Conceyos Andecha Astur denuncia la grave situación de la ponte ferroviaria del Rebalde en Noreña by asturnet 27 d'avientu, 2010 Andecha Astur vien de denunciar ante la Conseyería de Cultura al Conceyu de Noreña, por abandonu y destrucción del patrimoniu hestóricu, en relación a la Ponte del Rebalde, parte de la linea orixinal del ferrocarril Xixón-Llangréu (lo qu’esplical so valor hestóricu-artísticu), que fuera desmontáu y númeráu pa reconstruyise va catorce años y atópase nun estáu llamentable, abandonáu nuna finca municipal de la cai del Sol ensin nengún tipu de protección contra lo qu’establez la Llei de Patrimoniu d’Asturies. Andecha Astur denuncia qual gobiernu municipal nun-y esmolez n’absolutu’l patrimoniu históricu y cultural como demuestra que nun s’empecipiara nengún trámite pa la declaración de Bien dInterés Cultural (BIC) de la Torre del Reló, el Palaciu del Rebollín o’l Palaciu Miraflores, por casu, o’l mesmu enterramientu, lliteral, de la ponte del Rebalde. Por ello, solicita a la Conceyalía de Cultura que se solicite la declaración de BIC de tol patrimoniu noreñense que cumpla los requisitos. 27 d'avientu, 2010 0 FacebookTwitterPinterestEmail
Lliteratura Formientu despide lañu presentando númberu nuevu en Paraxuga by asturnet 27 d'avientu, 2010 El xueves 30 d’avientu na Llibrería Paraxuga na cai Paraísu 2 dUviéu, lAtenéu Cultural Xuan María Acebal y Xareos! Xestión Cultural organicen a comuña un actu de despidida del añu nel que se va presentar el númberu nuevu y doble (7-8) de la revista, brindando pol Añu Nuevu con sidra axampanao. Lactu va entamar a les 19:30 hores, cuntando cola presencia de los autores. La revista espubliza per primer vegada, nesti númberu, un autor en gallego-asturianu, Miguel R. Monteavaro (Bual, 1990), y cunta amás con delles collaboraciones dautores quentá nun espublizaren en Formientu. Yel casu de Pablo A. Quiroga, Paula Pulgar, Alex Fernandi, lautor más mozu de la revista (Uviéu, 1992), o David Artime, que mos presenta un estractu del premiu Trabe de Narraciones, que llevó la so novela «La bufanda», una de les obres con más ésitu en 2010. Amás nel númberu apaecen autores habituales na revista, como Héctor Pérez Iglesias, Abel Martínez, Jorge Fernández, Ricardo Candás y José Ángel Gayol, que dan amuesa de la lliteratura con más esperiencia. Ente les novedaes desti Formientu 7-8 tán tamién la participación de Belinda González, autora asturbelga que mos manda la so collaboración, como en númberos anteriores lo facía Llucía Di Salvo León, fía demigrantes asturianos en Bonos Aires; Rubén Garcías Martín (Zamora, 1983) que mos trai la lliteratura asturiana que sescribe nel estremu sur del dominiu llingüísticu asturlleonés, y Álvaro Pérez, autor tamién venceyáu a Zamora que mos trai la torna de dellos poemes en catalán de Joan Margarit y Salvador Espriu. 27 d'avientu, 2010 0 FacebookTwitterPinterestEmail
Lliteratura Xabiero Cayarga faise col Teodoro Cuesta 2010 by asturnet 24 d'avientu, 2010 Lescritor de Cangues dOnís, yel ganador de la edición venti del Premiu «Teodoro Cuesta» de poesía col poemariu La ñeve del cuquiellu. Lautor yá se fizo va diez años col premiu, col poemariu Pequeña Europa. 24 d'avientu, 2010 0 FacebookTwitterPinterestEmail
Lliteratura Presentóse nUviéul llibru Teatru nasturianu 2010 by asturnet 23 d'avientu, 2010 El Club Prensa Asturiana de La Nueva España acueye esta tarde, a les 19.00 hores, la presentación del llibru «Teatru n’asturianu 2010», dAlain J. Fernández Fernández, director xerente del Teatru Prendes de Candás. Na presentación participaron Consuelo Vallina, directora de Política Llingüística; Paulino García, conceyal de Cultura de Carreño; Belén Fernández Acevedo, conceyala de Cultura d’Uviéu; José Vega, director de la Obra Social y Cultural de Caxastur, y José Ramón López, de Feteas. 23 d'avientu, 2010 0 FacebookTwitterPinterestEmail
Lliteratura Xurde Fernández presenta Intentu descritura en Candás by asturnet 23 d'avientu, 2010 Xurde Fernández presenta esti xueves en Candás la so segunda novela, Intentu d’escritura (Suburbia Ediciones). Una novela adulta y d’estructura complexa que pue ser incluyía dientro del xéneru negru. El Creisi Bar, asitiáu na cai La Estrecha, ye’l llugar escoyíu pa la presentación que se va cellebrar, a partir de les 19:00 hores, cola participación de Silvia Cosío de la editorial, lescritor Xandru Fernández y el propiu autor. 23 d'avientu, 2010 0 FacebookTwitterPinterestEmail
Lliteratura Últimos díes pa presentase al concursu de rellatos en castellán de La Felguera by asturnet 22 d'avientu, 2010 La Sociedá de Festexos y Cultura San Pedro de La Felguera, convoca esti certame al que pueden presentase rellatos, en castellán, d’ente seis y ocho fueyes de tema llibre. Ta dotáu con 8.000 euros y el plazu de presentación remata’l 31 d’avientu. Los concursantes tienen de dase d’alta na páxina web de la Sociedá www.festejossanpedro.com y rellenar tolos campos que se soliciten na mesma. Na mesma web pueden consultase les bases completes. 22 d'avientu, 2010 0 FacebookTwitterPinterestEmail
Lliteratura Cristina Muñiz presental llibru infantil Dingurindaines by asturnet 22 d'avientu, 2010 La escritora xixonesa de nacencia y avilesina dadopción, Cristina Muñiz Martín presenta esti xueves 23 el llibru Dingurindaines, poesíes pa nenos. Lactu va ser a les siete la tarde, nel Palaciu de Valdecarzana d’Avilés. Lautora estrénase nes obres ilustraes con esti llibru al que da color Enrique Carballeira, editor de la obra al traviés dAsturtoons. Cristina Muñiz tien escrites una novela, dellos llibros de rellatos y participó en volúmenes de monólogu, amás de facer guiones pa radio y teatru. 22 d'avientu, 2010 0 FacebookTwitterPinterestEmail
Lliteratura Reediten la novela ganadora del premiu Xosefa Xovellanos de 1985 by asturnet 21 d'avientu, 2010 En 1985, Adolfo Camilo Díaz ganabal premiu Xosefa Xovellanos de novela con Añada pa un güeyu muertu, un thriller crepuscular que diba marcar a toa una xeneración de narradores asturianos. La novela, editada daquella pol Gobiernu dAsturies, tuvo un interesante percorríu de crítica y públicu, y convirtió al so autor (que volvería ganar el mesmu premiu notres trés ocasiones) nun referente ineludible de la lliteratura asturiana contemporánea. La llingua asturiana certificaba, asina, que yera apta pa representar cualaquier trama o sentimientu. La novela torna esta Navidá a les llibreríes. Suburbia Ediciones rellanza esta novela inaugural nuna edición ondel propiu autor revisól testu pa espurgalu dhiperasturianismos y espresiones usaes na llingua lliteraria daquel periodu, pero estrañes pal llector actual. Una nueva oportunidá dasomase a unes páxines hestóriques pa la nuesa lliteratura. La edición complétase con un epílogu esplicativu del autor y un prólogu de Xandru Fernández. 21 d'avientu, 2010 0 FacebookTwitterPinterestEmail
Lliteratura Los premios de La Caleya fueron pa Emilio Gancedo y David Fernández by asturnet 21 d'avientu, 2010 Lasociación La Caleya y el Conceyu dAstorga (Lleón), entregaron los gallardones de la cuarta edición del concursu Reinu de Lleón. El primer premiu foi en narrativa pa Emilio Gancedo, por Se quieres conocer al paisanín, da-l.ly un carguín, Mateo del Amo foi segundu con El vieyu y el perru, mientres quen tercer llugar quedó David Fernández, con De fumu y ñublina. Na categoría poética Daniel Guerra ganó con Un feix de sentimientos. Nel actu, nel que tuvieron el diputáu Avelino Vázquez; el cronista dAstorga, Martín Martínez; leditor, José Antonio Martínez; y el teniente alcalde, Enrique Soto, presentóse amás el llibru Cuentos de La Caleya, colos ganadores del concursu de narrativa nes sos primeres dos ediciones. 21 d'avientu, 2010 0 FacebookTwitterPinterestEmail
Lliteratura Ánxel Nava presental so primer poemariu Cilurnión by asturnet 21 d'avientu, 2010 Esti martes, 21 davientu, de magar les siete la tarde, la Llibrería Paraxuga, asitiada na cai Paraísu, 2 d’Uviéu, va acoyer el poemariu, Cilurnión, del artista plásticu Ánxel Nava. Esta obra foi la ganadora del Premiu Teodoro Cuesta de poesía na convocatoria del añu 2009. El llibru espublízalu Trabe. Ánxel Nava ye miembru dEl Garrapiellu y dotres organizaciones comol Foru Arte Ciudá. Conocíu pol so trabayu plásticu, ta venceyáu a la defensa de la llingua asturiana y del patrimoniu cultural asturianu. 21 d'avientu, 2010 0 FacebookTwitterPinterestEmail