Lliteratura Berta Piñan y Subirats averen la poesía femenina al CILLA by asturnet 8 de payares, 2007 La poesía femenina y feminista foi la protagonista de la mañana de la cabera xornada del CILLA 2007 con dos prestoses conferencies que sobre la poesía femenina nel contestu de les llingües minoritaries ufrieron Berta Piñan y Jaume Subirats qu’acercaron la poesía asturiana y la catalana dende esa perspectiva femenina. La mañana nel CILLA acoyó la presencia de Marta Fernández Morales de la Universidá de les Illes Balears que faló dende les 09:30, sobre lliteratura n’asturianu y catalán y l’escritor Xose Lluis Campal que pronunciaba la conferencia “Lliteratura asturiana y prensa decimonónica. Xenealogía d’una recepción”. Tres del descansu les xeres del congresu siguieron cola ponencia de Jaume Subirats alredor de la poesía de Berta Piñán y María-Merce Marçal y la conferencia de la propia Berta Piñán sobre’l trabayu de les muyeres na poesía asturiana contemporanea. 8 de payares, 2007 0 FacebookTwitterPinterestEmail
Comunicación ‘Al Aldu’ pasa a emitise a les 10:30 de la mañana na TPA by asturnet 7 de payares, 2007 Lúnicu programa diariu de la Televisión del Principáu dAsturies, Al Aldu, cambió dhorariu esta selmana y pasó a emitise a les 10:30 de la mañana de llunes a vienres. Al Aldu va siguir colos sos espacios habituales presentaos por Lluis Antón González, Carlos Suari, Miliol del Nido, Inaciu Galán y Mercedes Menéndez y con una duración dunos quince minutos diarios. Los llunes yel momentu pal humor y Al aldu dedical so tiempu a La risión, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Carlos Suari ta al frente de la sección deportiva A galmiaes, que percorre lactualidá deportiva dAsturies. Miliol del Nido lleva a los espectadores les sos Recetes con cuentu los miércoles, mientres que los xueves ye Inaciu Galán lencargáu dacercanos lactualidá internacional más entretenida con Xente de casa. Al aldu termina la so selmana los vienres con Mercedes Menéndez y la so Axenda dAsturies, con actividaes pa la fin de selmana. Pa los que nun pueden velos pela selmana, el programa repítese los sábados a les 10:30 y a les 12 de la mañana. El programa produzlo Saltadera, la productora dirixida por Antón García. 7 de payares, 2007 0 FacebookTwitterPinterestEmail
Lliteratura Xuan Bello presentó “Al Dios del llugar n’Uviéu” by asturnet 7 de payares, 2007 L’escritor Xuan Bello presentó la edición n’asturiano-idioma orixinal nel que foi escrita la obra-del so llibru “Al dios del llugar”. L’actu cellebroe na Plaza’l Pescáu d’Uvieu (Trescorrales) y garro forma d’un alcuentru coloquial colos llectores nel que Bello firmó exemplares d’esti trabayu a los asistentes. Xunto col autor tuvo presente Eduardo Carruebano,f otografu responsable de toles semeyes que’acompañen la lletra de Xuan Bello nel llibru. “Al Dios del llugar”, espublizáu apocayá na so torna al castellán fala a la ciudá na que vive Xuan Bello dende va 30 años y de la que ye parte indisoluble. L’escritor de Paniciellos compón un retratu d’un espaciu urbanu que medra en círciulos y dende la memoria forma un trabayu que garra l’apariencia, en gran midía, d’una oración d’agradecimientu a Uvieu. 7 de payares, 2007 0 FacebookTwitterPinterestEmail
Lliteratura Pablo Rodríguez Medina y Sidoro Villa ganadores del concursu de cuentos d’El Garrapiellu by asturnet 7 de payares, 2007 Pablo Rodríguez Medina resultó ganador del XVI Concursu de Cuentos Curtios d’El Garrapiellu col cuentu ‘Graziela con zeda’. Un premiu de 900 euros al que se sumen otros 300 pal accésit, algamáu pol cuentu ‘Escuridá’ de Sidoro Villa. Rodríguez Medina ye un habitual d’esti premiu, nel que yá algamó delles vegaes el primer premiu y onde l’añu pasáu resultó accésit. Sidoro Villa ye autor, d’ente otros llibros, del cuentu infantil ‘Nun-yos tengas percegera’. 7 de payares, 2007 0 FacebookTwitterPinterestEmail
Lliteratura Preséntase en Xixón “La Maginot cantábrica”, un llibru que describe los 50 escenarios más emblemáticos de la guerra civil n’Asturies by asturnet 7 de payares, 2007 Col enfotu d’entremecer escursionismu con un repasu históricu a los escenarios clave de la Guerra Civil Española ñació “La Maginot cantábrica, 50 rutas por escenarios de la guerra civil en Asturias y León”: obra de Luis Aurelio González Prieto, Loli Palomares y Jose Luis Argüelles., que se presenta esti miercoles nel centru municipal de El Llanu de Xixón a partir de les 19:00 hores. La obra, editada por ediciones desnivel, ufre un paseu pola memoria histórica de la guerra civil n’Asturies al travies d’una guía didáctica sobre delles rutes de montaña acompañada de les semeyes históriques sobre’l confliutu del fotógrafu Constantino Suárez. 7 de payares, 2007 0 FacebookTwitterPinterestEmail
Lliteratura Candás va celebrar la IV Selmana de la Cultura Astur by asturnet 6 de payares, 2007 El Grupu de Baille Tradicional San Félix vieno acabante de facer públicul programa de la IV Selmana de la Cultura Astur, que va celebrase en La Baragaña (Candás) los díes 10 y 11 de payares. Lactu va cuntar con un amagüestu popular y la II Feria del Discu y el Llibru nAsturianu. Nesta feria van presentase munches de les novedaes lliteraries y musicales desti añu 2007. El día 10 a les seis de la tarde va entamar esta II Feria del Discu y del Llibru nAsturianu cola presentación del númberu trés de la revista lliteraria Formientu, que ta dedicada a la lliteratura erótica de los escritores más mozos. Media hora más tarde Xurde Fernández va presentar el llibru Volver, espublizáu pola editorial Ámbitu. A les siete va acutar el grupu Xentiquina pa los neños del conceyu. A les ocho la tarde va presentase Vía de Serviciu, el primer llibru de la Editorial Suburbia y a les ocho y media, Pablo Texón, Sergio Camblor y Pablo X. Suárez van facer un llectura de poemes. A les nueve la nueche va pesllasel día cola actuación del dúu Mestura, quanguaño promocional discu Agua del norte. Yál día 11, a les seis menos cuartu, repite Mestura, pero esta vegada pa los neños, cola actuación y los Poemes de carambelu de Marisa y Luis. A les seis y media preséntase la revista Remanecer, que llega yá al so segundu númberu. A les siete, Alberto Álvarez Peña presenta la Guía de la Mitoloxía Asturiana, de la Editorial CH. Los actos de pieslle desta IV Feria va centrala la presentación del tercer númberu de la revista El Cuirno a les siete y media y un conciertu de música tradicional a les ocho la nueche. Dos díes nos que Candás va convertise na capital de la música y la lliteratura nasturianu. 6 de payares, 2007 0 FacebookTwitterPinterestEmail
Lliteratura Aconceyól xuráu del Concursu de Cuentos Curtios dEl Garrapiellu by asturnet 6 de payares, 2007 Ayeri pela tarde aconceyó nel Café Dindurra de Xixón el xuráu del XVI Concursu de Cuentos Curtios El Garrapiellu, formáu polos escritores Inaciu Galán, como secretariu, Xuan Bello, Lourdes Álvarez, y Pablo Rodríguez Alonso, ganador del añu pasáu, y pola maestra dasturianu Beatriz Martín. Los premios desti XVI Concursu tán conformaos por un primeru de 900 euros y un Accésit de 300 pal segundu. Los resultaos del XVI Concursu de Cuentos Curtios El Garrapiellu van facese públicos nun actu que va celebrasel próximu día 15 de payares na Llibrería Alborá de Xixón. Nesi mesmu actu va presentase la Tercer Antoloxía de Cuentos Curtios premiaos pola Tertulia Cultural El Garrapiellu. 6 de payares, 2007 0 FacebookTwitterPinterestEmail
Lliteratura García Arias ufre soluciones pa modelos formales de llingua na xornada inaugural del Congresu Internacional de Lliteratura by asturnet 6 de payares, 2007 Xosé Lluis García Arias punxo munchos puntos sobre les “íes” más conflictives del procesu normativizador de la llingua asturiana, les que van a la gueta de modelos prestosos de llingua tanto nel planu lliterariu como nel de los medios de comunicación, na conferencia inaugural del Congresu Internacional de Lliteratura Asturiana que se desendolca nel salón d’actos del la Facultá de Filoloxía de la Universidá d’Uviéu. Arias entamó faciendo hestoria de los modelos lliterarios criticando a los que asitien l’entamu d’esos modelos nes dómines de la transición del sieglu pasáu, hai menos de trenta años. El salón d’actos del campus del Milán d’Uviéu acoyó la so conferencia entitulada “De llingua y Llliteratura” cola que s’averó a les dificultaes cimeres de la llingua na comunicación d’anguaño y criticó delles ufiertes que se fain dende ámbitos lliterarios tracamundiando conceptos. El programa del llunes completóse a les 19:30 hores cola actuación de la banda ribeseyana Corquieu. Les xeres pa esti día 6 entamen dende bien tenpranu, a les 09:30 hores cola participación de Marcela Romano de la Universidá de Mar del Plata d’Arxentina que va falar sobre “L’orbayu nos llabios. Botas sobre la canción de autor asturiana”. Otros participantes n’esta primer sesión van ser Xandru Martino, Xosé Antón Fernández o José Enrique Gargallo. El director d’Asturnews, Próspero Morán va pronunciar, durante la xornada del martes 6, una conferencia sobre comunicación embaxo’l nome “Periodismu cultural y lliteratura asturiana” a les 17:15 hores. Y el día va finar con una mesa redonda na que van participar Ana Vanessa Gutierrez, Pablo Texón y Berto García alrodiu del panorama poéticu asturianu. 6 de payares, 2007 0 FacebookTwitterPinterestEmail
Lliteratura La música popular protagoniza la mañana del martes nel CILLA 2007 by asturnet 6 de payares, 2007 La música protagonizó la mañana desti martes 6 de payares nel Congresu Internacional de Lliteratura Asturiana, coles conferencies quufrieron Marcela Romano, José Antonio Gómez y y Dolfo Camilo Díaz que fizo un analís ente irónicu y sarcásticu de los intentos de crear una zarzuela nacional asturiana y de la hestoria del patrimoniu musical asturianu nesi contestu, col mayestro Romo y Pachín de Melás como referencies cimeres duna llarga llista dautores que van de Francisco García Comba a dellos más actuales. La segunda xornada del Congresu Internacional de Lliteratura Asturiana entamó cola conferencia de la profesora Marcela Romano de la Universidá Nacional de Mar del Plata LOrbayu nos llabios: notas sobre la canción de autor asturiana y siguió con un profundu averamientu del profesor de la Universidá dUviéu José Antonio Gómez a El cancionero musical de la lírica popular asturiana de Eduardo Martínez Torner. Tres del descansu, Dolfo Camilo Díaz ufrió Unes notes al musical asturianu: lo que pudo ser, pa acutar los intentos qua lo llargo la hestoria se ficieren nasturies na estaya musical cola llingua asturiana como vehicular. Del 1864 y Marirreguera a 2003, Carreño foi ún de los exemplos quapurriera Dolfo Camilo Díaz col musical José basáu na novela homónima de Palacio Valdés, que sestrenó en Candás. Como tamién lo fueron Carlos Rubiera y los sos proyectos cola OSPA o Ramón Prada y la so Céltica nuna conferencia tan curiosa como prestosa. La xornada de la mañana pesllola Jesús Suárez López, responsable del Archivu de la Tradición Oral del Muséu del Pueblu dAsturies, cola conferencia Realidá y ficción nel cuentu folclóricu. La perspectiva del narrador. 6 de payares, 2007 0 FacebookTwitterPinterestEmail
Lliteratura Presentasé en sociedá l’Asociación d’Archiveros del Principáu d’Asturies by asturnet 5 de payares, 2007 Eesti llunes 5 de payares presentase en sociedá l’Asociación d’Archiveros del Principáu d’Asturies nun actu públicu que se va cellebrar nel Club Prensa Asturiana d’Uvieu (Calvo Sotelo, 7) a les 20:00 hores. Amás de la presentación de la sociedá l’actu tamien va cungar cola presencia de l’archivera Antonia Heredia Herrera que presentará’l so llibru ¿Que ye un archivu?. La doctora Antonia Heredia Herrera fue Directora del Archivu Xeneral d’Andalucía y ta considerada como un referente nel campu archivísticu 5 de payares, 2007 0 FacebookTwitterPinterestEmail