Sociedá Deva peles siendes dAndrés Solar va llevar a más de trescientos neños peles caleyes del Xixón rural by asturnet 17 de mayu, 2007 Redacción. El martes que vien entama en Xixón l’actividá ‘Deva peles siendes d’Andres Solar’, unes xornaes de visites guiaes organizaes pola Oficina de la Llingua de Xixón dientro de los Programes Educativos del Ayuntamientu de Xixón y embaxo la coordinación de Sabel Tuñón ya Inacio Rodríguez-Solar. Dende’l martes que vien y a lo llargo d’ocho díes, 300 neños y neñes de nueves escueles públiques xixoneses van percorrer los caminos onde vivió Andres Solar y conocer la so vida y obra lliteraria. La visita inclúi una esplicación del procesu d’ellaboración de la sidra nel Llagar Piñera, dende la collecha a la venta de la mesma. Darreu esplícase a los neños, a lo llargo d’un paseu pela parroquia, los distintos edificios hestóricos, la fauna y flora colos so nomes n’asturianu y la forma de vida autárquica que se vivía na parroquia non va muncho. Dempues visítase la casa onde vivió Andres Solar y la so escuela, onde los rapazos van visitar una esposición alredor de la figura d’Andres Solar Santurio. Por mor d’estes actividaes editóse la guía didáutica col mesmu norme ‘Deva peles siendes d’Andres Solar’, que sirve d’apoyu a les actividaes sobre’l tarren. 17 de mayu, 2007 0 FacebookTwitterPinterestEmail
Fiestes Tolo dAsturies va enllenar Llangréu de cultura esta fin de selmana by asturnet 17 de mayu, 2007 Redacción. Los próximos díes 18, 19 y 20 de mayu, Llangreu acoyerá la ‘Muestra Cultural Tolo d’Asturies¡, esta feria allugaráse nel recintu de la estación d’autobuses de Llangreu. Tolo d’Asturies ye una feria que ñaz cola intención d’amosar diferentes realidaes representatives de la gran bayura cultural d’Asturies. L’Ayuntamientu de Llangreu y la Conseyería de Cultura, Comunicación Social y Turismu del Principáu d’Asturies patrocinen esta feria cultural ‘Tolo d’Asturies’ qu’organicen les asociaciones culturales “Reija” y “L’Enguedeyu”. La Muestra Cultural Tolo d’Asturies ye música, ye baille tradicional, son muestres didáctiques, ye gastronomía, ye artesanía, ye tamien animación de cai y ye muncho más que convida a la participación y disfrute de tola xente. Música pa tolos gustos (Tuenda, Xuacu Amieva, Anabel Santiago, Tejedor, Banda Gaites de Llangreu, Xentiquina, Los Llanzones, Hector Braga, El Che de Cabaños, Marisa Valle Roso, Fernando Valle Roso…), grupos de baille tracional, muestra didáctica d’indumentaria tradicional, muestra didáctica d’instrumentos, talleres d’artesanía, puestos de venta de productos gastronómicos y artesanos d’Asturies, animación de cai… Los organizadores de la feria, l’Agrupación d’etnografía y folclor Reija de Llangreu y el Coleutivu de baille y música tradicional L’Enguedeyu, van encargase d’animar les xornaes. Son estos dos grupos con gran tradición y de reconocíu prestixu que siempre busquen el caltenimientu y espardimientu del folclor y la etnografía popular en tolos sos aspeutos. D’esti mou nun solo representen los bailles y cantares tradicionales d’Asturies, sinón que tamien organicen charres, esposiciones y talleres de tradición, amás de cuntar con escueles de música y cultura tradicional. Los sos dos grupos de baille tradicional, amás d’otros grupos convidaos a esta feria, participarán n’animación de la Muestra Cultural Tolo d’Asturies nos tres díes nos qu’esta va desendolcase. Coles sos interpretaciones musicales siempre traten de presentar lo bailles y dances tradicionales d’un mou asemeyáu al que les xentes del pueblu representaben y representen nes romeríes y folixes populares. Programa: Vienres 18 mayu 22:00 hores Conciertu Tuenda + Xuacu Amieva Sábadu 19 mayu 12:00 hores Apertura Muestra Cultural TOLO D’ASTURIES 18:00 hores Xentiquina 19:00 hores Muestres didáctiques de vistimenta ya instrumentos tradicionales a cargu d’Armando Valdes y Hector Braga y cola collaboración de de les dos entidaes organizadores y de la escuela de musica tradicional de l’A.E.F. Reija. 22:00 hores Conciertu Anabel Santiago + Tejedor Tol día: Folixa y baille pa toes/os cola bandina Los Llanzones Animación colos grupos de baille y música tradicional L’Enguedeyu (Llangreu) y San Felix (Candás) Taller d’alfarería pan neñes y neños (L’Alfar de Faro-Uvieu), mañanes de 12 a 14.30 y tardes de 17 a 20 hores Domingu 20 mayu 13:00 hores Desfile Banda Gaites de Llangreu (Del Parque Vieyu La Felguera pa la Muestra Cultural TOLO D’ASTURIES na estación d’autobuses) 13:30 hores Toná (El Che de Cabaños, Marisa Valle Roso y Fernando Vallle Roso) 18:00 hores Animación pa neñes y neños, cuentacuentos con Carlos Alba “Cellero” (El mio Güelu y Yo) Tol día: Folixa y baille pa toes/os cola bandina Los Llanzones Animación colos grupos de baille y música tradicional Reija (Llangreu) y Trebeyu (Xixón) Taller d’alfarería pa neñes y neños (L’Alfar de Faro-Uvieu) 20:00 hores Clausura de la “I Muestra Cultural TOLO D’ASTURIES de LLANGRÉU” 17 de mayu, 2007 0 FacebookTwitterPinterestEmail
ConvocatoriesFiestes Formientu va presentase mañana en Mieres cola presencia de los autores by asturnet 17 de mayu, 2007 Redacción. Mañana vienres a les 19:00 hores nel Salón d’actos de la Casa la Cultura ‘Teodoro Cuesta’ de Mieres, l’asociación H.a Xareos, editora de la revista de lliteratura moza Formientu va presentar el segundu numberu de la revista, un especial de narrativa “colo meyor que dan de si les lletres más moces”. L’actu ye l’últimu de los programaos pa presentar esti númberu especial dientro de la XXVIII Selmana de les Lletres Astrurianes. Na presentación van participar los escritores Ismael González Arias y Humberto González como presentadores. La revista ñació l’añu pasáu “cola idea d’espublizar a los autores más mozos que taba dando de sí la lliteratura asturiana” y esti segundu númberu faise coincidiendo cola Selmana de les Lletres con un formatu especial. Cuasi 150 páxines onde apaecen cerca d’una ventena d’autores. La revista tien un prólogu institucional de Ramón d’Andres, otru del so direutor, Inaciu Galán y completase colos cuentos y biografíes de los autores y un álbum de fotos de presentaciones anteriores. Los autores qu’apaecen son: Ricardo Candás, Pablo Texón, Jose Ángel, Pablo Rodríguez Medina, Jorge Fernández García, Hector Perez Iglesias, Xabel Llano, Pablo Rodríguez Alonso, Elizabeth Felgueroso, Pablo X. Suárez, Iris Díaz, Diego Aldebarán, Xabel de Cea Gutierrez, Xaime Menendiz Llope, Sergio Gutierrez Camblor, Benxa Perez, Inaciu Galán y González, Nicolás V. Bardio y Mino Álvarez. 17 de mayu, 2007 0 FacebookTwitterPinterestEmail
ConvocatoriesFiestes Política Llingüística entama la II Xornada de Toponimia del Navia-Eo na Casa Cultura de Castropol by asturnet 16 de mayu, 2007 Redacción. La Oficina de Política Llingüística del Gobiernu d’Asturies y el Conceyu de Castropol entamen na Casa Cultura d’esti conceyu, la II Xornada de Toponimia del Navia-Eo cola idea “d’acercar a los propios vecinos les decicisiones sobre la oficialización de los topónimos d’esta fastera occidental d’Asturies”. Nel marcu d’esta Xornada, la Xunta Asesora de Toponimia d’Asturies va presentar un infome sobre’l nome qu’ha recibir la Ría del Eo, pal que se creo una ‘Comisión pral Estudio da Denominación da Ría’ formada por Mónica Loza López, Ramón Martínez Castro, Alfredo González y Víctor Manuel Díaz Díaz. El programa de los actos entama a les 17:30 del vienres cola presentación de la II Xornada y un alderique “Os nomes dos nosos sitos”, onde van participar delles autoridaes municipales y autonómiques. A les seis de la tarde va presentase la publicación ‘Actas das I Xornadas de Toponimia del Navia-Eo’, un llibru que recueye les intervenciones de los especialistes que l’añu pasáu participaron en La Caridá na primera Xornada. Finalmente, a les seis y media, presentase l’Informe sobre’l nome de la Ría del Eo. 16 de mayu, 2007 0 FacebookTwitterPinterestEmail
Sociedá La Conseyería dEducación da la razón al maestru que presentare documentos nasturianu by asturnet 15 de mayu, 2007 Redacción. La Conseyería d’Educación, que-y negare’l pagu de les dietes d’itinerancia al maestru Xose Nel Comba va cerca d’un mes por presentar esti los papeles n’asturianu, acaba de da-y la razón dempues de que’l 23 d’abril presentare un recursu, tamien n’asturianu “contra esta caprichosa actuación de la Conseyería d’Educación”. Según el sindicatu SUATEA “destamiente la Conseyería d’Educación da la razón doblemente a Xose Nel Comba y a más xente que ta nesta desgraciada situación: [Como ye’l casu del xuiciu de Xurde Blanco por comunicase a l’Alminastración n’asturianu] Per una parte sí se puede exercer el derechu de dirixise en llingua asturiana y per otra banda’l recursu d’alzada, tamien presentáu n’asturianu, respóndese positivamente col cobru de les dietes en cuestión”. Son munches les entidaes que protestaron por esta situación de marxinación. La XPDLA, SUATEA y l’Academia de la Llingua Asturiana ente otres. 15 de mayu, 2007 0 FacebookTwitterPinterestEmail
Fiestes Felpeyu denuncia lactitú de los organizadores del conciertu de San Xuan, tres el que morrieron Ígor Medio y Carlos Redondo by asturnet 15 de mayu, 2007 Redacción. El grupu Felpeyu, qu’apocayá volvió a los escenarios dempues de la perda de dos de los sos miembros en xunu del añu pasáu, denunció “l’actitú del conceyal corverán Luis Solares”, anguaño candidatu a l’alcaldía del conceyu. Na nota de prensa que remitieron, “Felpeyu quier denunciar el funcionamientu internu desastrosu del Ayuntamientu de Corvera, en particular na so estaya musical, personalizándolo nel señor Conceyal de Cultura Luis Solares”. Nel comunicáu, el grupu denuncia “una actitú que contrasta, por exemplu, cola del Festival de Músiques d’Arrel de Calaf (Barcelona), onde Felpeyu tenía que tocar al día siguiente de la horrible nueche del 23 de xunu. Evidentemente, el conciertu nun pudo celebrase, pero la organización del mesmu abonó igualmente’l cache del grupu, amás d’interesase vívamente pol estáu de los felpeyos y les sos families”. Felpeyu diz facer públicu esti casu como denuncia d’un “comportamientu lloñe del que se tien que tener con persones que tán trabayando, amás dexar polos suelos la imaxe del conceyu de Corvera que nun merez dirixentes d’esti tipu”. El xueves a les 12 del meudía, nel llar social de la Sociedá Xeneral d’Autores n’Uvieu van celebrar una rueda de prensa pa esplicar esti comunicáu. 15 de mayu, 2007 0 FacebookTwitterPinterestEmail
Sociedá Sigue la polémica col Manifiestu dEscritores Asturianos, espublizáu na Selmana de les Lletres by asturnet 14 de mayu, 2007 Redacción. El 27 del mes pasáu, ASTURNEWS.COM foi’l primer mediu de comunicación en dar anuncia del ‘Manifiestu d’Escritores Asturianos’, firmáu por venti autores en llingua asturiana, que “refugaben los honores de la Selmana de les Lletres Asturianes en solidaridá colos falantes d’asturianu represaliaos”. Dalgunos de los firmantes del Manifiestu ficieron públiques delles aclaraciones, agora ye Humberto González, firmante del documentu y miembru del Partíu Popular quien contesta. Nel comunicáu, loes escritores denunciaben “les actuaciones direutamente represives (y, polo tanto, illegales) escontra ciudadanos asturianos que quieren utilizar la so llingua propia con normalidá n’ámbitos d’usu distintos a los familiares o puramente lliterarios” y solidarícense “colos ciudadanos (represariaos direutamente) y col pueblu asturianu en xeneral”. Una representación de venti autores pertenecientes a toles sensibilidaes lliteraries y polítiques firmó entós el documentu: Lourdes Álvarez, Ánxel Álvarez Llano, Nel Caldevilla Vega, Xose Lluís Campal, Sixto Cortina, L.luis Fernández Álvarez, Vicente García Oliva, Humberto González, Sabel López Labrada, Inaciu Llope, Pablo Antón Marín Estrada, Xandru Martino Ruz, Marta Mori d’Arriba, Xose Nel Riesgo, David Rivas, Pablo Rodríguez Alonso, Carlos Rubiera, Xuan Xose Sánchez Vicente, Xulio Viejo y Xulio Vixil Castañón. Manifiestu d’Escritores Asturianos 14 de mayu, 2007 0 FacebookTwitterPinterestEmail
Sociedá El vienres celebrase a II Xornada de Toponimia del Eo-Navia “A ría del Eo” by asturnet 14 de mayu, 2007 El próximo venres 18 de mayo, dende as 5:30 da tarde, celébrase na Casa da Cultura de Castropol a II Xornada de Toponimia del Eo-Navia, qu’enguano leva el título de «A Ría del Eo». Amañan a Xunta Asesora de Toponimia del Principao y el Conceyo de Castropol. El acto central d’esta Xornada é a presentación del Informe y conclusióis da Comisión pral Estudio da Denominación da Ría. Esta Comisión, formada en xunio del 2006 pola Xunta Asesora de Toponimia, trabayóu durante varios meses fendo, a ambas as veiras da Ría, encuestacióis de campo y indagacióis documentales históricas y actuales, col obxeto de botar luz sobre el nome comúnmente empregao pra referirse al accidente xeográfico que fai de fronteira entre Asturias y Galicia. Este documento poñeráse a disposición dos organismos competentes pra ser tido en conta en futuras decisióis sobre a materia. Nesta Xornada de Toponimia presentaránse tamén as Actas das I Xornadas de Toponimia del Eo-Navia, que se fixeron na Caridá (El Franco) en mayo del 2006. Trátase d’un libro unde se recoyen as intervencióis dos especialistas que naquela ocasión falaron sobre a toponimia dende os aspectos lingüístico, xurídico, político ou económico. Destacan, pola súa novedá neste campo, os trabayos sobre as consecuencias xurídicas da oficialización dos topónimos tradicionales (del xurista José Manuel Pérez), y sobre a integración da toponimia nos plais de desarrollo rural (del xeógrafo Alfredo González). Péchase esta II Xornada de Toponimia del Eo-Navia coa conferencia de Mónica Loza López y Fanny López Valledor sobre os nomes dos sitos de Castropol, conceyo del que fixeron fai us meses trabayos de campo que valiron pr’amañar el sou espediente toponímico, que neste momento é un dos que tán en marcha na zona máis occidentald’Asturias. 14 de mayu, 2007 0 FacebookTwitterPinterestEmail
ConvocatoriesFiestes La Fundación Belenos presentó nUviéu un númberu nuevu dAsturies, memoria encesa dun país by asturnet 12 de mayu, 2007 Redacción. Güei sábadu, a les ocho la tarde, na Sala 2 del Auditoriu Príncipe Felipe d’Uvieu presentose’l númberu ventidós de la revista ‘Asturies. Memoria Encesa d’un País’. La revista, Editada pola Fundación Belenos, lleva más de diez años averando a los asturianos a la conocencia de la hestoria propia, de les sos tradiciones y vezos, asina como a la reconstrucción de la memoria del pueblu asturianu. Son miembros del conseyu de redacción d’esta revista Inaciu Llope, psiquiatra, escritor y portavoz de partíu Izquierda Asturiana, asina como Xose Nel Riesgo, xeógrafu y escritor, ente otros. 12 de mayu, 2007 0 FacebookTwitterPinterestEmail
Sociedá XEGA y TíbadAs presenten en Xixón la so campaña de visibilidá lésbica by asturnet 11 de mayu, 2007 L’asociación Xente Gai Astur y TríbadaAS, presentaron esti día 12 de mayu la so campaña de visibilidá lesbica “Lesbianas Ni + Ni -” col obxetivu de facer notar la esistencia, nel día a día de la rexón, del colectivu de muyeres lesbianes. Pa ello van desendolcar delles xeres rellacionaes col mundu lesbico durante tol añu. Na rueda de prensa van intervenir el Presidente del Conseyu de la Mocedá de Xixón, Jordán Suárez Garea, el Coordinador de XEGA, Tino Burgos, y Raquel del Río, Marlen Iglesias e Irene Saavedra, como representantes de TríbadAS: el grupo de lesbianes de Xente Gaio Astur. L’actu va tener llugar, a partir del 11:30 hores, nel Salón d’actos del Conseyu de la Mocedá de Xixón (C/Manuel Llaneza 68, Xixón) 11 de mayu, 2007 0 FacebookTwitterPinterestEmail