Comunicación L’ente públicu de comunicación asoleya’l so diariu electrónicu by asturnet 7 d'avientu, 2006 La Radiotelevisión del Principáu ta acabante asoleyar la versión en pruebes del so diariu dixital. El nuevu mediu de comunicación nun utiliza la llingua asturiana en nengún de los sos apartaos. Con esti mediu dixital la RTPA concluye la so implantación nos tres medios principales de difusión de la información y conteníos. El diariu dixital de la RTPA compónse d’una portada au se situen les noticies principales, cola posibilidá de reproducir audiovisualemnte la información, y dellos espacios sobre noticies, deportes, televisión, radio y servicios. Nel apartáu de deportes sorprende la inesistencia de referencies a los deportes tradicionales asturianos, centrándose nel fútbol, hockey, balonmano y baloncesto. Radiotelevisión del Principado de Asturias 7 d'avientu, 2006 0 FacebookTwitterPinterestEmail
Educación Suatea ganó les elecciones sindicales na enseñanza pública non universitaria by asturnet 1 d'avientu, 2006 El Sindicatu Unitariu de los Trabayadores de la Enseñanaza d’Asturies (SUAETA) ganó con diez delegaos les elecciones de la enseñanza pública non universitaria. La UXT, CCOO y ANPE algamen 9 representantes sindicales mientres que CSI-CSIF mantiénse con cuatro delegaos. La participación na xornada d’elecciones sindicales foi del 52%. Los 1460 votos algamaos por SUATEA convirtieron a esti Sindicatu educativu nel que más sofitu tuvo dientro de la enseñanza pública asturiana., d’esta forma SUATEA qu’hasta’l momentu tenía 8 delegaos medra hasta los 10. UXT y CCOO que partíen con diez delegaos, cauna de les fuerces sindicales, perdieron un delegáu cauna quedando con 9 delegaos. ANPE mantién los 9 delegaos y USIPA nun algama representación. SUATEA consideró que los resultaos suponen el rechazu del profesoráu asturianu al estatutu docente que se ta debatiendo en Madrid actualmente. Ente les perspectives d’esti sindicatu ta la de facer un frente común contra’l documentu y en defensa de la escuela pública asturiana. SUATEA FETE-UXT CCOO enseñanza ANPE CSI-CSIF USIPA 1 d'avientu, 2006 0 FacebookTwitterPinterestEmail
Comunicación La futura Llei de Puxu de la Sociedá de la Información podría poner llendes a la llibertá d’espresión by asturnet 29 de payares, 2006 Presentóse’l borrador de la futura Llei de Puxu de la Sociedá de la Información, na que, según l’Asociación d’Usuarios d’Internet (AUI), nun se recueyen les peticiones feches pol Conseyu Asesor de Telecomunicaciones Estes peticiones trataben sobre les garantíes xudiciales nel intre de retirar un conteníu de la rede o torgar l’accesu a una páxina concreta. La AUI mantién que tien d’esistir un mandáu xudicial mesmo pa poder pesllar un web como p’acceder a los datos que tán obligaos a guardar los proveedores y, finalmente, quitar de la llei la posibilidá de qu’un proveedor pueda desmañar a un usuariu acceder a un conteníu concretu. Sicasí’l testu remitíu establez que “cuando un órganu competente ordenare, n’exerciciu de les competencies que llegalmente tuviere atribuyíes, que s’interrumpa la prestación d’un serviciu de la sociedá de la información o la retirada de dellos conteníos provenientes de prestadores establecíos n’España (…), esti órganu podrá ordenar a los citaos prestadores que suspendan el correspondiente serviciu d’intermediación utilizando pa la provisión del serviciu de la información o de los conteníos cuya interrupción o retirada fueren ordenoa respectivamente. L’Asociación d’Usuarios d’Internet entrúgase por cuálos son los órganos competententes, dao qu’el testu nun lo especifíca en nengún puntu. “Una páxina web ye a tolos efectos un mediu de comunicación y como tal ha ser tratáu; si nun lo camentamos asina, podemos cayer en situaciones como les recién pasaes en China”, dizo Pérez Subías, presidente de l’AUI. La Nueva llei tamién responsabiliza al proveedor del enllace o del motor de búsqueda de los conteníos de los que se tien conocencia porque fueron ellaboraos embaxo la so dirección, autoridá o control. Pa l’AUI, esta midía ta en contra de la Web 2.0, de los espacios públicos de los usuarios, yá qu’internet ye dinámica y cambiante. El presidente de l’AUI entrúgase “¿Por qué sí alguién pon un enllace nel mio blog a otra páxina tengo que ser yo responsable de los conteníos d’esta páxina, si estos pueden cambiar cada minutu?. “L’alministración o, nel so defectu, los órganos competentes” nun han decidir qué conteníos se pueden o non espublizar. Esta midía supón una restricción y un vetu a los usuarios p’acceder a páxines y sitios d’Internet” , afirma l’AUI Amás, l’asociación nun descarta entamar aiciones llegales y recurrir la LPSI ente otres instancies por entender que se vulneren los derechos de los usuarios. Asociación Usuarios d’Internet 29 de payares, 2006 0 FacebookTwitterPinterestEmail
Educación Actividaes complementaries na escuela d’Alderique 2006 by asturnet 23 de payares, 2006 La escuela del asociacionismu uvieín ufrirá una riestra d’actiuvidaes culturales complementaries que se van axuntar al programa formativu. Llinguaxes va entamar con una conferencia de Francisco García Pérez, caderalgu de lliteratura y llingua castellana titulada “El nome esactu de les coses”, la conferencia fadráse nel salón d’Actos de la Biblioteca Pérez d’Ayala d’Uviéu a partir de les 11,00 del vienres 24 de payares. A partir de les 20,30 hores del vienres habrá un conciertu d’Esmussein y la Debacle A.k.A La Perdición & Buby, nel chigre La Calleja la Ciega. El sábadu a partir de les 16,00 hores presentaráse la participación del Conseyu de la Mocedá d’Uviéu nel Intercambiu Xuvenil fechu a entamos d’ochobre en Nitra (Eslovaquia). La Escuela d’Alderique 2006 tien 9 talleres formativos tocando temes tan diversos como’l llinguaxe inmobiliariu, el caló, los podcast o l’usu de la llingua asturiana nes asociaciones xuveniles. 23 de payares, 2006 0 FacebookTwitterPinterestEmail
Comunicación Tribuna ciudadana organiza una conferencia embaxo’l títulu Archivos versus Corrupción by asturnet 22 de payares, 2006 L’asociación Tribuna Ciudadana, organiza’l prósimu vienres 24 de payares, una conferencia embaxo’l títulu Archivos Versus Corrupción. La conferencia tará desenvuelta por Aída Luz Medoza Navarro, archivera y xurista. Presentarán la conferencia Mª Ángeles Valle del Juan, xefa del Archivu del Senáu español y vicepresidenta del Padronalgu del Archivu de la Guerra Civil. La conferencia fadráse a partir de les 20,00 hores nel Club de Prensa Asturiana. 22 de payares, 2006 0 FacebookTwitterPinterestEmail
Educación Paulino Feito presentó la VIII Escuela d’Alderique by asturnet 21 de payares, 2006 El presidente del Conseyu de la Mocedá d’Uviéu, Paulino Feito, y la vicepresidenta del Conseyu de la Mocedá d’Asturies, Paula Gutiérrez, presentaron el programa de la VIII Escuela d’Alderique. Entamada pol Conseyu de la Mocedá Uviéu, en collaboración col Conseyu de la Mocedá d’Asturies y la Conceyalía de Mocedá d’Uviéu. La Escuela d’Alderique constitui, en pallabres de los organizadores, “un puntu d’alcuentru, formación y alderique pa los y les xóvenes asociaos d’Uviéu”. N’otres ediciones la Escuela Alderique trató temes como la emancipación xuvenil, les nueves tecnoloxíes, la mocedá o la discapacidá. Pa esta edición Feito indica “que s’escoyeron los llinguaxes como preseos fundamentales pal mundu asociativu y pa la vida democrática” La Escuela desendolcaráse los díes 24, 25 y 26 de payares nel Auditoriu Príncipe Felipe, durante estos díes podrá participase nos 9 talleres que la formen, asina como nes actividaes complementaries. El plazu d’inscripción acaba’l 22 de payares a les 14,00 hores. Les inscripciones pueden facese nel Conseyu de la Mocedá d’Uviéu o nel Conseyu de la Mocedá d’Asturies. 21 de payares, 2006 0 FacebookTwitterPinterestEmail
Educación VIII Xornaes Municipiu y Drogodependencies by asturnet 16 de payares, 2006 Los díes 21 y 22 de payares l’Auditoriu d’Uviéu cellebrar la octava edición de les Xornaes Municipiu y Drogodependencies. Les Xornaes entamaes pol Plan Municipal sobre Drogues d’Uviéu, ufren a la población en xeneral la posibilidá de participar cola fin de proporcionar un espaciu pal debate, la reflexón sobre les aiciones que se desenvuelven nel campu de les drogodependencies. Nesta edición preténdese amuesar y compartir esperiencies al rodiu la implicación de la sociedá nel fenómenu de les drogues y el papel que los diferentes actores implicaos nesti fenómenu tienen como axentes de salú, dende la perspectiva comunitaria y el trabayu en rede. Cuntando cola esperiencia y conocimientos que, bien d’espertos na materia, treslladarán a lo llargo de dos díes, quierse avanzar nuna llínia de trabayu comunitariu onde la base de cualaquier aición desenvuelta nel conceyu seya’l trabayu conxuntu, coordianáu y sistematizáu de tolos axentes que, de forma directa ya indirecta, desenvuleven la so aición nel campu de los consumos de sustancies psicoactives. Relación de les charres y conferencies de les Xornaes 16 de payares, 2006 0 FacebookTwitterPinterestEmail
Educación L’estigma de llamase puta: Debates y reflexones by asturnet 15 de payares, 2006 L’asociación feminista Milenta Muyeres organiza pa esti sábadu, 18 de payares, una xornada sobre la prostitución. La xornada coordinada por Cristina Garaizabal abordará cuestiones como los derechos de les prostitutes, les presiones vecinales pa qu’abandonen les cais, la mesma prohibición de la prostitución sedrá un de los temes que se tratarán n’esta xornada d’estudiu. Nos últimos meses, el debate al rodiu la prostitución recrudecióse nel sen de grupos de muyeres y organizaciones feministes. Falar de feminismu y prostitución ye “falar de dos realidaes conflictives” dicen dende’l Colectivu Milenta Muyeres esplicando que non porque’l feminismu “tea reñiu con esta realidá” sinon porque “les prostitutes tuvieron poca acoyida por determinaos sectores feministes”. 15 de payares, 2006 0 FacebookTwitterPinterestEmail
Comunicación Entama en Llanes el VI Alcuentru d’Escritores y Periodistes de Turismu, Viaxes y Aventura dedicáu a “Los viaxes nel tiempu, l’aventura de l’arqueoloxía” by asturnet 10 de payares, 2006 Alredor d’una trentena d’escritores y periodistes van axuntase esta fin de selmana en Llanes pa participar na sesta edición del Alcuentru d’EScritores y Periodistes de Turismu, Viaxes y Aventura”, organizáu pol Conceyu de Llanes en collaboración cola Conseyería de Cultura, dedicáu a “Los viaxes nel tiempu, l’aventura de l’arqueoloxía” Primero, durante la mañana del sábadu la espedición va visitar l’Aula Didáctica y l’ídolu del Peñatu. Pela tarde, la conferencia y, a pela nueche un café lliterariu nel Café Pinín. L’actu empicipiará cola presentación d'”Un viaxe virtual pel conceyu Llanes”. Depués d’esti viaxe los participantes nos Alcuentros entamarán la narración de les sos esperiencies pa depués abrir un alderique públicu. El programa va completase’l domingu pela mañana cola visita a dalgunos tramos de la sienda costera. Esti añu participarán nel Alcuentru llaniscu dellos miembros de la Sociedá Xeográfica Española, ente ellos el periodista asturianu Pedro Páramo, amás d’una representación de l’Asociación d’EScritores y Periodistes de Turismu y los escritores asturianos Pepe Monteserín, Manuel García Rubio y Julio ROdríguez, ente otros. Conceyu de Llanes 10 de payares, 2006 0 FacebookTwitterPinterestEmail
Educación L’asturianu figurará nel Informe del Conseyu Escolar del Estáu by asturnet 8 de payares, 2006 El Conseyu Escolar del Estáu español decidió que l’asturianu figurare nel informe añal qu’edita l’organismu asesor del Ministeriu d’Educación. La mención a la llingua nel informe vien siendo vezu, anque como votu particular de la confederación estatal de STEs, na que ta’l sindicatu asturianu SUATEA. Sicasí esti añu algamóse que la mención a la esistencia de la enseñanza de la llingua asturiana nun fuera un votu particular sinon del conxuntu. Tamién hebo una propuesta pa que’l Conseyu Escolar pidiere la creación de la especialidá d’asturianu pal profesoráu, que nun se pudo llevar alantre por namás ún votu. El Conseyu Escolar del Estáu ye un organismu consultivu que fai informes al Ministeriu d’Educación de cara a les polítiques d’enseñanza, nelli tán representaos dende los sindicatos educativos, d’alumnos, alministraciones y representantes del enseñu público y privao. 8 de payares, 2006 0 FacebookTwitterPinterestEmail