Sociedá Marta Mori dArriba va tomar posesión como nuevu Miembru de Númberu de lAcademia de la Llingua Asturiana by asturnet 23 d'abril, 2007 Redacción. Según anuncia la propia Institución, el próximu día 4 de mayu a les ocho la tarde, l’Academia de la Llingua Asturiana va celebrar l’actu oficial del Día de les Lletres Asturianes, qu’esti añu llega a la so edición ventiocho volviendo al so llugar hestóricu de celebración, el Teatru Campoamor. Va abrir l’actu l’entamu musical de la gaitera Andrea FernándezJoglar al que siguirá la Xunta Estraordinaria de l’Academia de la Llingua Asturiana, col discursu institucional de la Presidenta, Ana Mª Cano. Nesta Xunta Estraordinaria va nomase Miembru de Númberu a la profesora ya investigadora Marta Mori d’Arriba. Col nomamientu de Mori “l’Academia de la Llingua Asturiana quier reconocer la fondura de la so contribución científica, lliteraria y docente al procesu de recuperación llingüística n’Asturies y facer posible, al empar, qu’esa valible contribución pueda enanchase col so trabayu dientro de la propia institución”. Los sones del grupu folk Tejedor van poner puntu final a esti XXVIII Día de les Lletres Asturianes. L’ALLA organiza una espicha, abierta a tol públicu, nel restorán ‘La Gruta’ d’Uvieu. 23 d'abril, 2007 0 FacebookTwitterPinterestEmail
Sociedá El Gobiernu escaez l’asturianu de la web pa les eleiciones 2007 by asturnet 21 d'abril, 2007 Por cenciello que resulte facer una versión n’asturianu de la web pola que se van poer seguir n’Asturies les eleiciones, el Gobiernu nun tuvo en cuenta la posibilidá y nun ufierta más que desplicaciones en castellán na páxina presentada esti día pola Conseyera de la Presidencia, María José Ramos. La web pue consultase na direición www.eleccionesasturias2007.es y trata de facilitar un mayor conocimientu del procesu electoral a tolos organismos, entidaes y ciudadanos en xeneral, menos a los que falen asturianu. “Nuestro objetivo es que sea la principal herramienta para los comicios” afitó María José Ramos al desplica los principales contenidos de la web que ta compuesta de dos enlaces. Ún d’ellos va permitir entrar na web electoral, mentantu que l’otru refierse a los resultaos del escrutiniu, que como nos anteriores comicios, habilitarase’l 27 de mayo y va permitir consultar en tiempu real los resultaos de les eleiciones a la Xunta Xeneral. 21 d'abril, 2007 0 FacebookTwitterPinterestEmail
Sociedá Humberto González, escritor en llingua asturiana y xestor cultural, na llista del Partíu Popular de Xixón by asturnet 19 d'abril, 2007 Redacción. Dempues del anunciu va unes selmanes de la inclusión del hestóricu nacionalista Xose Suárez Arias-Cachero ‘Felechosa’ na llista del PP pal conceyu d’Uvieu, la inclusión d’Humberto González na llista del PP de Xixón, nel númberu 16 de la llista, súmase a los movimientos d’acercamientu a posiciones asturianistes de los populares. Según fontes mui cercanes, Humberto González va participar na reorganización del Partíu Popular de Xixón, con un cargu internu entovía ensin definir. Esta tarde, a les ocho y media va presentase na sede del PP de Xixón, la semeya oficial de candidatos, na que tará González, xunto a la candidata a l’alcaldía, Pilar Fernández Pardo. Humberto González (Figareo, 1961) ye escritor y xestor cultural, organizó delles Xuntes d’Escritores nos años noventa y participó de l’actividá de la Xunta pola Defensa de la Llingua Asturiana, de la que foi Secretariu Nacional. Foi miembru del Partíu Asturianista a principios de los noventa. L’añu pasáu impulsó la celebración de l’Arribada en Xixón. 19 d'abril, 2007 0 FacebookTwitterPinterestEmail
Sociedá La Xunta pola Defensa de la Llingua Asturiana critica les declaraciones de Gabino de Lorenzo sobre lasturianu by asturnet 17 d'abril, 2007 Redacción La Xunta pola Defensa de la Llingua Asturiana (XPDLA) emitió ayeri un comunicáu nel que criticaba les declaraciones de Gabino de Lorenzo, alcalde d’Uvieu y vicepresidente del Partíu Popular d’Asturies. Anque nel comunicáu reconocen que “nos últimos tiempos el Partíu Popular d’Asturies vien faciendo xestos a favor de la llingua asturiana. Mesmamente, a favor de la oficialidá, como nel casu del votu favorable de los conceyales populares nes mociones presentaes nos Conceyos de Siero, Villaviciosa y Samartín del Rei Aurelio”, a la organización nun-y presten les declaraciones del alcalde uvieín “a favor del asturianu pero refugando la cooficialidá”. Pa la XPDLA ye “una grave contradicción” que “nun son a comprender nun partíu que n’otres comunidaes autónomes tien una postura distinta dafechu” y ye que De Lorenzo comentó nes sos declaraciones qu’“había que-y echar una mano al asturianu pa que nun morriera, pero qu’eso nun significaba la cooficialidá”. La XPDLA diz-y a Gabino que “nun se pue tar en misa y repicando” y que “si quier salvar l’asturianu, como diz, entame una política llingüística seria nel so conceyu”. Comunicáu completu de la XPDLA 17 d'abril, 2007 0 FacebookTwitterPinterestEmail
Plástiques La Casa Cultura de Colunga fai repás a la obra dEmiliol Retratista by asturnet 16 d'abril, 2007 Redacción Emilio Alonso García ‘Emilio’l Retratista’ dexó al morrer más de mil doscientos negativos de semeyes, la mayoría retratos, fechos nel so conceyu natal, Colunga. Les semeyes tuvieron munchos años nel olvidu, pero’l propietariu actual de la casa, descubrió los negativos en plaques de cristal nel solláu de la casa y devolviólos a la familia. La ñeta d’Emilio’l Retratista donó la obra al Museu del Pueblu d’Asturies, que dende 1992 vien recuperando eses semeyes pa poneles a disposición del públicu. Agora les semeyes viaxen otra vegada al conceyu onde les fizo Emilo Alonso ente 1887 y 1936. Amás de ser fotógrafu de Colunga ente esos años, Emilio Alonso (1872-1948) foi corresponsal fotográficu del ‘ABC’ y del ‘Blanco y Negro’ y ente 1916 y 1920 acompañó a Aurelio de Llano retratando molinos y pontes. 16 d'abril, 2007 0 FacebookTwitterPinterestEmail
Sociedá Esti martes 17 presentase’l llibru “Histories del Balonmano Ciudá Naranco” de Miliol del Nido by asturnet 16 d'abril, 2007 Esti martes 17 dabril, a les 21 hores, va facese nel chigre de la Xunta, La Casa Posafuelles (C/La Cuesta la Vega 10, Uviéu), la presentación del llibru “Histories del Balonmano Ciudá Naranco”, del que ye autor Miliol del Nido. El llibru, espublizáu pola editorial Trabe, recueye la historia y anécdotes de cinco años decisivos pal equipu, de 1979 a 1984. 16 d'abril, 2007 0 FacebookTwitterPinterestEmail
Sociedá Alejandro Suárez va encabezar la llista d’IX n’Uviéu by asturnet 16 d'abril, 2007 Sigún afita la nota de prensa que diere a conocer IX, el cabeza de llista d’esta candidatura va ser Alejandro Suárez González (Mieres, 1972), residente n’Uviéu. Alejandro Suárez Gonzalez ye afiliáu del Partíu Comunista d’Asturies dende que tenía 15 años. Tamién ye militante del sindicatu Comisiones Obreres y un activu integrante del movimientu xuvenil y del so muérganu de representación el Conseyu de la Mocedá. Foi responsable de la Oficina d’Información pa la Oxección de Concencia. Dende l’añu 2004 ye Vicepresidente del Conseyu de Comunidaes Asturianes. Anguaño ye miembru del gabinete del Grupu Parlamentariu d’IX na Xunta Xeneral del Principáu, onde s’encarga de temes venceyaos al Mediu Ambiente. La llista foi aprobada por 76 votos a favor, 6 en contra y 3 abstenciones. Del mesmu mou fueron aprobaes les llistes de Llangréu, encabezada por Alejandro López, y la de Samartín del Rei Aurelio, encabezada por Julio Antuña, pendientes de la incorporación de los representantes que decidan Bloque por Asturies y Verdes d’Asturies. La llista completa d’IX d’Uviéu ye la que vien darréu: Alejandro Suárez Paloma Uría Rios José Antonio Ballesteros Garrido (Verdes) Adolfo Saro Ana María Villanueva Suárez Enedina García Peláez Pedro Rodríguez Martínez Marta Ibañez Pascual Luis Álvarez Pérez Beatriz Quirós Canto (Verdes) José Ramón Hevia Fernández María del Pilar González Fernández Dario Díaz Álvarez Nieves González Gayol Miguel González Álvarez Pilar Voces Salazar Enrique Fernández Trujillo (Verdes) Taresa Lorences Juan Ángel García Pérez Ester Jiménez Faustino Álvarez García Nieves Naveira Oscar Luis Sainz Baizán Ana Rosa Iglesias García (Verdes) Juan Fernández Ania María de los Ángeles Perez Pieiga David Ruiz González Arturo Albella Esteve Reyes Otero Paulino Dapia Peláez (Verdes) 16 d'abril, 2007 0 FacebookTwitterPinterestEmail
Sociedá Morcín y Grandas de Salime yá tienen toponimia oficial by asturnet 15 d'abril, 2007 El Conseyu de Gobiernu del Principáu d’Asturies aprobó na so sesión d’esti xueves los decretos de toponímica de los conceyos de Morcín y Grandas de Salime, colo que son yá 22 los espedientes toponímicos aprobaos dende l’aniciu de la llexislatura. Xunta los 20 espedientes aprobaos hai otros 12 n’avanzáu estáu de tramitación que podríen pasar trámite enantes de finar la llexislatura. L’aprobación d’estos topónimos supón la continuidá de la recuperación del procesu de normalización de los nomes de llugar tradicionales asturianos dempués del parón del añu 2006, en que namás s’aprobaron 4 espedientes. 15 d'abril, 2007 0 FacebookTwitterPinterestEmail
Sociedá IX atalanta quun debate electoral ensin la so presencia sedría antidemocráticu by asturnet 10 d'abril, 2007 Jesús Iglesias, candidatu a la presidencia del Principáu dIX-BA-Verdes, considera quun debate a dos bandes nel quúnicamente participen los candidatos de PP y PSOE sería antidemocrático y podría considerase una falta de respetu, non a Izquierda Xunida, sinon al electoráu de la coalición y a la sociedá asturiana ya que marxinaría la propuesta dun partíu que, por voluntá afitada de los ciudadanos dende hai cuatro años, vien participando nel gobierno del país. Izquierda Xunida desixirá y demandará al PP y al PSOE la so presencia y participación, al mesmu nivel, nos posibles debates electorales que se celebran hastal 27 de mayu. Sigún asoleya na so páxina web Izquierda Xunida, Jesús Iglesias dexó bien afitao que la propuesta de IU-BA-Verdes va a ser la que determinará el gobierno de Asturias darréu de la iniciativa de PP y PSOE de protagonizar debates colos sos dos candidatos, cuando la política en Asturias desde hace cuatro años es cosa de tres. 10 d'abril, 2007 0 FacebookTwitterPinterestEmail
Sociedá Presentóse la coalición nacionalista Unidá by asturnet 9 d'abril, 2007 Andecha Astur (AA), Izquierda Asturiana (IAS) y los Verdes-Grupu Verde presentaron esti llunes 9 d’abril la coalición electoral “Unidá”, opción nacionalista que va tener por candidatu al escritor Ignaciu Llope y que xurde d’un alcuerdu programáticu que llevare dellos meses de negociación. Los oxetivos de la coalición pasen por defender la identidá asturiana y proponer un modelu social, económicu, y ecolóxicu basáu na xusticia social. Llope calificó na presentación a “Unidá” al gobiernu asturianu como “desfasáu y ensin idegues” y descartó darréu cualaquier alianza colos partíos d’esi gobiernu en casu de llograse representación na Xunta Xeneral. Na presentación de la candidatura participaron tamién, Germán Abad, representante d’Andecha Astur, el secretariu xeneral d’IAS, Faustino Zapico, Violeta Santapaz y Santiago Artime, conceyales d’Andecha Astur por Riosa y Candás, que van ocupar los númberos dos y trés de la llista de “Unidá” na circunscripción central tres d’Inaciu Llope. El candidatu pela circunscripción oriental va ser Germán Abad y el de la occidental Roberto Menéndez. Acuerdu programáticu de la coalición 9 d'abril, 2007 0 FacebookTwitterPinterestEmail