Lliteratura Mª Esther García ganól premiu Xosé Álvarez del Centru Asturianu de Madrid by asturnet 21 d'ochobre, 2007 Mª Esther García lleva ganando esti añu dellos premios lliterarios bien importantes. Primero foil Premiu Uviéu de Poesía, nel mes de xunetu, el Fernández Lema de rellatu curtiu y agora ún de los premios con más tradición, el Xosé Álvarez de rellatu curtiu, convocáu pol Centru Asturianu de Madrid, col testu La maestra Lautora del occidente ye miembru de lAcademia de la Llingua Asturiana y maestra dasturianu y anguaño ta preparándose un discu nel que se musiquen los sos poemes y un poemariu tituláu Faraguyes. Laccesit del premiu, que lleval nome de Xosé León Delestal, llevólu lescritor, tamién occidental, Xosé María Rodríguez (Cangas del Narcea, 1956) pol cuentu Semiente. Lautor reside por motivos llaborales en Madrid y foi unu de los escritores, que xunto a Xosé Álvarez y Alfonsu Velázquez formó lasociación Conceyu dAsturies en Madrid. Amás foi ún de los primeros escritores contemporaneos en cultivar el dialectu occidental del asturianu con llibros de rellatos como Nueite de filandón y Xuan Canas. Nial dalcurdanzas. El xuráu desti Xosé Álvarez 2007 tuvo presidíu pol profesor y académicu David M. Rivas, acompañáu pol filólogu Luis Casteleiro, el poeta Xosé Bolado, Manuel Fernández de la Cera, Pablo Xuan Manzano siendo secretaria, con voz pero ensin votu, Pilar Riesco. 21 d'ochobre, 2007 0 FacebookTwitterPinterestEmail
Lliteratura El Partíu Carlista homenaxea al poeta Xuan María Acebal by asturnet 19 d'ochobre, 2007 Partíu Carlista d’Asturies organiza un homenaxe al poeta Xuan María Acebal nel 174 aniversariu del primer llevantamientu carlista d’Asturies, con un actu nel Cementeriu de San Salvador d’Uvieu. L’eventu va entamara a les 13:00 hores y va cuntar cola presencia d’ Inaciu Galán y González que llerá dellos versos del poema “Cantar y más cantar”, consideráu como’l primer escritu poeticu de calter nacional asturianu. Acompañando nel recitáu a Inaciu Galán va tar el gaiteru Ángel Cuesta Piquero que va pone-yos música a los versos d’Acebal cola “Marcha d’Antón” y la “Marcha procesional de Llanes”. 19 d'ochobre, 2007 0 FacebookTwitterPinterestEmail
Lliteratura L.lena acueye una selección d’obra lliteraria traducida al asturianu by asturnet 18 d'ochobre, 2007 “Cuentu de Navidá”, de Charles Dickens, “La tresformación”, de Franz Kafka o “Tres aventures de Sherlock Holmes”, de Arthur Connan Doyle son dalgunes de les noveles que’agospia la esposición “Ello yera una vez… un tiempu de traducciones”. L’amuesa recueye una selección de noveles de la narrativa de toles epoques traducida al asturianu y ta organizada pola Dirección de Promoción Cultural y Política Llingüística del Principáu y pol Ayuntamientu de L.lena. Según la directira xeneral de Promoción Cultural y Política Llingüística, Consuelo Vega, l’oxetivu de la esposición ye dar a conocer l’importante trabayu de traducción al asturianu que se fexo nos últimos trenta años, con trabayos de tou tipu d’autores dende Lewis Carrol hasta Albert Camus. La directora xeneral tamien señaló la importancia de la lliteratura escrita n’asturianu nel panorama cultural asturianu. L’alcalde de L.lena, agradeció al Gobiernu d’Asturies qu’escoyera’l conceyu pa esta amuesa y sorrayó que l’ asturianu tien que tar reconocíu como llingua oficial nel nuevu estatutu d’autonomía . “L’asturianu ye un un valor y una riqueza que tamos perdiendo, y polo tanto necesítase l’apoyu de les instituciones; si nun apostamos dende les instituciones esto va a morrer. Nun lo permitamos”, declaró. 18 d'ochobre, 2007 0 FacebookTwitterPinterestEmail
Lliteratura Lliteratu.com presenta un númberu nuevu alredor de los premios lliterarios by asturnet 18 d'ochobre, 2007 La revista dixital de lliteratura ‘Lliteratu.com’ presenta güei un nuevu númberu y yá van once. Nesta edición de Lliteratu úfrese toles convocatories de premios abiertes, comol Teodoro Cuesta de poesía. Esti númberu inclúi tamién un poema d’Alejandra Sirvent, un rellatu de Ricardo Candás y la triple entrevista ‘Venti preguntes’ a los escritores David Rivas, Susana Sela y Nicolás V. Bardio. Amás, faise un pequeñu homenaxe a la figura de Xosé Antón García, escritor muertu va agora diez años. Enllaz cola revista dixital de lliteratura ‘Lliteratu.com’ 18 d'ochobre, 2007 0 FacebookTwitterPinterestEmail
Lliteratura Verónica García Moreno presenta “Carne de Dios”, ganadora del premiu “Cálamo” de poesía erótica by asturnet 18 d'ochobre, 2007 Verónica García Moreno, ganadora de la última edición del premiu “Cálamo” de poesía erótica organizáu pola sociedá cultural Gesto, va presentar el so poemariu “Carne de Dios” a partir de les 20:00 hores nel centru municipal de La Arena en Xixón. Durante l’actu el xuráu tamien va dar a conocer el fallu sobre los finalistas de la edición d’esti añu del premiu. La sociedá cultural Gesto ye una de les asociaciones culturales con más solera de la ciudá ya que lleva organizando concursos y xeres culturales dende 1963, añu de la so fundación. El premiu “Cálamo” de poesía cumple esti año la so vixesimusegunda edición y ye l’únicu d’esti calter en tol estáu. 18 d'ochobre, 2007 0 FacebookTwitterPinterestEmail
Lliteratura El Centru Asturianu de Madrid cellebra un nuevu Día de les Lletres Asturianes by asturnet 17 d'ochobre, 2007 El Centru Asturianu de Madrid cellebra esta nueche’l Día de les Lletres Asturianes na so sede con dellos actos. A partir de les 20:00 hores nel Salón Príncipe d’Asturies del Centru va dase a conocer el ganador del VI Concursu de Rellatu Curtiu en llingua asturiana «Xose Álvarez» 2007 y van entregase los diplomes palos escolinos del cursu de llingua asturiana. Na ceremoni tamien se va presentar la edición de la obra ganadora del premiu na pasada edición que nesti casu recayó nel escritor Abel Martínez por “Alicia y la mar”. 17 d'ochobre, 2007 0 FacebookTwitterPinterestEmail
Lliteratura Santiago García-Clairac presenta’l llibru “El reino de la oscuridad” na sala Ámbito by asturnet 16 d'ochobre, 2007 El escritor Santiago García-Clairac presenta esti día la segunda entrega de la seria literaria “El ejercito negro”. La presentación de la obra que lleva por títulu “El reino de la oscuridad” va ser na Sala Ambito Cultural de Xixón y na mesma l’autor va firmar exemplares de la novela. La salida oficial del llibru ta prevista pal 22 d’ochobre. “El reino de la oscuridad” cunta la historia de Arturo Adragón que aparte de llevar una vida normal y corriente, combate hechizeros y vive abondos peligros en sueños. La novela pertenez al xeneru fantásticu. 16 d'ochobre, 2007 0 FacebookTwitterPinterestEmail
Lliteratura El Centru Asturianu de Madrid va dar a conocer el fallu del Concursu Xosé Álvarez 2007 by asturnet 16 d'ochobre, 2007 Mañana xueves, 18 dochobre, a les ocho la tarde, nel Salón Príncipe dAsturies del Centru Asturianu de Madrid, va celebrase un actu pa festexar el Día de les Lletres Asturianes na capital del estáu. Nél van entregase los diplomes a los alumnos quasistieron al cursu de llingua asturiana que se dio anguaño nel Centru Asturianu col profesor Xaviel Vilareyo. Amás, va dase a conocer el fallu del VI Concursu de Rellatu Curtiu en llingua asturiana Xosé Álvarez 2007. Amás va presentase la edición del rellatu ganador del certame del añu anterior, «Alicia y la mar», dAbel Martínez. Un autor ñacíu nUviéu en 1977 y que forma parte de la tercera xeneración del Surdimientu. 16 d'ochobre, 2007 0 FacebookTwitterPinterestEmail
Lliteratura Homenaxe a Xuan María Acebal esti sábadu n’Uviéu by asturnet 16 d'ochobre, 2007 Esti sábadu, nel Cementeriu de San Salvador d’Uviéu y a la una la tarde, va celebrase un homenaxe al célebre escritor uviedín. Nel actu va facese llectura de dalgunu de los sos poemes cola presencia de dalgunos autores mozos como Inaciu Galán y Rubén Magadán. L’actu ta organizáu pol Partíu Carlista d’Asturies y va pesllalu con una ufierta floral Javier Cubero, presidente del mesmu. La música de les marches fúnebres más conocíes va acompañar al actu, que ye públicu y ta abiertu a toles persones que quieran homenaxear la figura d’Acebal. 16 d'ochobre, 2007 0 FacebookTwitterPinterestEmail
Lliteratura Marta Mori y María Prieto presenten “Xeres y xuegos de llingua oral” by asturnet 16 d'ochobre, 2007 A partir de les 19:00 hores les aurores Marta Mori y María Prieto presenten el llibru “Xeres y xuegos de llingua oral” nel Club Prensa Asturian d’Uvieu. Na presentación van tar presentes acompañando a les autores, el director de la colección “Estaya pedagóxica” de l’Academia de la Llingua Asturiana, Xose Antón González Riaño y l’asesor de formación del profesoráu nel CPR de Xixón, Carlos Lomas. La obra ta empobinada al trabayu cola llingua oral nos centros d’Educación Secundaria y Bachilleratu y ta editada pola Academia de la Llingua Asturiana. Al travies de xuegos, xeres o pomes esta obra trabaya la comprensión y la espresión oral amás d’aspectos sociolligüísticos y socioculturales del idioma. 16 d'ochobre, 2007 0 FacebookTwitterPinterestEmail