Sociedá La Mancomunidá del Nalón crea una fundación pa dirixir la ufierta cultural y deportiva del valle by asturnet 23 de payares, 2005 La Mancomunidá del Valle’l Nalón tien daos los primeros pasos en busca de financiación y sofitu políticu pa la constitución d’una fundación cultural y deportiva que coordine toles actividaes lúdiques y d’ociu que se desendolquen a lo llargo de los cinco conceyos de la comarca. Marcia Barreñada, presidente de la Mancomunidá, esplicó ayeri que yá se tien contactao cola conseyería de Cultura y cola obra social Cajastur pa llogar l’ayuda financiera necesaria pa fundar una asociación que coordine tolos actos entamaos nel valle, ensin perxuiciu de que cada ayuntamientu siga faciendo la so propia programación, “siguiendo’l modelu de la fundación municipal de Xixón”. Esta fundación permitiría, sigún Barreñada, dar una mayor difusión de toles actividaes organizaes nel valle. Dientro de la fundación integraríase la futura Escuela de Lletres, que dende hai unos meses vienen promoviendo l’Asociación Cauce Nalón y la Fundación Emilio Barbón. 23 de payares, 2005 0 FacebookTwitterPinterestEmail
Sociedá Memoria de los Grandes entama una serie dactos paralelos per toa Asturies by asturnet 23 de payares, 2005 La Fundación Príncipe d’Asturies, con motivu de la cellebración del homenaxe a destacaes personalidaes del sieglu XX, embaxo’l títulu de “Memoria de los Grandes”, que va tener llugar mañana a les siete y media la tarde nel Auditoriu Príncipe Felipe d’Uvieu, tien preparaos otros actos paralelos que se van desendolcar dende esta tarde hasta’l sábadu, día 26. Esta tarde, a les cinco, Isabel Falla y Yvan Nommick, director del Archivu Musical de la Fundación Manuel de Falla, van dar una conferencia nel Conservatoriu d’Uvieu titulada “Manuel de Falla en París: los sos vínculos cola vanguardia artística y musical de primeros del sieglo XX”. El vienres, 25, a les once y media la mañana, Marco Roncalli va dar una conferencia nel Seminariu Metropolitanu d’Uvieu, que lleva por títulu “Angelo Giuseppe Roncalli – Juan XXIII. De la so familia al mundu”. Nel actu participará tamien Privato Roncalli. A la una la tarde, Arun Gandhi y Tatiana Yankelevich, van tener un alcuentru nel que participarán les ONGs del Principáu, nel patiu del Museu Casa Natal de Xovellanos en Xixón. El Salón d’Actos del RIDEA acueye a les siete y media la tarde una conferencia de Duncan Sandys y Anthony Kennedy Shriver. Mentes que’l Nuevu Teatru de La Felguera va sirvir d’escenariu pal reestrenu pa nenos de la película “Luces en la Ciudad” de Charles Chaplin, en presencia de Jane Chaplin. L’últimu de los actos previstos alredor del homenaxe “Memoria de los Grandes” va tener llugar nel salón d’actos del Real Grupu Cultura Covadonga de Xixón, que consistirá nun alcuentru ente Gloria Owens y los neños. 23 de payares, 2005 0 FacebookTwitterPinterestEmail
Sociedá Preséntase’l VI Seminariu d’Estudios Asturianos de la Fundación Belenos by asturnet 22 de payares, 2005 Ástur Paredes y Inaciu Llope dan güei a les siete la tarde nel Club Prensa Asturiana del periódicu La Nueva España una conferencia sobre «L’Asturies de la Edá del Fierro nel marcu de la celtica atlántica». Estes charres van sirvir de presentación al VI Seminariu d’Estudios Asturianos de la Fundación Belenos. La Fundación Belenos ye una entidá ensin ánimu de lucru que tien l’envís de difundir y dar a conocer el patrimoniu etnográficu y cultural. El Seminariu del añu pasáu dedicóse a “L’Asturcón: simboloxía y mitu del caballu de los Astures” y cuntó cola participación de destacaos especialistes como Antón Álvarez Sevilla, Irene Seco Serra, María del Mar Gabaldón o Alberto Álvarez Peña. 22 de payares, 2005 0 FacebookTwitterPinterestEmail
Sociedá Xunta Moza convoca una fuelga xeneral na Enseñanza pola situación del asturianu by asturnet 21 de payares, 2005 Xunta Moza, la organización xuvenil de la Xunta pola Defensa de la Llingua, espera que la fuelga xeneral na enseñanza que tien convocada pa esti miércoles 23 tenga un siguimientu masivu per parte de los estudiantes en tolos niveles. La situación na que ta la llingua asturiana nel sistema educativu ye’l motivu de la segunda gran movilización polos derechos llingüísticos nes aules. Los convocantes afirmen que la Conseyería dEducación dAsturies incumple sistemáticamente la llexislación vixente nAsturies sobre la presencia de la llingua asturiana na enseñanza. La situación actual ye considerada por Xunta Moza “especialmente grave” na educación secundaria y bachilleratu con problemes como qu’a xuiciu de la organización cívica: lasignatura dasturianu apaez como optativa, non como voluntaria como diz la llei, enfrentandol conocimientu dasturianu col dotres asignatures comol francés, etc.; la imposición d’un cupu mínimu de 8 estudiantes por cursu pa ufrir lasignatura dasturianu, lo que pa la Xunta “vulneral derechu individual a cursar lasignatura, faciéndolu depender de la elección del restu los compañeros y compañeres y na práctica, na mayoría de los institutos nun se respetal cupu”, ya qu’en bien de centros “hai grupos de hasta 15 estudiantes que pidieron cursar lasignatura de llingua asturiana y nun se-yos pon profesor” y arriendes d’ello “oblígase a estos compañeros y compañeres a matriculase notres optatives”. La Xutna denuncia tamién que nesti cursu escolar, hai abondos centros onde nin siquiera apaez la opción de lasignatura dasturianu nos impresos de matrícula, esta situación señálase “especialmente grave y xeneralizada” nos cursos de bachilleratu. Otres razones que xustifiquen la convocatoria de fuelga ye que “munchos de los pocos centros onde esiste la posibilidá de cursar lasignatura nun se ta respeando lhorariu reglamentariu de dos hores selmanales que queda reducíu a una hora” y em dellos centros, según la Xunta: “danse casos dalumnos que depués dempezar el cursu cola asignatura dasturianu son desviaos forzósamente a otres optatives por decisión de la dirección”. La fuelga xeneral espera tener un ésitu importante en tola xornada del prósimu 23 de payares y hai convocada pal meudía d’esti miércoles una concentración n´Uviéu na Plaza Hespaña énte les dependencies de la Conseyería d´Educación. 21 de payares, 2005 0 FacebookTwitterPinterestEmail
Sociedá El futuru de los homosexuales a debate by asturnet 21 de payares, 2005 El Centru Social Sestaferia de Xixón organiza una charra-debate sobre les prósimes reivindicaciones del movimientu de defensa de derechos de los homosexuales titulada “Que futuru pa gais y lesbianes. Retos y perspectives del movimientu GLBT”, a cargu de Jose Manuel González, coordinador de Xente Gai Astur. Tres l’aprebación del derechu de les pareyes del mesmu sexu a contraer matrimoniu, el Centru Social Sestaferia entama una charra que llevará como títulu “Que futuru pa gais y lesbianes. Retos y perspectives del movimientu GLBT”, a cargu de Jose Manuel González, coordinador de Xente Gai Astur (XEGA), na que se debatirá sobre les reivindicaciones del movimientu de defensa de los derechos de los homosexuales. La charra-debate tendrá llugar nel local del Centru Social Sestaferia, na cai Numa Gilhou, 14, de Xixón, el prósimu martes día 22 de payares, a partir de les 19:30 hores. La entrada a l’actu ye llibre. 21 de payares, 2005 0 FacebookTwitterPinterestEmail
Sociedá Democracia y cultura nel Valle’l Nalón by asturnet 18 de payares, 2005 La Casa Cultura de L’Entregu cellebra esta tarde, a les ocho, una mesa reonda titulada “Cultura y democracia nel Nalón. 1979-2005”. L’actu ta organizáu pola asociación Cauce Nalón y la ponencia principal va correr a cargu d’Antonio Ramón Felgueroso. Xunto a el van intervinir Benigno Delmiro Coto, Severino Antuña, Francisco Trinidad y Xulio Arbesú, ente la presidencia del alcalde Samartín, Ignacio Fernández. Antonio Ramón Felgueroso, responsable del Serviciu d’Información Ciudadana del conceyu de Llangreu, ye collaborador de la revista Ábaco, na que tien participao con artículos sobre la crisis y reindustrialización de les Cuenques, y xunto a Aladino Fernández publicó “Las fiestas de Santiago en Sama, . Un siglo de historia 1899-1999”. Depues de la so ponencia, participarán nel debate’l catedráticu de lliteratura y especialista en lliteratura minera, Benigno Delmiro Coto; el profesor y escritor entreguín, Severino Antuña; l’actual director de la Fundación Emilio Barbón, Francisco Trinidad; y l’escritor Xulio Arbesú. 18 de payares, 2005 0 FacebookTwitterPinterestEmail
Sociedá El Conseyu de Gobiernu apreba la toponimia de cuatro nuevos conceyos by asturnet 18 de payares, 2005 El Conseyu de Gobiernu del Principáu aprebó ayeri, baxo la presidencia del conseyeru d’Economía, Jaime Rabanal, los decretos d’oficializacion toponímica de los conceyos de Sariegu, Villaviciosa, Bimenes y Cabranes. Ramón d’Andres, xefe de la Oficina de Política Llingüística, qu’ayeri pela mañana aconceyaba na casa de nacencia del Padre Galo pa tratar la toponimia de Valdes, valoró positivamente estos decretos y declaró qu'”esperamos consiguir el decreto pa quince conceyos” enantes de que termine l’añu, teniendo asina listos, a finales de mandatu, más de la mitá de los conceyos d’Asturies. Valentín Ruiz, director xeneral d’Almistración Local, afirmó qu’en pocu tiempu van ser aprobada la toponimia d’otros seis conceyos más. 18 de payares, 2005 0 FacebookTwitterPinterestEmail
Sociedá Xornaes sobre llingua y cultura asturiana en Bruseles by asturnet 18 de payares, 2005 La Conseyería de Xusticia, Seguridá Pública y Relaciones Esteriores, a travies de l’Axencia Asturiana d’Emigración y en collaboración cola Academia de la Llingua Asturiana, va cellebrar ente los díes 21 y 26 de payares les Primeres Xornaes d’Estudiu sobre la Llingua y la Cultura asturiana. Los cursos van tener llugar na Casa d’Asturies en Bruseles y van participar nellos Pablo Xuan Manzano y l’escritor Ánxel Álvarez Llano. Dende hai dos años, l’Axencia Asturiana d’Emigración en collaboración cola Academia de Llingua Asturiana, tán llevando a cabu un programa de cursos de 90 hores lectives de duración, nos diferntes centros asturianos repartíos pel mundu. Nesta ocasión entama les Xornaes d’Estudiu con 15 horas lectives, cuya primer edición escomienza la prósima selmana, col envís d’esparder les enseñances de la llingua y la cultura asturiana. La Casa d’Asturies en Bruseles entama estos cursos, que van cuntar cola presencia de Pablo Xuan Manzano y l’escritor Ánxel Álvarez Llano, que van repasar cuestiones sociollingüístiques y normatives del idioma, la mitoloxía, los restos arqueolóxicos más importantes d’Asturies, asina como toa mena d’aspectos culturales de la nuesa tradición. 18 de payares, 2005 0 FacebookTwitterPinterestEmail
Sociedá La Xunta de Toponimia aconceya en Cadavéu na casa natal del Padre Galo by asturnet 17 de payares, 2005 La Xunta de Toponimia del Principáu aconceya esti xueves 17 en Cadavéu nel Muséu-Casa Natal del Padre Galo pa celebrar la so primer reunión en Valdés. L’alcalde del conceyu, el presidente de la Xunta, Valentín Ruíz, la escritora Nené Losada y espertos locales van asistir a esti aconceyamientu del organismu asesor de l’adminstración autonómica p’asuntos toponímicos. El conceyu natal del primer escritor asturianu contemporáneu y la figura más comprometida cola revitalización llingüística de la dómina anterior al Surdimientu va ser el puntu de reunión de la Xunta de Toponimia na so visita a Valdés. La patria pequeña de Fernán Coronas súmase asina a la riestra de conceyos asturianos qu’entamaran los trámites pa la revisión de los sos nomes de llugar. L’aconceyamientu, nel que van participar amás d’un espertu en toponimia local, los colaboradores de la Xunta Toponímica Esther García López y Jesús Suárez, ta previsto qu’escomience a les 10.00 hores y al meudía va celebrase una rueda de prensa pa informar de lo tratao na reunión. 17 de payares, 2005 0 FacebookTwitterPinterestEmail
Sociedá IAS critica a Areces por nun falar nasturianu nel Comité de les Rexones by asturnet 17 de payares, 2005 El portavoz d’Izquierda Asturiana (IAS), Ignaciu Llope, afirmó ayeri que l’usu del restu de les llingües del estáu nel marcu del Comite de les Rexones en Bruseles dexó n’evidencia al gobiernu asturianu y recordó qu’esti casu ye ún más de la “metanormalización” na que se basa la so llinia d’actuación en materia llingüística, calificando la situación d'”insostenible”. Na última sesión del Comite de les Rexones d’ayeri los representantes de los gobiernos de Cataluña, Galicia, Valencia y Euskadi usaron les llingües de les sos comunidaes autónomes, mentes que’l presidente del Principáu, ente les preguntes de los periodistes sobre esta tema, llimitóse a dicir que “l’idioma de comunicación d’España ye’l castellán y l’usu de los tres idiomes cooficiales veolu como un fechu positivu de sensibilidá y reconocimientu y por supuesto arguyosu tamien de defender l’usu y promoción del bable que ye lo que diz el nuestru estatutu”. Énte estes declaraciones d’Areces, el portavoz de la Dirección Nacional d’Izquierda Asturiana (IAS), Ignaciu Llope, siñaló que’l “nuestru presidente, como yera previsible y pesie los consabíos planes de normalización, lleis d’usu, promociones varies, movilizaciones sociales y encuestes sociollingüístiques qu’amuesen una clara demanda, nun se dignó a utilizar la llingua asturiana nin siquier de forma simbólica”. Pa Llope, la situación creada en Bruseles pol presidente “ye insostenible” y calificó estes afirmaciones como “burlla macabra”, porque en principiu dicen defender la llingua pero que dempues nun van acompañaos de fechos riales. Llope afirmó qu’“esti ye ún más de los actos de “metanormalización” na que se basa la llinia d’actuación d’esti gobiernu en materia llingüística”, yá que fálase de normalización pero nun se normaliza l’asturianu, acusando esta promoción llingüística de ser “un gastu de cara a la galería”. 17 de payares, 2005 0 FacebookTwitterPinterestEmail