Sociedá Xuristes pol Asturianu acusa a la Conseyera de Cultura de mentir al falar de crear un muérganu de traducción by asturnet 28 de mayu, 2009 Nuna ácida nota de prensa unviada esti xueves a los medios de comunicación, l’Aconceyamientu de Xuristes pol Asturianu acusa a la Conseyera de Cultura de mentir al falar de la creación d’un muérganu de traducción. Sigún l’asociación,”lo que pretende ye carga-y la torna de los testos asturianu-castellán a un funcionariu al que nun se-y desixe la conocencia de la Llingua Asturiana pal accesu al puestu de trabayu”. La nota del l’Aconceyamientu de Xuristes pol Asturianu entama diciendo que “ye persabío que la política llingüística del gobiernu Areces namás tien dos oxetivos: enzancar tolo que pueda lexerciciu del drechu humanu al emplegu de la llingua propia y prauticar el clientelismu políticu pela estaya social asturianista. Nesi sen, y dientro duna abondosa retafila dincumplimientos llegales, vien faciéndosel sordu, per once llargos años, éntel mandáu de creación dun muérganu de traducción, fechu pel artículu 7 de la Llei 1/1998, dusu y espardimientu del bable/asturianu y comprometíu en tolos pautos políticos con IU (que traga y azorrampla)”. Poro, cuando en data 27 dabril del añu quandamos la Conseyera de Cultura, en xunto cola Direutora Xeneral de Política Llingüística, anunciaba la creación dun departamentu áxil, eficaz y rigorosu pa la torna de testos ente les llingües castellana y asturiana, nel Aconceyamientu de Xuristes pol Asturianu dicen que plasmaren “oero non per munchos díes: los que tardó la mentada Direutora Xeneral nesparder, peles estremaes Xefatures de Serviciu, un dípticu nel que satropen les imaxinaries competencies y normes de furrulamientu duna supuesta Unidad de Traducción; lintre que-yos llevó a éstes el tirar el cartón a la papelera, con razón y xacíu porque son sabedores de que les normes espárdense pente medies de los Boletinos Oficiales y non en cartones como si se tratare duna boda, bautizu o comunión; y lo que a nós mos costól recoyer, homildosamente, el llibelu”. Al cabu, lo dicho, unos pocos díes pa pasar “del plasmu a la evidencia dotru trafullu chambón del gobiernu que carecemos”, lleven al Aconceyamientu a dexar afitaes delles cuestiones: ” 1u. Nun creó dengún muérganu de torna pal asturianu porque pa ello tenía de facer dos coses que nun fizo: fiensar les sos funciones y competencies (artículos 11 de la Llei 30/1992 y 13 de la Llei del Principáu 2/1995) y asoleyales nel BOPA (artículos 9.3 de la Constitución; 52.1 de la Llei 30/1992; y 1, 5 y 6 de la Llei del Principáu 1/1985). La pretensión de suplir tales obligaciones llegales cola igua dun llibelu de normes funcionales, competenciales y procedimentales, estampaes nun bayurosu cartón repartíu peles Xefatures de Serviciu, ye una xirigotada como pa mexase de risa si nun fore porque la mofla pagóse coles perres de tolos asturianos. 2u. Lo que sí fizo, foi enanchar la nómina de funcionarios (RPT) con un puestín más al que-y diol grandón nome de Unidad de Traducción, siendo asina que nello nun hai más verdá que no que cinca a la unidá porque, efeutivamente, ye un puestu y unidá deriva dún. Pero lo de traducción ye un bon bilordiu ya que pal accesu al mesmu nun se desixe más que tener la condición de funcionariu de grau mediu (Péritu de Mines, Arquiteutu Téunicu, Diplomáu nEnfemería, Mayestru…) de lAlministración del Principáu dAsturies. Al nun requirir titulación académica o acreditación de conocencia de la llingua asturiana, nin de denguna otra que nun seya la castellana (por imperativu del artículu 3 de la Constitución) ¿qué traducción áxil, eficaz y rigorosa va surdir dehí?. Ye daqué asina como arriesgase a qua la Conseyera de Cultura la opere dapendicitis un funcionariu al que nun se-y desixó la Llicenciatura en Medicina o qua la Direutora Xeneral la llibre dafogase esti branu na piscina de Valencia de Don Juan, el socorrista titular dun puestu de trabayu pal que nun se requirió saber nadar. Pa mayor escarniu, en data 20 de mayu del añu quandamos, el Reutor de la Universidá dUviéu vien danunciar que va roblar un conveniu col Gobiernu Rexonal pal emplegu de la Unidá de Traducción del Principáu dAsturies. ¡Otru que tal bailla!.” 28 de mayu, 2009 0 FacebookTwitterPinterestEmail
Sociedá Pablo X. Suárez y Sem presenten Technopoétika nEl Baruku de Xixón by asturnet 28 de mayu, 2009 El xoven poeta de Siero, Pablo X. Suárez, y el músicu Sem van presentar el so espectáculu lliterariu musical Technopoétika, lo que califiquen como un compendiu de poesía y rockanroll. Lactuación-recital va entamar a les nueve la nueche nEl Baruku de Xixón, asitiáu na cai Almacenes. 28 de mayu, 2009 0 FacebookTwitterPinterestEmail
Patrimoniu Les mines de Llumeres van considerase Patrimoniu Cultural by asturnet 27 de mayu, 2009 La Conseyería de Cultura y Turismu del Principáu vieno acabante decidir esti día incluyir nel Inventariu del Patrimoniu Cultural d’Asturies el conxuntu de les mines de Llumeres, asitiaes nel conceyu de Gozón, colo que se-yos dota d’un altu grau de proteición a estes antigües mines. Asitiaes na parroquia de San Nicolás de Bañugues, les mines foron nos sieglos XIX y XX la principal esplotación de mineral de fierru d’Asturies. Les mines de Llumeres foron l’aniciu de la esplotación de fierru más importante d’Asturies hasta que pesllaron en 1967. De Llumeres xurdía más del 40 por cientu del total del fierru asturianu. Dende 19861 hasta 1967, la mina tuvo en manes de Duro Felguera, empresa que construyó toles infraestructures y edificaciones d’anguaño, incluyendo’l pobláu de 64 viviendes pa trabayadores en Bañugues. 27 de mayu, 2009 0 FacebookTwitterPinterestEmail
Sociedá Garren a los asesinos de Víctor Jara by asturnet 27 de mayu, 2009 La policía chilena detuvo esti día a dos persones pola so presunta vinculación cola muerte del cantautor Víctor Jara, asesináu en 1973, díes depués del golpe d’estáu de Pinochet, según informaba esti martes el diariu La Nación. Hasta’l momentu, solo una persona permanecía imputada como autora del asesinatu de Jara, símbolu de les violaciones a los derechos humanos durante la dictadura (1973-1990). A los detenidos, que tienen anguaño 54 años, caltienenlos incomunicaos na Cárcel de Alta Seguridá de Santiago, aú fueron treslladaos depués de declarar delantre’l xuez Juan Fuentes Belmar nel Palacio de Tribunales. 27 de mayu, 2009 0 FacebookTwitterPinterestEmail
Fiestes El Parque La Paz de Llugones acueye esta fin de selmana’l III Mercau Tradicional, by asturnet 26 de mayu, 2009 Esta fin de selmana del 30 y 31 de mayu va celebrase nel Parque de La Paz de Llugones, en conceyu Sieru, el III Mercau Tradicional, iniciativa del Ayuntamientu y organizáu esta vegada pol Conceyu Cultural El Carbayu.Amás de los más de cincuenta artesanos que ya confirmaren la so asistencia (cueru, azabache, xoyería en plata, vidriu, quesos, pan d’escanda, madreñeros, xabones artesanos, cestería, bisutería, etc) y la representación d’oficios vieyos (un ferreru con una fragüa de más de 4 metros, por exemplu), el gran atractivu d’esti añu sedrá la esibición de cetrería – con actividaes interactives educatives- y la presencia d’animales autóctonos como asturcones, xaldes y gochos celtas, ente otros. 26 de mayu, 2009 0 FacebookTwitterPinterestEmail
Sociedá Algamar celebra’l 25 de Mayu nel Parque La Pola by asturnet 26 de mayu, 2009 El llunes 25 de mayu un piñu de xente del Grupu dOpinión Algamar aconceyó pa faer alcordanza desta xornada de gran significáu hestóricu pAsturies con un actu simbólicu llantando un carbayín nun parque de La Pola. Celebraron primero una xinta nuna sidrería y, darréu, fexeron esi actu simbólicu llantando un carbayín nun parque de La Pola. Baxo lorbayu Monchu, ún de los asistentes, lleó una poesía reivindicativa de lasturianía y dedíco-y al arbolín los siguientes versos: Medre colos rapacinos esti carbayu serranu, espeyu dasturianía y xorrecer asturianu; que podamos arrodialu, dañu nañu, el 25 de mayu. La voluntá de los asistentes ye la de questi actu cenciellu sirva de semiente pa quel 25 de mayu vaya garrando puxu ente la xente asturiano como xornada festiva y de reivindicación de la identidá del país. 26 de mayu, 2009 0 FacebookTwitterPinterestEmail
Conceyos Piloña organiza la segunda edición del so Concursu de Narraciones Curties by asturnet 25 de mayu, 2009 El Conceyu de Piloña abriól plazu pa presentar orixinales al II Concursu de Narraciones Curties nasturianu. Los trabayos han dunviase enantes del 12 de xunu a la Conceyalía de Cultura, asitiada na cai Cuadonga, 9, de LInfiestu. Los cuentos nun puen tar espublizaos nin premiaos notros concursos. El llargor dellos nun sedrá menos de trés fueyes nin más de cinco, escrites per un llau namás, en lletra de cuerpu 12. El primer premiu ta dotáu con 1.000 euros y el segundu con 700 euros. El periódicu El Fielato espublizarál trabayu premiáu cuando lo xulgue oportunu, y queda atrocáu pol Conceyu de Piloñal derechu despublizar los trabayos que resulten premiaos; tamién podrá asoleyar les obres non premiaes, siempre col alcuerdu de los sos autores. El fallu del xuráu va dase a conocer nos medios de comunicación la selmana del 12 al 19 de xunetu de 2009; los premios van entregase nun actu na Casa de la Cultural día 24 de xunetu, onde los premiaos tán obligaos a lleer la so obra en públicu. 25 de mayu, 2009 0 FacebookTwitterPinterestEmail
Sociedá L’Ensame espubliza’l númberu 26 de La Sidra by asturnet 25 de mayu, 2009 La revista de lasociación Ensame Sidreru,La Sidra, acaba espublizar el so númberu 26, correspondiente al mes de mayu. esti nuevu númberu inclui reportaxes sobre les XXII Xornaes Gastronómiques de los Platos a la Sidra de Nava, la X Preba de la Sidra de La Gascona dUviéu y el XIII Festival de la Sidra de Llangréu. Amás, apaecen asoleyaes nesta nueva entrega de la revista una entrevista a Arsenio Angones Cuesta, del Llagar Los Angones, artículos sobre la sidra y lartesanía y un informes de los que davezu ufre sobre los festivales internacionales y qu’esta vegada vien dedicáu al de Normandía. Versión dixital de la publicación impresa en Issuu.com 25 de mayu, 2009 0 FacebookTwitterPinterestEmail
Patrimoniu Archívase la denuncia dAndecha polos horros de la ZALIA by asturnet 22 de mayu, 2009 Andecha Astur dio anuncia de la dedicisión darchivar la denuncia que ficieren pola desapaición de los horros de San Andrés de los Tacones, en Xixon, pola construcción de la zona loxística de la ZALIA. Con esta decisión, AA camienta que queda nevidencia la impunidá de los atentaos escontral Patrimoniu Hestóricu y Etnográficu asturianu. La formación, questudia apelar la decisión xudicial, nun entiende esta decisión xudicial, tomada pese a que la ZALIA entregó al xulgáu un dossier que non solo nun aporta un res pa esclariar que fixeron cola mayoría de los horros y paneres esapecíes de les estremaes propiedaes qualquirieron en S. Andrés, sinon quactuanco con consciente mala fe inclúin una carta dún de los propietarios, residente en Galicia y que vendió la so finca y panera a la ZALIA, dirixida a lAsociación de Vecinos de S. Andrés llamándolos «chivatos» por denunciar lespoliu. PAA, la patética defensa la ZALIA llega a alxuntar una denuncia presentada énte la policía pol robu dun protón metálicu pa intentar xustificar el desmontaxe y treslláu de los horros pol peligru de robu y vandalismu que, sigún ellos, corríen. Namás tres díes dempués de la entrega del dossier de la ZALIA, y con una celeridá inusual, el xulgáu decidel sobroseimientu provisional de la causa ensin prauticar la mayoría de les dilixencies solicitaes por Andecha Astur na so denuncia. AA atalanta que sedría pergrave que delitos escontral Padrimoniu Hestóricu y Etnográficu asturianu quedaren en simples sanciones alministratives y, lo que mos esmolez entávía más, quempreses de dapital públicu comu ZALIA S.A. actúen con impunidá dafechu destruyendol padrimoniu heredáu de tolos asturianos cola conivencia de les autoridaes competentes. 22 de mayu, 2009 0 FacebookTwitterPinterestEmail
Sociedá Avilés, Cangas, Mieres y L.lena ufren a los comercios bolses de papel recicláu con una conseña en llingua asturiana by asturnet 22 de mayu, 2009 Los Conceyos d’Avilés, Cangas, Mieres y L.lena, van repartir pelos comercios bolses de papel recicláu cola conseña: “¿Tú qué faes pa cuidar el mundu? Reduz, reutiliza, recicla”, nuna iniciativa a la gueta la concienciación col mediu ambiente. Trátase de sostituir dafechu les bolses de plásticu poles que se tán distribuyendo. La campaña presentáronla esti día les conceyales mierenses de Cultura, Diana González, y Comerciu, Montserrat González, dientro la campaña de promoción del usu del asturianu 2008-2009 y afitaron enfotase “al traviés de la llingua asturiana, en tresmitir un mensaxe de concienciación sobre’l cuidáu del mediu ambiente, potenciando l’emplegu de bolses de papel recicláu”. El proyeutu púnxolu en marcha la Conceyalía de Cultura, al traviés del Serviciu de Normalización Llingüística de Mieres, y de la Conceyalía de Comerciu, y va desendolcase en collaboración colos servicios de normalizacion dAvilés, Cangas del Narcea y L.lena. La campaña se realiza al traviés del repartu de baldre, nos comercios del conceyu, de bolses de papel recicláu impreses con tinta ecolóxica. 22 de mayu, 2009 0 FacebookTwitterPinterestEmail