque los congresos se celebren ente xineru y mayu y en setiembre y ochobre. 15 de xineru, 2008 0 FacebookTwitterPinterestEmail
Educación LAcademia abre güei un plazu de diez díes papuntase a la prueba de conocencia del 26 de xineru by asturnet 14 de xineru, 2008 L’Academia de la Llingua Asturiana abre güei llunes el plazu papuntase a la primer prueba añal de conocencia de la llingua asturiana. LALLA abre esta posibilidá sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu. Papuntasel plazu ta abiertu hastal 26 de xineru que vien. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). Resulta imprescindible conocer les xeneralidaes gramaticales de la llingua asturiana y los aspeutos básicos de la so normativa ortográfica Asina mesmo, lAcademia aconseya la llectura de testos fechos acordies cola normativa, como los asoleyaos pola Institución. LALLA fai dos convocatories añales onde poder evaluase de teoría gramatical: conocencia y dominiu del funcionamientu gramatical del asturianu y de la normativa académica; práutica escrita: emplegu amañosu de la llingua, puestu en práutica gracies a exercicios gramaticales y de composición escrita y práutica oral: emplegu faláu de la llingua, nuna situación real o imaxinaria, que se va valorar nuna conversación colos miembros del xuráu calificador. Tamién ha tenese conocencia del allugamientu de la llingua dientro de la sociedá asturiana asina como del procesu de normalización en que ta inxerta. P’apuntase pue dirixise unu, hastal 24 de xineru, a les oficines de l’ALLA, na cai Marqués de Santa Cruz, 6, 2u, d’Uviéu. Cualesquier dulda pue resolvese al traviés del teléfonu 985 21 18 37 o del corréu alla@asturnet.es 14 de xineru, 2008 0 FacebookTwitterPinterestEmail
Educación La Oficina de la Llingua de Xixón convoca dos places pa becarios by asturnet 14 de xineru, 2008 Como cada añu, la Oficina de la Llingua de Xixón, convoca dos beques de formación especializao en xestión del patrimoniu cultural. Les beques que sotorguen dempués del procesu descoyeta van allargase hastal 31 davientu de 2008, con polo menos, siete hores diaríes nhorariu de mañana. Cada beca ta dotada con 6.010 euros. Bases completes de les beques na web de la Oficina 14 de xineru, 2008 0 FacebookTwitterPinterestEmail
Educación LALLA va asoleyar un llibru de testu dalfabetización del asturianu padultos by asturnet 10 de xineru, 2008 LAcademia de la Llingua Asturiana dio anuncia estos díes duna nueva publicación de la institución, Xeitu. Manual pal deprendimientu de la Llingua Asturiana, un llibru de testu coordináu pol escritor Xandru Martino Ruz nel que participó lequipu de profesores dadultos de lAcademia de la Llingua Asturiana. Con esta nueva obra lALLA quier siguir col so llabor entamáu nel añu 2004, el denomáu Cursos dAlfebitazación en Llingua Asturiana pAdultos, que buscaba da-yos formación sobre escritura y llectura, a falantes patrimoniales dasturianu, amás de sirvir pa los nuevos falantes. 10 de xineru, 2008 0 FacebookTwitterPinterestEmail
Educación Antonio Cueto améstase a la carrera pa suceder a Juan Vázquez na Universidá by asturnet 9 de xineru, 2008 Antonio Cueto Espinar anunció esti miercoles la so dimisión del cargu de Vicerector d’ordenación academica y profesoráu que ocupaba anguaño pa concurrir a la carrera pol puestu de rector de la Universidá d’Uvieu. Cueto pidió’l sofitu de la comunidá universitaria pa siguir trabayando na modernización de la institución al travies d’un proyectu con marcáu calter continuista. Cueto ye catedráticu de Medicina Preventiva y Salú Pública y, amás de Vicerector na institución academica asturiana tuvo al frente de la Conseyería de Servicios Sanitarios del Principáu nel gobiernu del Partíu Popular (y darreu cola URAS). El restu de candidatos a suceder a Juan Vázquez son Paz Andres, Santos González, y Vicente Gotor, que ya se presentó nes anteriores elecciones saliendo derrotáu pol actual rector. Tanto Cueto como Paz Andres, primer muyer na hestoria que opta al cargu y Santos González, catedráticu de Álgebra pertenecieron nel so día al equipu de trabayu de Juan Vázquez mientres que Gotor un llinia dixebrada del proyectu d’anguaño. 9 de xineru, 2008 0 FacebookTwitterPinterestEmail
Sociedá La Mesa pola Normalización Lingüística de Galicia detecta no que va de cursu un “incumprimento masivo” de la docencia oral en gallegu by asturnet 9 de xineru, 2008 La Mesa pola Normalización Lingüística detectó no que va de cursu un “incumprimento masivo” de la docencia oral en gallegu, especialmente n’Educación Infantil, polo qu’urxe a la “Consellería de Educación” un “Plan de Formación en Galego para o profesorado”. Según publica esti martes Europa Press, el presidente de la Mesa, Carlos Callón, afitó esti ámbitu como principal núcleo deficiente nel cumplimientu del “Decreto do Galego no Ensino”, qu’entró en vigor nel presente cursu, y sobre’l que dixo tar “esperanzado” d’equí a que fine’l cursu pa que les cifres de cumplimientu “evolucionen”. La Mesa pola Normalización pide que tanto la Consellería de Educación como la Secretaría Xeral de Política Lingüística actúen pa paliar esta situación y sofiten la edición de los llibros de testu necesarios pa les enseñances nos qu’entá se detecten necesidaes abondes. 9 de xineru, 2008 0 FacebookTwitterPinterestEmail
Sociedá La Mesa pola Normalización Lingüística de Galicia detecta no que va de cursu un “incumprimento masivo” de la docencia oral en gallegu by asturnet 9 de xineru, 2008 La Mesa pola Normalización Lingüística detectó no que va de cursu un “incumprimento masivo” de la docencia oral en gallegu, especialmente en Educación Infantil, polo qu’urxe a la “Consellería de Educación” un “Plan de Formación en Galego para o profesorado”. Según publica esti martes Europa Press, el presidente de la Mesa, Carlos Callón, afitó esti ámbitu como principal núcleo deficiente nel cumplimientu del “Decreto do Galego no Ensino”, qu’entró en vigor nel presente cursu, y sobre’l que dixo tar “esperanzado” d’equí a que fine’l cursu pa que les cifres de cumplimientu “evolucionen”. La Mesa pola Normalización pide que tanto la Consellería de Educación como la Secretaría Xeral de Política Lingüística actúen pa paliar esta situación y sofiten la edición de los libros de texto necesarios pa les enseñances nos qu’entá se detecten necesidaes abondes. 9 de xineru, 2008 0 FacebookTwitterPinterestEmail
Sociedá El comerciu dAvilés va usar lasturianu nes Rebaxes diviernu by asturnet 8 de xineru, 2008 La Estaya de Llingua Asturiana d’Avilés va desenrrollar una campaña de normalización llingüística nos comericos de la ciudá coincidiendo coles rebaxes d’iviernu quentamen estos díes. La campañana va consistir nel repartu de cartelos y material publicitariu nasturianu. Nuna primer etapa van repartise cartelos anunciadores de les rebaxes d’iviernu, darréu van repartise bolses de plásticu con una lema n’asturianu y na cabera fase, van distribuyise lletreros anunciadores colos nomes de les frutes, verdures, carnes y pescaos. Otres ciudaes como Xixón yá entamaron campañes asemeyaes nos últimos meses. 8 de xineru, 2008 0 FacebookTwitterPinterestEmail
Sociedá Morrió l’ex-conceyal asturianista en Villaviciosa Mundo Collada by asturnet 8 de xineru, 2008 Na madrugada d’esti martes 8 de xineru morrio Mundo Collada, asturianista que foi conceyal por Villaviciosa ente 1995 y 2003, dempues d’una complicación nuna operación quirurxica. Retiráu del mundiu políticu dende 2003 por propia iniciativa, Collada foi un de los primeros conceyales asturianistas de la hestoria pol Partíu Asturianista; grupu del que coló na so última epoca nel consistoriu por desalcuardos cola llinía política. Tres retirase de la política n’activu, que non de la reivindicación, Mundo Collada exercía como enólogu nos llagares Sidras de El Gaitero en Villaviciosa. 8 de xineru, 2008 0 FacebookTwitterPinterestEmail
Sociedá Cangues d’Onís aprobó la toponimia de la Xunta y espera l’aprobación del conseyu de gobiernu by asturnet 8 de xineru, 2008 El Conceyu de Cangues ta acabante de da-y el preste a les denominaciones tradicionales de los llugares de Cangues d’Onís qu’estudió enentes la Xunta de Toponimia. Los nomes de pueblos como’l Colláu l’Andrín, Cañu, Llueves, Següencu o Cuandonga/Covadonga (un de los que van cuntar con doble acepción) tendrán que ser aprobaos agora nel Conseyu de Gobiernu del Principáu. 8 de xineru, 2008 0 FacebookTwitterPinterestEmail