Música Ernesto Paredano y David Menéndez van presentar a finales de mes el discu Alebrix nAvilés by asturnet 21 d'avientu, 2007 El xoven compositor castillonense Ernesto Paredano, descendiente de conocíes families valdesanes, presentarál so discu Alebrix el próximu día 26 davientu, a les 7 la tarde, nel Auditoriu de la Casa la Cultura d Avilés. Con esti motivu, ufiertarán un conciertu nel que actuará lintérprete del discu, el perconocíu barítonu castrillonense David Menéndez acompañáu al pianu por Ernesto. Ernesto Paredano musicalizó pa esti discu poemes de la escritora valdesana Esther García. N opinión del críticu musical Cosme Marina, les canciones dErnesto Paredano son perguapes, cercanes, envueltes en brumosos acentos llíricos Nelles nun hai espaciu pa la indiferencia. Emocional poéticu tanxir de María Esther García, la melancolía y la bruma de los sos versos que se criben dende el balancéu sobriu del asturianu, especialmente fermosos dendel burbús na intimidá del versu que yá ye música y que llueu lo ye más dende la especialmente acertada composición dErnesto nun cruz de caminos y referencies nos que les voces de los artistes se funden nuna mirada única de temblor asique señardosu, qu escapa en silenciu, sin apenas danos cuenta. David Menéndez ye una de les voces mayores del cantu asturianu y español. De manera pautada ta construyendo una carrera importante nos grandes teatros. Non por ello perdió les sos referencies y la so gran voz de barítonu fúndese con plasticidá ablucante nesti sustancial discursu poéticu y musical. La música de Ernesto Paredano fluyi unes veces torrencial, otres pausada en lentos meandros, siempre con garra y especiales aciertos espresivos que la voz del barítonu asturianu va esgranando con posada cadencia, como una gota dagua con ritmo melancolicu. Too ello envuelto nun horizonte nel quel crepúsculu y lalborecer casique se funden nun tiempu concretu, íntimu, de cercana y suxerente fermosura. El día 26 davientu, la voz de David envuelta nes notes del pianu d Ernesto, sonará con maestría n Avilés nesti conciertu, un actu nel que se derrochará llirismu y emoción. 21 d'avientu, 2007 0 FacebookTwitterPinterestEmail
Música Mieres acueye esti domingu la Gala de Navidá de la Canción Asturiana by asturnet 21 d'avientu, 2007 Esti domingu 23 d’avientu la Casa de Cultura de Mieres va ser l’escenariu de la Gala de Navidá de la Canción Asturiana. Dende les 12:00 hores pasarán pol escenariu mierense, artistes como Hector Braga, que va cantar tonada a la gaita y l’harpa; Lafu y Rebeca Velasco, remocicando’l xeneru dende’l chiil-out, Anabel Santiago, los hermanos Valle Roso o la cantante Diamantina Rodríguez. Pela so parte Carlos Rubiera y Mariluz Cristóbal Caunedo van repetir el númberu a duu que ya cantaren nel reciente discu de Rubiera, “Asturianaes”. El tastu folk de la velada va ponela’l grupu Verdasca con Marina Pangua encargándose de les voces demientres que’l el Coru Infantil de Mieres van pone-y el ramu a la gala cantando la pieza “Nel portalín de piedra”. La gala va retasmitila en direutu la TPA con Sonia Fidalgo y Xose Antón Fernández “Ambás” como mayestros de ceremonies. Dempues, a les once la nueche va emitise’l festival en diferío. 21 d'avientu, 2007 0 FacebookTwitterPinterestEmail
Música El Filarmónica recibe la cuarta xornada eliminatoria del concursu de Folklore “Ciudá dUviéu” by asturnet 21 d'avientu, 2007 Esti domingu llega’l turnu pa los gaiteros Borja Rodil González, de Pravia, y Francisco Fernández Álvarez, de Villaviciosa y pa los cantantes de tonada Carmen Camporro Palicio, d’Uvieu; Hermógenes Fernández González, de Llangreu, y Jose María Martínez, de Caces, na cuarta xornada del “Concursu y Muestra de Folklore Ciudá d’Uvieu”. Todos van pasar pol escenariu del Teatru Filarmónica d’Uvieu a partir de les 11:45 hores. Esta nueva xornada del certame, que organiza’l Conceyu d’Uvieu y dirixe Carlos Jeannot, tamien va cuntar cola participación de les pareyes de baille formaes por Joaquín A. Menendez y Llara Menendez Alonso, d’Uvieu; y Hugo Noval García y Estela García Larroza, de Xixón. Amás na sección de Muestra va participar la Coral San Martín de Sotrondio. 21 d'avientu, 2007 0 FacebookTwitterPinterestEmail
Música The Punishers presenten un nuevu discu en La Calleja d’Uviéu by asturnet 21 d'avientu, 2007 The Punishers presenten esti vienres n’Uvieu el nuevu discu que tan acabantes d’asoleyar col nome “Faster, Harder, Deeper”. Esti nuevu piñu de canciones cvunta con producción propia del grupu anque los encargaos de la so distribución van ser “Lengua Armada”. Nel conciertu, que va entamar a les 18:30 hores en La Calleja de la Ciega (Cai Martínez Vigil, 4), tamien van participar les bandes de punk Waken Boligra y Cemento Armao. La entrada cuesta 5 euros. 21 d'avientu, 2007 0 FacebookTwitterPinterestEmail
Música Los bualeses Mezá actuen esta nueche na sidrería Tierra Astur de Cualloto by asturnet 20 d'avientu, 2007 Los xueves musicales de la sidrería Tierra Astur ufren la oportunidá esta selmana de sintir los cantares de Mezá, formación bualesa de folk que foi semifinalista l’añu pasáu del Concurso y Muestra de Folclore Ciudá d’Uvieu. Componen el grupu Miguel Rodríguez, cola flauta travesera y la gaita; Andres Rodríguez, cola flauta travesera, la gaita y les voces; Ekaitz de Luis López, guitarrista y coros; Carlos García. al violín y los coros; Sergio Rubio Rodríguez coles percusiones y Abraham Riego. al baxu ya’l bouzouki. Mezá practica un estilu acústicu que entemez los sones propios de la tradición musical asturiana y folk con otros soníos ya usando el gallego-asturianu nes lletres de les sos composiciones. 20 d'avientu, 2007 0 FacebookTwitterPinterestEmail
Música Lyra llevan el meyor folk búlgaru y húngaru a la Colexata San Xuan Bautista by asturnet 20 d'avientu, 2007 Una de les cites cola música folk n’Asturies pa esti xueves 20 d’avientu ye col grupu búlgaru Lyra nel Centru Cultural Cajastur Colexata San Xuan Bautista de Xixón a les 20:00 hores. Sones tradicionales del repertoriu búlgaru y húngaru ye lo que proponen estos antiguos escolinos de Academia de Música y Danza de Plovdiv. La banda ta formada enmde 1995 pol acordionista Seymenski Georgi Zafirov; Ivan Stefanov, a la gadulka y Radka Stefanova nes voces y tiene un discu nel mercáu nel que afonden na sonoridá de la gaita tradicional búlgara. 20 d'avientu, 2007 0 FacebookTwitterPinterestEmail
Música Toli Morilla actuó na entrega de los premios de la conseyería a la poesía y periodismo n’asturianu by asturnet 20 d'avientu, 2007 El músicu Toli Morilla ufrió ayeri una actuación nel marcu de la entrega de los premios “Xuan María Acebal” de poesía y “Enriqueta González Rubín” de periodismo n’asturianu que recibieron Pablo Antón Marín y Miguel Solís Santos. N’esti pequeñu conciertu que se cellebró nel patiu del Palaciu Conde de Toreno d’Uvieu, Morilla interprtó dellos temes al entamu y a lo caberu del actu-. Col únicu acompañamientu de la guitarra Morilla entamó la so participación nel actu con una adaptación musical d’esti poema de Xandru Fernández. Tendrás una pallabra Más que inutil ociosa Con que facer de mi Una sombra al debalu Nun reqexu del tiempu Del tiempu, d’esi tiempu Ya lo sabes, que vuelve Ca nueche, que l’iviernu Traza lentes singladures De povisa ente los deos D’esi tiempu concasáu pola memoria 20 d'avientu, 2007 0 FacebookTwitterPinterestEmail
Música El coru de gospel de Soweto zarren les actueciones de gospel nel Xovellanos by asturnet 20 d'avientu, 2007 El coru de gospel de Soweto va ser los encargaos de pone-y el ramu a esti minifestival de gospel que tuvo agospiando Xixón durante la selamana. Embaxo la dirección de David Mulovhedzi el coru surafricanu va actuar esta nueche, a partir de les 20:30 hores nel Teatru Xovellanos con entraes de 9 a 18 euros. El Soweto Gospel Choir nación en 2003 col enfotu de recuperar la bayurosa tradición musical de la so tierra y tan actuando n’España como parte de la so xira europea.Del so repertoriu destaquen Amás del gospel africanu tradicional, cantares como “Amazing Grace”, “Paradise Road” y música de Otis Redding o reggae de Jimmy Cliff. El conciertu tamien incluí baillarines y tambores del “Holy Jerusalem Choir”. 20 d'avientu, 2007 0 FacebookTwitterPinterestEmail
Música Hevia quier dir a Eurovisión y tien mui bones idees sobre cómo facelo by asturnet 19 d'avientu, 2007 El gaiteru asturianu más internacional, Hevia, que ta acabante dasoleyar el so cuartu album Obsession, con una tendencia más chill-out que los anteriores pero ensin perder los raigaños tradicionales que caractericen al artista asturianu, declaró a un mediu dinternet que taría encantáu de dir a Eurovisión y amosar la música del norte en toa Europa. Pa Hevia sedría prestosos ufiertar una nueva imaxe con una música mui distinta, la del Norte. Y ye que pal gaiteru, el Festival dEurovisión ye yá un iconu na vida de la mio xeneración. Dende neñu seguí en familia les actuaciones de los grupos y la emocionante puntuación por países. Son munchos los recuerdos que saxunten alredor desti eventu. Pero, ¿presentaríase Hevia a una posible preselección de TVE?. Pa Hevia, esto entra dientro de lo posible, y ye que conidera que tengo bones idees en tornu a un tema pal Festival. Pel momentu nun ye más quuna posibilidá, pero de dir a Eurovisión Hevia asegura que la esperiencia debe de ser, amás, mui arriquecedora. Páxina web oficial d’Hevia 19 d'avientu, 2007 0 FacebookTwitterPinterestEmail
Música Marlena Smalls ya’l coru de gospel Hallellujah actuen nel Teatru Xovellanos by asturnet 19 d'avientu, 2007 El Teatru Xovellanos de Xixón ta acoyendo esta selmana, de martes a xueves, un minifestival de música golspel nel que participen tres formaciones: la Joyful Gospel Choir, Marlena Smalls & The Hallellujah Gospel Choir, y Soweto Gospel Choir. La primer cita foi’l martes 18 d’avientu cola actuación del coru de gospel Joyful, una de les formaciones más afamaes de la escena ye’l platu pa esti miercoles ye un conciertu de Marlena Smalls xunto col Hallellujagh Gospel Choir. La cita ye a les 20:30 hores. Marlena Smalls, conocía polos sos trabayos en cine (yera la madre de Bubba en Forrest Gump) y televisión, ye una una de les vocalistes más afmaes de la escena jazz y blues nos Estaos Xunidos, va interpretar xunto al coru, un piñu de temes navideños del repertoriu internacional y tamien dellos de la tradición africana 19 d'avientu, 2007 0 FacebookTwitterPinterestEmail