Sociedá Carlos Suari y Sabel Tuñón esplicaron los conteníos del Cursu de Deportes y Xuegos tradicionales by asturnet 29 d'ochobre, 2008 La Casa Conceyu de Xixón acoyó ayeri la presentación de la Ier Escuela de Formación de Monitores de Deportes y Xuegos Tradicionales. Un cursu entamáu por El Garrapiellu y el Conceyu de Xixón que va entamar el llunes 3 de payares y que va tener llugar nel Pueblu dAsturies de Xixón. El responsable del cursu, Carlos Suari, y la encargada de la estaya de deportes tradicionales dEl Garrapiellu, comentaron ayeri diferentes aspectos del mesmu. Asturnews ufre los vidios de les intervenciones. Intervención de Carlos Suari: Intervención de Sabel Tuñón: El Garrapiellu tien abiertu’l plazu pal cursu de xuegos y deportes tradicionales 29 d'ochobre, 2008 0 FacebookTwitterPinterestEmail
Sociedá Aprobada la toponimia oficial del Conceyu Miranda by asturnet 29 d'ochobre, 2008 El Conseyu de Gobiernu aprobó esti martes 28 d’ochobre’l decretu colos topónimos oficiales del conceyu de Miranda. Miranda conviértese nel conceyu númberu 33que recupera la so toponimia tradicional. 29 d'ochobre, 2008 0 FacebookTwitterPinterestEmail
Sociedá La Mocedá asturiana ye la más adelantada y activa sexualmente d’España según l’informe “Mocedá n’Asturies 2008” by asturnet 29 d'ochobre, 2008 La Mocedá asturiana ye la más adelantada y activa sexualmente d’España y la más precavida nes sos rellaciones primeres nes que predomina la “monogamia sucesiva”, según l’informe “Mocedá n’Asturies 2008”, presentáu esti día nuna rueda de prensa pola Conseyera de Cultura y Turismu, Encarna Rodríguez Cañas y el director del Institutu Asturianu de la Mocedá, Guillermo Martínez. Los mozos asturianos tienen amás sueldos mayores que la media del Estáu, pero Asturies presenta la mayor diferencia de sueldos ente varones y muyeres con un 31%, escontra’l 23% estatal. 29 d'ochobre, 2008 0 FacebookTwitterPinterestEmail
Sociedá Gotor amuesa’l so compromisu cola llingua asturiana na presentación del Atlas Sonoru by asturnet 29 d'ochobre, 2008 El rector de la Universidá d’Uviéu, Vicente Gotor, afitó ayeri el so compromisu y el de la institución pa cola llingua y la cultura asturianes, nel actu de presentación nel Aula Magna del Atlas sonoru de la Llingua Asturiana, pero fízolo dafechu en castellán. Asturnews ufre nes páxines que vienen darréu la totalidá de les intervenciones nel actu, al travies de la so canal de You Tube. El rector dixo que la Univerisdá “tiene que ser muy sensible con la llingua” y nun pudo escaecer “los meses críticos que van a venir con la nueva estructura de los grados”, cola decisión que tien de motar la Xunta de Facultá de Filoloxía alrodiu de la presencia del asturianu nel mapa titulaciones. Vicente Gotor facía compaña al profesor ayudante de la Universidá Fernando Álvarez-Balbuena, qu’amosó na so intervención la importancia del proyectu, y a Jesús Suárez López, investigador del Muséu del Pueblu d’Asturies y director de la obra, que tamién faló en castellán. LAtlas Sonoru de la Llingua Asturiana tien como oxetu enllenar esta carencia y amosar la diversidá llingüística dAsturies de viva voz, pente medies de laudición de testimonios orales: mitos y lleendes, cuentos populares, romances, cantares, rellatos yvivencies de la vida cotidiana, narraos por falantes naturales de cada zona. Esta obra concíbese como un proyectu interdisciplinar y abiertu a la edición de grabaciones de campu feches por investigadores de diversos ámbitos académicos historia, filoloxía, musicoloxía, socioloxía, etnoloxía, antropoloxía, y tamién por profesores y alumnos de llingua asturiana, en particular, y toa mena de persones interesaes nel folclor, la lliteratura oral y la cultura tradicional dAsturies. Ente los años 2003 y 2008, el Muséu del Pueblu dAsturies (Rede de Museos Etnográficos dAsturies) tien editao cuatro CDs quabarquen una ventena de conceyos asturianos, cubriendo, en xunto, un terciu de la rexón. La edición desta serie de documentos sonoros espurriráse a entregues sucesives hasta algamar les cuatro grandes árees llingüístiques dAsturies (oriental, central, occidental y gallego-asturianu), nun total de 12 volúmenes. 29 d'ochobre, 2008 0 FacebookTwitterPinterestEmail
Educación Presentóse la Ier Escuela de Formación de Monitores de Deportes y Xuegos Tradicionales by asturnet 28 d'ochobre, 2008 Los conceyales Jesús Montes Estrada Churruca, responsable de Cultura Tradicional y Llingua Asturiana y José Ramón Tuero, responsable de Deportes presentaron la Ier Escuela de Formación de Monitores de Deportes y Xuegos Tradicionales, organiza por El Garrapiellu y el Conceyu de Xixón. Nel actu participaron tamién Roberto Colunga, asesor de Churruca, la responsable de xuegos tradicionales dEl Garrapiellu, Sabel Tuñón y Carlos Suari, director del cursu. Nes intervenciones, abiertes por Montes Estrada, coméntaronse los detalles desti cursu que va dellos díes yá adelantábemos nAsturnews. El propiu conceyal quixo recordar questi cursu quier ser namás un aniciu duna formación más continuada nel tiempu, col envís de potenciar la práctica de los deportes y xuegos tradicionales asturianos. El conceyal de deportes José Ramón Tuero esplicó como dendel Patronatu Municipal de Cultura veníen trabayando por xenerar esti interés. Amás adelantó que ta estudiándose la posibilidá de que los colexos xixoneses cuenten con esta acitvidá como actividá estraescolar, dalgo pa lo que ye necesario, dixol conceyal, los cursos que güei presentamos. Asturnews ufre los vidios de les intervenciones completes. Intervención de Churruca: Intervención de José Ramón Tuero: 28 d'ochobre, 2008 0 FacebookTwitterPinterestEmail
Educación Esti martes presentase nel Aula Magna l’Atlas Sonoru de la LLingua Asturiana cola presencia del Rector by asturnet 25 d'ochobre, 2008 Vicente Gotor Santamaría, Rector de la Universidá d’Uviéu, va presidir esti martes 29 la presentación del Atlas Sonoru de la Llingua Asturiana, que se va facer nel Aula Magna de la Universidá y na que van participar Fernando Álvarez-Balbuena García, profesor de la Facultá de Filoloxía (Seminariu de Filoloxía Asturiana) y Jesús Suárez López, investigador del Muséu del Pueblu d’Asturies y director de la obra. De fines del sieglu XIX, la llingua asturiana foi oxetu destudiu per parte de llingüistes y filólogos (Ake W. Munthe, Ramón Menéndez Pidal, María Josefa Canellada, Lorenzo Rodríguez-Castellano….) que publicaron obres de calter xeneral y monografíes dialectales de reconocida solvencia científica. Esti llabor destudiu allargóse tol sieglu XX, dando pie a una notable producción de publicaciones impreses, pero ensin dar a conocer un solu documentu sonoru quamosare la dimensión acústica desta llingua y de les sos variantes dialectales. LAtlas Sonoru de la Llingua Asturiana tien como oxetu enllenar esta carencia y amosar la diversidá llingüística dAsturies de viva voz, pente medies de laudición de testimonios orales: mitos y lleendes, cuentos populares, romances, cantares, rellatos yvivencies de la vida cotidiana, narraos por falantes naturales de cada zona. Esta obra concíbese como un proyectu interdisciplinar y abiertu a la edición de grabaciones de campu feches por investigadores de diversos ámbitos académicos historia, filoloxía, musicoloxía, socioloxía, etnoloxía, antropoloxía, y tamién por profesores y alumnos de llingua asturiana, en particular, y toa mena de persones interesaes nel folclor, la lliteratura oral y la cultura tradicional dAsturies. Ente los años 2003 y 2008, el Muséu del Pueblu dAsturies (Rede de Museos Etnográficos dAsturies) tien editao cuatro CDs quabarquen una ventena de conceyos asturianos, cubriendo, en xunto, un terciu de la rexón. La edición desta serie de documentos sonoros espurriráse a entregues sucesives hasta algamar les cuatro grandes árees llingüístiques dAsturies (oriental, central, occidental y gallego-asturianu), nun total de 12 volúmenes. 25 d'ochobre, 2008 0 FacebookTwitterPinterestEmail
Educación LAcademia presenta Xeitu, un nuevu manual pal deprendimientu de la llingua asturiana by asturnet 23 d'ochobre, 2008 Güei xueves, a les 1230 hores lAcademia de la Llingua Asturiana presentará en Llangréu, na Casa la Cultura de Sama asitiada na cai Dorado 6, el llibru Xeitu. Manual pal deprendimientu de la llingua asturiana, editáu pola propia institución faciendol númberu 2 de la coleición «Erbíes». Nel actu intervendrán la Conceyala de Cultura, Turismu y Política Llingüística del Ayuntamientu de Llangréu, Ana Oliva Rodríguez García, la Presidenta de lAcademia de la Llingua Asturiana, Ana Mª Cano González y el Responsable de Formación de de lAcademia de la Llingua Asturiana, Xosé Antón González Riaño. Xeitu yel primer manual de llingua asturiana empobináu dafechu pa lalfabetización dadultos. Recueye non sólo gramática y exercicios sobre la llingua, sinón tamién testos destremáu calter (lliterarios, rellacionaos cola llingua na cai, cola cultura tradicional ) que saxusten a les demandes del alumnáu de los cursos dasturianu padultos. La presentación, informa lAcademia, quier facese en Llangréu como reconocencia a los altos niveles d’usu y escolarización que la llingua asturiana siempre tuvo nesti conceyu. 23 d'ochobre, 2008 0 FacebookTwitterPinterestEmail
Educación LAyuntamientu dAstorga y lasociación La Caleya imparten un cursu dasturlleonés en collaboración cola ALLA by asturnet 22 d'ochobre, 2008 LAyuntamientu lleonés dAstorga y lasociación cultural La Caleya abrieron yál plazu dinscripción pa les clases de llingua asturlleonesa correspondientes al cursu 2008-2009. Según comunicó lasociación La Caleya dAmigos y Falantes del Asturllionés, les novedaes desti añu pasen pola collaboración, nesta iniciativa, de la Academia de la Llingua Asturiana y del centru cultural Astur-Gallegu de la capital maragata. Pa inscribise hai que se dirixir a la oficina de información del Ayuntamientu dAstorga; o pue consultase la web de lasociación www.lacaleya.org, que tamién pon a disposición de los interesaos el teléfonu 609 54 52 40. Les clases dasturlleonés que van dase nAstorga intenten ser fieles a la fala tradicional de les comarques lleoneses que mantienen la so llingua autóctona, sobremanera teniendo en cuenta la cercanía de la ciudá a comarques falantes como Cabreira, comenten los organizadores. Sicasí, nos cursos tamién amuesen a los alumnos la unidá de tol dominiu llingüísticu asturlleonés. 22 d'ochobre, 2008 0 FacebookTwitterPinterestEmail
Educación La Xunta de Personal Docente pide al conseyeru d’Educación un conceyu urxente by asturnet 22 d'ochobre, 2008 La Xunta de Personal Docente desisixó ayeri al conseyeru d’Educación, José Luis Iglesias Riopedre, un conceyu urxente pa tratar les condiciones llaborales del profesoráu. La entrevista solicitóse tres del conceyu con representantes del comité de directores de centros docentes d’Asturies pola situación que se ta viviendo nestos centros por mor de l’aplicación de la Resolución del 20 de xunu del 2008 de la Conseyería d’Alministraciones Públiques, na que se dicten los procedimientos d’execución del modelu de ‘Siguimientu de l’actividá profesional na Alministración del Principáu d’Asturies, los sos organismos y entes públicos’. 22 d'ochobre, 2008 0 FacebookTwitterPinterestEmail
Educación La Xunta pola considera irrenunciable un títulu de grau en Filoloxía Asturiana by asturnet 22 d'ochobre, 2008 La Xunta pola Defensa de la Llingua considera irrenunciable un “maior” en Filoloxía Asturiana y camienta convocar nueves movilizaciones tres una entrevista col Decanu de Filoloxía que va celebrar el próximu xueves 23 d’ochobre. Dende la Xunta pola Defensa de la Llingua Asturiana entiéndese que correspuende al nuevu rector, Vicente Gotor, y al nuevu decanu de Filoloxía, José Antonio Martínez, la busca duna solución satisfactoria a esta llamentable situación – acordies coles necesidaes y demandes de la sociedá asturiana y les sos instituciones- que tien que pasar pela incorporación de la llingua asturiana nos planes destudiu nes mesmes condiciones quel restu llingües, daqué que pue facese facese tomando una decisión dende les más altes instancies de la universidá y reconstruyendo con procuru la mayoría que siempre existió a favor de la llingua asturiana na Xunta de Facultá de Filoloxía pasegurar una votación que vuelva da-y al asturianu al rangu que merez. La Xunta alvierte que nun va aceptar soluciones parciales que sigan discriminando la nuesa llingua y a aquellos que voluntariamente quieran conocela y estudiala y quier anunciar la so entrevistal xueves 23 col nuevu decanu de Filoloxía na que la organización va tresmiti-y que nun va aceptar soluciones parciales que sigan discriminando arbitrariamente la nuesa llingua y va anuncia-y que nos próximos díes va retomar les movilizaciones pa informar a la comunidá universitaria de la situación y esixir que la llingua asturiana nun quede reducida a un Minor, como propón el decanu, porque supondría un retrocesu inalmisible 12 años depués de que la institución aprobare la creación duna llicenciatura y nun supón el necesariu esfuerciu pa reasitiar la llingua nel espaciu académicu que-y correspuende. Una llarga hestoria Nel añu 1996 la Facultá de Filoloxía aprobó la creación duna titulación de Llicenciatura en Filoloxía Asturiana. Dende entós hasta agora, esta decisión nunca pudo ser puesta en marcha pol bloquéu políticu del Conseyu dUniversidaes en Madrid, nun momentu nel que les titulaciones dependíen del pasu per esta institución estatal. La Llicenciatura en Filoloxía Asturiana foi apoyada tanto pola Universidá dUviéu al traviés de los sos órganos de gobiernu y del rector, como pol propiu Parlamentu Asturianu que en 2001 votó a favor de la mesma por unanimidá. Agora, énte la entrada en vigor del nuevu marcu européu pa los estudios de Filoloxía, abríase la posibilidá de situar a la llingua asturiana al mesmu nivel quotres llingües modernes nuna titulación de grau equivalente a les antigües llicenciatures. Sicasí, una enmienda de corte claramente políticu, que basabal so argumentariu en que la presencia del asturianu na universidá podría ser entendida como un pasu alantre hacia la oficialidá, salió respaldada por escasísimu marxe de votos nuna Xunta de Facultá na que quedaba menos de la metá de lasistencia inicial. 22 d'ochobre, 2008 0 FacebookTwitterPinterestEmail