Sociedá La Direutora de Turismu espera qu’Asturies seya escoyida finalista en Xineru pa tener la Capitalidá Europea de la Cultura de 2016 by asturnet 12 de payares, 2008 La Direutora Xeneral de Turismo, Elisa Llaneza, dixo esti miércoles nuna xinta colos medios de comunicación que la presentación de la candidatura conxunta d’Uviéu, Xixón y Avilés a la Capitalidá Europea de la Cultura nel añu 2016 dai fuercies a la Comunidá Autónoma y va tener “un efeutu dafechamente positivu” sobre’l Principáu. Elisa Llaneza insistiera nesta presentación que la candidatura asturiana “tien munches cartes y munchos ases” pa pasar la primer escoyeta nel mes de Xineru y quedar asitiada ente les cuatro candidates españoles de un total de catorce que se presenten y que como Santander o Segovia lleven munchu tiempo yá espardiendo la so candidatura. Poro, la direutora de turismu tamién esclarió que si nun s’algamara l’obxetivu “sólo’l fechu de tar nel procesu d’esbilla tien un efeutu positivu nel Principáu”. La directora general también ha comentado que, de momento, no se ha hecho ninguna estimación sobre lo que podría suponer en crecimiento turístico ser Capital Europea, y ha explicado que “esas estimaciones se hacen a posteriori”. 12 de payares, 2008 0 FacebookTwitterPinterestEmail
Sociedá El Gobiernu quier declarar Bien d’Interés Cultural a Bulnes by asturnet 10 de payares, 2008 El Gobiernu asturianu quier convertir al pueblu de Bulnes, en conceyu Cabrales, en Bien de Interés Cultural (BIC), una figura alministrativa que namái tienen hasta esti día tres pueblos de la rexón, mentantu qu’otros dos, Banduxo en Proaza, y Fonteta, n’Allande, ya entamaran los trámites necesarios. 10 de payares, 2008 0 FacebookTwitterPinterestEmail
Sociedá El Tribunal Cimeru dEspaña anula la oficialidá del asturianu aprobada en 2001 nel conceyu de Nava by asturnet 10 de payares, 2008 Según pudo conocese estos díes, el Tribunal Cimeru español, anuló definitivamente lalcuerdu plenariu quen xunu de 2001 declaró la oficilidá del asturianu nel territoriu del Conceyu de Nava al traviés dunes ordenances. El fallu ye firme y contra él yá nun hai recursos posibles. El Tribunal español ratifica asina la sentencia de 2005 del Tribunal Cimeru de Xusticia d’Asturias (TCXA) tres un recursu de la Delegación del Gobiernu español n’Asturies y escontra’l quAndecha Astur presentó un recursu de casación énte’l Tribunal Cimeru. Les dos sentencies declaren nulu, “por nun ser conforme a derechu”, l’alcuerdu plenariu de 8 de xunu de 2001 nel que saprobaron les ordenances municipales sobre la oficialidá de la llingua. Foi, nel so día, la Delegación del Gobiernu n’Asturies, en 2001 con Mercedes Fernández , del Partíu Popular, al frente, quien presentó un recursu contra l’alcuerdu plenariu. El fallu del Cimeru afita la sentencia dictada pol TCXA solliñando “nun esiste nenguna declaración nel Estatutu dAutonomía que disponga quel bable tien el calter de llingua oficial nAsturies”. El Tribunal recordó que “les corporaciones llocales carecen de competencia pa declarar la oficialidá duna llingua, dientro o acullá de les llindes del conceyu”. Daniel Cueli, voceru d’Andecha Astur en Nava, calificó la sentencia como “un actu represivu más”, amestando que “nun ye entendible que la equiparación de los drechos llingüíticos de los vecinos y vecines d’un conceyu seya illegal, que la igualdá seya illegal, que la democracia mesma seya illegal n’Asturies”. PAsturianistes por Naval fallu “desprotexe a la cultura asturiana y la llingua qu’usa ‘l pueblu”. El conceyal Emilio Ballesteros recordó que “l’asturianu nun ye un problema, porque ye como fala davezu la xente, pero decisiones d’esti calter son les qu’enquisten la situación y xeneren un problema alredor de la llingua”. Dende’l PP, el voceru José María Osoro defendió la sentencia al recordar que si nun hai un Estatutu d’Autonomía que faiga referencia al asturianu, “un conceyu nun pue declarar la oficialidá”. Les ordenances aprobaes en 2001 permitíen a los vecinos “relacionase col ayuntamientu n’asturianu o en castellán”, amás de recibir les notificaciones municipales nestes dos llingües. 10 de payares, 2008 0 FacebookTwitterPinterestEmail
Sociedá El biólogu Xosé María Fernández ganal XIV Premiu dEnsayu Máximo Fuertes Acevedo by asturnet 7 de payares, 2008 El biólogu ya investigador uviedín Xosé María Fernández convirtióse esti día en ganador de la XIV edición del Premiu d’ensayu en llingua asturiana Máximo Fuertes Acevedo» que concede la Conseyería de Cultura y Turismu. El trabayu ganador titúlase Homo sapiens: la epopeya d’un llinaxe. Otros cinco trabayos optaben a esti premiu, dotáu esti añu con 7.000 euros. El xuráu rescampló la madurez y calidá de los testos presentaos y decidió conceder por unanimidá’l gallardón a la obra de Xosé María Fernández (presentada col alcuñu «Owen Milton») rescamplando que se premia un “escelente y mui actualizáu resume de noticies sobre l’estáu actual de los trabayos vinculaos a l’arqueoloxía y valorando mui especialmente los elementos de reflexón que propicia un textu de gran calidá argumental, estructural y llingüística que se mueve nun panorama planetariu ensin perder por ello la perspectiva d’Asturies. Xosé María Fernández nació n’Uviéu en 1968, lleva años investigando n’Inglaterra y actualmente trabaya nel Institutu Européu de Bioinformática (Cambridge). Ye autor de delles publicaciones científiques n’inglés y n’asturianu, como’l llibru divulgativu «Bioloxía: una historia de futuru» o la traducción al asturianu de «L’estrañu» d’Albert Camus. Llistáu de ganadores anteriores 7 de payares, 2008 0 FacebookTwitterPinterestEmail
Sociedá Mieres va celebrar un taller de llectura de testos de Miliol del Nido, Montse Garnacho y Xuan Bello by asturnet 6 de payares, 2008 El Serviciu de Normalización Llingüística de Mieres entama un nuevu taller de llectura nasturianu col títulu De les hestories orales al cuentu lliterariu. Pa conocer esti tema va cuntase con cuentos de Miliol del Nido, la recoyedora de tradición oral Montse Garnacho y lescritor Xuan Bello. El taller va celebrase na Sala Polivalente de la Biblioteca Central de Mieres, el llunes que vien, 10 de payares, a les sieta la tarde. Pa participar hai que sapuntar na conserxería de la Casa Cultura del Conceyu o nel corréu llingua@ayto-mieres.es 6 de payares, 2008 0 FacebookTwitterPinterestEmail
Sociedá Asturies ye la quinta comunidá con mayores sueldos d’España, coles muyeres ganando un 30% menos que los homes by asturnet 6 de payares, 2008 El Principáu d’Asturies ye la quinta comunidá autónoma colos salarios más altos d’España, con un sueldu mediu añal de 19.758,43 euros, según l’Institutu Nacional d’Estadística (INE) qu’ufre’l datu a partir de la Encuesta d’Estructura Salarial del 2006, que ya se ficiere tamién nos años 1995 y 2002. Según los datos del INE, los homes ganaron n’Asturies una media de 22.781,54 euros (22.051,08 euros na media nacional) y les muyeres tuvieron un sueldu enforma amenorgáu que nun pasó de media de los 15.356,82 euros (16.245,17 euros n’España). La Comunidá de Madrid, algamó con 23.622 euros añales por trabayador el salariu mediu más altu, mientres qu’Estremadura, con 15.540,35 euros, tuvo’l más baxu. Tres madrid quedó’l País Vascu (22.929,98 euros), Navarra (21.660,50 euros), Cataluña (21.210,04 euros) y Asturies (19.758,43). El restu de comunidaes autónomes allugaron el salariu mediu perembaxo la media estatal. 6 de payares, 2008 0 FacebookTwitterPinterestEmail
Sociedá La evolución y tresformación dun padremuñu singular, el paisaxe asturianu, centra’l IX Seminariu de la Fundación Belenos by asturnet 5 de payares, 2008 Los díes 22 y 23 de payares de 2008 cellebraráse na Puela dAyandel Seminariu dEstudios Asturianos de la Fundación Belenos qualgama la so novena edición y qu’esti añu ta dedicáu al “paisaxe asturianu como elementu fundamental pa entender lo quanguaño ye Asturies”. Nel seminariu calcaráse nel so valir como activu económicu y de desenrrollu y tamién na so vulnerabilidá ente agresiones y polítiques que nun algamen la perspectiva afayadiza, nin comtemplen la potencialidá global del territoriu. Nel seminariu cuntaráse con especialistes solventes en cauna de les estayes escoyíes pa dar una visión de conxuntu de la cuestión, y que detallamos nel programa adxuntu. Amás, el domingu 23 de payares proyectarasel documental de les directores Conchi Rodríguez y Kela Coto Paraisu Industrial, premiáu nel Festival de cine de Xixón y notros certámenes. PROGRAMA DEL IX SEMINARIU DESTUDIOS ASTURIANOS DE LA FUNDACIÓN BELENOS SÁBADU 22 de payares: 9,30 h. Almuerzu. 10,00 h. Acoyida de los participantes y entrega de material. 10,30 h. Presentación del Seminariu y actu dinauguración. 11,00 h. Asturies, territoriu desartiticuláu: desorganizaciones, desmantelamientos, desconciertos. Xosé Nel Riesgo. Xeógrafu y técnicu el desarrollu local. Fundación Belenos. 12,30 h. Pausa 13,00 h. La xestión multifuncional del monte nAsturies. Alberto Fidalgo López. Inxenieru de montes. 14,30 h. Xinta. 16,30 h. El feismu y la movilidá sobremoderna na aldea asturiana: de la ería triste a la braña eólica. Xuan Pedrayes Obaya . Arquitectu. 18,00 h. Pausa. 18,30 h. El valir económiu del paisaxe asturianu. Les infraestructures yal so impactu nel territoriu . José Alba. Economista. Universidá dUviéu. 21,30 h. Cena. 23,30 h. Filandón. Fiesta asturiana de nueite. Café Centro. La Puela. En collaboración cola Banda de Gaitas el Rapigueiro ya la Xunta pola Defensa de la L.lingua Asturiana nel Suroccidente. DOMINGU, 23 de payares. 10,00 h. Almuerzu. 10,30 h. Proyección del documental Paraiso Industrial, de Conchi Rodríguez y Kela Coto. 12, 00 h. Mesa reonda: El paisaxe asturianu como activu de desarrollu y futuru. Modera: Ignaciu Llope. Fundación Belenos. Participen: √ Enrique López de Turiso. SOS Cuideiru. √ Txomin Goñi Tirapu. Presidente de lAgrupación de Colectivos Asturianos (ACA). √ José Alba. Economista. √ Xuan Pedrayes. Arquitectu. √ Conchi Rodríguez. Directora de cine. √ Xosé Nel Riesgo. Xeógrafu. Fundación Belenos. 14.00 h. Piesllu. 14,30 h. Xinta. 5 de payares, 2008 0 FacebookTwitterPinterestEmail
Sociedá UNA pide que se retire’l Plan d’Evalución del Profesoráu by asturnet 5 de payares, 2008 Unidá Nacionalista Asturiana (UNA) reclama la retirada del Plan d’Evalución del Profesoráu, en base l’acuerdu algamáu ente PSOE y IX-BA-Verdes, por atalantar que ye un atentáu “escontra la calidá de la enseñanza y escontra la dignidá del profesoráu”. Nuna nota prensa, asoleyada esti día, UNA afita que “según l’acuerdu de gobiernu qu’acaben de firmar el PSOE y IX-BA-Verdes, el procesu d’evaluación del profesoráu deberá contar colos representantes de los profesores, xustamente lo contrario de lo que pasa nestos momentos”. L’apartáu del acuerdu relativu a la enseñanza non universitaria dexa según UNA “meridianamente claro que va haber un sistema d’evaluación del personal docente negociáu colos representantes de los trabayadores”. 5 de payares, 2008 0 FacebookTwitterPinterestEmail
Sociedá Meteoroloxía abre por fin una delegación n’Asturies pa meyorar los pronósticos del tiempu by asturnet 5 de payares, 2008 L’Axencia Estatal de Meteoroloxía vieno acabante d’abrir una delegación n’Asturies con sede n’Uviéu que va tener como delegáu a Íñigo Javier Caballero López. Hasta esti día, Asturies dependía del centru de Cantabria, que realizaba los pronósticos del tiempu pa tola cornisa cantábrica. La nueva delegación de l’Axencia Estatal de Meteoroloxía allúgase na Avenida del Cristo de les Cadenes y rspuende a una vieya reivindicación de dellos sectores, especialmente’l turísticu, que vienen reclamando dende cuanta yá que se meyoren les predicciones meteorolóxiques. 5 de payares, 2008 0 FacebookTwitterPinterestEmail
Sociedá David Guardado presental so llibru últimu nel Conceyu Abiertu dUviéu by asturnet 4 de payares, 2008 Güei, martes 4 de payares, a les 20 hores va celebrase la presentación del llibru Llingua Estándar y Normalización Llingüística, asoleyáu por Araz Llibros. Nel actu va intervenir David Guardado, autor del llibru. Lasistencia ye de baldre. El Conceyu Abiertu ta asitiáu na cai La Gascona 12, baxu-A, nUviéu. 4 de payares, 2008 0 FacebookTwitterPinterestEmail