Sociedá La Xunta de Galicia fai una declaración institucional de sofitu a la candidatura galaico-portuguesa a la UNESCO by asturnet 13 d'ochobre, 2005 El gobiernu de la Xunta de Galicia firma una declaración institucional en sofitu de la candidatura del patrimoniu oral gallegu-portugués a Obra Maestra del Patrimoniu Oral Inmaterial de la Humanidá. L’executivu que preside’l socialista Touriño col apoyu del Bloque Nacionalista Galego (BNG) respalda asina oficialmente una iniciativa pendiente de resolver por un xuráu internacional de la UNESCO y qu’inclúi ente los territorios culturales de fala galaico-portuguesa delles fasteres d’Asturies. Na declaración de la Xunta de Galicia afírmase que “la cultura oral común galego-portuguesa conforma un ampliu abanicu de manifestaciones lliteraries, musicales y etnográfiques, enraigonaes na tradición y que perviven inda n’amplies zones del territoriu comprendíu ente’l Douro y el Cantábricu como expresiones d’una continuidá histórico-cultural que se remonta a más de 2.000 años” y considera que “esta comunidá cultural milenaria ta perdiendo vitalidá y munches manifestaciones que la constitúin tán en peligru de desaparición”. El pronunciamientu de la Xunta ye’l primeru que fai oficial el nuevu gobiernu de coalición PSdG-BNG a la candidatura que ya cuntó col respaldu del anterior executivu del PP, presidíu por Manuel Fraga. En medios prósimos a los promotores de la candidatura celebrábase esta declaración como un impulsu necesariu de les másimes instituciones gallegues nun momentu nel que la UNESCO ta a piques de decidir si concede la consideranza de Obra Maestra del Patrimoniu de la Humanidá a la cultura y la fala galaico-portuguesa. El testu de la candidatura preentada pola asociación cultural Ponte…nas Ondas inclúi dellos territorios pertenecientes a Asturies y nos últimos tiempos faise manifiestu’l rechazu qu’esta y otres iniciatives de promoción del idioma gallegu nel esterior tan provocando nos conceyos del Navia-Eo. Nos últimos díes diversos medios asturianos ficiéronse ecu del disgustu bultable qu’espresen alcaldes de la zona. Tamién l’Academia de la Llingua Asturiana fizo públicu’l so rechazu a les pretensiones de promocionar el gallegu en territoriu política y culturalmente asturianu y la organización nacionalista Andecha Astur presentó diverses iniciatives nos conceyos d’Entrambasaguas col fin de que solicitasen a la UNESCO la so esclusión de la candidatura promovida por Galicia y Portugal. 13 d'ochobre, 2005 0 FacebookTwitterPinterestEmail
Sociedá Política Llingüística y el Seminariu de Filoloxía Asturiana programen dos cursos de capacitación by asturnet 13 d'ochobre, 2005 La Conseyería de Cultura va presentar esti llunes dos cursos programaos pola Oficina de Política Llingüística en colaboración col Seminariu de Filoloxía Asturiana. Los ciclos formativos van entamar nes prósimes selmanes y van empobinaos a profesionales de la información y encuestadores orales, respectivamente. El cursu destináu a periodistes ye de nivel básicu de llingua asturiana y va impartise ente’l 25 d’ochobre y el 15 d’avientu. L’otru cursu va formar encuestadores de dialectoloxía, toponimia y cultura popular y ta programáu pa celebrase del 11 de payares al 17 d’avientu. 13 d'ochobre, 2005 0 FacebookTwitterPinterestEmail
Sociedá IX de Corvera entama un festival contra la política cultural del Ayuntamientu by asturnet 12 d'ochobre, 2005 L’agrupación local d’Izquierda Xunida de Corvera organiza un festival contra la política siguida pol equipu de gobiernu municipal del PP en materia de cultura y patrimoniu. La coalición d’izquierdes xúntase con esta iniciativa a les denuncies que dellos colectivos ciudadanos del conceyu corverán dirixen contra los responsables de xestionar la política cultural. El festival va entamase’l prósimu sábadu 15 d’ochobre a lo llargo de tol día con actuaciones teatrales, musicales, charles, debates y actividaes lliteraries. Cola convocatoria d’esta xornada de protesta IX de Corvera quier denunciar el retrocesu vivíu pola política cultural del conceyu dende la llegada al poder de la coalición USPC-PP. El festival “Contra’l xenocidiu cultural en Corvera” escomienza’l sábadu 15 a les 10.30 de la mañana con pasucais de gaiteros y remata a les 23.00 con un conciertu de K-Nalón y Dixebra, Contra’l xenocidiu cultural en Corvera 12 d'ochobre, 2005 0 FacebookTwitterPinterestEmail
Sociedá El Principáu presenta enmiendes sobre Muyer y Probeza nel Plenu européu de les Rexones by asturnet 12 d'ochobre, 2005 El director xeneral de Relaciones Esteriores y Asuntos Europeos del gobiernu asturianu, Darío Díaz va defender nel Plenu del Comité de les Rexones de la Unión Europea una serie d’enmiendes al Informe sobre Muyer y Probeza presentáu pol másimu organismu interrexonal comunitariu. Les enmiendes del Princopáu recaquen la necesidá de considerar el trabayu femenín de forma independiente y non como una fonte de recursos económicos complementaria a la unidä familiar;la consideración de la violencia de xéneru como una prioridá en caúna de les estratexes de Gobiernu de los diferentes Estaos Miembros, que rienen garantizar la puesta en marcha de planes globales y estratéxicos dotaos de los recursos adecuaos pa la so implementación. Al empar considérase que la errónea concepción de la conciliación de la vida familiar, personal y profesional como una problemática de calter esclusivamente femenín cuando “en realidá, afecta a las families nel so conxunto, tanto a padres y a madres, como a persones ensin fíos pero que tamién tienen la necesidá y el derechu a compaxinar la so vida privada cola profesional” y el fechu que na sociedá actual , los servicios d’ atención nun tienen centrase nos neños únicamente, sinón qu’abarca una realidá muncho más plural y una multiplicidá de situaciones complexes y diverses qu’esisten nes families, como son les persones mayores y aquélles que presenten una determinada discapacidÁ. El Plenu del Comité de les Rexones va tratar tamién na so sesión del Tercer Informe de Cohesión y los de política marítima europea, la llucha contra’l cambiu climáticu. 12 d'ochobre, 2005 0 FacebookTwitterPinterestEmail
Sociedá L’Academia denuncia una estratexa d’espansionismu galleguista nel Navia-Eo by asturnet 10 d'ochobre, 2005 L’Academia de la Llingua Asturiana ofreció esti mediudía una rueda de prensa na so sé d’Uviéu pa denunciar la esistencia d’una estratexa de galleguización de la fastera de Navia-Eo desenvuelta dende les instituciones de la comunidá vecina. La prósima celebración d’unes xornaes en Ribadeo pa potenciar la presencia del idioma gallegu n’Asturies ye visto pola másima institución llingüística como un pasu más nesta estratexa que l’Academia califica de “intolerable”. La presidenta de la institución académica, Ana Cano, pidió esta mañana a la Xunta Xeneral un pronunciamientu pa reafirmar l’asturianidá llingüística y cultural del Navia-Eo. Nel comunicáu lleíu na rueda de prensa pola presidenta de l’Academia enumérense les sucesives acciones empobinaes dende les instituciones autonómiques gallegues, como les pretensiones sobre’l territoriu d’Entrambasaguas conteníes’aprebación nel Plan Xeral de Normalización Lingüística o la promoción de la candidatura del patrimoniu oral galaico-portugués a la UNESCO, incluyendo conceyos asturianos. Pa la institución llingüística asturiana toes estes acciones respuenden a una estratexa espansionista promovida por sectores nacionalistes gallegos y sofitada poles instituciones polítiques y culturales de la comunidá vecina. L’Academia denuncia la tibieza del gobiernu asturianu énte esos intentos espansionistes y les posiciones calteníes dende’l departamentu de Política Llingüística de la Conseyería de Cultura asina como en dellos sectores del movimientu asturianista respective a la realidá llingüística y cultural del Navia-Eo. L’Academia refuga nel so comunicáu lo que califica de “inconsciencia de dellos sectores asturianos, bien minoritarios, quemburriaos per un análisis infantil y desesperáu tán dispuestos a renunciar a lasturianidá llingüística y cultural del Navia-Eo porque sopelexen, con incalificable inxenuidá, que nel momentu en quel gallegu fuere oficial nAsturies, nun habría más posibilidá que, de rebote, declarar tamién la oficialidá del asturianu” y llamenta arriendes “questes posiciones se caltengan dende ámbitos más o menos averaos a la Oficina de Política Llingüística del Principáu dAsturies”. La másima institución asturiana en materia llingüística considera la situación creada poles pretensiones d’espardimientu del idioma gallegu per Asturies de “mui grave” y anuncia que va ponese dende agora mesmo en contactu colos grupos parlamentarios presentes na Xunta Xeneral pa tresllada-yos el so esmolecimientu y recorda-yos la necesidá d’oficializar la llingua asturiana en tol territoriu de la nuestra comunidá, asina como del gallegu-asturianu nes fasteres del Navia-Eo. L’Academia, a la postre, reafirma’l so compromisu tutelar coles fasteres afectaes poles pretensiones galleguistes y anuncia que va sofitar toles movilizaciones ciudadanes que s’entamen pa defender l’asturianidá d’Entrambasaguas. 10 d'ochobre, 2005 0 FacebookTwitterPinterestEmail
Sociedá IAS califica de ‘timu’ y ‘estafa’ la xornada sobre normalización nos conceyos d’Avilés by asturnet 9 d'ochobre, 2005 Izquierda Asturiana (IAS) afirma nun comunicáu que xornaes como la que se celebró esti sábadu 8 n’Avilés sobre normalización na rede municipal d’oficines de política llingüística constituyen “un timu y una estafa” a los ciudadanos, porque pa esta formación “utilízaee el dinero de los contribuyentes non n’aplicar medíes que creen derechos o que modifiquen les práctiques de la administración, sinón n’ actuaciones efímeres” que nun inciden “na normalización real de la llingua asturiana”. IAS cuenta que “nun esiste voluntá política” en materia normalizadora per parte de los conceyos y que xornaes como la celebrada n’Avilés “namás valen pa que ‘los del bable’ se xunten, gasten el dinero en vere les cares unos a otros y falen del sexu de los ánxeles”. La formación nacionalista pide-y al gobiernu asturianu y al avilesín que destinen el presupuestu de política llingüística “n’actuaciones realmente normalizadores, non en facese propaganda y permitir que varios amigos se saquen fotos de familia, pa testificar lo obvio, que la llingua asturiana ta morriendo, precisamente pola ausencia de voluntá política, enmascarada o non tres la propaganda institucional y tres redes, xornaes o conciertos”. 9 d'ochobre, 2005 0 FacebookTwitterPinterestEmail
Sociedá Areces afirma qu’énte l’Estatutu catalán a Asturies interésa-y qu’haya un Estáu fuerte by asturnet 9 d'ochobre, 2005 El presidente del gobiernu del Principáu Vicente Álvarez Areces afirmó en declaraciones a la emisora territoria de Radio Nacional d’España qu’énte la situación planteada pol nuevu ‘Estatut’ catalán “a los asturianos interésa-yos qu’haya un Estáu fuerte, capaz de redistribuir la riqueza”. Areces enfotóse na capacidá de José Luis Rodríguez Zapatero pa reconducir l’apuesta soberanista de les instituciones catalanes. Pal xefe del executivu autonómicu definiciones como les conteníes nel testu del ‘Estatut’ referentes a la identidá nacional de Cataluña “podíen interpretase como inconstitucionales”, inda considere más importante p’Asturies l’asuntu de la financiación autonómica tres la posiblie aprebación nel Congresu de la nueva llei de lleis catalana. Areces manifestó que nun “cabe admitir esa idea de la recaudación de tolos tributos, los del Estáu y los autonómicos, nuna sola Comunidá y después, al través de relaciones bilaterales en Comisiones Mixtas redistribuir” y considera qu’a los asturianos, nesi sen, “interésa-yos una Administración central fuerte y sólida”. 9 d'ochobre, 2005 0 FacebookTwitterPinterestEmail
Sociedá El Muséu Olímpicu de Lausanne va cede-y parte de la so colección a la Fundación Príncipe d’Asturies by asturnet 9 d'ochobre, 2005 Representantes de la Fundación Príncipe d’Asturies caltuvieron el pasáu 7 d’ochobre un alcuentru colos responsables del Muséu Olímpicu de Lausanne col oxetu d’organizar una amuesa dientro los actos comemorativos del venticinco aniversariu de la institución cultural. El Muséu Olímpicu va ceder temporalmente una parte representativa de la so colección, qu’ inclúi medalles, antorches, fotografíes y recuerdos de deportistes que nunca salieron de les sos sales. Amás, la esposición va contar cola antorcha de los Xuegos Olímpicos de Barcelona92, y equipamientos deportivos que pertenecieron a deportistes como Jesse Owens y a dalgunos de los galardonaos col Premiu Príncipe d’Asturies de los Deportes. 9 d'ochobre, 2005 0 FacebookTwitterPinterestEmail
Sociedá Izquierda Xunida pide aprovechar el puxu del ‘Estatut’ p’aumentar l’autogobiernu d’Asturies by asturnet 6 d'ochobre, 2005 Izquierda Xunida considera que’l puxu del Estatu catalán tien valir pa qu’Asturies s’enfote n’aumentar el so techu competencial col fin de nun quedar nuna posición d’inferioridá respective a otres comunidaes. El cabezaleru de la coalición, Jesús Iglesias, afaló a los políticos del país a nun quedar “viéndoles venir” na nueva configuración autonómica del estáu. Pa Iglesias si de la nueva situación resultante hai perxuicios pa la nuestra comunidá la culpa “nun va ser de los catalanes sinón de los asturianos”. El coordinador xeneral d’IX d’Asturies afirmó que “Hai que aprovechar estos meses de debate del ‘Estatut’ nel Parlamentu español pa dir articulando propuestes ente les fuerces polítiques asturianes pa intentar avanzar na busca de consensu y consiguir que’l modelu resultante nel Estáu nun seya lesivu y nun nos asitie nuna posición de subordinación con otres comunidaes”, argumentó. 6 d'ochobre, 2005 0 FacebookTwitterPinterestEmail
Sociedá Les Diapositives de Montaña ‘Memorial María Luisa’ expónense en Cangas by asturnet 6 d'ochobre, 2005 La Sala d’Exposiciones del Ayuntamientu de Cangas del Narcea va acoyer ente los díes 10 y 24 d’ochobre la exposición de semeyes del Certame Internacional de Diapositives de Montaña “Memorial María Luisa”, organizada por Cajastur cola collaboración de la Conceyalía de Cultura del Ayuntamientu de Cangas del Narcea. La temática d’esta muestra aborda tanto la montaña y la naturaleza nel sentíu más ampliu, como’l mundu de la escalada. El certame premia a aquelles semeyes que se consideren especialmente representatives de los valores humanos y de les ayalgues naturales de la montaña. Esti certame garra’l nome n’homenaxe a la deportista piloñesa Maria Luisa Alvarez, fallecía n’accidente de montaña en 1990. 6 d'ochobre, 2005 0 FacebookTwitterPinterestEmail