Plástiques Entréguense los premios del V Concursu de Cómic “Comarca la Sidra” by asturnet 4 d'avientu, 2007 El V Concursu de Cómic y III de Tires Cómiques n’Asturianu “Comarca de la Sidra” dio na modalidá de mayores de 14 años, el primer premiu dotáu con 500, al dibuxante Alfonso Zapico Fernández pola obra titulada “Les Cuentes de Gasparín” Alfonso Zapico, (Blimea, 1981) ye una de les realidaes con más sonadía del cómic asturianu. Diseñador gráficu, trabaya, pa con otros llabores, como ilustrador na editorial Edelvives, pa la que tien iguaos 9 llibros de testu de primaria y secundaria. De los premios algamaos por esti artista, rescampla enforma’l llográu esti añu na feria FestiBd, en Ville de Moulins, Francia, al meyor trabayu de calter históricu, pol so álbum “La Guerra Del Profesor Beltenev”, publicáu en Francia, Bélxica, Suiza y Canadá países nos que tamién asoleyó l’álbum “Un día de mayu” n’andecha con otros autores. Anguaño trabaya nuna novela gráfica, “Café Budapest”, que va espublizase pal añu que vien. N’asturianu, ye l’autor de la serie “Manolita Pulgarcita” qu’apaez en “El Gomeru”. Xunto col primer premiu, el xuráu formáu por Pablo Maojo, Xuan Pedrayes y Arancha Prado, decidió dar dos accésit de 200 euros y diploma a les historietes ¿otru culín? De Juan Miguel Borja Estevez y “Milagru na Canga” de José Juan González García”. Amás del premiu en metálico y los diplomes pa los tres ganadores, la organización va editar una publicación na que van tar recoyíes estes obres. El Xuráu dio tamién los premios nes categoríes pa escolinos. L’actu d’entrega de premios, publicación y esposición de les obres presentaes a concursu, va celebrase mañana miércoles na Casa Cultura “Marta Portal” de Nava, a les 19:00 hores y va contar cola comunicación “Historia del Cómic n’Asturianu”, por Chechu García, y l’actuación del grupu “Xentiquina”. 4 d'avientu, 2007 0 FacebookTwitterPinterestEmail
Cine “Portman, a la sombra de Roberto” denuncia’l desaniciu ecolóxicu y económicu que se vive na costa murciana by asturnet 4 d'avientu, 2007 El Forum de FNAC, nel centru comercia Parque Principado de Siero, acueye esta tarde a les 19:00 hores la proyección del documental de Miguel Martí, Portman, a la sombra de Roberto. La cinta ye una denuncia de la situación grave de desaniciu mediuambiental que se vive nel pueblu de Portman, na bahía e Murcia. Esti trabayu foi presentáu na sección “Tiempo de historia” de la Selmana Internacional de Cine de Valladolid en 2001. La cinta ta centrada nel cierre del Lavaderu Roberto, un de los mayores por flotación del mundiu. Dende que la empresa Peñaroya ta instalada na bahía (llegó na metá de los 50) esta vive saturada con millones de tonelaes de residuos tóxicos procedentes del laváu del mineral. La situación ye más grave dende que en 1991 cerrara’l lavaderu xuntando al desastre ecolóxucu otru más grande económicu y social. 4 d'avientu, 2007 0 FacebookTwitterPinterestEmail
Música Morrió’l investigador ya musicólogu Luis G. Iberni, doctor na Universidá d’Uviéu by asturnet 4 d'avientu, 2007 Fallecíó ayeri’l musicólogu Luis G. Iberni, doctor na Universidá d’Uvieu y una de les figures más decisives nel panorama musical asturiano. Iberni, que destacó poles sos investigaciones sobre música asturiana y música española sel sieglu XIX, morrió nun hospital de la so zaragoza natal onde taba ingresáu tres agravase los problemes pulmonares que padecía. Famosa foi so tesis sobre la obra Ruperto Chapí y la so monografía sobre’l compositor Sarasate. Amás trabayó pal Ayuntamientu d’Uvieu y embaxo la so asesoría la ciudá agospió les Xornaes Internacionales de Pianu, ente otros conciertos. Yera colaborador tamiñen en dierios como “La Nueva España”, “ABC”, “La Razón” y “El Mundo”. Como periodista algamó’l premiu nacional de periodismu musical de la Fundación Jacinto e Inocencio Guerrero. 4 d'avientu, 2007 0 FacebookTwitterPinterestEmail
Plástiques La pintora Elena Rato inaugura una esbilla de la so obra na galería Mediadvanced de Xixón by asturnet 3 d'avientu, 2007 La pintora Elena Rato, nacida n’Uvieu en 1979 y afincada en Noreña, inaugura güei una amuesa de la so obra nel espaciu xixones d’arte Mediadvanced (C/Ezcurdia, 8). L’actu d’entamu de la esposición ye a les 19:30 hores na propia galería y la obra va poder vese hasta’l prósimu 17 d’avientu. Fragmentos de lienzu pintao cosíos a teles, colores vibrantes y aprovechamientu d’imáxenes de desechu son delles pautes a tener en cuenta na obra d’Elena Rato. 3 d'avientu, 2007 0 FacebookTwitterPinterestEmail
Cine “Los Hnos Marx en el Oeste” ye’l platu pa gúei nel ciclu “Llunes de Cine” n’Uviéu by asturnet 3 d'avientu, 2007 Los hermanos Marx empobine nesta ocasión pal Oeste americanu a facer fortuna. Entos merquen una mina ensin valor, na llocalidá de Cripple Creek, que resulta tar nunos terrenos mui polos que nagua una poderosa compañía de ferrocarriles. Estu ye l’argumentu de “Los Hermanos Marx en el Oeste”, película cola que entama esti mes d’avientu nel ciclu Llunes de Cine del Teatru Filarmónica d’Uvieu. El pase entamará, como davezu, a les 20:30 hores. “Los Hermanos Marx en el Oeste” data del añu 1940 y foi la segunda de les películes que los cómicos rodaron pa los estudios MGM embaxo la dirección d’Edward Buzzell. Aun ensín la participación de la clásica Margarett Dummont y ya ensín el llastre de Zeppo esta comedia, parodia del western, está considerada como una de les meyores que rodaren los Marx durante una etapa de clara decadencia. 3 d'avientu, 2007 0 FacebookTwitterPinterestEmail
Música Esther Fonseca, cantante de Llangres, espubliza el so tercer discu en solitariu by asturnet 3 d'avientu, 2007 La cantante de Llangres, Esther Fonseca ta acabante d’espublizar lo que ye’l so tercer discu en solitariu. “Viaxe” sigue a “Xaranzaina” y “Agua” como tercera entrega de la evolución musical de la vocalista ovetense afitando la so personal mestura de pop y sones tradicionales asturianos. El discu trae 14 cancios escritos y producíos pol músicu Nacho Fonseca, padre de la cantante y creador de los proyectos infantiles “Xentiquina” o “Xeliquín”. Nes sesiones de grabación de les que salío’l discu acompañaren a Esther Fonseca músicos como’l guitarrista Javier Monje; Juanjo Díaz miembru de Tejedor y de La Bandina; Yago Prado compañeru de la cantante en Llangres, a la guitarra y l’arpa celtica, el flautista Manuel Fonseca ya0l violonchelista Peter Bulla. Tamien participaron el gaiteru Daniel Álvarez, Ramón González al saxofón y los teclaos, la violonchelista Tamara Rodríguez y l’acordionista Tina Cuadriello . 3 d'avientu, 2007 0 FacebookTwitterPinterestEmail
Música El pianista Piotr Anderswewski actua n’Uviéu dientro de les Xornaes Internacionales de Pianu by asturnet 3 d'avientu, 2007 Piotr Anderswewski, un de los pianistes más ponderaos de la so xeneración actua esti llunes n’Uvieu con motivu de la cellebración de les Xornaes Internacionales de Piano. Nel recital, que entama a les 20:00 hores na Sala Principal del Auditoriu Príncipe Felipe d’Uvieu, Anderszewski va tocar les pieces “Humoresque op. 20”, de Schumann; “Masques op. 34”, de Szymanowski y “Partita n º 1”, de Bach. Esti metá polacu metá hungaru de 36 años algamó’l premiu “Szymanowski” en 1999, poles sos interpretaciones de la música de dichu compositor y en 2001, foi reconocñiu pola Royal Philharmonic Society como “Mejor Instrumentista del añu 2000″. N’abril de 2002, foi nomáu ”Gilmore Artist” sucediendo asina al anterior ganador Leif Ove Andsnes. 3 d'avientu, 2007 0 FacebookTwitterPinterestEmail
Música L’Entregu celebra esta fin de selmana’l XII Festival Folclóricu y la Fiesta de les Cebolles Rellenes by asturnet 1 d'avientu, 2007 LAgrupación dEtnografía y Folclor LEsperteyu va celebrar esta fin de selmana, coincidiendo cola Fiesta de Les Cebolles Rellenes, el so XII Festival Folclóricu, al que van asistir cuatro grupos de baille tradicional dAsturies (LEsperteyu, LEnguedeyu, Les Ayalgues y El Piñote), uno de Pontevedra(Pontenova) y dos bandes de gaites (El Piñote y Pontenova). Col festival desti añu lAgrupación Folclórica LEsperteyu, comprometida coles raíces populares asturianes y col pueblu de LEntregu quier esparder per tola xeografía entreguina lambiente de fiesta y contaxar del mesmu a la población y a los que salleguen a la fiesta. Nesti sen, lAgrupación fai un convite pa que la xente sanime a participar, bien vestida dasturianos, bien baillando aquelles pieces que sean abiertes a la collaboración pública. En casu de que lagua nun estropie los planes, van recorrese barrios y zones tán distantes como Fradera, Japón, La Vega, San Vicente, la Plaza de la Ilesia, etc. El programa del Festival Folclóricu contará col siguiente programa: Sábadu 1 davientu , dende les 11:3o a les 14:oo h. Dende los barrios del Xapón, Fradera hasta los barrios dEl Coto y La Vega, pasucáis y actuaciones de los Grupos LEsperteyu, LEnguedeyu, El Piñote y Banda de Gaites El Piñote. Si llueve, el festival pela mañana fadráse na Plaza dAbastos. Sábadu 1 davientu, dende les 16:3o a 17:45 h. Pasucais y actuaciones per LEntregu de los grupos LEsperteyu, LEnguedeyu, Pontenova y Banda de Gaitas Pontenova (Pontevedra) y de 18: oo a 20:3o Festival nel Centru Comercial Valle del Nalón cola actuación de los grupos enantes citaos. Domingu 2 davientu, dende les 11:3o a 14:oo. Actuación pel Barriu de San Vicente de los grupos LEsperteyu, LEnguedeyu, Les Ayalgues, Pontenova y Banda de Gaitas Pontenova (Pontevedra). 1 d'avientu, 2007 0 FacebookTwitterPinterestEmail
Música Xorrecer espubliuza un discu recopilatoriu de bandes asturianes escontra’l maltratu by asturnet 1 d'avientu, 2007 Xorrecer, asociacion asturiana empobinada a lluchar escontra’l maltratu en toles sos variantes, ta acabante d’espublizar un discu recopilatoriu d’artistes asturianos con motivu de a cellebración del “Día Internacional contra la violencia de xeneru”, el pasáu 25 de payares. Embaxo’l títulu “Ensín cadenes”, hai 18 cancios de bandes como Dixebra, Sakama la Rede, K-Nalón, Fe de Ratas o Escuela de Odio, ente otres. Tamien collaboren na iniciativa L’Aguañaz y Santo Grial 1 d'avientu, 2007 0 FacebookTwitterPinterestEmail
Cine Ernesto Sevilla y Joaquín Reyes conducirán la gala de cierre del festival de cine by asturnet 30 de payares, 2007 Ernesto Sevilla y Joaquín Reyes van ser los encargaos de zarrar la edición del 45º Festival Internacional de Cine de Xixón nuna gala que se va cellebrar el sábadu a partir de les 20:30 hores nel Teatru Xovellanos. Estos dos cómicos son famosos nel panorama nacional pol so trabayu en programes como “La hora Chanante” y “Smonka”, nel canal temáticu Paramount Comedy y recientemente por “Muchachada nui” na 2 de Televisión Española. La gala tamien va cuntar cola participación músical d’un habitual de la escena xixonesa, Pedro Vigil. El llider d’Edwin Moses va remocicar en directu los sones del compositor Mychael Danna y les sos pieces pa los films “El Precio de la Verdad” y “Pequeña Miss Sunshine” cola collaboración d’otros diez músicos n’escena. Pa pone-y el ramu a la velada va tar sobre les tables Marisa Paredes que recoyerá’l premiu Nacho Martínez, entregáu n’otres ediciones a Asumpta Serna, Maribel Verdú o Eusebio Poncela. Per otru lláu, va proyectase “Eagle vs Shark”, una comedia de la directora de Nueva Zelanda Taika Waititi pa poner puntu y final a esta edición del festival. 30 de payares, 2007 0 FacebookTwitterPinterestEmail