Música La V edición del conciertu ‘Asturies nun escaez’ trai a los valencianos Obrint Pas by asturnet 2 d'ochobre, 2006 La organización política moza Darreu organiza la quinta edición del so conciertu conmemorativu de la Revolución Asturiana de 1934 que lleva por títulu ‘Asturies nun escaez’ cola participación de los grupos Dixebra, Escuela de Odio, K-Nalón y Testimoniu la Viztima y traen per primer vez a Asturies a la banda valenciana Obrint Pas. El conciertu tendrá llugar esti sábadu 7 d’ochobre a partir de les nueve la nueche nel IES Cuenca del Nalón (Av Reguera nº25) – l’antiguu politecnicu, de La Felguera (Llangreu). Pa esta nueva edición del conciertu ‘Asturies nun escaez’ organizáu por Darreu con motivu del aniversariu de la Revolución Asturiana de 1934, los grupos convidaos pa homenaxear a los revolucionarios d’ochobre van ser: los grupos de la Cuenca’l Nalón K-Nalon y Testimoniu La Víztima, que faen hip hop n’asturianu, asina como Escuela de Odio, grupu referente n’Asturies y a nivel estatal del hard core, con 4 trabayos discográficos a recostines. Xunto a los grupos locales va actuar el yá míticu grupu asturianu Dixebra, referencia nel rock astur, con venti años d’esistendia, ocho trabayos discográficos y un cd/dvd en directu del conciertu XX aniversariu preparáu pa finales d’añu. Con toos ellos y per primer vez n’Asturies, van actuar los valencianos Obrint Paz, grupu que mezcla delles tendencies dende’l folk fasta’l hard core melódicu pasando pol ska, reauge, rock… Obrint Pas ta esti añu cola xira “Internacionalista Tour” que yá los llevaró a tocar n’Alemaña, Francia, Italia, Londres y que, tres de la so visita a Asturies, los va llevar tamien per Chequia, Eslovaquia, Hungría y Llatinoamerica. Los valencianos tán consideraos como un verdaderu fenómenu na parte catalanofablante de la peninsulay col so últimu trabayu en directu, “En movement” tuvieron siete selmanes siguíes ente los 20 dvds más vendíos nel estáu, tou un hitu pa un grupu que canta en catalán y usa la dolçaina (instrumento tradicional) nos sos temes. Les entraes al conciertu ‘Asturies nun escaez’ d’esti sábadu tienen un preciu de 8€ anticipada y 10€ na puerta. 2 d'ochobre, 2006 0 FacebookTwitterPinterestEmail
Música Anabel Santiago canta esti fin de selmana en Madrí nun homenaxe a Clara Campoamor by asturnet 28 de setiembre, 2006 La cantante asturiana Anabel Santiago va participar dientro del Macrofestival 75 aniversariu del votu femenín n’España qu’esti domingu en Madrí homenaxea la figura de Clara Campoamor. Santiago va compartir escenariu con otres artistes como Cristina del Valle, Rim Banna, Marina Rossell, María Jose Hernández, Zumba que Zumba, Irene Shams, Piruchi (Ex Hijas del Sol), Mercedes Ferrer, Carmen París, Flamencas en Cuadro, La Negra, Esperanza Fernández, Buika y Amparanoia. L’actu que tendrá llugar nes instalaciones deportives del Paraninfu Norte de la Ciudá Universitaria de Madrí va axuntar en doce hores ininterrumpíes de música, teatru, cuentacuentos, esposiciones, flamencu, cine, dances, tangu y pasacais col nexu común d’espeyar la creatividá femenina. 28 de setiembre, 2006 0 FacebookTwitterPinterestEmail
Música Asgaya presenta en La Pola ‘Escontra’l tiempu’ by asturnet 27 de setiembre, 2006 El grupu de música folk ‘Asgaya’ va presentar a les ocho na Casa Cultura de La Pola un conciertu nel que, dientro de la programación de la Fundación Municipal de Cultura, va presentar los temes del so primer discu tituláu ‘Escontra’l tiempu’. Esta banda, anque como tala ye de recien creación, ta integrada por músicos d’abonda esperiencia como son Roberto Junquera (gaites y percusión), Ross Gala (vigulín y voz), David Adeva (baxu), Rosa Temprano (voz principal), Alberto Rionda (guitarra) y Sergio Álvarez (flauta y percusión). Asgaya naz de la xuntanza de varios músicos apasionaos pola tradición musical asturiana que, dende l’empiezu, trabayaron sobre temes populares, tradicionales, iguándolos y adaptándolos ente tolos componentes p’algamar un soníu personal. A esti garrapiellu de melodíes van añadiendose de seguío composiciones propies pa formar un repertoriu que busca’l mirar p’alantre siempre col máximu respetu a los oríxenes. 27 de setiembre, 2006 0 FacebookTwitterPinterestEmail
Música Roberto Junquera fai sonar la gaita de cine by asturnet 27 de setiembre, 2006 Roberto Junquera ta acabante d’editar el discu ‘Una gaita de cine’ (Grabaciones Pola, 2006), un recopilatoriu de bandes sonores de películes famoses iguaes por el pa la gaita. El discu, que se va presentar a partir del mes d’ochobre en directu, acompañáu nel escenariu por una banda de baxu, batería, teclaos y bouzouki, recueye temes tan conocíos como ‘Dirty Dancing’, ‘La Misión’, ‘Titanic’ o ‘Flashdance’. Amás, ta pensándose en facer un gran conciertu de presentación nel Teatru Campoamor d’Uvieu nel que participen inda más músicos asina como dos bandes de gaites pa tocar a comuña ‘Carros de fuego’ y ‘1492’. 27 de setiembre, 2006 0 FacebookTwitterPinterestEmail
Música Empiecen les clases na Escuela de Música Tradicional ‘La Quintana’ by asturnet 26 de setiembre, 2006 La Escuela de Música Tradicional ‘La Quintana’ de Xixón ta a piques d’empezar el cursu 2006/2007, cuya presentación de les clases va ser esti xueves 28 de setiembre, a partir de les 7 la tarde na so se, nel Colexu Públicu Rei Pelayu, na Avenida Constitución, onde se va recibir a toles persones interesaes n’asistir a les clases. El cursu cuenta con profesores que son al tiempu músicos de reconocíu prestixu na escena musical asturiana, como Xuan Nel Esposito (curdión), Diego Pangua y Pedro Perez, (gaita), Daniel García de la Cuesta (vigulín y bandurria), David Varela (percusión), Merce Santos (zanfonía), Lorena García, (clarinete) y Ruben Bada (guitarra). Amás, cuentase con ún de les meyores interpretes de l’asturianada, Horacio Huerta, y col harpista gallegu Xavier Gómez. Les clases práutiques danse individualmente, de manera que l´alumnau va integrándose nel nivel que-y correspuende. Anque, sicasí, pa empobinar a la formación musical en conxuntu, dalgunes de les clases se faigan n’andecha col alumnau d´otros instrumentos. Los horarios de la Escuela son peles tardes de los llunes, martes, miercoles y xueves, demientres les seis de la tarde nel Colexu Rei Pelayu. Les especialidaes qu’ufierta la escuela son: gaita, tambor, percusión, zanfonía, vigulín, xiblata travesera, curdión, guitarra, harpa celtica, asturianada, clarinete y bandurria. Esti añu, como novedá, comienza a impartise la asignatura de formación en conxunto. La Escuela de Musica Tradicional La Quintana lleva trabayando nesti proyeutu musical dende 1998, faciendo que, gracies a la demanda de la xente, vaiga creciendo l’enfotu en deprender y mantener viva la trasmisión de la música tradicional asturiana. Asina, La Quintana cumple’l novenu añu poniendo clase de diversos instrumentos, amás d’otres asinatures como folclor y llinguaxe musical. 26 de setiembre, 2006 0 FacebookTwitterPinterestEmail
Música Carlos Rubiera presenta ‘Canciones de Xixón’ nel Forum de la Fnac by asturnet 26 de setiembre, 2006 El veteranu cantautor Carlos Rubiera va presentar el próximu día 30 a les ocho la tarde, nel espaciu Forum de la Fnac de Parque Principado, el so últimu trabayu discográficu que lleva por títulu ‘Canciones de Xixón’. Rubiera, ún de los históricos miembros del llamáu Nueu Canciu Astur nos primeros años de la transición, a mou d’otros movimientos asomeyaos que se dieron n’otres nacionalidaes del estáu, y de la organización Conceyu Bable en Xixón, dende la qu’empezó a trabayar pola recuperación llingüística del asturianu, presenta con esti nuevu discu una vuelta a los sos oríxenes con canciones tan populares como La Capitana y Sardinera de Xixón . Carlos Rubiera (Caldones, 1956) presenta asina un nuevu discu depues del conocíu ‘Viaxe al silenciu’ onde marcó la so evolución como barítono llíricu, nel que facía arreglos a canciones tradicionales y versionaba al míticu Lluis Llach. Na so faceta lliteraria Rubiera ye autor de llibros como ‘Cuentos tres la guerra’ y ‘Cuentos de bona oreya’, y escribió tamien el poemariu ‘Venti sonetos’ nel añu 1999. 26 de setiembre, 2006 0 FacebookTwitterPinterestEmail
Música El mundu de la gaita llora la muerte de José Antonio García Suárez, El Gaiteru de Veriña by asturnet 25 de setiembre, 2006 Jose Antonio García Suárez, más conocíu como El Gaiteru de Veriña, morrió ayeri en so casa de Villaverde (Villaviciosa) a los 78 años, víctima d’un repentín infartu de miocardio. Fundador del Conceyu de Gaiteros, García taba consideráu ún de los grandes de la gaita asturiana, acompañando normalmente a les principales voces de la tonada como foron Obdulia Álvarez ‘La Busdonga’, Diamantina Rodríguez, Mariluz Cristobal Caunedo, Marcelino Mere ‘El Manquín’ o’l recien desapaecíu Jose Noriega. Fíu de Ramón d’Antón, el primer Gaiteru de Veriña, nació en Puao en 1928 y con sólo quince años yá acompañaba a la gaita a La Busdonga. Miembru del movimientu ‘Así canta Asturias’ y sociu fundador nos años noventa del Conceyu de Gaiteros, Jose García Suárez foi la ponte ente los gaiteros tradicionales y les evoluciones propuestes pal instrumentu polos más mozos. Por eso güei’l panorama musical asturiana llora la repentina muerte del Gaiteru de Veriña quien tenía previsto asistir el próximu domingu en Mieres a la reunión de l’Asociación d’Interpretes de Canción Asturiana. 25 de setiembre, 2006 0 FacebookTwitterPinterestEmail
Música L’Entregu representa una esfoyaza na XI edición del Festival Folclóricu by asturnet 21 de setiembre, 2006 Esti sábadu 23 de setiembre, a partir de les siete la tarde, l’Agrupación d’Etnografía y Folclore ‘L’Esperteyu’ de L’Entregu va poner n’escena nel Teatru Municipal de Samartín del Rei Aurelio la representación d’una esfoyaza tradicional na que van inxertar partes de dramatización y d’ambientación popular, entemecida con bailles, na busca de da-y un nuevu enfoque que sía más atractivu a la tradición y el patrimoniu asturianu. Xunto a ellos, van intervinir como grupos invitaos el Grup de Cors i Danses de Bihar (Alancant) y el Grupu Foklóricu “Manantial del Vino” (Tomelloso). L’Agrupación d’Etnografía y Folclore “L’Esperteyu” de L’Entregu recupera asina la tradicional esfoyaza na que s’inxertarán partes de dramatización y d’ambientación de les esfoyaces tradicionales con bailles populares no que va ser, ensin dulda nenguna, un precedente que marque l’enfoque d’ediciones sucesives d’esti festival folclóricu. L’Agrupación d’Etnografía y Folclore “L’Esperteyu” busca dar un nuevu enfoque más atractivu col enfotu de recuperar la tradición y el patrimoniu asturianu y acercalu al públicu d’una manera afayadiza. 21 de setiembre, 2006 0 FacebookTwitterPinterestEmail
Música Esta nueche Dixebra, Skontra y Skama la Rede ponen l’acentu asturianu al Festival Puelles Rock de Villaviciosa by asturnet 21 de setiembre, 2006 Güei , a partir de les nueve la nueche, la localidá maliaya de Puelles (Valdediós) va celebrar una nueva edición del Festival Puelles Rock 2006. Pel escenariu situáu baxo carpa, van pasar los grupos Ásperos, Skontra, Sikarios, Desorden, Skama la Rede y Dixebra, nun conciertu con entrada y aparcaderu de baldre y nel qu’habrá habilitada una zona d’acampada llibre. 21 de setiembre, 2006 0 FacebookTwitterPinterestEmail
Música Conciertu del cantautor Toli Morilla en La Casa Posafuelles by asturnet 19 de setiembre, 2006 El cantautor Toli Morilla va dar un conciertu nel chigre de la Xunta pola Defensa de la Llingua Asturiana, La Casa Posafuelles, el próximu día 29 de setiembre a partir de les diez y media la nueche. L’autor del discu ‘Entre el barro y las preguntas’ va repasar en directu’l so repertoriu, incluyíos los temes del so últimu espectáculu y discu, ‘Nueche d’insomniu’, nel que musicaba a estremaos poetes asturianos y que fue acoyíu con gran esitu per parte del públicu. 19 de setiembre, 2006 0 FacebookTwitterPinterestEmail