ConvocatoriesFiestes Esti vienres fina’l plazu pa presentase al Premiu Asturnews de Lliteratura Infantil y Xuvenil by asturnet 8 de payares, 2007 La empresa editora dAsturnews.com, Asturnet, y payudar al espardimientu de la lliteratura infantil y xuvenil nAstuires, convocal Premiu Asturnews de Lliteratura Infantil y Xuvenil cola ayuda de la Conseyería de Cultura del Principáu d’Asturies. Al concursu lliterariu pueden presentase toles persones interesaes, soles o en grupu, ensin llímite dedá, con obres curties de lliteratura infantil y xuvenil en llingua asturiana, yá seyan noveles, recopilaciones de cuentos, poemes o obres de teatru. Los trabayos, nun siendo la poesía, nun pueden tener menos de trenta páxines DIN A-4 o foliu mecanografiaes a doble espaciu per una plana sola. Han ser inéditos y ensin premiar notros concursos. El premiu tien una dotación de 1.000 euros en conceptu de derechos dautor pa caúna de les categoríes (1.000 euros pa la categoría de lliteratura infantil y 1.000 euros pa la categoría xuvenil) y la so publicación editorial. El xuráu pue partilu, conceder accésit, recomendar la publicación dobres o dexalu desiertu según la calidá de los trabayos presentaos. Les obres, firmaes o baxo plica, han mandase per corréu o presentase en mano por triplicao nAsturnews, na cai Martínez Vigil (La Noceda) 15, baxu (Uviéu), enantes del 9 de payares de 2007. Pa más información, pue escribise a inaciu@asturnet.es 8 de payares, 2007 0 FacebookTwitterPinterestEmail
Música Los xixoneses Merlin actuen esti xueves nel Tierra Astur de Cualloto by asturnet 8 de payares, 2007 Merlin actuen el prósimu xueves nel Restaurante Tierra Astur de Cualloto dientro del ciclu de conciertos que cada xueves vien ufriendo el llocal. Merlín ya una banda folk formada en Xixón pol gaieru Ruben Ardura, Daniel de la Cuesta al violín y les voces, Lluis Gómez de Benito a les xiblates, el giuitarrista Ricardo García Mesa, el baxista Javier González Lueje, l’acordeonista David Varela y Dudu García na percusión. 8 de payares, 2007 0 FacebookTwitterPinterestEmail
Música “Etnofonías”, espectáculu de jazz amestau de Pedro Iturralde ye la oferta del Festival de Jazz de Xixón pal xueves by asturnet 8 de payares, 2007 “Etnofonías” ye’l nome del conciertu qu’l saxofonista Pedro Iturralde va ufrir esti xueves 8 de payares nel Festival de Jazz de Xixón. Los aistentes a la cita, que va entamar a les 20:30 hores nel Teatru Xovellanos, van poder disfrutar del buen facer al saxu de una de les figures más relevantes del jazz español. Jazz de fusión, sones del camín de Santiago, dende’l Cant dels Ocells de Pau Casal a les vaqueiraes asturianes, pasando poles cantigues gallegues y el fadu componen la ufierta de Pedro Iturralde Quartet. Xunto col saxofonista van actuar tamien el pienista Mariano Díaz, el baterista Carlos Carli batería y el contrabaxista Miguel Ángel Chastang. 8 de payares, 2007 0 FacebookTwitterPinterestEmail
Música Marlango abren el Festival de Jazz de Xixón esti miércoles nel Xovellanos by asturnet 7 de payares, 2007 Marlango, con l’actriz Leonor Watling na voz solista, van ser el primer platu na edición d’esti año del Festival de Jazz de Xixón que’entama mañána miercoles 7 de payares. La cita ye a les 20:30 hores nel Teatru Xovellanos de Xixón con entraes disponibles a los precios de 18 euros en xeneral y 22 pa los asientos de butaca y entresuelu. Marlango son amás de la cantante y actriz Leonor Watling, el pianista Alejandro Pelayo y el trompetista Oscar Ybarra. Anque con resultáu claramente pop l’estilu musical de la banda tamien bebe del otros sones como’l rock ya’l jazz. 7 de payares, 2007 0 FacebookTwitterPinterestEmail
Música “Música del sieglu XX” trae a Uviéu los sones de Madagascar by asturnet 7 de payares, 2007 Marie Chantal y Delake son dos cantantes de Madagascar que xunto con dellos percusionistes formen “Tamae”, grupu musical empobináu a rescatar del olvidu les músiques tradicionales del so país. Tamaes va actuar esti miercoles nel Centru Cultural Cajastur d’Uvieu (San Francisco, 4) a partir de les 20:00 hores dientro del ciclu “Música del sieglu XX”. La música de Tamae ta influenciada poles cultures africana, india y europea y ta carauterizada pol son de la percusión que se fai con instrumentos como’l angoro, el voatavo, el djembe, la katsa y el tanz. 7 de payares, 2007 0 FacebookTwitterPinterestEmail
ConvocatoriesFiestes Ábresel plazu pa presentar orixinales al Premiu de Narraciones Trabe 2007 by asturnet 6 de payares, 2007 Ediciones Trabe ta acabante dabrir el plazu pa presentar obrea al Premiu de Narraciones Trabe 2007. Un premiu que convoca cola ayuda de la Conseyería de Cultura del Principáu d’Asturies y que va alternando cada añu col Premiu Montesín de Lliteratura Xuvenil, que ganó na convocatoria de 2006 Adolfo Camilo Díaz, cola novela Khaos. El Premiu de Narraciones Trabe tien yá un prestixu bien importante, magar de que per unos años nun se convocacra. Nel 2005 ganó Xandru Fernández cola novela La banda sonora del paraísu, yá publicada. El premiu desti añu ta nos 3.000 euros y pueden presentase noveles o volúmenes de cuentos hastal 30 de payares. BASES: Primera: puen participar toles persones interesaes, soles o en grupu, ensin límite d’edá, con obres de narrativa en llingua asturiana, yá seyan noveles, recopilaciones de cuentos o cualesquier otra forma posible de narración. Segunda: los trabayos presentaos nun tendrán menos de sesenta páxines DIN A-4 o foliu mecanografiaes a doble espaciu per una sola llana (1.800 caracteres). Han ser ineditos y han tar ensin premiu n’otros concursos como conxuntu, quier dicise, puen presentase obres de les qu’apaecieren fragmentos publicaos, o recopilaciones de cuentos onde hebia dalgún editáu. Tercera: el premiu tien una dotación de 3.000 euros en conceptu de drechos d’autor, la so publicación dientro de dalguna de les colecciones de la casa editorial y una escultura orixinal de María Jesús Rodríguez realizada a costafecha pal premiu. El xuráu pue partilu, conceder accesit, recomendar la publicación d’otres obres o dexalu desiertu según aconseye la calidá de los trabayos presentaos. Cuarta: les obres han mandase, per correu o en mano, en cuatro copies a Ediciones Trabe, S. L., c/ Padre Buenaventura de Paredes, 4, 33001 d’Uvieu, enantes de les 24 hores del día 30 de payares de 2007, faciendo constar la siguiente lleenda: PREMIU DE NARRACIONES TRABE 2007. Puen presentase de dos xeitos: firmando col nome, dirección y telefonu o baxo plica, quier dicise, figurando dientro d’un sobre zarráu los datos del autor y fuera’l títulu de la obra presentada y l’alcuñu col que se presenta, d’habelu. Quinta: el xuráu tará formáu por persones relacionaes col ámbitu de la lliteratura asturiana. Como secretariu o secretaria, con voz pero ensin votu, actuará un representante d’Ediciones Trabe. Sexta: al fallu del xuráu nun se pue retrucar. Fairáse públicu enantes del día 31 de xineru de 2008. El xuráu queda autorizáu a abrir la plica de les obres premiaes y de les que recomiende pa publicar. Pal casu de les obres que nun reciban premiu económicu, Ediciones Trabe tien que se poner d’alcuerdu col autor o autores enantes d’entamar la so edición. Setima: los trabayos que nun se premien volveránse a los autores, en pidiendolos estos, nos tres meses siguientes a que se dea conocencia del fallu. Desque pase esti plazu ensin que naide los reclame pasarán a formar parte del archivu editorial. Octava: presentase al premiu supón tar d’alcuerdu coles bases. Les cuestiones que se plantexen y que nun tuvieren establecíes nestes bases podrá resolveles el xuráu. Uvieu, 24 d’ochobre de 2007 6 de payares, 2007 0 FacebookTwitterPinterestEmail
Música El Centru de Cultura Antiguu Institutu acueye’l jazz d’Alexis Cuadrado by asturnet 6 de payares, 2007 El contrabaxista Alexis Cuadrado actua esti martes 6 de payares a las 20:00 hores nel Centru de Cultura Antiguu Institutu de Xixón dientro del ciclu “Jazz nel centru”. El barcelones va tar acompañáu nesta visita a Xixón pol guitarrista Brad Shepik, el saxofonista Loren Stillman y el baterista Mark Ferber. Alexis Cuadrado ye un miembru activu y destacáu de la escena musical más vanguardista de la ciudá de Nuva York, onde viva dende 1999. Con dos discos editaos y una gran esperiencia nel mundiu profesional cunta na so carrera con collaboraciones xunto a músicos de la talla de Kurt Rosenwinkle, Bruce Barth y Chris Cheek, ente otros. 6 de payares, 2007 0 FacebookTwitterPinterestEmail
Música Sergio Rodriguez presenta’l so trabayu de debú esta nueche en Trascorrales by asturnet 6 de payares, 2007 El productor y compositor asturienu Sergio Rodriguez presenta el so nuevu trabayu discográficu esti martes a partir de les 20:30 hores na plaza Trascorrales d’Uvieu. El discu, espublizáu por L’Aguañaz, lleva por nome “Tutu Studiu 07” y amosa en diez pieces la tradición musical asturiana con sones ellectrónicos de vanguardia. Tonada, romances o muñeires pasen pol tamiz ellectrónico del músicu pa da-yos una nueva visión anque ensín perder la so esencia. Sergio Rodriguez ye ún de los productores más prestixosos del momentu, amás de miembru de Dixebra, tecnicu de soníu, compositor y arreglista. Como músicu bien conocíu y respetáu algamó xuntar nesti discu a lo más granao del panorama musical asturianu con nomes como Toli Morilla, Xose Ambás, Ruben Bada, Jose Manuel Tejedor, Dolfu R. Fernández, Hector Braga, Borja Baragaño, Diego Pangua, Lisardo Prieto, Xuan Nel Expósito, o la banda Dulcamara. 6 de payares, 2007 0 FacebookTwitterPinterestEmail
Música La Fnac de Siero esibe un documental sobre’l discu “Ultra” de Depeche Mode by asturnet 5 de payares, 2007 Esta tarde a partir de les 19:00 hores nel Forum de la Fnac del centru comercial Parque Principado de Siero va proyectase “Oh, well, that’s the end of the band…”, documental sobre la banda británica de pop ellectrónicu Depeche Mode. Esti documentu musical ta exertu dientro del ciclu “Los llunes musicales” que la Fnac dedica emanalmente a repasar l’actualidá del panorama musical internacional. “Oh, well, that’s the end of the band…” acompaña a la reedición del discu “Ultra” espublizada el pasáu ochobre n’Europa. El documental muestra a la banda y a dellos personaxes del so entornu y la casa discográfica opinando alredor de los problemes internos polos que pasó la banda durante la grabación d’esi trabayu. 5 de payares, 2007 0 FacebookTwitterPinterestEmail
Música “Fast food nation”, una ácida crítica a les multinacionales de la comida rápida, esíbise esta tarde en Xixón by asturnet 5 de payares, 2007 Una ácida crítica a les multinacionales de comida rápida ye lo que propón “Fast Food Nation”, coproducción ente britñanicos ya americanos firmada por Richard Linklater en 2006. Siguiendo la premisa propuesta na obra lliteraria d’Eric Schlosser, el director cunta la historia del viexa polos mataderos del país d’un executivu del sector alimenticiu pa comprobar porque les hamburgueses de la so cadena derestaurantes tan contaminaes. El pase de la cinta va entamar a les 20:00 hores na Sala Cultural Cajastur del Monte de Piedá de Xixón con entrada al recintu llibre y de baldre hasta completar l’aforo de la sala. 5 de payares, 2007 0 FacebookTwitterPinterestEmail