Sociedá Conceyu Abiertu del Llar Solidariu celebra mañana una charra sobrel movimientu antiglobalización by asturnet 10 d'abril, 2008 El vienres 11 d’abril a les 20:00 hores, el Llar Solidariu celebra nel so espaciu de Conceyu Abieru, la charra titulada El movimientu antiglobalización en perspectiva. Un actu nel que va intervenir Raúl Camargo, Miembru dEspacio Alternativo y ún de los promotores del Foro Social de Madrid. El llanzamientu del Foru Social Mundial nel añu 2000 fízose nel periodu inicial de xuba y medría rápida del movimientu antiglobalización embaxo l’impactu de les movilizaciones de Seattle en payares de 1999. Nesti contestu ñació la idea del Foru Social Mundial, a manera de contrapuntu al Foru Económicu de Davos. 10 d'abril, 2008 0 FacebookTwitterPinterestEmail
Sociedá Ernesto Avelino desixe responsabilidá no que cinca a la llingua na reforma del estatutu by asturnet 9 d'abril, 2008 Ernesto Avelino, de la Xunta pola Defensa de la Xingua, aprovechó l’actu de presentación del XX Conciertu pola Oficialidá, pa llanzar a los partíos políticos que van negociar el prósimu estatu p’Asturies, una riestra d’entrugues alredor de la oficilidá de la llingua asturiana. ” ¿Que quieren facer pa que la llingua asturiana nun muerra nin desapaeza adulces?. ¿Porque venti años de planes de normalización, de programes de promoción, nunvalieron más que pa caxigalines?. ¿Como ye qu’Asturies sea la única comunidá autónoma con una llingua propia y qu’esa llingua nun tea recoyida nel so estatutu como una llingua oficial?”, foron algunes de les más destacaes. Otra manera, el Conceyu Abiertu pola Oficilidá convoca una concentración ente l’edificiu de la Xunta Xeneral n’Uvieu nel mesmu día (el 14 d’abril a les 09:30 hores), nel que los grupos parlamentarios asturianos van aconceyar pa negociar la reforma estatutaria. Dende’l CAO quieren facer ver qu’esti ye un momentu históricu p’Asturies y la última oportunidá de cuntar con un estatutu acorde cola realidá cultural y llingüística de nueso. El CAO sorrayó qu’Asturies ye la única comunidá con llingua propia que nun la reconoció como oficial. 9 d'abril, 2008 0 FacebookTwitterPinterestEmail
Sociedá CAO convoca una concentración coincidiendo cola negociación del estatutu by asturnet 8 d'abril, 2008 El Conceyu Abiertu pola Oficilidá convoca una concentración ente l’edificiu de la Xunta Xeneral n’Uvieu nel mesmu día (el 14 d’abril a les 09:30 hores), nel que los grupos parlamentarios asturianos van aconceyar pa negociar la reforma estatutaria. Dende’l CAO quieren facer ver qu’esti ye un momentu históricu p’Asturies y la última oportunidá de cuntar con un estatutu acorde cola realidá cultural y llingüística de nueso. El CAO sorrayó qu’Asturies ye la única comunidá con llingua propia que nun la reconoció como oficial. 8 d'abril, 2008 0 FacebookTwitterPinterestEmail
Sociedá Joaquín Arístegui: “La oficialidá ye una postura que pol momentu nun paez asumible pol PSOE” by asturnet 4 d'abril, 2008 La oficialidá ye una postura que pol momentu nun paez asumible pol PSOE”, nestos términos contestó’l voceru del grupu parlamentariu del PP, Joaquín Arístegui a los representantes de la Fundación Caveda y Nava nuna reunión cellebrada esti vienres, na que la Fundación pidió-y al PP que defendiese la oficialidá del asturianu na reforma estatutaria. Arístegui tamién quieso dexar claro que , pal so grupo, ye inasumible dafechu la obligatoriedá, anque ve obsoleta la definición del asturianu nel actual Estatutu. Arístegui, si bien considera que podría algamase la reconocencia del asturianu como llingua propia, los límites de la propuesta del PP van pasar por una oficialidá ensin obligatoriedá. Amás, nel conceyu con Inaciu Iglesias, representante de la Fundación Caveda y Nava, afirmó que la propuesta de redacción fecha por esta organización va ser treslladada a los miembros populares que formen parte de la ponencia estatutaria. El diputáu treslladó amás el so convencimientu, de que’l PSOE va mantener una posición mui dura contraria de la oficialidá del asturianu. 4 d'abril, 2008 0 FacebookTwitterPinterestEmail
Sociedá SUATEA va cellebrar les primeres Xornaes sobre Llingua y Lliteratura en Xixón by asturnet 3 d'abril, 2008 El sindicatu de la enseñanza SUATEA va cellebrar los díes 4 y 5 d’abril les primeres Xornaes sobre Llingua y Educación nel Antiguu Institutu de Xixón. La primera xornada va entamar a les 16:30 hores con una mesa redonda sobre los derechos llingüísticos nel marcu estatal y europeu na que van participar xuristes como Leopoldo Tolivar, Jose Manuel Perez y Eva Pons; y el mayestru d’euskera Jose Manuel Urroz. Tres un descansu, la xornada inaugural va finar con un alcuentro nel que sva debatise sobre’l papel de los axentes sociales na defensa de los derechos que cinquen a la llingua. Na mesma van intervenir, la direutora de Les Noticies, Beatriz R. Viado; el direutor de programación de Radio Sele, Xuan Xose Mariño; Xose Miguel Suárez, de Xeira; y Lluismi Orviz, de la Xunta pola Defensa de la LLingua. Ne segunda de lesdos xornaes, la del sábadu 5 d’abril, van abordase dellos temes esenciales como la formación del profesoráu n’Asturies, del que falará, ente otros, el vicedecanu de la Facultá de Filoloxía, Xose Antón González Riaño; el tratamientu que se fai de la enseñanza del asturianu y otres llingües na educación primaria. Estes dos xornaes van finar con una espicha al cargu de los organizadores de les mesmes. 3 d'abril, 2008 0 FacebookTwitterPinterestEmail
Sociedá La Xunta pola Defensa de la Llingua y los llagareros d’Asturies entamen otra campaña de normalización by asturnet 27 de marzu, 2008 “La sidra como tien que ser”. Esti ye l’eslogán col que la Xunta pola Defensa de la Llingua y los llagareros d’Asturies van promover l’usu de l’asturianu nes sidreríes y restoranes de la rexón, no que ye una nueva inciativa cola normalización de la llingua asturiana como oxetivu caberu. El cartelu de la campaña va presentase esti vienres 28 de marzu nel Hotel Villa de Gijón (C/ San Juan de Valles, nº 3. Xixón) nun actu que va entamar a les seis la tarde. Na presentación de la campaña van tar presentes el presidente de l’Asociación de Llagareros d’Asturies, Jose María Osoro; el representante de l’Asociación del Barriu de la Sidra, Jose Luis Acosta y el voceru de la Xunta pola Defensa de la Llingua Asturiana, Xuan Gonzalo. Esta campaña, qu’axunta sidra y cultura como ye tradicional na rexón, vien a amestase a les munches que vien desendolcando la Xunta, en favor del usu del asturianu. 27 de marzu, 2008 0 FacebookTwitterPinterestEmail
Sociedá L’ALLA va presentar la edición on-line del Diccionariu de la Llingua Asturiana by asturnet 26 de marzu, 2008 L’Academia de la Llingua Asturiana, nun actu que va presidir la presidente Ana Cano, va presentar esti miercoles la versión on-line del Diccionariu de la Llingua Asturiana (DALLA). Esta iniciativa va suponer una meyora sustancial nel usu d’esta ferramienta, tanto pa los escolinos d’asturianu como pa resolve-yos posibles duldes a los profesionales y particulares que se valen del asturianu nel so trabayu. Durante la presentación que va tener llugar a les 12:00 hores nel Hotel Principado d’Uvieu, los responsables academicos van mostrar con exemplos práuticos les posibilidaes qu’ufre esta nueva edición del diccionariu. Ana Cano, según informó l’ALLA en nota de prensa, tamien va anunciar la incorporación a la so web, pa la llibre consulta de los usuarios, de les Normes Ortográfiques y la Gramática de la Llingua Asturiana, amás de presentar les nueves iniciatives que la institución tien previsto desendolcar nel futuru nel terren de la normativización de la llingua asturiana. Academia de la Llingua Asturiana 26 de marzu, 2008 0 FacebookTwitterPinterestEmail
Sociedá L’Academia anuncia un Cartafueyu Normativu de terminoloxía informática na presentación del DALLA online by asturnet 26 de marzu, 2008 L’Academia de la Llingua Asturiana fizo anuncia de l’apaición bien pronto del númberu 5 de la colección de Cartafueyos normativos dedicáu a la temrinoloxía informática nel trescurrir del actu de presentación del Diccionariu de la Llingua Asturiana en llinia, dientru la ´páxina web de la institución acadcémica. L’actu presentación tuvo presidíu pola presidenta Ana Cano, que xunta Roberto gonzález Quevedo y un responsable de la empresa Araz.net presentaron la versión on-line del Diccionariu de la Llingua Asturiana (DALLA), con una demostración en llinia de la ferramienta que va suponer una meyora sustancial nel usu del DALLA, tanto pa los escolinos d’asturianu como pa resolve-yos posibles duldes a los profesionales y particulares que se valen del asturianu nel so trabayu. Ana Cano tamien presnetó la incorporación a la web, pa la llibre consulta de los usuarios, de les Normes Ortográfiques y la Gramática de la Llingua Asturiana, amás de presentar les nueves iniciatives que la institución tien previsto desendolcar nel futuru nel terren de la normativización de la llingua asturiana. 26 de marzu, 2008 0 FacebookTwitterPinterestEmail
Sociedá L’ALLA diz que l’actuación na Ría del Eo ye una imposición llingüística y responde a polítiques interesaes by asturnet 25 de marzu, 2008 Tres la polemica actuación toponímica na Ría del Eo, camudando’l nome pol de Ría de Ribadeo, l’Academia de la Llingüa quiso denunciar lo que consideren una política interesada, que favorez inxustificadamente a una de les dos partes y que nun respeta la tradición llingüística y el sentir de los ciudadanos. “Les razones históriques y llingüístiques esgrimíes dende Asturies paecen nun pesar un res cuando dende Madrid traten d’imponer una política que s’alluga, oxetivamente, al marxe de les bones razones y de la convivencia”. Nestos terminos, nun comunicáu, espresó’l so descontentu la institución academica. L’ALLA tamien punxo en tala de xuiciu la representatividá y el bon funcionamientu d’una “Comisión Geográfica Nacional”ne que nun participa nengún representante asturianu. La institución que preside Ana Cano calificó los fechos como un bon exemplu d’imposición llingüística, “ensin el mínimu respetu a la vecindá, a la tradición oral y a los fechos impuestos por una realidá xeográfica compartida”. Al mesmu tiempu, piden al Gobiernu del Principáu que se pronuncie a la escontra d’esta decisión y recuerda qu’estos fechos enxamás diben ocurrir si l’asturianu tuviera reconocía la oficialidá. 25 de marzu, 2008 0 FacebookTwitterPinterestEmail
Sociedá Llangréu va acoyer una nueva campaña de normalización na hostelería by asturnet 18 de marzu, 2008 L’Ayuntamientu de Lalnagreu repite campaña de normalización llingüística na ostelería en vistes del exitu col que se recibió la inciciativa l’añu pasáu. Amás de 10.000 trípticos informativos van editase sobre d’azucre, serviyetes y demás material pa repartir nos establecimientos de la comarca. Nel actu de presentación participaren l’slcaldesa en funciones de Llangreu, María Fernández, la conceyala de Cultura, Turismu y Política Llingüística, Ana Oliva Rodríguez; presidente de los ‘hosteleros de Llangreu, Javier Fernández, ya’l responsable del Serviciu de Normalización Llingüística.Eloy Antuña. 18 de marzu, 2008 0 FacebookTwitterPinterestEmail