Plástiques “Imaxe y Identidá”, diez visiones artísticques sobre l’home contemporáneu by asturnet 24 de xineru, 2007 La Obra Social de “La Caixa” y l’Ayuntamientu de Xixón presenten nel Antiguu Institutu Xovellanos una amuesa sobre la representación de la figura humana nel arte contemporáneu. La Obra Social de “La Caixa” en colaboración cola Fundación Municipal de Cultura de Xixón presenten una selección d’obres de la Colección d’Arte COntemporáneu de la Fundación “La Caixa” al rodiu del conceptu del retratu embaxo 15 semeyes y videointalaciones, una parte mínima de les 800 qu’integren los fondos de la colección d’arte contemporáneu de La Caixa. L’amuesa ye una galaería d’imáxenes creaes por diez artistes que tresformaren el tradicional xérneru del retratu dende puntos de vista bien diferentes. Christian Boltanski, Gillian Wearing, Cindy Sherman, Sam Taylor-Wood, Günther Forg, Craigie Horsfield, Óscar Muñoz, Bruce Nauman, Carlos Pazos y Stefan Hablutzel esploren los medios de representación y les convenciones culturalmente establecíes pa destacar que, a la fin, toda imaxe ye una ficción. L’amuesa aconceya, sobre too, fotografíes y videointalaciones que planteguen una reflexón sobre la natura mesma de la imaxe col obxetivu de romper les barreres que faen de llende ente’l públicu y la creación contemporánea y promover l’accesu de la sociedá al arte. 24 de xineru, 2007 0 FacebookTwitterPinterestEmail
Cine El Teatru Filarmórnica proyecta los curtios finalistes del Festival de Ribedeva by asturnet 23 de xineru, 2007 El Teatru Filarmónica d’Uviéu va proyectar los curtios finalistes del Festival de Curtios Cinematográficos de Ribedeva. Los díes 23 y 25 de xineru el teatru uvieín acoyerá la proyección de los trabayos finalistes. La realizadora asturiana Amanda Castro algamó’l premiu al meyor curtiu asturianu con Tierra de Guerrilleros. El trabayu ganador “Papeles” d’Eliazar Arroyo cuenta los trámites de los emigrantes de cara a la so regularización. La edición de 2006 d’esti festival recibió 180 curtios a concursu, cien más que na edición de 2005. La medra de trabayos presentaos nun repercutió na calidá de les cintes qu’en pallabres del xuráu aumentó abondo. Ente les cintes presentaes desataquen dalgunes de les que depués se preseleccionaríen pa los premios Oscar o otres nes que participen actores como Fernando Tejero. El premiu al meyor curtiu asturianu foi pa Tierra de Guerrilleros la primera obra d’Amanda Castro. El curtiu cuenta l’alcuentru, imaxinariu, ente Gaspar García Laviana y Mata, un guerrilleru republicanu asturianu, nos tiempos de la posguerra. La cinta presentóse en 2005 nel Festival Internacional de Cine de Xixón algamando un bon éxitu. 23 de xineru, 2007 0 FacebookTwitterPinterestEmail
Música Tejedor y Corquiéu viaxen al Festival Celtic Conncections de Glasgow by asturnet 23 de xineru, 2007 Corquiéu y Tejedor,Dos de los grupos más internacionales del folk asturianu participarán nel Festival Celtic Connections qu’añalmente se cellebra en Glasgow. El Celtic Connections ye consideráu por munchos el mayor festival de la música celta del mundu. La edición de 2007 entamó ‘l pasáu 17 de xineru y va acabar el 4 de febreru, momentu nel que pelos escenarios del festival pasaren más de 180 actuaciones. Corquiéu entamará los conciertos el día 25 de xineru xunta a la banda Four Men & a Dog, el conciertu será grabáu pola BBC. El domingu 28 van compartir escenariu con Roy Campbell. Corquiéu formóse en 1997 cola xuntura de cinco músicos ribeseyanos. La so presentación discográfica fízose nel discu “Nuevu Folk asturianu, volume 5” editáu nel añu 2000 pola Discográfica L’Aguañaz; esti discu yera compartíu con otros grupos de recién creación de la escena folk asturiana. Al añu siguiente publicaríen, tamién con L’Aguañaz el so primer discu en solitariu tituláu La Barquera. Depués d’esti trabayu participaríen en dellos discos colectivos hasta llegar a 2005, cuando volveríen a los estudios pa grabar Salia, esta vegada con Tierra Discos. Corquiéu ye anguaño una de les bandes del folk asturianu con más presencia, y calidá, nos directos. Depués de pasar per Glasgow los de Corquiéu empobinarán camín de Bélxica pa depués salir a facer les amériques. Corquiéu acaba de ser convidada a participar nuna minixira pelos Estaos Xuníos que los podría tener alredor de 15 díes tocando pel país americanu, dalgo que na música asturiana sólo fizo Llan de Cubel. Pela so parte los hermanos Tejedor, que vienen de llenar el Teatru Campoamor d’Uviéu y de lliderar les llistes de ventes de discos asturianes, van entamar la so participación nel Celtic Connections mañana 23 de xineru con un conciertu, que va tar retransmitíu pola BBC4, nel que fadrán la presentación de “Música na Maleta”. El 24 de xineru volverán a les tables xunta a Finlay MacDonal. El domingu 26 de xineru José Manuel Tejedor participará nel homenaxe a Gordon Duncan xunta a músicos como Paddy Keenan, Allan McDonald, Ross Ainslie o Jarlath Henderson. Los Hermanos Tejedor entamaron el so llabor nos estudios col trabayu Texedores de Suaños, 1999. En 2003 sacaríen Llunáticos pa yá en 2006 asoleyar Música na Maleta. José Manuel y Javier Tejedor ganaron el troféu MacLlan, el más prestixosu del mundu, en delles ocasiones. Eva Tejedor ye parte del colectivu Muyeres xunta al que grabaría dos discos. Ente les collaboraciones del grupu tán les feches xunta a Davy Spillane, Carlos Nuñez, Kepa Junkera, Phil Cunninham o la fadista portuguesa Dulce Pontes. Emisión en llinia del Festival Celtic Connections 23 de xineru, 2007 0 FacebookTwitterPinterestEmail
Música El vienres 19 de xineru la gaita sonó nel Conservatoriu by asturnet 22 de xineru, 2007 La primer clase de gaita nun Conservatoriu púnsose’l pasáu 19 de xineru. El Conservatoriu Eduardo Martínez Torner, d’Uviéu, acoyó la primer de les clases d’estos estudios, que dignifiquen al instrumentu más destacáu de la música asturiana. Anque les clases teóriques yá dieren entamu a mediaos de setiembre nun sería hasta’l pasáu vienres 19 de xineru, cuando entamaren los primeros sones de les enseñances práctiques. El cursu de gaita entama con 16 alumnos, que recibirán una instrucción y un conocimientu del llinguaxe musical diferente a la qu’hasta agora se venía faciendo, y ayena dafechu a la tresmisión oral tradicional. Iñaqui Santianes ye un de los dos profesores que tán impartiendo’l primer cursu de gaita asturiana nun Conservatoriu, ye ganador del Troféu MacCrimmon, antiguu MacCallan, asina como del Concursu de Folklore Ciudá d’Uviéu, tien publicáu’l discu “Foncalada”. La llegada de la gaita a los Conservatorios ye una llarga aspiración de la música asturiana. Como daba anuncia Asturnews el Conservatoriu del Valle del Nalón va entamar a partir del prósimu setiembre a poner les clases de gaita.. La gaita incorpórase el prósimu cursu a los estudios reglaos de los conservatorios 22 de xineru, 2007 0 FacebookTwitterPinterestEmail
Música Cursu de Jazz pa Febreru na Escuela Música de Llanera by asturnet 21 de xineru, 2007 La Escuela Municipal de Música de Llanera va a facer en febreru un cursu de jazz ente los días 16,17,18,19 y 20. El cursu va tener como mayestros a Horacio Icasto, Jacobo de Miguel, Joaquin Chacón, Alfredo Morán, Andreas Prittwit, Mathew Simon, Noah Shaye y Daniel Casielles. El coordinador del cursu ye Baldomero Gutiérrez (profesor de flauta y saxofón de la Escuela de Música de Llanera). 21 de xineru, 2007 0 FacebookTwitterPinterestEmail
Música Entamen les votaciones pa los Premios de la Música Asturiana by asturnet 19 de xineru, 2007 Les votaciones populares pa los Premios AMAS 2006 tán abiertes hasta’l 6 de febreru. Lo mesmo que na primer edición les votaciones per internet sedrán les que concedan estos premios. Na gala d’entrega de los premios que se fadrá’l prósimu 16 de febreru nel Teatru Filarmónica otorgaránse los AMAS Honoríficos a Carlos Redondo ya Igor Medio. Les categoríes, nes que se dividen los Premios AMAS, son Grupo Revelación, Meyor Baxista, Meyor Batería, Meyor Cantar Folk, Meyor Canción Rock-Pop, Meyor Cantante, Meyor Directu, Meyor Discu Folk, Meyor Discu Rock-Pop, Meyor Gaiteru, Meyor Guitarrista, Meyor Intérprete instrumental, Meyor Lletrista, Meyor Portada, Meyor Productor, Meyor Teclista y Meyor Vídeoclip. 19 de xineru, 2007 0 FacebookTwitterPinterestEmail
Música Toli Morilla presenta Entropia en Xixón by asturnet 18 de xineru, 2007 Toli Morilla presenta esta tarde Entropia nel espaciu Ámbitu Cultura d’El Corte Inglés de Xixón. Na presentación del discu participarán los autores de los cantares del nuevu discu del cantautor. La presentación tendrá sitiu a partir de les 19.30 hores. El sábadu 20 de xineru presentará’l trabayu nel Forum de la FNAC en Paredes (Siero). Nos dos acústicos que va dar Toli Morilla nestes presentaciones el cantautor tará acompañáu por George Knoll y Paul Bertrand, dos de los músicos de la banda que grabó Entropia. A lo llargo de los 14 cortes d’Entropia Toli Morilla da voz a los poemes d’autores como David González, Marta Mori, Xuan Santori, Aurora García Rivas o Pablo Texón. 18 de xineru, 2007 0 FacebookTwitterPinterestEmail
Cine José Antonio Quirós entama en primavera’l rodaxe de “Cenizas del Cielo” by asturnet 17 de xineru, 2007 José Antonio Quirós, director de “Pídele cuentas al Rey”, va entamar esta primavera el rodaxe de la so segunda cinta “Cenizas del Cielo”. La película tendrá la Central Térmica de Soto como paisaxe de fondu, y va ser grabada na so totalidá énte los conceyos d’Uviéu, La Ribera, Morcín y Mieres. Nes prósimes selmanes entamarán les sesiones de casting n’Uviéu. L’argumentu de la película centrase na relación d’un escritor de guíes de viaxe y un paisano que vive xunta la central térmica 17 de xineru, 2007 0 FacebookTwitterPinterestEmail
Música La banda de Gaites de Corvera algama’l Premiu a la meyor formación estranxera nel pasucais de San Patricio de 2006 by asturnet 17 de xineru, 2007 La Banda de Gaites de Corvera algamó, per segunda vegada, el premiu a la meyor formación estranxera nel pasucais qu’añalmente se cellebra en Nueva York en conmemoración de la festividá de San Patriciu, patronu d’Irlanda. El prósimu 26 de xineru la banda recoyerá esti galardón nun actu que se va facer n’Uviéu. El desfile de San Patricio cellébrase tolos 17 de marzo en Nueva York dende 1762, añu nel que soldaos irlandeses marcharon sobre la ciudá. Esti desfile tien alredor d’unos 2 millones d’espectadores y ye una de les grandes cites añales del mundu celta. La Banda de Gaites de Corvera entamó’l so trabayu en 1999, teniendo como base a les y los alumnos de la Escuela Municipal de Música de Corvera. El so primer trabayu discográficu “Al debalu”, asoleyáu en 2006 por Grabaciones Pola, vendió les primeres 4.500 y yá sacó na cai la so segunda edición. Nesti trabayu discográficu faese un recorríu por sones perestremaos como les habaneres, norteamericanos, irlandeses… ensin escaecer los sones tradicionales asturianos como “Cuando yo fui a Cuadonga” o l”Himnu d’Asturies”. Bras Rodrigo, director de la Banda de Gaites de Corvera, considera que la so banda entamó un camín nel desfile de San Patriciu. Esti camín ye’l que tan siguiendo otres bandes del restu de les naciones celtes, en referencia a la participación na edición de 2007 d’una banda de gaites bretona. 17 de xineru, 2007 0 FacebookTwitterPinterestEmail
Música Conciertu de Xabel Vegas y Las Uvas de la ira en la sala Tribeca d’Uviéu by asturnet 15 de xineru, 2007 El próximu vienres 26 de xineru, a partir de les 20.30 hores, el cantautor xixonés, y batería de Manta Ray, Xabel Vegas dará un conciertu na sala Tribeca d’Uviéu. La entrada ye de baldre, hasta llenar l’aforu. Xunta a Vegas, tará nel escenariu el grupu de Mieres FMM (Fantástico Mundo de Mierda). Xabel Vegas, Nacho Vegas y Xel Pereda tán preparando una grabación sobre’l cancioneru tradicional asturianu, esti discu podría asoleyase na primavera. 15 de xineru, 2007 0 FacebookTwitterPinterestEmail