Sociedá Concentración pola oficialidá delantre la Xunta Xeneral by asturnet 4 d'ochobre, 2007 Les conversaciones pal nuevu Estatutu dAutonomía dAsturies tán entamando, los grupos parllamentarios yá tán nomando a los sos representantes nes negociaciones y la oficialidá del asturianu ye ún de los temes en discusión. Buscando que se garantice la oficialidá del asturianu y con motivu del empiezu del calendario de conceyos ente los grupos parllamentarios pa la reforma del Estatutu dautonomía, la Xunta pola Defensa de la Llingua Asturiana manifestose esti día delantre de la Xunta Xeneral dAsturies. La concentración, embaxol lema Na Reforma lEstatutu, LAsturianu Llingua Oficial entamó a les 11:30 desti vienres 5 dochobre delantre de la Xunta Xeneral, na cai Fruela dUviéu. Comunicáu completu de la XPDLA 4 d'ochobre, 2007 0 FacebookTwitterPinterestEmail
Sociedá La portavoz d’IX Noemí Martín pide informes del Primer Plan de Normalización del Asturianu enantes d’entamar un segundu by asturnet 4 d'ochobre, 2007 La diputada d’IX-BA-LV nel Parlamentu Asturianu, Noemí Martín, foi la encargada de defender nel Alderique d’orientación política d’esta selmana nel Parlamentu asturianu les 18 propuetes de resolución de la so agrupación, y na so primer intervención na mañana del xueves insistió na necesidá de que se faiga un informe al Parlamentu de los resultaos del Primer Plan de Normalización del Asturianu- La diputada d’IX-BA-LV dexó nidio qu’entá queden aiciones ensin cumplir d’esi Primer Plan de la lexislatura pasada y dixo que nun yera momentu de plantegar un Segundu Plan, como albidraba qu’insinuó Areces nel so discursu del día anterior. 4 d'ochobre, 2007 0 FacebookTwitterPinterestEmail
Sociedá Concentración pola oficialidá a les 11:30 na Xunta Xeneral by asturnet 4 d'ochobre, 2007 La concentración lleval lema Na Reforma lEstatutu, LAsturianu Llingua Oficial y va facese a les 11:30 desti vienres 5 dochobre delantre de la Xunta Xeneral, na cai Fruela dUviéu, pa lo que la organización convocante pide lasistencia de tolos asturianos esmolecíos cola situación del so idioma. 4 d'ochobre, 2007 0 FacebookTwitterPinterestEmail
Cine Julio de la Fuente presenta’ nel Filarmónica’l curtiu “Crónica de una voluntad” by asturnet 3 d'ochobre, 2007 El Teatru Filarmónica d’Uvieu va ser l’escenariu que conoza per primer vegada’l curtiu del guionista y director natural de Grau, Julio de la Fuente. L’actu de presentención, que va dirixir Sonia Fidalgo, va entamar a les 21:00 hores y va tar amenizáu pola coral de Grau y la banda gaites de Ciudeiru. “Crónica de una voluntad” fuí rodáu en 2007 a mediu camín ente Grau y en Cuideiru y cunta la historia d’una xoven y brillante cientifica que vive en Sama de Grau, interpretada por Ines Vallvet. Una de les curiosidaes d’esti curtiu ye’l cameu que fai’l pilotu Javier Villa, amigu personal del director. Na gala van tar presentes, amás d’abondos personaxes del ámbitu cultural y políticu asturianu, dellos deportistes como l’ciclista Samuel Sánchez, l’árbitru de fútbol Enrique Mejuto o la montañera Rosa Fernández colos que l’autor mantiñán una escelente rellación 3 d'ochobre, 2007 0 FacebookTwitterPinterestEmail
Cine “El Orfanato”, con guión del asturianu Sergio Sánchez inaugura’l Festival de Sitges by asturnet 3 d'ochobre, 2007 “El orfanato”, película dirixida por Juan Antonio Bayona y que cunta como guionista col asturianu Sergio G. Sánchez va ser la cinta encargada d’inaugurar esti día la edición d’esti añu de la 40 edición del Festival de Cine Fantástico de Sitges. “El Orfanato”, rodada nel conceyu de Llanes con aidanza del Principáu d’Asturies,ye la obra que va representar el cine español na prósima gala de los Oscars de Hollywood. Producida por Guillermo del Toro y protagonizada pola actriz Belen Rueda, el primer trabayu de Juan Antonio Bayona, ye una obra de terror fantásticu ambientada nun hospiciu asturianu. La película cunta la historia de Laura (Belen Rueda), una muyer que regresa al horfanatu onde se crió cola intención de reformar el sitiu y montar un hogar pa neños discapacitaos. El suspense entama cuando’l so fíu conoce un inquitante “amigu imaginariu”. 3 d'ochobre, 2007 0 FacebookTwitterPinterestEmail
Cine El Centru Municipal de La Arena de Xixón agospia la proyección de “Las señoritas de Rochefort” by asturnet 3 d'ochobre, 2007 Catherine Deneuve y Françoise Dorleac, interpreten a dos hermanes que quieren atopar l’amor de la so vida nesti musical colorista rodáu en 1967 pol cineasta frances Jacques Demy. “Las señoritas de Rochefort”supuso la segunda incursión del cineasta nel xeneru tres la exitosa “Los paraguas de Cherburgo”. La cinta ye un sentíu homenaxe al cine clásicu de Hollywood y cuanta con un cameu del mismísimo Gene Kelly.. El pase va entamar a partir de les 19:30 hores nel Centru Municipal de La Arena de Xixón y la entrada pal público va ser llibre. 3 d'ochobre, 2007 0 FacebookTwitterPinterestEmail
Sociedá El XIV Premiu Juan Angel Rubio Ballesteros va distinguir la defensa de los derechos humanos by asturnet 3 d'ochobre, 2007 Entamó’l plazu de presentación de candidatures pal XIV Premiu Juan Angel Rubio Ballesteros organizñau pola Sociedá Cultural Xixonesa. El gallardón premia añalmente a persones o collectivos que hayan defendido notablemente el respetu a los derchos humanos y la igualdá. El plazu de presentación de candidatures va tar abiertu hasta 10 d’avientu, esi día el xuráu tomará una decisión que se va asoleyar publicamente’l 14 d’avientu durante la cená añal de la sociedá. 3 d'ochobre, 2007 0 FacebookTwitterPinterestEmail
Sociedá La XPDLA emite un comunicáu por mor de la concentración d’esti vienres by asturnet 3 d'ochobre, 2007 El vienres 5 dochobre, a les 11:30 hores, miembros de la Xunta pola Defensa de la Llingua Asturiana van concentrase ente la Xunta Xeneral pa recordar de manera simbólica la única reivindicación de tipu cultural que los partíos políticos mayoritarios, PSOE y PP, nun supieron nin quixeron resolver nestos últimos trenta años: el reconocimientu del asturianu como llingua oficial. Faise la concentración porque esa mesma mañana y nesi mesmu edificiu va constituise la ponencia pa la reforma del Estatutu dAutonomía dAsturies. Doce persones en nome de los partíos parllamentarios van negociar los términos del Estatutu que va rexir la vida política dAsturies nos próximos años. La Xunta pola Defensa de la Llingua Asturiana quier tar ehí pa recorda-yos a les persones que formen parte de la ponencia de reforma estatutaria que tienen que dase cuenta de que la sociedá asturiana quier más llibertaes y más derechos. Depués de casi trenta años de reivindicaciones, colos partíos mayoritarios negando siempre la posibilidá digualar en derechos a los asturianos y asturianes colos ciudadanos del restu de comunidaes billingües del estáu, vuelve a presentase una oportunidá única: acabar duna vez cola discriminación que vien sufriendo una parte importante de la nuestra sociedá, la daquellos que queremos falar la nuestra llingua, lasturianu, ensin que naide nos eche patrás porque nun ye oficial. Nun somos menos que naide y negámonos a siguir siendo ciudadanos de segunda. Pa eso fai falta que nel Estatutu dAutonomía lasturianu sía oficial, igual que ya lo yel castellanu. Nun se trata dimponer nada a naide: trátase de dar derechos a los que nun los tienen reconocíos. Los que falamos asturianu, los que queremos que se siga falando nAsturies nel futuru, sabemos que nenguna llingua pue sobrevivir si nun ye llegal, si los poderes públicos nun favorecen que suse con una política clara de normalización social. Malamente pue ser normal una llingua que malpenes apaez nos medios de comunicación, que nun usen les autoridaes, que nun se ve escrita, que nun ta nes escueles más que de manera testimonial y que, como tamos viendo colos casos de discriminación que se tán dando últimamente, nun dexen usar en cualquier circunstancia y ante cualquier organismu. La reforma del Estatutu dAutonomía yel momentu pa poner les bases pa la recuperación de la nuestra llingua reconociéndola como llingua oficial. Queremos un Estatutu pa tol mundu: nun queremos un Estatutu pa unos pocos. Nun queremos un Estatutu escluyente y discriminatoriu. Ye hora de que los partíos mayoritarios, PSOE y PP, garren la responsabilidá de poner solución a un problema que va siguir abiertu mientres nun se reconozan los derechos llingüísticos de los falantes dasturianu. 3 d'ochobre, 2007 0 FacebookTwitterPinterestEmail
Tecnoloxía Xixón acueye lAlcuentru Fundamentos Web 2007 by asturnet 3 d'ochobre, 2007 El Palaciu de Congresos de Xixón, asitiáu na Feria de Muestres dAsturies, acueye dende güei lalcuentru internacional Fundamentos Web 2007, que va axuntar a más de cuatrocientos especialistes en desenrrollu web de tol estáu ente güei y el vienres. Esta ye la tercer edición desti eventu. Esta tercer edición del congresu, afaláu pol Gobiernu dAsturies y organizáu pola Fundación CTIC y la Oficina Española del W3C, da la oportunidá de sentir a figures relevantes nel ámbitu mundial del diseñu web con estándares y va centrase en facer analís de la Web dende una perspeutiva téunica y social. Al actu inaugural va asistir el viceconseyeru de Modernización y Recursos Humanos del Gobiernu del Principáu, Luís Iturrioz Viñuela; lalcaldesa de Xixón, Paz Fernández Felgueroso y el director xeneral de la Fundación CTIC, Pablo Priesca Balbín. Les actividaes van desenrrollase ente les 9:45 y les 18:30. Ufrimos un vidiu de les actividaes del añu pasáu Programa completu de Fundamentos WEB 2007 3 d'ochobre, 2007 0 FacebookTwitterPinterestEmail
Cine Continuen les proyecciones cinematográfiques nos centros municipales de Xixón by asturnet 2 d'ochobre, 2007 “La impetuosa” de George Cukor, “Cabaret” de Bob Fosse, y “Confesiones íntimes d’una muyer” de Diane Kuris van enllenar de’l meyor cine la xornada nos centros municipales de Xixón. Toles proyecciones van entamar a les 19:30 hores y la entrada va ser llibre hasta completar l’aforu. “La Impetuosa”, obra dirixida por George Cukor en 1952 ye una de les películes que meyor supieron amestar la comedia col deporte. Interpretada por Spencer Tracy y Katharine Hepburn cunta la historia d’una deportista ya’l so manager. El pase va entamar a les 19:30 nel centru municipal de El Coto. Tamien a les 19:30 hores, y con entrada llibre, pero nesta ocasión nel centru municipal de La Arena, el públicu cinefilu va tener ocasión de reencontrase con una de les pices clásiques del cine musical. “Cabaret” rodada por Bob Fosse algamó l’oscar de 1972 a la meyor actriz, Liza Minelli; al meyor actor secundariu,Joel Grey; a la fotografía; al sonidu; al meyor montaxe; a la dirección artística y a la meyor banda sonora adaptada. Por último, a les 19:30 hores nel Ateneu de La Calzada va proyectase la obra de la cineasta Diane Kuris, “Confesiones íntimes d’una muyer”. El film, protagonizáu por Juliete Binoche, centra’l rellatu nes vivencies de la escritora George Sand nel París de 1832. 2 d'ochobre, 2007 0 FacebookTwitterPinterestEmail