Música La Fundación de Música Moderna cellebra’l so X Aniversariu n’Avilés by asturnet 20 d'avientu, 2006 Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles Juan José Fernandez Fernández, conceyal de Cultura d’Avilés, presentó’l programa d’actos previstu por mor del X aniversariu de la Fundación de Música Moderna que se va facer el 22 d’avientu dende les 18,00 nel Palaciu de Valdecarzana. Nel actu participó’l presidente de la Fundación Gonzalo Casielles La Fundación de Música Moderna surde hai 10 años col obxetivu de crear una infrastuctura independiente pal desedolcu de la música moderna que permitiere formar, asesorar, editar y promocionar a los grupos de jazz, folk, pop y rock, asina como crear puestos de trabayu en condiciones dignes pa los artistes asturianos. La Fundación fizo programes de música na cai con una ventena de Conceyos asturianos y dellos cursos de formación en producción y xestión cultural empobionaos a desempleaos. La Fundación de Música Moderna entama más de 150 conciertos añales y cuenta con casi 300 alumnos na so escuela d’Avilés Programa d’actos (Palaciu de Valdecarzana) 18.30 hores: Mesa redonda: Asturies suena bien. Coordina: Aique Rodríguez, periodista radiofónico. Participen David Serna (RNE), Alberto Toyos (SER), Sonia Fidalgo (RTPA), Sonia Avellaneda (Radio Vetusta) y Gonzalo Casielles (Fundación de Música Moderna). 19. 30 hores: Presentación del DVD Cola música pa esta parte. 20.00 hores: Jam session 21.00 hores: Vino asturiano 23.00 hores: Conciertu de música de los 60 con diversas formaciones de la FMM na Plaza Maspalomas. 20 d'avientu, 2006 0 FacebookTwitterPinterestEmail
Lliteratura Les biblioteques asturianes recibirán 500.000 euros del Ministeriu de Cultura by asturnet 19 d'avientu, 2006 L’aportación que venía dando’l Ministeriu de Cultura a la rede de Biblioteques d’Asturies duplicaráse en 2007 algamando’l mediu millón d’euros. L’anuncia fízose pública nel marcu de la Conferencia Sectorial de Cultura, cellebrada en Iruña, y qu’abordó’l nomamientu de representantes de les comunidaes autónomes na Comisión Estatal sobre la Dixitalización y l’Accesibilidá de les biblioteques, asina como’l siguimientu del proyectu européu de la Biblioteca Dixital Europea. La representación asturiana foi designada pa ser parte d’esta comisisón. Asina mesmo, alcordáronse los criterios de distribución de los fondos qu’el ministeriu español empobina pa la merca de llibros nes biblioteques públiques. L’estáu español nesta partida incrmenta, tamién, la so aportación hasta los 19.600.000 euros, esta cantidá permite que l’aportación del gobiernu español a les biblioteques asturianes pueda medrar. 19 d'avientu, 2006 0 FacebookTwitterPinterestEmail
Música La mina que nun cierra by asturnet 19 d'avientu, 2006 El colectivu Foru pola Poesía asoleyó el llibru discu La mina que nun cierra, un trabayu musical de Xulio Arbesú nel que se musiquen poemes de 16 escritores de la Cuenca del Nalón. El Foru pola Poesía ye un colectivu formáu por escritores de la Cuenca del Nalón, que cuenta col sofitu de delles asociaciones culturales. Con esti tipu d’iniciatives esti colectivu amuesa la vitalidá de la cultura asturiana na Cuenca del Nalón. Ente los autores que participen nesti discu llibru alcuéntranse Pablo Rodríguez Medina, Ricardo Labra, Ana Vanessa Gutiérrez, Chechu García, Alberto Vega, Eli Felgueroso, Javier Cellino, Xurde Alvarez, Casimiro Palacios o Pablo Antón Marín Estrada El llibru presentaráse’l 12 de xineru a partir de les 20,00 nel teatru de La Felguera, nesta presentación participarán los escritores llangreanos; y darréu fadráse la presentación nel Teatru de L’Entregu au presentarán los autores de Samartín. 19 d'avientu, 2006 0 FacebookTwitterPinterestEmail
Música La reina del Truébano presenta “Diez años esmelgando sones” by asturnet 19 d'avientu, 2006 La Banda de gaites “La Reina del Truébano” ta preparando la presentación del so tercer discu nel que cellebren los diez años del so nacimientu. El discu tituláu “Diez años esmelgando sones” presentaráse na Casa Conceyu de Navia el vienres 22 d’avientu a partir de les 20 hores. 19 d'avientu, 2006 0 FacebookTwitterPinterestEmail
Lliteratura Certame lliterariu sobre la gastronomía llionesa en llingua asturiana by asturnet 18 d'avientu, 2006 L’Asociación Gastronómica Rexón Llionesa pal Bon Xantar convoca la primer edición del so Premiu lliterariu “Jaime Andrés”. El certame ta abiertu a toles persones que tean interesaes en presentar los sos trabayos lliterarios en llingua asturiana sobre la gastronomía de la comunidá vecina. El xuráu del certame premiará con 600 a la meyor obra presentada. L’Asociación Gastronómica Rexón Llionesa pal Bon Xantar nació na primavera de 2005. Ta compuesta por un grupu de llioneses, d’estremaos ámbitos y orixe que s’axunten alredor de los Productos de Llión. Dende 2006 la entidá tien un alcuerdu con Caxa España na qu’axunten los ámbitos gastronómicu y llingüísticu plasmaos nesti certame. 18 d'avientu, 2006 0 FacebookTwitterPinterestEmail
Música Presentóse l’Anuariu de la Música Asturiana 2006 by asturnet 18 d'avientu, 2006 El vienres 15 d’avientu presentóse l’Anuariu de la Música Asturiana 2006. Inaciu Iglesias, editor d’Ámbitu, y Xune Elipe, responsable de discos L’Aguañaz presentaron la nueva edición d’esta guia de la música fecha n’asturianu. La edición de 2006 ye’l primer frutu de la de la xuntura de La discográfica L’aguañaz cola editorial Ámbitu. La edición de 2006 ta dedicada a Ígor Medio y Carlos Redondo. Nesti puntu Xune Elipe reivindicó un ameyoramientu de les condiciones de trabayu de los músicos asturianos. Considerando que por mor d’esta desgracia pa la música asturiana dende la sociedá entamóse una reflexón sobre les mesmes. L’artículu principal d’esti Anuariu ye un artículu d’Inaciu Llope sobre Felpeyu, nel que se desenvuelve la historia d’esti grupu faciendo al tiempu una comparanza coles llinies del comic. Xune Elipe destacó la bayurósa producción musical asturiana señalando qu’en 2006 s’espublizaron 41 discos, 16 llibros y 4 audiovisuales sobre la música n’asturianu. Xune Elipe nesti puntu remarcó la necesidá de la implicación de l’Alministración asturiana nel procesu de difusión de la música asturiana, “tien de trespasar les fronteres” pa ello puso d’exemplu la campaña “Galicia Calidade” na que tamién se promociona la música gallega. Dientro del Anuariu y ente los artículos que s’amuesen, Rafael R. Valdés desarrolla un perintersante trabayu sobre l’Actividá Musical na Asturies de la guerra. Rubén Ardura realiza un dossier sobre l’actividá del movimientu hip-hop n’Asturies, col títulu Del Bornx a Blimea. Berto Peña pola so parte ufre un estudiu sobre la posible música na Edá del Fierro nel territoriu asturianu. Xune Elipe colabora tamién na producción de conteníos col so artículu De la gaita a la telecaster nel que s’analicen les evoluciones de la música celta y la so relación cola música asturiana. L’Anuariu de la Música Asturiana duplicó la so tirada, llegando a los 4000 exemplares, que va repartise de baldre xunta’l selmanariu Les Noticies y nos chigres, tiendes de música nos que yá se venía faciendo, a partir del vienres 22 d’avientu. 18 d'avientu, 2006 0 FacebookTwitterPinterestEmail
Música Cultura presenta la primer edición de Cuadernos del Archivu de Música d’Asturies” by asturnet 18 d'avientu, 2006 El Director Xeneral de Promoción Cultural y Política Llingüística, Carlos Madera, presentó güei la primer edición de los Cuadernos del Archivu de Música d’Asturies, dedicada a Pedro Braña. Esta publicación añal tien por obxetu difundir l’Archivu de Música d’Asturies. La publicación que tará dedicada a los músicos asturianos, y en pallabres de Carlos Madera yá se ta preparando la edición de 2007 que tará dedicada a la figura del compositor Facundo de la Viña Les obres recoyíes nesta publicación son dos temes pa instrumentu solista, el vigulín y el violonchelo acompañaos de pianu, un triu y dos pieces pa un cuartetu de cuerda. Con estes obres recompilaes avérase a la música del compositor Pedro Braña. El destín d’esta nueva colección de la Conseyería de Cultura ye los centros d’enseñanza de música asturianos, asina como les biblioteques públiques y los centros d’investigación, conservación y documentación del país. 18 d'avientu, 2006 0 FacebookTwitterPinterestEmail
Lliteratura Xulio Arbesú y Dolfo Camilo Camilo Díaz ganen el XXVII premiu Maria Xosefa Xovellanos by asturnet 15 d'avientu, 2006 Emilio Arbesú, cola obra El pisu d’enriba, y Dolfo Camilo Díaz, coon Imago, ganaron el XXVII premiu María Xosefa Xovellanos de narrativa, qu’añalmente convoca la Conseyería de Cultura. El premiu Xuán María Acebal de poesía quedó ermu, anque’l xuráu ficiere una mención específica al poemariu Culpa de la lluz. El pisu d’enriba, de Xulio Arbesú ye una narración cuntada dende la perspectiva d’una muyer que tien la fin d’acabar col ruidu de los vecinos. Imago, de Dolfo Camilo Díaz ye una obra coral na que s’entemecen dos histories que desenvuelven un “thriller” que busca la satisafacción del llector. Nel actu d’entrega presentáu por Carlos Madera, Director Xeneral de Promoción Cultural y Política Llingüística y Ramón d’Andrés, Xefe de la Oficina de Política Llingüística, fízose un repasu a les diferentes inicitives que dende’l Gobiernu asturianu se veníen adoptando cola de fin de promover la edición de llibros n’asturianu. Ramón d’Andrés contabilizó la producción lliteraria en llingua asturiana nunos 100 exemplares añales “que coles subvenciones de la Conseyería alcuéntrase nes estanteríes de les llibreríes. Carlos Madera retórico sobre “si ye posible salvar la llingua sólo col cultivu lliterariu” entruga a la que s’autorespondió con un contundente “non” anque precisando “que ye una bona ferramienta pa la normalización social. El Director Xeneral afirmó que la lliteratura n’asturianu vive anguaño una “edá de plata dao que la edá d’oru ta entá por llegar” Ramón d’Andrés dio anuncia de que la próxima Selmana de les Lletres Asturianes tendrá como temática central a la Narrativa. Asina mesmo’l Xefe de Política Llingüística faló sobre la próxima recuperación del Premiu d’ensayu Máximo Fuertes Acevedo de cara al 2007. 15 d'avientu, 2006 0 FacebookTwitterPinterestEmail
Música Xuacu Amieva publica “Seis” by asturnet 15 d'avientu, 2006 Xuacu Amieva presentó’l so últimu trabayu “Seis” col que tien la intención de “dar el saltu fuera d’Asturies y ser un referente internacional”. El gaiteru d’El Mazucu presentará esti trabayu’l próximu día 20 d’avientu nel Teatru Filarmónica d’Uviéu. Pal autor de “Seis” esti ye un de los meyores discos de la so carrera en solitariu, qu’entamara con “Onde l’agua ñaz” y tien, ente otros, discos de la categoría de “Xostrando” au’l gaiteru amuesa la so fuerza vocal que nesti últimu trabayu tamién aparez. Xunta a Xuacu Amieva nesti trabayu participen músicos del altor d’Emilio Fidalfo, Luís Rodríguez, Rubén Rodríguez o Paula Alonso. Pa Xuacu Amieva “siguir faciendo discos d’esti tipu sólo p’Asturies ye difícil yá que nun esiste mercáu abondo, poro, ye fundamental una bona distribución más allá de les nueses fronteres” 15 d'avientu, 2006 0 FacebookTwitterPinterestEmail
Música Dark la eme presenta’l videu-clip Asturies ye Differente na Fnac by asturnet 15 d'avientu, 2006 El sábadu 16 d’avientu a partir de les 19,00 hores Dark la Eme va presentar el videu-clip “Asturies ye differente” nel forum de la FNAC. Depués del visionáu del clip ufrirá un mini conciertu nel que sonarán versiones jazzistiques de los temes de “Chigre y Dragón”. Dark la eme a los 14 años tocaba’l pianu con un grupu de blues y a los 17 yera una de les voces más conocíes de la radio asturiana. Foi’l pianista de lleendes como Elliot Murphy o Wilie Nile, tocó nel festival de Woodstock en 1999, o nel conciertu del venti aniversariu de Dixebra, tien fechos conciertos de techno y house en sales de tou’l continente. Tres el so primer single “Un asturianu en Madrid”, incluyíu nel so trabayu “Chigre y dragón”, onde’l hip-hop fusiónase con estilos bien distintos como’l swing, samaba o la tonada, presenta esti segundu single del so discu. 15 d'avientu, 2006 0 FacebookTwitterPinterestEmail