Sociedá La XPDLLA celebra esti xueves el cuartu aniversariu de La Casa Posafuelles by asturnet 16 de xunu, 2009 La Xunta pola Defensa de la Llingua celebra esti xueves 18 de xunu, a partir de les 22:39, el cuartu aniversariu del so chigre, La Casa Posafuelles, asitiáu nUviéu. Na celebración va participar el grupu DRD, tríu de música folk de cámara. 16 de xunu, 2009 0 FacebookTwitterPinterestEmail
Conceyos La Comarcal Sueve va abrir un Serviciu de Normalización Llingüística by asturnet 15 de xunu, 2009 La mancomunidá de la Comarcal Sueve, formada polos conceyos de Piloña, Parres y Caravia, va cuntar en pocos meses con un nuevu serviciu de normalización llingüística que va xestionar toos aquellos aspectos rellacionaos cola promoción y usu de la llingua asturiana. Según anunciaron la directora xeneral de Política Llingüística, Consuelo Vega, y lalcalde de Piloña, Camilo Montes, nun actu celebráu esta selmana, el serviciu va ponese en marcha na seronda y cunta con una partida económica yá aprobada, de 12.000 euros. Consuelo Vega recordó quel Serviciu va xunise a la Rede de Normalización Llingüística que yá llega a 664.500 asturianos. La sede va asitiasa nel pisu cuartu de la Casa Cultura de LInfiestu y va complementar, según comentó lalcalde, a otres actividaes como les Xornaes de Lliteratura Infantil en Llingua Asturiana ol concursu de narraciones questi añu llegó a la so segunda edición. 15 de xunu, 2009 0 FacebookTwitterPinterestEmail
Sociedá La ONCE torna “La bruxa Pumarina y el dragón Maragatu” al braille by asturnet 15 de xunu, 2009 Con motivu de los actos de celebración del bicentenariu del ñacimientu de Louis Braille, inventor del métodu de llectura en relieve, qu’averó los llibros a les persones ciegues de tol mundu, la ONCE vien d’asoleyar la torna del llibru “La bruxa Pumarina y el dragón Maragatu” del escritor en llingua asturiana Vicente García Oliva, al nomáu llinguaxe. Una obra de la que lAcademia yá asoleyare dos ediciones en llingua asturtiana. Nel actu de presentación de la obra, que tuvo llugar el pasáu xueves 4 de xunu na sede central de la ONCE n’Asturies, tuvieron presentes Ana MªCano González, presidenta de l’Academia de la Llingua Asturiana; l’asturianu Pedro A. Zurita, ex secretariu de la Unión Mundial de Ciegos; Jose Luis Iglesias, en representación de la ONCE n’Asturies; y el propiu autor Vicente García Oliva. 15 de xunu, 2009 0 FacebookTwitterPinterestEmail
Sociedá Xubilóse la profesora, escritora y académica Mª Esther García López by asturnet 15 de xunu, 2009 La comunidá escolar del Institutu Islla de la Deva de Piedras Blancas celebró esta fin de selmana un actu dhomenaxe y despidida de los profesores Pedro Crespo Fernández y María Esther García López, esta última escritora, artículista de La Nueva España y miembru de lAcademia de la Llingua Asturiana. Lactu tuvo presidíu pol director del centru Juan José Sánchez y al mesmu acudió la conceyala de Muyer de Castrillón, Yasmina Triguero, y la presidenta de lAcademia de la Llingua Asturiana Ana Cano. Esther García tien espublizaos una montonera llibros empobinaos al públicu infantil, amás duna importante producción poética y de narrativa curtia, premiada con importantes gallardones. 15 de xunu, 2009 0 FacebookTwitterPinterestEmail
Sociedá Casting destres pal anunciu de la nueva temporada de Doctor Mateo by asturnet 12 de xunu, 2009 Antena3 Televisión organiza un prueba dinterpretación en Nava pa escoyer participantes pal anunciu promocional de la segunda temporada de la serie de televisión “Docto Mateo”. Los interesaos en participar han pasar pela Casa Cultura de Nava, el próximu martes 16 de xunu, de 11 a 14 hores y de 16 a 19 hores. 12 de xunu, 2009 0 FacebookTwitterPinterestEmail
Sociedá La moda asturiana presente nel Muséu del Traxe de Madrid by asturnet 12 de xunu, 2009 La marca asturiana Mamatayoe va representar a Asturies nel eventu Moda y necesidaes especiales, organizáu pola Asociación Nacional Discapacidá y Medios de Comunicación (ADIMECO) ya inauguráu pola princesa dAsturies, Leticia Ortiz Rocasolano, el domingu 14 a partir de les diez y media la mañana nel Muséu del Traxe de Madrid. Nel actu vas participar tamién la ministra de Ciencia ya Innovación, Cristina Garmendia y nél, Mamatayoe va compartir espaciu con marques del estáu español como Amaya Arzuaga, Agatha Ruiz de la Prada, Purificación García o Adolfo Dominguez, tratando los problemes quatopen les persones con discapacidaes pa vistise nel día a día. L’actu va rematase con un desfile protagonizáu por persones con discapacidaes físiques. 12 de xunu, 2009 0 FacebookTwitterPinterestEmail
Conceyos El PAS celebra esti sábadul congresu de lAgrupación de Xixón by asturnet 10 de xunu, 2009 Embaxol lema En Xixón, cada vez más necesarios, lagrupación xixonesa del Paríu Asturianista entamal Congresu/Conceyu de lAgrupación de Xixón a partir de les cinco la tarde nel salón dactos de la Biblioteca Pública Xovellanos, asitiada na cai Xovellanos, 23. Nel congresu va renovase la dirección y van marcase les llinies dactuación futures. 10 de xunu, 2009 0 FacebookTwitterPinterestEmail
Sociedá Xeira renueval diseñu de la so páxina web by asturnet 10 de xunu, 2009 Lasociación cultural Xeira ta acabante da-y un cambiu al diseñu da la so páxina web. Les estayes siguen siendo les mesmes que yá tenía, anque meyora les posibilidaes de busca y facilita lusu con un diseñu más afayadizu. Na páxina puen vese les publicaciones de lasociación (poesía, prosa, ensayo y lliteratura infantil), les bases del so Premiu Xeira de narracióis curtias y la llista de ganadores en toles ediciones, amás duna bibliografía bien amplia y actualizada sobrel gallego-asturianu y la so lliteratura, aparte de los artículos y llibros sobre otres cuestiones del eonaviegu. Xeira ye una asociación que ñació nel añu 1989 y llucha pola llingua y cultura del Eo-Navia al traviés, principalmente, de campañes reinvidicatives y del so concursu lliterariu. Páxina web de Xeira 10 de xunu, 2009 0 FacebookTwitterPinterestEmail
Sociedá Comunicáu de COSAL sobre la so espulsión del Llar Solidariu by asturnet 9 de xunu, 2009 COMUNICÁU DE COSAL SOBRE LA SO ESPULSIÓN DEL LLAR SOLIDARIU COMUNICÁU DE COSAL SOBRE LA SO ESPULSIÓN DEL LLAR SOLIDARIU Los colectivos Xente Gai Astur (XEGA), Xunta pola Defensa de la Llingua Asturiana (XDLLA) y SOS Racismu espulsaron a COSAL del Llar Solidariu por “incumplimientu de la obligación de pagu de cuotes pal sostenimientu económicu del local” (60 € al mes). En COSAL creemos evidente que´l motivu que se pon ye una escusa pa tapar les verdaderes razones que mos fueron dixebrando, ca vegada más, na práutica política diaria nestos 14 años de Llar Solidariu. Al crease´l Llar fízose un folletu de presentación (tovía pue lleese na páxina web) onde se dicía: “el Llar ye un espaciu abiertu a tol mundu, plural y autoxestionáu, onde pues lleer, falar, discutir…sobre l´aición antirracista, la llingua, la solidaridá internacionalista, la orientación y los modelos sexuales, o lo qu´a ti t`apeteza”. Y tamien que “tamos abiertos a otros grupos que, mesmo que nós, seyan plurales y defendan valores solidarios y alternativos…y por supuestu, tanto´l local como la infraestructura y material del Llar bríndense pa tolos que lu precisen”. Hai que recordar que´l Llar, al entamu, allá pel 1996 funcionaba por consensu, con asamblees regulares, alcuentros añales de fin de selmana y reuniones abiertes a tola xente de los cuatro grupos y más, onde se buscaba y munches vegaes s´alcontraba´l consensu. La idea yera ser dalgo más que la suma de los cuatro grupos. COSAL pensaba que, mesmo´l Llar qu´el Topu Fartón, manteníen esta llinia política, yá que nunca nun se decidió coleutivamente cambiala. Sicasí, hai unos años dexó de facese asamblees y aquelles reuniones abiertes esfumáronse, sustituyendose pola nomada nos Estatutos “Junta Directiva” o tamien “Coordinadora Federal” como muerganu supremu de toma de decisiones. En COSAL defendemos entá los postulaos orixinales del Llar que, al nuestru entender, siguen siendo válidos. Somos un coleutivu dafechamente d´izquierdes, qu´apoya la llucha solidaria ellí onde faiga falta. Y nel Llar defendemos, ante too, el nuestru drechu a siguir asina, como tamien respetamos que los otros grupos decidieren siguir otros caminos, evitando vinculase con proyeutos políticos d´izquierdes por razones d´orde práutico o pidiendo subvenciones. Solo esperábamos el mesmu respetu pa nós. COSAL nun cambió la so postura: daquella participemos na asamblea fundacional del Llar ; güei, caltenemos que los alcuerdos habíen tomase de la mesma manera qu´entós. Les fondes diferencies polítiques y de funcionamientu ficieron que fueramos chocando, nestos últimos años, en munchos aspeutos práuticos cotidianos, de los que vamos señalar solo dalgunos: ü COSAL plantegó qu´el TOPU se sumare a la campaña mundial de boicó a Cocacola na que nós participábamos, propuesta denegada dafechu col argumentu de que significaría “grandes perdigues económiques, y qu´ehí tábemos pa ganar perres”, dándose´l contrasentíu de tar vendiendo nel Topu la bebida asesina mientres COSAL repartía nel Topu pegates llamando al boicó. ü En San Mateo 2005, el primer día de les fiestes llegonos la noticia del secuestru, tortura y asesinatu del compañeru colombianu Luciano Romero (militante del sindicatu qu´agrupa a los trabayadores de Cocacola entre otros), acabante volver a Colombia depues de tar refuxáu n´Asturies seyes meses. ü Esi mesmu S.Mateo, el segundu día, ocurrió la brutal carga de la Guardia Civil en Cangues contra los/es antifascistes, que dio llugar a la conocía campaña del 35; el Topu nun se solidariza y al pasu de la manifestación de protesta fecha´l domingu pela tarde mantiense la música. ü Cuando, al tercer día, llegó la noticia de la detención y aplicación de la Llei antiterrorista a un independentista asturianu que participara na protesta de Cangues, COSAL tamien pon cartelos nel Topu(entre más sitios) denunciándolo. ü Al entamar el Delegáu´l gobiernu Trevín xunto con tola prensa la campaña de criminalización, nel Topu arrancáronse tolos cartelos de COSAL: los que denunciaben l´asesinatu del compañeru Luciano, los de Cangues y tamien los que yeren contra la Llei antiterrorista, col argumentu testual, dau pol voceru (d´aquella) de la XDLLA, de que “nun queremos que mos vinculen con esos terroristes”, o´l más grave, equí y na Arxentina, de que “si lu garraron ye que dalgo fairía” (más dolorosu pa nós, yá qu’esto díxolu ún de los fundadores de COSAL, anque dende va munchos años militando a tiempu completu en Xega), argumentos toos ellos esfarrapaos yá en sentencia xudicial firme. El tiempu al final da y quita razones. ü Tamien molestó abondo una bandera feminista contra les agresiones machistes, pol fechu de tar escrita n´euskera (una bandera violeta, col símbolu internacional del feminismu y que ponía “Agresiones non. Viva la llucha de les muyeres”)… ü D´entós p´acá ta prohibío poner cartelos nel Topu, ensin l´autorización de la Xunta Direutiva del Llar… Otres diferencies entre COSAL y los otros grupos vinieron daes polos criterios sobre l´usu del dineru. Desque daquien decidiera montar el Conceyu Abiertu col dineru de toos, el local del Llar ta nun estáu d`abandonu total e innegable de sobres conocío por cualesquiera que pasare dacuando perellí, como amuesen estos exemplos: ü L´ordenador común dexó de furrular va tiempu, polo que COSAL nun pue trabayar testos, nin usar internet, nin imprimir, ya que somos l´únicu grupu que nun dispón d´ordenador priváu (nun mos facía falta precisamente por haber ún común); ü Ventanes rotes, que nun zarren o direutamente, nel bañu, ensin cristales dende va munchos años. ü El revisteru ta enlleno polvu, l´acumulao en revistes que nun se renueven dende l´añu 2005 (o sea desque “tenemos” el Conceyu Abiertu). ü Desconchones, humedaes y resquiebres en techos y paredes, etc. Esto contrasta col despliegue de medios nel Conceyu Abiertu, local al que COSAL nun tien accesu direutu por nun tener llaves y onde se llegó a l´estremu de neganos l´usu de la fotocopiadora cuando la del Llar taba estropiada (lo qu’ocurría frecuentemente) pa facer copies d´un cartelu tamañu foliu qu´anunciaba una actividá de COSAL. A pesar d´esta difícil rellación col Conceyu Abiertu, COSAL nestos años sofitó un proyeutu que nun comparte publicitando y asistiendo a dalgunes de les actividaes organizaes por otros grupos y organizando actividaes nes que s´echaba en falta a los compañeros de los otros 3 coleutivos. Xente de COSAL preguntó a títulu individual, de la que se fizo la obra, l´importe total invertíu nel Conceyu: negósenos tala información, diciendo qu´eso lo pidieramos per escritu. N´Abril 2009, un mes enantes de l´asamblea, ye cuando mos enteramos que gastemos (toos, el Llar) nel Conceyu 4000 € en silles, 2000 € en cortinax y coxines, too ello gastao n´IKEA, por más señes. Lo que costare tola obra nun lo sabemos. Acúsenmos fasta de poner torgues pa la llimpieza del llocal: COSAL opúsose a contratar a naide pa llimpialo. Pensamos que ye cosa de los miembros de los colectivos facese cargu del mantenimientu de los locales, tamien si hai que pintar, etc., na midida de les nuestres posibilidaes. Y llimpiar el bañu o vaciar les papeleres y los ceniceros, pasar la fregona, etc, tá al alcance de cualesquier persona. Tener perres a esgaya nun quier dicir que les tengamos que marafundiar a lo fato. Nel Llar decídese, pol sistema de tres votos contra ún, contratar a dalguien. Pensaron primero nuna empresa (EULEN) de sobres conocía poles condiciones llaborales nes que tien a les sos trabayadores, a lo que COSAL opúsose dafechu. Pa finar esti debate, Xunta, XEGA y SOS Racismu deciden contratar a una muyer llatinoamericana. Tamien facemos una llectura política d´esti detalle. Depues de más de cuatro años de diferencies polítiques series, cola repetida petición per parte de COSAL y, tamien repetida negativa de los representantes de los tres coleutivos, a discutir estes diverxencies nuna asamblea, a finales del añu pasáu orquestóse una mezquina campaña de difamación contra un compañeru de COSAL, ún de los tres militantes de l’antigua LCR que quedaben n´activu nel Llar. De los tres, el díscolu. La Xunta Direutiva llegó al puntu d´acusar de fechos gravísimos al compañeru y, too na mesma reunión na que por ciertu nun taba naide de COSAL, tomar la decisión de prohibirle la entrada al Llar. De too esto hai pruebes documentales, basta con lleer l´acta d`esa reunión y posteriores. Al entamu l´incidente taba involucráu otru d´ellos, pero esti púnxose la toga de xulgar y non el traxe a rayes nesti “procesu”. Tampoco nun sirvieron les esplicaciones nin los debates abiertos. Yera´l momentu de llibrase d´un compañeru con drechos: los que se garren con 25 años de militancia y compromisu. Ante la imposibilidá llegal per parte del Llar d`echar a esti compañeru, puesta n´evidencia por COSAL, los tres colectivos deciden espulsar a COSAL. Sobre´l motivu d´espulsión alegáu: va más de cuatro años dende COSAL plantegamos que l´alquiler del local se pagare col dineru que sacamos col chiringu nel que trabayamos tolos años (el Topu Fartón), y non coles perres de los cuatro coleutivos, pidiendo la celebración d´una asamblea pa decidilo. Negósenos talu drechu, otra vegada. La Xunta Direutiva del Llar dixo que “si COSAL nun tenía perres, pidieramos subvenciones como faen los otros grupos”. COSAL nun pide subvenciones al Estáu nin a nenguna de les sos instituciones. A la espera d´una asamblea onde se falara, dexamos de pagar. Depues de pidir verbalmente la celebración d´una asamblea demientres cuatro llargos años, nun mos quedó otra qu´esixíla formalmente per burofax, en febreru d´esti añu, xunto coles cuentes del Llar. COSAL llogra asina por fin la convocatoria de l’Asamblea, anque nel sestu puntu del Orde del Día va un puntu que diz: “Aprobación, si procede, de la propuesta de Resolución del expediente sancionador incoado a COSAL”, una manera fina d´evitar dicir ESPULSIÓN… Enantes de celebrar l´Asamblea camuden por mayoría (3 contra 1) el reglamentu y les normes d´asistencia. Depues de recordar cuántes hores del sábadu va durar l`asamblea, inviten a los socios de los otros colectivos a delegar el votu, aniquilando´l sentíu orixinal d´esa asamblea pa nós, que yera iguar les diferencies pa poder siguir conviviendo. Solo COSAL acudió de manera mayoritaria a dar la cara; ficimos l´esfuerzu d´acudir tolos que militamos diariamente en COSAL, tábemos 13. Nós nun invitemos a los nuestros collacios y socios a que mos delegaren el votu, porque tamos en contra d´esa práctica. De Xega asistieron 5 persones, pero´l so presidente tenía ¡24 votos!; de SOS Racismu taben 2 y la so presidenta tenía ¡6 votos!; pola XDLLA taben 10, pero ún d´ellos, Eve, l´instructor del espediente espulsador tenía ¡¡¡ 29 votos!!!, L´asamblea entamó con 30 persones y había más de 90 votos en total (¡más de noventa votos!). Nótese que l´instructor del espediente, tenía el solu tantos votos como xente había na asamblea ¿Cómo se-y llama a eso? ¿siguimos nomándolo asamblea abierta, plural y participativa? ¿asamblea? O más bien farsa aberrante, vergoñosa, autocrática y despótica. Sicasí, COSAL intentó falar cola xente presente. La xente de COSAL y dalguna más nun votemos, visto lo visto. Eso si, plantegamos les custiones que mos esmolecíen, que ye a lo que fuimos y quedaren toes ensin respuesta, dándose la engarrosa situación de falar hasta cinco persones de COSAL siguíes porque naide más nun dicía un res: ü A la pregunta sobre la rellación Llar-Topu, la respuesta lliteral de la Sra. Secretaria (chocantemente tamien ex LCR) fue “la rellación ye 50/50 ó 60/40 ó 30/70, nun recuerdo agora”. Y puntu. Eso fue too. Nun se dieron más esplicaciones. Nós creemos que se referiría a que dalgún d´esos porcentaxes (en tornu a la metá) de los beneficios del Topu son pal Llar; el destín de la otra metada ye´l el secretu meyor guardáu. ü A la pregunta de quien y cómo decide´l criteriu pa destinar les nuestres perres tampoco nun hebo respuesta nenguna. Al entamu del Llar, destinábase tolos años un dineru pa dalguna causa (por exemplu, pa la Caxa de Resistencia de los despidíos de Duro Felguera o de Cerveces El Águila Negra). Esta práutica solidaria abandonóse ensin saber por que, ensin decidilo nin discutilo l´asamblea del Llar, nin la so Xunta Direutiva nin la xente nel Topu. ü A mayor abundancia, va tiempu enterámonos (nun chigre) que se dio una cantidá importante (de varios miles d´euros) pa un proyectu de Comerciu Xustu que pasaba por dificultaes, perbaxo la mesa y cola condición “sinequanon” de mantenelo en secretu, que lóxicamente creó los consiguientes problemes nesi proyectu ¿Por que s`escondió esto? ¿Quien, ónde y por que tomó esa decisión? COSAL, dende llueu, hubiera dao´l so votu favoratible si se-y preguntare; de xuru que fue´l dineru meyor gastao d´estos caberos años ¿Y por que esa opacidá si naide diba tar en contra? ¿ye esta una práctica habitual? ¿sofita´l Topu más proyectos ensin que lo sepamos? Toes estes entrugues tamien quedaren ensin responder. Solo dos persones de Xega falaron, pero pa dexar claro qu´ellos “ven perbien les xerarquíes, porque faciliten el funcionamientu del Llar”. ü Ensin embargu, ante la petición que fizo la “Ruta Contra´l Racismu y la Represión” (y que COSAL apoyó) a los chiringos del PCA (Rincón Cubano), de Lliberación (Pinón Folixa) y del Llar (El Topu Fartón) de que pagaren les pegates (tocaben a 100 € caún) negóse sólo´l Llar, cola decisión unillateral de SOS Racismu, que dixo na reunión de la “Ruta” que “…el Topu nun sofita campañes…”. De la XDLLA, cuatro persones manifestáronse en contra de la espulsión de COSAL. A la fin, votóse y ehí si, tola xente votó, los que falaron y los que non, los que taben y tamien los que nun taben. COSAL nun votó y dos persones de la XDLLA tampoco. L`únicu votu en contra de la espulsión fue, ironíes de la vida, el del presidente de la XDLLA (quiciabes por eso na XDLLA los 29 votos incorpóreos teníalos otru y non el so presidente, como nos otros grupos). Pa terminar, queremos dicir que decidimos nun espublizar esti comunicáu fasta terminar la campaña electoral, pa que nun mos acusaren d´electoralismu, del qu´otros anden sobraos. Dalguien (que firma “una del Llar”) anda pela internet difamando y colgando chismes como que nun facemos pública la nuestra postura porque nos da vergoña. Y nun-y falta parte de razón: DA VERGOÑA AYENA. Tenemos perclaru que nun han faltamos sitios y compañeres/os colos que trabayar. Siguimos y siguiremos na griesca diaria pa estrozar esti sistema capitalista, insolidariu y patriarcal, y tentar de facer otru, que de xuru ye posible y amás urxente, ca vegada más necesariu. Pa nós, pa COSAL, esti ye´l final d´un proyeutu que duró 14 años, el Llar Solidariu, agora Conceyu Abiertu, anque en verdá, pa COSAL casi siempres fue Insolidariu y solo Entreabiertu. Pa meyor entender tou esti llíu, recomendamos la rellectura de “Cá los animales”, de George Orwell, esi que dicen que yera trotsquista, internacionalista, anticapitalista… Comite de Solidaridá con America Llatina d`Uvieu Dende dalgún llugar de Vetusta, a 8 de xunu de 2009 9 de xunu, 2009 0 FacebookTwitterPinterestEmail
Sociedá Attenborough algama’l Príncipe d’Asturies de Ciencies Sociales by asturnet 4 de xunu, 2009 El científicu naturalista David Attenborough foi galardonáu esti xueves col Premiu Príncipe d’Asturies de Ciencies Sociales, sigún el fallu que se dio a conocer al mediu día n’Uviéu por un xuráu que consideró la so obra como una de les grandes aportaciones a la defensa de la vida y a la conversación del nuesu planeta. Attenborough ye un científicu británicu enforma nomáu nes estayes de les Ciencies de la Naturaleza, l’Antropoloxía Social, la Ecoloxía, la Etoloxía y la Xeografía, y sigún el xuráu toes elles permitiéron-y tratar l’estudiu de la tierra y de los seres vivos con una creativa ya innovadora combinación de saberes. 4 de xunu, 2009 0 FacebookTwitterPinterestEmail