Educación La Xunta denuncia que delles escueles de Siero nun dexen matricular a los neños n’asturianu by asturnet 20 de xunu, 2008 La Xunta pola Defensa de la Llingua Asturiana vieno acabante denunciar esti vienres dos casos nuevos dataque a la llingua asturiana nel sistema educativu, que vuelven evidenciar la precariedá llamentable y la situación dallegalidá na que satopen los derechos llingüísticos y educativos nAsturies. Según delles denuncies feches por dalgunos padres a la Xunta pola Defensa de la Llingua Asturiana, nes escueles Maestro Sarregui y Celestino Montoto de La Pola, conceyu de Siero, “tán negándo-yos el derechu de matricular a los fíos na asignatura dasturianu con mentires quincumplen la llei”. Ente les “mentires” de les que fala la Xunta alcontraríase, por exemplu, nun dexar que puean facelo nun cursu si nun lo ficieren nún anterior, “lo que va contra la circular que se mandó dende la Conseyería dEducación quaclaraba que sí podía facese”. Tamién se dal casu desvialos a lasignatura de Cultura Asturiana, que yá nun esiste dendel cursu 2007/08. Otru casu más grave tovía ye ver cómo la dirección del Celestino Montoto niegal derechu a estudiar asturianu porque los grupos nun-y vienen bien a él a la hora dorganizase, como dixol director públicamente. La Xunta pola Defensa de la Llingua va facer llegar bien llueu esta denuncia a la Conseyería dEducación pa que tome cartes nel asuntu y sigue esti casu tan grave de violación de derechos llingüísticos y educativos. Amás, pala Xunta “ye preocupantel papel que desempeña la inspección de la Conseyería porque ye rarul día que nun llega a la Xunta pola Defensa de la Llingua dalguna denuncia o quexa por parte de los padres nel periodu de matriculación. Añu tres añu venimos teniendo que denunciar situaciones como esta, que se repiten sistemática y xeneralizadamente ensin que la Conseyería dEducación faga nada por garantizar el cumplimientu de la llei”. Nel mes de febreru pasáu la Xunta pola Defensa de la Llingua Asturiana convocaba una movilización pa denunciar la precariedá de lasignatura que cuntó col apoyu unánime de tolos sindicatos denseñanza y que, pordesgracia, volvió chocar cola indiferencia absoluta de la Conseyería dEducación. Agora, tres la presentación duna campaña gubernamental pafalar a la matriculación na asignatura dasturianu, la Xunta pola Defensa de la Llingua Asturiana quier “recordar que la primer campaña que habíen facer ye la del cumplimientu de la llei, garantizando que toos aquellos que quieran cursar lasignatura dasturianu puedan facelo ensin llimitaciones nin coacciones: que sufierte lasignatura en tolos centros, en tolos niveles y pa tolos escolinos y escolines. Nun ye tolerable que na Asturies del sieglu XXI se siga prohibiendo estudiar y conocer la llingua propia a miles destudiantes de toles etapes que lo piden voluntariamente”. Uviéu, 20 de xunu de 2008 Xunta pola Defensa de la Llingua Asturiana 20 de xunu, 2008 0 FacebookTwitterPinterestEmail
Educación L’Autónoma de Barcelona desmárcase de la obligatorieda de que’l profesoráu conoza’l catalán by asturnet 20 de xunu, 2008 La Universidá Autónoma de Barcelona (UAB) desmarcóse esti vienres del conveniu aprobáu la selmana pasada y fechu públicu’l día anterior, pol que los profesores universitarios van tener d’acreditar el nivel C de catalán pa ser contratos como personal fixu. La vicerrectora d’estudiantes, Dolors Ribas, declaró esta mañana que la so universidá ta “en desacuerdu” cola propuesta y anunció que la UAB “nun va dir na direición de pidir acreditación llingüística –nivel C de Catalán– pa consursar”. Esta crítica naz de que, pa la UAB, hai d’escoyer a los profesores “en función del talentu y la capacidá docente y científica” y poro, insistió en que la so institución “nun lo ve bien”. Nesti llinia, ribas indicó que la so voluntá ye “apostar por una plantiya de calidá”. Nesti sen, llamentó que la propuesta “va reducir l’universu” de personal. Ribas detalló que’l rector de la UAB, Lluís Ferrer, “caltúvose al marxe” na votación de la propuesta que se realizó en Girona. Amás, afirmó que’l conveniu “llenda les posibilidaes” y especificó que la so universidá convoca beques y recibe soliditudes “de tol mundu”. Ribas sentenció: “queremos poder facer convocatories internacionales”. Sin embargu, Ribas indicó la intención de la so universidá pa que se “aprenda” el catalán. Esplicó que, nesti momentu, ofrecen soluciones pa que los profesores se formen y adelantó que la UAB tien previstes más midíes al respeuto. “Ye bono que los profesores seyan trillingües”, añadió. El conveniu del CIC contempla, según declaró ayeri a Europa Press la comisionada d’Universidaes, Blanca Palmada, que pue quedar exentos dalgunos perfiles d’investigación y llingüísticos d’enseñances de tercer ciclu, según escueya cada rector. 20 de xunu, 2008 0 FacebookTwitterPinterestEmail
Educación El Baille y la pandereta protagonicen los cursos de branu del MPA by asturnet 19 de xunu, 2008 El Baille y la pandereta protagonicen los cursos de branu del Muséu del Pueblu d’Asturies que van desendolcase nel mes de xunetu. “La pandereta asturiana, téuniques y estilos” y “Introducción al baille asturianu: bailles de panderu y pandereta” son los dos cursos que tien programaos el Muséu pa esti verano y que van celebrase a lo llargo de dellos díes de xunetu. “la pandereta asturiana, téuniques y estilos” (códigu 213) ye un cursu que va impartir la profesora Marta Elola y que va desendolcase en 12 hores espardíe nun h0rariu de 10,30 a 14,30 hores los díes 11, 12 y 13 de xunetu de 2008. “Introducción al baille asturianu: bailles de panderu y pandereta” (códigu 214) ye l’otru cursu qu’ufre’l Muséu y del que ye profesora Maribel Parrondo. Con 20 hores de duración va impartise de 11 a 13,30 hores los díes 1, 2, 3, 4, 8, 9, 10 y 11 de xunetu de 2008. Pa matriculase los interesaos puen facelo n’internet, caxeros ciudadanos y oficines d’atención al ciudadanu. 19 de xunu, 2008 0 FacebookTwitterPinterestEmail
Educación SUATEA y el Conceyu Universitariu pol Asturianu reclamen esplicaciones a la UNED pola retirada de lasignatura dasturianu by asturnet 18 de xunu, 2008 El Conceyu Universitariu pol Asturianu (CUPA) y el sindicatu denseñanza SUATEA , tán acabantes de mandar sendes reclamaciones a la dirección de la Universidá Nacional dEducación a Distancia (UNED) y al so Centru Universitariu dIdiomes a Distancia (CUID) por mor de la retirada de lasignatura dasturianu de la ufierta prevista pal cursu 2008-2009 na UNED. Dendel CUPA, quixeron esixir que se recupere la iniciativa y el cursu que vien lasturianu tea presente na UNED, pa que la llingua asturiana safite y espardal so usu y enseñu dientro del ámbitu universitariu, tamién a distancia, una propuesta que como recuerda SUATEA, un principiu taba aceutada y agora de bones a primeres nun la aprueben, por mor de problemes teúnicos.Dambes organiciones coinciden en ver nesta retirada problemes provenientes de la falta doficialidá de la llingua asturiana, amás de les torgues quel Gobiernu dAsturies pon a toa iniciativa que suponga un avance pa la normalización de la llingua asturiana, según comenten dendel CUPA nun comunicáu. Amás, recuerden les dos organizaciones, la importancia tanto del aumentu de la ufierta denseñu del asturianu, pa formar a los maestros y profesionales del campu llingüísticu, como dafitar nel nuevu Estatutu dAutonomía la oficialidá de la llingua asturiana. Recuerda tamién el CUPA la importancia que tien pal futuru de la llingua dAsturies la implantación de la titulación de llingua asturiana nel futuru sistema européu de graos, al mesmu nivel que les demás llingües europees (castellán, inglés, catalán, francés ). La UNED va impartir cursos d’asturianu dende’l cursu que vien 18 de xunu, 2008 0 FacebookTwitterPinterestEmail
Sociedá Casu acueye una campaña de rexoyida selectiva de residuos by asturnet 18 de xunu, 2008 Esti miércoles, día 18 de xunu, a les 12 hores, l’alcalde de Casu, Elías Rodríguez Lozano, y el xerente de COGERSA, Santiago Fernández Fernández, presentaron a los medios el programa d’actividaes d’educación ambiental que se va a desenrrollar nel conceyu ente’l 19 y el 27 de xunu col obxetivo de facer alitar la participación ciudadana na recoyida selectiva de residuos. 18 de xunu, 2008 0 FacebookTwitterPinterestEmail
Sociedá Xorrez el númberu de falantes d’Euskera by asturnet 18 de xunu, 2008 El númberu de persones mayores de 15 años que falen euskera y castellan xorreció n’Euskadi durante los últimos 15 años, dende 1991 a 2006, un 6%. Trátase d’una meyora de 138.400 persones, lo que supón pasar de 419.200 billingües a 557.000, sigún se recueye na IV Encuesta Sociollingüística del Gobierno vasco, realizada al traviés de 7.200 cuestionarios y que se presentaba esti miércoles pela mañana. Anguaño, el 30,1% de la población de la Comunidá Autónoma Vasca ye billingüe y el 18,3% entiende l’euskera pero nun lu emplega davezu, frente al 51,5% que sólo fala y entiende’l castellán. 18 de xunu, 2008 0 FacebookTwitterPinterestEmail
Fiestes Xixón va celebrar nel Pueblu dAsturies una romería tradicional p’averar les tradiciones a la ciudá by asturnet 16 de xunu, 2008 El recintu del Muséu del Pueblu dAsturies de Xixón va acoyer el sábadu 28 desti mes una romeria tradicional, quorganiza la Conceyalía de Cultura Tradicional y Llingua Asturiana. Nel actu van incluye les actividaes tradicionales dun romería, incluyida una misa nasturianu, oficiada por J. Manuel García de Jesús, párrocu de San Antón de Padua (Uviéu) y presidente del Coleutivu Manuel Fernández de Castro. Na misa, va cantar Chucha de Nembra. A la fin de la mesma va entamase una danza prima alredor de la foguera, amás duna procesión, la puyal ramu, una amuesa de bailles asturianos, una partida de bolos, cuentacuentos, sesiones de xuegos tradicionales y un conciertu de La Bandina. Jesús Montes Estrada Churruca, Conceyal de Cultura Tradicional y Llingua Asturiana, comentó que con esta y otres actividaes quieren averar a la xente al Pueblu dAsturies y demostrar que nun ye una alfombra persa que ta ellí pa mirala y nun la pisar. El llíder dIzquierda Xunida contestó a la ironía de ser la so Conceyalía la quorganizara una misa, recordando la so creencia nel respetu y la llibertá. 16 de xunu, 2008 0 FacebookTwitterPinterestEmail
Fiestes Nuberu actua güei nes fiestes patronales de La Fresnera, nel conceyu de Siero by asturnet 13 de xunu, 2008 El célebre grupu formáu por Chus Pedro y Manolo Penayos, va tar güei nes abriendo les fiestes patronales de La Fresnera, en Siero, dientro de la so xira final de retirada del grupu. El conciertu va ser nel Centru Cultural a les 20:00 hores. Nuberu lleva nel mercáu musical asturianu dende 1978, cuando sacaron el discu Asturies, ayeri y güei. Dende entós convirtiéronse nuna de les bandes mítiques del Nueu Canciu Astur, con discos como Mineros y Agua de la fonte clara, ente otros. 13 de xunu, 2008 0 FacebookTwitterPinterestEmail
Fiestes La XII Fiesta de la Oficialidá de Bimenes yá tien programa dactividaes by asturnet 12 de xunu, 2008 El Conceyu de Bimenes tien yá peslláu programa dactividaes pa la XII Fiesta de la Oficialidá de la Llingua Asturiana, que va celebrase del 27 de xunu al 5 de xunetu. Ente los actos van tar la entrega del Concursu de Cuentos pola Oficilidá, una actuación de monólogu modernu, teatru, mercáu y la puyal ramu, ente otres. El vienres 27 xunu na Casa la Cultura de Santuyano, va celebrase a les 2000 hores la presentación del programa dactos de la XII Edición de la Fiesta de la Oficialidá de la Llingua Asturiana. Pero yál miércoles 25 xunu, y hastal 16 xunetu, na Casa la Cultura de Santuyano va poder vese la Esposición de les obres presentaes al V Concursu de Cómic nAsturianu de la Comarca de la Sidra, ente les 1530 y les 2030 hores. Yá pal mes de xunetu, el día 3, a les 2030 hores va tener llugar la representación de la obra País, una traxicomedia asturiana, de Dolfo Camilo Díaz, a cargu del grupu Teatru Casona. El 4 de xunetu a les 1945 hores van entregase los premios del XI Concursu de Cuentos pola Oficialidá del Asturianu. Darréu, a les 2030 hores, va ser el momentu pal monologuismu, cola representación de los monólogos Asturianos al volante y Les vacaciones, dIsaac de lArada ya Inaciu Galán , a cargu de Lluis Antón González, de Xareos!. El sabadu 5 de xunetu va ser el día grande. Nel prau de la fiesta (Xenra) y a les 1100 hores. Va abrise la VI Feria dArtesanía y Mercáu de Productos Agroalimentarios. A les 1200 hores va ser el pasacais de los grupos folklóricos Los Yerbatos (Bimenes) y Os Pauliterios de Constantin, de Miranda del Douro, hasta la Casona de los Careaga. La Casona de los Careaga va acoyer a les 1230 hores el pregón, a cargu de Xuan Xosé Mariño, fundador y direutor de Radio Sele. A la una la tarde va haber misa nasturianu, cantada por El Corriellu la Pandorga nel prau de la fiesta. A les 1330 hores va facese la Puyal ramu, cola collaboración de la Sociedá de Feries y Fiestes Nuestra Señora del Rosario de Santuyano. A les 1345 hores van actuar Los Yerbatos (Bimenes) y Os Pauliterios de Constantin (Miranda del Douro). Darréu, a les 1430 hores, va celebrase una Xinta popular con Bollu preñáu, empanada, casadiella y arroz con lleche. De tarde, ente les cuatro y les seis, va haber un taller de manualidaes pa neños, a cargu de lAsociación Sociocultural Afayáivos. Yá a les seis, va celebrasel IX Concursu de Gaiteros y Gaiteres Mozos y a les 1930 hores, una amosanza dentibadores mineros, a cargu del Club Deportivu dEntibadores del Caudal. Les fiestes van pesllase a partir de les once la nueche con un conciertu nel que van actuar La Bandina y DJ J15. Programa completu de les fiestes 12 de xunu, 2008 0 FacebookTwitterPinterestEmail
Sociedá Premiu Príncipe dAsturies pal buscador Google, que nun ufierta versión nasturianu pero sí en castellán, catalán, vascu y gallegu by asturnet 12 de xunu, 2008 El xuráu encargáu del Premiu Príncipe d’Asturies de Comunicación y Humanidaes dio anuncia ayeri de quel buscador Google yel ganador desta categoria pa la edición de 2008 por mor de la so contribución decisiva al progresu de los pueblos, penriba de les llendes ideolóxiques, económiques, llingüístiques y raciales. Google ufre dende va años versión en gallegu, catalán y vascu, pero non nasturianu, que nun ta ente les decenes de llingües nes que sufrel buscador. El xuráu solliñó revolución cultural que supunxo Google en malpenes una década, averando información de tol mundiu a millones de persones. La candidatura de Google foi propuesta por José Luis Pardos, embaxador d’España y miembru del xuráu, col sofitu d’Al Gore y Vinton G. Cerf El xuráu tuvo integráu por José Antonio Álvarez Gundín; Ignacio Bayón Mariné; Emilio Casinello; Alejandro Echevarría; Javier Gómez Cuesta; Javier González Ferrari; Álex Grijelmo; José Luis Gutiérrez; Miguel Ángel Liso; Manuel Lombardero; Ramón López Vilas; Catalina Luca de Tena; Hans Meinke; Ana Rosa Migoya; Jaime Montalvo Correa; Rosa Montero; Beatriz de Moura; Manuel Olivencia; Pedro Páramo; José Luis Pardos; Alberto Pico; José Antonio Sánchez; Ricardo Senabre; Jesús de la Serna; Enrique Ybarra y Juan Luis Iglesias Prada. 12 de xunu, 2008 0 FacebookTwitterPinterestEmail