Sociedá Greenpeace aborda un buque carboneru en Xixón nel Día Mundial del Mediu Ambiente by asturnet 7 d'ochobre, 2008 Activistes de Greepeace abordaron na madrugada del llunes en Xixón al buque ‘Windsor Adventure’, con motivu del Día Mundial del Mediu Ambiente, señalando al carbón como una de les cimeres causes del cambiu climáticu. La embarcación, de 190 metros d’eslora, 15 de caláu y cargáu con 54.000 tonelaes de carbón y procedente de Colombia, foi abordada por cuatro escaladores de la organización ecoloxista, mientres qu’otros activistes escribieron nel so cascu ‘Abandonemos el carbón’. 7 d'ochobre, 2008 0 FacebookTwitterPinterestEmail
Sociedá Uviéu acueye esti sábadu una nueva manifestación pola oficialidá del asturianu by asturnet 3 d'ochobre, 2008 El sábadu a les 18 hores y dende la Estación de trenes dUviéu va salir la manifestación pola oficialidá convocada pol CAO. Miles de ciudadanos van percorrer como cada añu la cai Uría hasta la Plaza la Catedral embaxol lema Ensin Oficialidá nun hai Estatutu que valga. Van encabezar la marcha dos bandes de gaites. El voceru del CAO, Fernando Ornosa, dexaba afitao na presentación de la manifestación que “seya agora, dientro de dos meses o de tres años cuando s’apruebe l’estatutu, vamos tar siempre reclamando la oficialidá”. Amás de les pancartes de les organizaciones participantes, va heber dos pancartes que van llevar persones independientes del mundu de la cultura, el deporte y representantes de la sociedá civil y encabezando la otra los representantes políticos y sindicales. Asturnews va ufrir un completu reportaxe fotográficu de la manifestación. 3 d'ochobre, 2008 0 FacebookTwitterPinterestEmail
Sociedá Ediciones Nobel merca la editorial madrilana Paraninfo by asturnet 2 d'ochobre, 2008 Le editorial asturiana Ediciones Nobel mercó estos díes el cien por cien de la Editorial Paraninfo, firma madrilana creada en 1954. Con esta compra Nobel gana un importante pesu, yá quanguaño Paraninfo triplica a Nobel en facturación y en númberu de trabayadores. Loxetivu de la editorial asturiana ye caltener les plantiyes y les dos marques nel mercáu nacional y internacional. Nobel trabaya tamién nel sector audiovisual, faciendo programes pa la TPA y TVE ente otres canales. 2 d'ochobre, 2008 0 FacebookTwitterPinterestEmail
Sociedá El paru sigue xorreciendo n’Asturies y n’España by asturnet 2 d'ochobre, 2008 El númberu de paraos rexistraos nes oficines d’emplegu xorreció esti caberu mes n’Asturies en 2.272 persones, lo que supón un aumentu del 4,76 por cientu en rellación al mes anterior y algamar los 79.954 desemplegaos na rexón. N’España, tamién xorrez por sestu mes consecutivu, superando la cifra de paraos los 2,6 millones. Asturies ye la sesta comunidá con más xorrecimientu porcentual del desemplegu, per detrás d’Aragón (+10,03%), Cantabria (+9,13), Baleares (+7,50), Estremadura (+5,55) y Castiella y Llión (+5,27%). 2 d'ochobre, 2008 0 FacebookTwitterPinterestEmail
Sociedá LAsociación de Trabayadores de la Normalización Llingüística denuncia una plaza convocada en Samartín del Rei Aurelio by asturnet 1 d'ochobre, 2008 El llunes pasául Conceyu de Samartín del Rei Aurelio convocó una plaza de técnicu mediu pal Serviciu de Normalización Llingüística. Dende lAsociación de Trabayadores de la Normalización Llingüística detectaronse delles irregularidaes nes bases de la plaza polo que pidieron al Conceyu de Samartín que vuelva convocar la plaza solucionando eses llagunes nes bases. Ente les irregularidaes que toparon na Asociación tán: “el que nun figure cuála ye la baremación pola que se considera aptos o non aptos a los aspirantes; nun queda claro si se va facer fase doposición; nun esiste un temariu; les pruebes selectives, en casu de que les hubiere, nun son les más adecuaes, sobremanera la entrevista personal; y tampoco nun sindica cuála ye la puntuación de cada prueba”. Dende lATNL, entienden que “les places de técnicu/a en normalización llingüística han tar unificaes no tocante a les pruebes selectives. Dende hai años los responsables de los SNL venimos defendiendo que los procesos de selección de los Servicios pasen por una serie de pruebes onde sevaluen nun solo los conocimientos xenerales propios de la plaza (Estatutu dAutonomía, llexislación sobre la llingua asturiana, la normalización nel ámbitu de los Conceyos) sinón quha evaluase de manera oxetival conocimientu y la competencia llingüística de los aspirantes con pruebes escrites y orales”. Na opinión de l’Asocaición “tamién ye importante la composición del tribunal calificador, onde tien dhaber persones especialistes en llingua asturiana y en normalización llingüística”. Dende la formación de lasociación vienen reclamando a la Conseyería de Cultura una implicación mayor nos procesos de creación de SNL y consideren quel papel de la Conseyería de Cultura “ye más que repartir subvenciones pa la creación de los Servicios, ha vixilar cómo se creen, asegurando la mayor efectividá del mesmu”. Per otru llau, dicen seguir esperando la solución a la inestabilidá quañu tres añu vienen denunciando y que pasa necesariamente pola firma de convenios ente los Conceyos y la Conseyería de Cultura: “cosa quhastal momentu la Conseyería de Cultura se negó a firmar y a solucionar”. Va unos díes anuncióse lapertura de nuevos Servicios de Normalización y dende lATNL piden “nun solo a los Conceyos sinón tamién a la Conseyería de Cultura que los procesos selectivos se faigan con seriedá y tresparencia yá que dello dependel posterior trabayu de normalización”. 1 d'ochobre, 2008 0 FacebookTwitterPinterestEmail
Sociedá El CUPA ve nel discursu n’asturianu de Gotor un fechu hestóricu y mui positivu pa llingua asturiana by asturnet 12 de setiembre, 2008 El Conceyu Universitariu pol Asturianu (CUPA)unviaba esta nueche una nota informativa na que valoraba “mui positivamente’l fechu hestóricu asocedíu na tarde del xueves 11 de setiembre de 2008 cuando per primer vegada en 400 años un Rector de la Universidá d’Uviéu echaba un discursu oficial en llingua asturiana”. Pal CUPA esti fechu “diz muncho del compromisu y sensibilidá pa cola cultura d’Asturies y la normalización llingüística” del Rector. Amás albidren qu’esti xestu amuesa “un cambiu abondo significativu con respectu a equipos rectorales anteriores”. Dende’l CUPA “feliciten al Rector pol complimientu de los sos alcuerdos n’esta materia”, y opinen que “col pasu dau ayeri, ta contribuyendo, como poques persones lo faen, a dignificar l’idioma d’Asturies”. 12 de setiembre, 2008 0 FacebookTwitterPinterestEmail
Sociedá 7.000 persones dan yá la cara pola oficialidá by asturnet 11 de setiembre, 2008 La campaña ‘Doi la cara pola oficialidá’, que recueye semeyes de persones que reivindiquen la oficialidá de la llingua asturiana al na reforma del Estatutu d’Autonomía d’Asturies, lleva yá recoyíes más de 7.000 fotos. Ente les persones que xubieron la semeya destaquen el futbolista David Villa, el ciclista Chechu Rubiera, la escritora Corín Tellado, políticos como Francisco Javier García Valledor o Xuan Xosé Sánchez Vicente, los componentes del grupu Nuberu, Chus Pedro y Manolo Peñayos y otres munches persones. Dende esta selmana van entamar a repartise pegatines y folletos esplicativos, y va vendese la camiseta col lema de la mesma. 11 de setiembre, 2008 0 FacebookTwitterPinterestEmail
Sociedá La Llaboral va agospiar lAsamblea constituyente del Espaciu Iberoamericanu de Mocedá by asturnet 9 de setiembre, 2008 El Director de l’Axencia Asturiana de Cooperación al Desendolcu, Jacinto Braña; el Director del Institutu Asturianu de Mocedá, Guillermo Martínez; Secretariu Xeneral Axuntu de la Organización Iberoamericana de Mocedá, Jose Manuel Miguel Ruiz; y Javier Igareda, de la Comisión Permanente del Conseyu de Mocedá d’España, presentaron na sede de la Conseyería’l “Espaciu Iberoamericanu de Mocedá”. Esti foru d’alcuentru de los y les moces d’Iberoamerica va celebrar la so Asamblea constituyente los díes 26, 27 y 28 de setiembre en Llaboral, Ciudá de la Cultura, en Xixón, coincidiendo colos Alcuentros Internacionales de Mocedá de Cabueñes, que van tener batura del 22 al 26 de setiembre. Por embargu, esta Asamblea, más allá d’un espaciu de constitución formal de la plataforma, tien los siguientes oxetivos: Treslladar el compromisu de les instituciones y los gobiernos col axixamientu de la participación xuvenil como ferramienta pal fortalecimientu de les sociedaes democrátiques. Presentar los trabayos y les demandes del movimientu asociativu xuvenil en rellación al Añu Iberoamericanu de Mocedá y al XVIII Cume Iberoamericanu de Xefes d’Estáu y de Gobiernu. Formalizar la constitución del Espaciu Iberoamericanu de Mocedá como plataforma interasociativa referente en materia de polítiques xuveniles y algamar la so reconocencia como referente na interlocución con instituciones públiques sobre’l desendolcu de la mocedá y de les polítiques empobinaes a ellos na rexón. Nesti momentu, el “Espaciu Iberoamericau de Mocedá”, abiertu a nueves incorporaciones y que trata d’amosar la diversidá d’intereses y propuestes de la mocedá asociada, ta compuestu por 24 entidaes, de les qu’ocho son plataformes y conseyos de mocedá y 17 son organizaciones xuveniles d’ámbitu internacional. No que cinca a los y les asistentes a esti alcuentru que va tener batura en Xixón son yá más de 30 los representantes de les más importantes plataformes, conseyos y organizaciones asociatives xuveniles que confirmaron la so presencia. Los países de los que provienen, 14 en total, son Arxentina, Brasil, El Salvador, Paraguay, Panamá, Nicaragua, Portugal, Ecuador, Colombia, Guatemala, Mexico, Perú, Costa Rica y España. En concreto, esta celebración va contar cola participación de la Plataforma Federal de Mocedaes Arxentines, el Fórum Nacional de Movimentos e Organizaçoes Juvenis de Brasil, la Rede Xuvenil d’El Salvador, Ecoclubes, Cruz Roxa Mocedá, el Movimientu Scout, l’Asociación Mundial de les Guíes Scouts, International Union of Socialist Youth, la Organización continental llatinoamericana y caribeña d’estudiantes, la Federación Mundial de la Mocedá Democrática, el Movimientu Internacional de la Mocedá Agraria y Rural Católica, el Movimientu Internacional Falcons – Internacional Socialista Educativa, la Rede Llatinoamericana de Mozos Indíxenes, la Rede Llatinoamericana y Caribeña de Mozos polos Derechos Sexuales y Reproductivos, ACJ´s – YMCA, AFS Programes Interculturales, la Central Sindical de les Ameriques, la Federación Internacional de Mozos Lliberales, Rotary International, l’Asociación Iberoamericana de Mozos Cooperantes y los Conseyos de Mocedá d’España, Nicaragua, Panamá, Paraguay y Portugal. 9 de setiembre, 2008 0 FacebookTwitterPinterestEmail
Sociedá El tenista mallorquín Rafael Nadal ganal Premiu Príncipe dAsturies de los Deportes 2008 by asturnet 3 de setiembre, 2008 El númberu unu del tenis mundial, el mallorquín Rafa Nadal ta acabante de facese col Premiu Príncipe dAsturies de los Deportes 2008, pal que competía cola selección española de fútbol, el campeón olímpicu de natación, Michael Phelps, la récor mundial femenín de saltu con pértiga, Yelena Isinbayeva, y l’atleta más rápidu del mundu, el xamaicanu Usain Bolt. Cuasi una trentena de candidatures de 19 nacionalidaes optaben al Premiu, séptimu de los ocho galardones internacionales que convoca añalmente la Fundación Príncipe d’Asturies, y qu’esti añu algamen la so XXVIII edición. El Premiu ta dotáu con 50.000 euros, la escultura creada y donada espresamente por Joan Miró pa estos galardones, un diploma y un insinia acreditativos. El Xuráu del Premiu del Deporte ta formáu por Rogelio Blanco, José María Casanovas, Enrique Castro, Quini, María Escario, Misael Fernández Porrón, Antonio Galeano, Julián García Candau, Eduardo Inda Arriaga, Luis Infante, María del Carmen Izquierdo, Jaime Lissavetzky Díez, Javier Muñoz Gallego, Santiago Nolla Zayas, José Ramón Pindado, Matías Prats, Nemesio Rodríguez López, Juan Antonio Samaranch, Arantxa Sánchez Vicario, José Javier Santos, Alejandro Sopeña, Javier Tola Figueruelo, José Luis Vilaseca i Guasch, Emma Villacieros, Juan Yeregui y Ignacio Martínez, que yel secretariu del mesmu. 3 de setiembre, 2008 0 FacebookTwitterPinterestEmail
Sociedá El XXVIII Día de los Pueblos dAsturies fai homenaxe a Les Arriondes y a lAsociación El Hórreo de Barcia by asturnet 22 d'agostu, 2008 Navelgas, nel conceyu de Tinéu, va celebrar esti domingu la XXVIII edición del Día de los Pueblos dAsturies y esti añu lhomenaxe va centrase en Les Arriondes, capital del conceyu de Parres, que recibel gallardón Palomba de la Fraternidá por ser un referente de villa asturiana convertida nun importante centru de servicios. Tamién va recibir homenaxel presidente dHonor de Duro Felguera, Ramón Colao Caicoya, que recibirál gallardón Choscu dOru pol so llabor solidariu. Lasociación cultural El Hórreo de Barcia, del conceyu de Valdés, va recibir el gallardón Arándanu de Plata pol so exemplu como movimientu ciudadanu. 22 d'agostu, 2008 0 FacebookTwitterPinterestEmail