Música Mamy Carter toca esti sábadu nel Teatru Riera de Villaviciosa by asturnet 24 de xunetu, 2009 El conciertu desti sábadu va ser un conciertu de rock alternativu al mou de los noventa, con bases rítmiques, samplers y referencies sonores de películes acompañaes de proyeiciones a cargu dAlejandro Camblor. El grupu ta formáu por Carlos Felipe Valdés (baxu y voz), Daniel García(guitarra y coros), Willy Lorenzo (guitarra y voz) y Jason Martínez (batería). Mamy Carter fórmase en Mieres en 1993. El so conciertu en Villaviciosa,entamáu pol área de cultura del conceyu, ye parte de la so vuelta a los escenarios tres duna trayectoria brillante nel rock de los 90. Anguañol grupu ta preparando temes nuevos nel so vieyu local densayu siguiendo cola so virtú de movese nestremaos terrenos estilísticos que llenden al norte con Sugar, al sur con Pavement, al este con Guided by Voices y al oeste cola llibertá de nun quedar etiquetaos netiquetes fates. Nagostu de 1994 grabaron la so primer maqueta producida por Carlos Redondo y al añu depués queden semifinalistes del II Concursu de Rock Universitariu Indivasion. En Setiembre del mesmu añu vuelven al estudiu pa grabar la so segunda maqueta, otra vuelta con Carlos Redondo y con cuatro temes: Helen, Wake Up, Telephone Call y Shake. Con esta maqueta preséntense al primer concursu de Radio Kras/Pronorte, xunto con más de sesenta grupos, y acaben ganándolu. En xineru de 1996 opten al II Concursu Imaginarock de Cadena 100 y queden finalistes y ganadores de la fase rexonal. En marzu de 1996 compiten nel III Concursu Nacional de Rock Universitariu y Otres Alternatives Oviedo Múltiple y resulten ganadores dente más de doscientos grupos. Esi mesmu branu participen nos Festivales Rock’on’Pilas (Granada), Pop-Zoblanco (Cordoba), Festimad (Madrid), Mantecada-Rock (Astorga) y Centollo Rock Festival (Asturias). En xineru de 1997 entren nel estudiu pa grabar el so primer trabayu, el mini CD Bikini, con Subterfuge Records, producíu por Carlos Redondo y que presenten nel festival Oviedo Múltiple 97, nel quamás consiguen el premiu Superventolín 97 al Grupu Revelación. 24 de xunetu, 2009 0 FacebookTwitterPinterestEmail
Música El Beltaine sigue dafechamente asturianu otra xornada by asturnet 23 de xunetu, 2009 El Beltaine supera esti día l’ecuador con un conciertu coral na Ilesia Nueva de Sabugo y les actuaciones de La Bandina y los escoceses Lau en Les Aceñes. El grupu d’El Franco Cadaba Folk peslló la nueche del miercoles nel Festival Beltaine d’Aviles nuna nueche asturiana na que tamién participaron les Pandereteres de Fitoria. Nel progama d’esti xueves del Beltaine avilesín destaca’l conciertu que va tener llugar en Les Aceñes a les 23 hores con La Bandina, lliderada por Santi Caleya, como platu principal xunta los escoceses de Lau. Esti grupu, compuesto por Aidan O’Rourke al violín, Kris Drever a la voz y guitarra y Martin Green al curdión, entamó n’Edimburgo en 2006 con estos veteranos músicos que ya pasaron por grupos como Blazin Fiddles, John Raes Celtic Feet o The Unusual Suspects. Munchu enantes, a les 20 hores hai dos alternatives bien interesantes pa publicos estremaos: na lPlaza Hermanos Orbón (Les Aceñes) ufrese un Conciertu didáuticu sobre La MUyr na Música Tradicional Asturiana, al cargu de l’asociación Batulax, y na Ilesia Nueva de Sabugo va entamar un cuartu d’hora depués un conciertu coral cola Asociación Escontra’l Raigañu y el grupu aerdydd de Gales. 23 de xunetu, 2009 0 FacebookTwitterPinterestEmail
Música Llngréu acueye esti sábadu’l IX Alcuentru de Bandes de Gaites SANTIAGO 2009 by asturnet 23 de xunetu, 2009 Entamáu pola Banda de Gaites Conceyu de Llangréu, esti sábadu 25 de xunetu va celebrase’l IX Alcuentru de Bandes de Gaites SANTIAGO 2009 nel que van participar la Banda de gaites NOEGA (Asturies), la Banda de gaites LA LAGUNA DEL TOROLLU (Asturies), la Banda de gaitas CHARAMUSCAS (Galicia), la Banda de gaites CONCEYU DE LLANGRÉU (Asturies), el Circle Celtique Saint-Nazaire (Bretaña) y el Grupu folk DUERNA y la collaboración de los hermanos Valle Roso. L’Alcuentru entama a les 21.30 hores con pasucáis de les bandes per Sama hasta´l Parque Dorado onde se va celebrar el conciertu a les 23 hores. 23 de xunetu, 2009 0 FacebookTwitterPinterestEmail
Música La primer biblioteca rockera abrióse en Londres esti día by asturnet 23 de xunetu, 2009 Mick Jones, ex guitarrista de la lexendaria banda punk The Clash, vieno acabante abrir en Londres una biblioteca dedicada al rock pa inspirar y educar a los amantes de la música. La biblioteca, qu’abelluga más de 10.000 artículos procedentes del archivu del guitarrista, allúgase na popular zona de Portobello Road, onde Jones y Joe Strummer fundaron The Clash en 1976. 23 de xunetu, 2009 0 FacebookTwitterPinterestEmail
Educación Daniel Cueli desplicó n’Avilés los privilexos de la muyer nes sociedaes céltiques by asturnet 23 de xunetu, 2009 El pedagogu y músicu Daniel Cueli faló esti miércoles nel Festival Beltaine avilesín de la muyer celta y los sos privilexos sociales, nuna conferencia que completaba les que dieren Berto Peñ y Fe Snoveña dende l’entamar de la selmana cola muyer na cultura tradicional asturiana como referencia. Na so conferencia, Danel Cueli fizo un repasu ales fuentes greco-llatines que nos falen del papel igualiariu que xugaba la muyer celta, que participaba del poder políticu y lluchaba nes guerres como los homes. La importancia del sistema matrillineal de descendencia de les tribus celtes y el papel que xugaba na sociedá la muyer, con aondos privilexios políticos y culturales, foron desplicaos por Cueli qu’asoleyó tamién la llibertá sexual d’aquella sociedá mui averada en costumes a la ‘anguaño y que se vió torgada pol xorrecimientu tardíu del cristianismu. 23 de xunetu, 2009 0 FacebookTwitterPinterestEmail
Música Dixebra anuncia nel Beltaine la so entrada nos estudios by asturnet 22 de xunetu, 2009 Dixebra ufrió na nuechi d’esti martes nel Beltaine d’Avilés un conciertu históricu,nel que Xne Eliope aprovechó pa facer anuncia de la so entrada nel estudiu pa grabar el nuevu discu, que tará peparáu pa esta seronda. Fala Non Caduca ya amosó delantre de Dixebrar que’l rock asturianu vive tan bon momentu como’l folk y que tien un públicu fiel y merecíu. Pero l’actuación de Dixebra cuntó con tolos ingredientes que fain de dellos conciertos un momentu inolvidable. Cola xente invadiendo l’escenariu a lo postrero una canción tres d’otra, la intelixencia y la esperiencia de los componenetes del grupu y de la seguridá del Festival Beltaine permitieron pone-y un broche doráu a un conciertu equilibráu onde sonaron cancios tan afitaos na colectividá rockera asturiana como tarien los mandamientos na piedra na que dicen se tallaron. 22 de xunetu, 2009 0 FacebookTwitterPinterestEmail
Música Fala non Caduda y Dixebra animen la nueche de pasu del ecuador del Beltaine avilesín by asturnet 21 de xunetu, 2009 El Festival Beltaine, que se desendolca esti añu n’Avilés per primera vegada, aporta esta nueche de martes al so ecuador cola actuación de los grupos asturianos Fala non caduda y Dixebra. El Festival va pasu ente pasu afitando l’interés de los avilesinos y de los aficionaos al folk asturianos con actuaciones como la que’l domingu ufrió domingo Fraser Fifield, miembro del grupo Old Blind Dogs, que se xubió al escenariu de Beltaine faciedo un tríu con Seb Rochford a la batería y Graeme Stephens a la guitarra. Durante la’actuación el tríu repaso los sos tres trabayos (Slow Stream, Honest Water y Traces Of Thrace) enllenos de temes tradicionales de la so Escocia de nacencia y la improvisación al más puru estilu Nueva Orleans. Esti martes tamién habrá un conciertu coral abondo interesante na Casa de la Cultura cola participación del Orfeón de Castrillón y el Coru bretón Pays Blanc-Pays Noir. Amás de la tradicional animación na cai de la man de la Reina del Truébano y los avilesinos Xaréu d’Ochobre. El programa d’esti día complétase con una conferencia qu’ufrirá Fé Santoveña sobre “Lo femenino na sociedá tradicional asturiana” nel Palaciu de Valdecarzana. 21 de xunetu, 2009 0 FacebookTwitterPinterestEmail
Música los Maestros Gaiteros y Liam O’Flynn encanten la nueche del sábadu nel Beltaine avilesín by asturnet 19 de xunetu, 2009 El públicu respondió na nueche del sádu n’Avilés a la convocatoria qu facíen los Maestros Gaiteros, l’escocés Fred Morrison, l’irlandés Henderson, l’asturianu José Manuel Tejedor, el gallegu Anxo Lorenzo y Liam O’Flynn na carpa que’l Festival Beltaine tien asitiada en Les Aceñes. 19 de xunetu, 2009 0 FacebookTwitterPinterestEmail
Educación El Congresu Beltaine de Periodismu analiza la información local especializada na Sociedá de la Información by asturnet 19 de xunetu, 2009 El profesor de la Universidá Rey Juan Carlos, Roberto de Miguel, inauguró esta mañana cola ponencia la segunda xornada del Congresu Beltaine de Periodismu y Cultura Tradicional en la Sociedá de la Información que se desendolca nel salón d’actos del Edificiu de Servicios de la Universidad d’Uvieu. A lo llargo del día amás de debuxase’l mapa informativu español de la Sociedad de la Información, el Congresu avérase a la “información local y la cultura tradicional” cola esperiencia d’Euzkadi, que va treslladar Leire Iturregi, de la Universidad del País Vascu y l’asturiana, de la mano del Profesor de la Universidá de Valladolid, Próspero Morán, el periodista y escritor Ignaciu Galán y el críticu musical Aelio Argel. Pela tarde, revisarase la historia dela rvista especializada Interfolk, que lleva 10 años de información, de la mano de Roberto Mezquita y el Congresu finará cola ponci “Comunicación y Cultura: el cas del Cirque du Soleil”, qu’ufrirá Laura Galguera, Vicepresidenta de l’Asociación Iberoamericana de la Comunciación (ASICOM) y Profesora de la Universidá d’Uviéu y académica visitante de la Universidá de Columbia. A les 9.45 de la mañana del sábadu, el Conceyal de Cultura d’Avilés, Román Antonio Álvarez inauguró esti Congresu Beltaine de Periodismu y Cultura Tradicional en la Sociedá de la Información nel salón d’actos del Edificiu de Servicios de la Universidad d’Uvieu que se desendolca durante too’l fin de selmana. El periodista Próspero Morán ufiertó la so conferencia La cultura tradicional na sociedá de la información onde auguró un negru futuru a los medios de comunicación tradicionales. A continuación, Darío Pescador (periodista especializáu ninformación dixital), na su conferencia La información musical nos medios dixitales coindició na predicción y denominó a los actuales medios de comunicación xeneralistes como “los últimos dinosaurios a la espera del meteorito de la extinción”. Finó les charles de la mañana Ignacio Gómez (subdirector de Conteníos dEntretenimientu de RTVE) qu’esplicó les caberes novedaes na páxina web de l’ente públicu. El papel que va garrando el telefonu móvil na difusión de la cultura centró la conferencia de la profesora Carmen Galera qu’anició la tarde de I Congresu de Perodismu Beltaine. La docente de la Universidá Juan Carlos I enfrentábase al turnu de preguntes nel Edificiu de Servicios Universitarios d’Avilés con un públicu enforma participativu. A continuacion tocó-y el turnu al periodista de Abc.es, Pedro de Alzaga, que faló de La informaciónP cultural y la tecnoloxía, averando a los asistentes a les esratexes que tan entamando a plantegar los medios de comunicación nos Estaos Xuníos. Finó la primera xornada, Ignacio Martin-Granados, Director del Gabinete de l’Alcaldía del Ayuntamientu de Segovia y Profesor de la Universidad de Valladolid que falaba de “El papel de los eventos culturales na comunicación institucional”. 19 de xunetu, 2009 0 FacebookTwitterPinterestEmail
Conceyos Los servicios de normalización llingüística nos conceyos van tar presentes nel Beltaine by asturnet 17 de xunetu, 2009 Un stand los Servicios de Normalización Llingüística nos Conceyos va tar presente a lo llargo de los díes que dura’l Festival avilesín Baltaine. El puestu va contener “una amuesa de lo que fuimos faciendo a lo llargo de los años”, según comenten los sos responsables de la Rede de Normalización Llingüística nos Conceyos, qu’axunta los servicios de tolos ayuntamientos y mancomunidaes que tienen estes oficines en funcionamientu. 17 de xunetu, 2009 0 FacebookTwitterPinterestEmail