Música La Escuela de Música Tradicional de Llangréu imparte un cursín sobre’l mantenimientu del tambor asturianu esti sábadu by asturnet 16 de payares, 2007 La Escuela de Música Tradicionel de Lllangreu organiza pa esti sábadu 17 de Payares el taller “Mecánica y mantenimientu del tambor de cuerdes asturianu”. Esti cursu enseña conocimientos praúticos sobre’l cuidáu del tambor, como como sacar cuerda, cambiar un parche, facer retañes y dellos trucos pal bon mantenimientu d’esti instrumentu popular asturianu. El cursín va dirar tres hores, dende les 17:00, y va ser impartíu pol artesán Carlos do Viso ya’ l percusinista Manuel Durán nel Conservatoriu Valle del Nalón. El preciu de la inscripción ye de 25 euros y hai 16 places disponibles que se puen solicitar llamando al númberu de telefonu de la escuela, el 985 67 71 13, o contautando colos responsables del cursu na dirección de correu llangreumusicatradicional@hotmail.com 16 de payares, 2007 0 FacebookTwitterPinterestEmail
Música Felpeyu toca esti vienres nel Nuevu Teatru La Felguera by asturnet 16 de payares, 2007 El grupu Felpeyu visita Llangréu esta fin de selmana pa poner conciertu güei vienres a les 20:30 hores nel Nuevu Teatru La Felguera. Felpeyu ye un grupu de referencia de la música asturiana, fundáu en 1991 vien desarrollando la so carrera musical con munches actuaciones dexitu per España, Europa y Australia. El so primer trabayu discográficu fuel discu homónimu Felpeyu, editáu en 1994 por FonoAstur. Yá daquella teníen publicao la maqueta Fuxide oricios (1993) y contribuyío al recopilatoriu V Festival de Música Folk Galega (Edicións Discográficas Galegas, 1993). En 1997 apaez el so segundu discu, Tierra (FonoAstur). En 2000 publiquen Live Overseas (Urchin Records), discu en directu grabáu nOurense pa una xra perAustralia, y en 2002 el so últimu trabayu hasta la fecha, Yá!, publicáu esta vez pola compañía creada pol grupu, Tierra Discos. Felpeyu trabaya col fondu musical tradicional asturianu creando un discursu musical personal, potente y actual, basáu na reellaboración de cantares populares y pieces instrumentales recuperaes de fontes etnográfiques o compuestes polos sos miembros. El resultáu ye un repertorio sólidu ampliamente aceptáu por crítica y públicu, defendíu nintensos conciertos en directu por tola xeografía asturiana y española y en países como Canadá, Líbano, Francia, Australia, Italia, Suecia, Dinamarca Felpeyu revitaliza sones populares al traviés de les sos interpretaciones mediante lusu darreglos de cuerda contundentes que respalden lletres les más de les veces creaes pol propio grupu, atopando asina un términu mediu ente creatividá y tradición, y siempre col envís d’esfrutar faciendo bona música sobre l’escenariu. 16 de payares, 2007 0 FacebookTwitterPinterestEmail
Música El músicu Mikel Azpiroz trae’l so rock amestáu con ritmos africanos a Mieres by asturnet 16 de payares, 2007 El ciclu “Músiques del sieglu XX” trae esti vienres al Centru Cultural Cajastur de Mieres (c/Jerónimo Ibrán, 10) el nuevu proyectu que col nome d'”Elkano Browning Cream” llidera’l músicu Mikel Azpiroz. La banda que va actuar a partir de les 20:00 hores con entrada llibre y de baldre hasta enllenar la sala, presenta una formación básico de tríu con Mikel Azpiroz: al órgano, Matt Harding na guitarra y les voces y Franck Mantegari na batería y les percusiones. Mikel Azpiroz ye uno de los músicos fundamentales de laescena vasca y cunta con collaboraciones xunto a xente como Negu Gorriak, Jabier Muguruza, Mikel Erentxun, Fermin Muguruza, Alex Ubago y participaciones nos proyectos Lau Behi, Parafünk, o Matt Harding Project. Elkano Browning Cream ta acabante d’espublizar el so discu homónicu nel sellu Mamusik que rexenta’l propiu Azpiroz. Nesti tabayu cunto cola colaboración del guitarrista Matt Harding y del baterista d’Alpha Blondy Franck Mantegari. Rock, munchu groove ya influencies clares de la percusión tradicional africana ye lo que’l músicu donostiarra propón nesta nueva entrega. Más información 16 de payares, 2007 0 FacebookTwitterPinterestEmail
Música Xabel Vegas y las Uvas de la Ira presenten un minidiscu na FNAC de Siero by asturnet 16 de payares, 2007 El forum de la FNAC de Siero va ser l’escenariu que agospie esti sábadu’l conciertu de Las Uvas de la Ira,’l últimu proyectu musical de Xabel Vegas: habitual de la escena musical asturiana en bandes bien conocíes pal públicu espacializáu como Manta Ray y Jr. La cita, de baldre hasta enllenar la pequeña sala de la tienda, col músici xixones va entamar a les 19:00 hores. Xabel Vegas presenmta n’esta ocasión el discu “Canciones sobre traiciones y mentiras” xunto col guitarrista John Álvarez, el baxista Eras Sánchez, la baterista Eva Díaz ya’l pianista Alfredo González. 16 de payares, 2007 0 FacebookTwitterPinterestEmail
Música The Punishers van poner el broche a les Xornaes Culturales JOVETENSE 07 by asturnet 16 de payares, 2007 La banda ovetense de rock enerxeticu The Punishers clausuren esti sábadu les Xornaes Culturales JOVETENSE 07 organizaes poles Mocedaes Socialistes d’Uvieu. La cita, a les 20:30 en La Calleja de la Cieja na cai Martínez Vigil, tamiñen va servir pa que la banda presente’l so nuevu trabayu “Faster Harder Deeper” que va entamar a comercializase el prósimo 3 d’avientu. Amás d’esti conciertu les xeres de les xornaes finarán realmente el domingo cuando echará el pieslle la esposición “Miradas”, de Juan Falcón, disponible nel KIN Cafe & Lounge (C/Ildefonso Sánchez del Río, zona del Milán). 16 de payares, 2007 0 FacebookTwitterPinterestEmail
Música “Patriband Folk Orl.lestra” acompañen un amagüestu y una espicha en Tierra Astur by asturnet 15 de payares, 2007 Los xueves musicales que organiza semanalmente la sidrería-restaurante Tierra Astur de Cualloto acueyen güei 15 de payares l’actuación del grupu “Patriband Folk Orl.lestra”. Na nueche de Cualloto esta formación, a mediu camín ente bandina y grupu folk, enllenará de sones folk l’amagüestu y la espicha que cellebra la popular sidrería esi mesmu día. “Patriband Folk Orl.lestra” cunta con repertoriu musical nel que’l folk de raigaños asturianos y atlánticos estremecese colos clásicos del rock y de los cantares d’autor reivindicativos. La formación ta compuesta pol guitarrita y cantante Pablo Pujades, el gaiteru Pablo Álvarez, l’acordionista Diego Álvarez, Adrián Fernández añ baxu, más David Yáñez y Hector Díez nes percusiones y batería. 15 de payares, 2007 0 FacebookTwitterPinterestEmail
Música Abiertul plazu pal Concursu de gaiteros y gaiteres moces en Bimenes by asturnet 15 de payares, 2007 Hastal 26 de payares ta abiertul plazu pal Concursu de gaiteros y gaiteres moces en Bimenes. Nesti concursu van poder tomar parte tolos concursantes que quieran, siempres a títulu personal. Los concursantes han de tener menos de 21 años el día 30 de payares del añu 2007. La propuesta dinscripción tien de formalizase unviando per corréu los datos personales, onde constarán nome y apellíos, direición, teléfonu de contautu y fotocopia del DNI. Hai que mandar la propuesta a la Casa la Cultura de Bimenes col nome VIII Concursu de Gaiteros y Gaiteres Mozos, la dirección ye Santuyano / San Julián, s/n. CP 33527 Bimenes y el teléfonu de contautu 680114090. El concursu va tener dos estayes: una preseleición o semifinal y la final, dambes abiertes al públicu. Si el númberu de concursantes inscritos ye menor de 10, pasarán toos direutamente a la final. Pa la preseleición, el concursante tien dinterpretar dos temes a escoyer ente Muñeira de Remis, Floréu de Remis, Diana floriada de Veriña, Fandangu puntiáu, Muñeira Barganaz, Xotal Centru, Marchal Tao, Alboradal paxarín, Xota Pumariega y Carretera dAvilés. 15 de payares, 2007 0 FacebookTwitterPinterestEmail
Música El sellu asturianu Audiovisual Theoreme, especialistes en música ellectrónica, presenten el so nuevu discu na FNAC by asturnet 15 de payares, 2007 El sellu asturianu Audiovisual Theoreme especializáu en música de vanguardia presenta la so nueva referencia discográfica nel Forum de la FNAC d’Uvieu a partir de les 19:00 hores. Nesta ocasión va ser el productor y dj Mauri el que presente con un conciertu en directu la quinta refereccia del sellu que lleva por títulu “Audiovisual memory”. El siscu muestra la vertiente mas experimental y arriesgada de Mauri con cinco vídeos grabaos ente 2001 y 2007. 15 de payares, 2007 0 FacebookTwitterPinterestEmail
Música El jazz de “Cannonball Adderley Legacy Sextet” visita’l Centru de Cultura Antiguu Institutu by asturnet 14 de payares, 2007 Continua’l ciclu “Jazz nel Centru” nel Centru de Cultura Antiguu Institutu de Xixón cola actuación del sestetu ” The Cannonball Adderley Legacy Sextet” esti miercoles a les 20:00 hores. La banda ñació na Escuela Superior de Música de Cataluña col enfotu d’esperimentar colos sones tradicionales del jazz ya n’homenaxe al músicu Cannonball Adderley. Esta formación ta compuesta por Santiago de la Rubia como saxu tenor; Javier Plaza, al saxu altu y sopranu; Idafe Perez, a la trompeta y al flugelhorn; Josep M. Riera al pianu; Luis M. Valladares nel contrabaxu y Javier Hinojosa na batería. 14 de payares, 2007 0 FacebookTwitterPinterestEmail
Música El ciclu “Musica del sieglu XX”acueye’l nuevu jazz del vocalista Sachal Vasandani by asturnet 14 de payares, 2007 Sachal Vasandani, un de los nuevos valores del jazz contemporaneu, actua esti miercoles 14 de payares a les 20:00 hores nel Centru Cultural Cajastur d’Uviáu (C/San Francisco, 4) dientro del ciclu “Música del sieglu XX”. Al día siguiente y a la mesma hora pero na Colexata San Xuan Bautista de Xixón el cantante ufrirá el segundu y últimu conciertu n’Asturies. Col so últimu trabayu tituláu “Eyes Wide Open” (2006) esti artista americanu amosa con maestría el jazz colo sones pop y avera la so formación clásica, estudió jazz y música clásica na Universidá de Michigan, al pop d’anguaño. Ente otros premios tien el galardon al meyor Vocalista de Jazz Universitariu del Añu en 1999 y semifinalista nel concursu del Thelonious Monk Institute en 2004 14 de payares, 2007 0 FacebookTwitterPinterestEmail