Música Gueta na Fonte actuaron nel centru municipal de La Arena de Xixón by asturnet 24 de xineru, 2008 Gueta na Fonte, el grupu del compositor, productor y músicu asturianu Mento Hevia, tuvieron tocando el xueves 24 a les 19:30 hores nel Centru Municipal Integráu de La Arena en Xixón. Esti grupu amesta a los soníos propios del folk antiguu y tradicional asturgalaicu dellos elementos de tastu contemporáneu ya instrumentos modernos. Nel conciertu presentaron pieces de “Como agua de mayo”, el l so últimu trabayu discográficu espublizáu en 2005. La banda ta formada por Dani Álvarez Mora, na gaita, la flauta y les percusiones; Luis García, al violín; Juan Povedano, cola flauta; Vanesa Vez Caraduje, na voz, los teclados y la percusión; Mento Hevia, nel violonchelu, percusión, arpa celtica y los teclaos; Jose Frances, a la guitarra, el bouzuki ya’l baxo pedal y Nancy Quintáns de la Pridam, nel violín. 24 de xineru, 2008 0 FacebookTwitterPinterestEmail
Música El cuartetu d’Isabel Muñiz toca nel Cafe Dam de Xixón pol aniversariu de la Universidá by asturnet 24 de xineru, 2008 Continuen les actividaes venceyaes a la cellebración del 400 aniversariu de la Universidá d’Uvieu. Nesta ocasión, y dientro de la políticia de collaboración de la instituciñon educativa asturiana con dellos locales de la rexón con motivu del aniversariu, el Cafe Dam de Xixón va acoyer un conciertu de jazz al cargu del cuartetu de Isabel Muñiz esti xueves 24 a les 22:00 hores. L’Isabel Muñiz Quartet ta compuestu pola propia Isabel Muñiz, que se fai cargu de la parte vocal; el guitarrista Carlos Pizarro; y Alejandro Gallego y Horacio García, baterista y contratabaxista, na seición rítmica. 24 de xineru, 2008 0 FacebookTwitterPinterestEmail
Plástiques Sigue abierta la esposición 100 años de Ciencia con Tintín nUviéu by asturnet 23 de xineru, 2008 24 paneles componen la esposición 100 años de Ciencia con Tintín, quacueye El Café Español dUviéu y que sigue abierta hastal 17 de febreru que vien. Los paneles tán redactaos nasturianu y en castellán, una midida quel Conceyal de Cultura dUviéu José Suárez Arias-Cachero Felechosa calificó na inauguración, va una selmana, dUn pasu más pa la normalización de la llingua asturiana. La esposición ta financiada pola caxa daforros vasca Kutxa y nella se repasen los cien años del ñacimientu del célebre escritor belga Hergé, que nes sos hestories introducía la ciencia de contino, convirtiéndose asina nun visionariu, adelantando ideees comol viaxe a la lluna. El Muséu Marítimu de Lluanco cede pa esta esposición delles pieces que faen más prestosul percorríu. 23 de xineru, 2008 0 FacebookTwitterPinterestEmail
Cine Continua el ciclu cinematográficu sobre la comedia nel centru de El Coto by asturnet 23 de xineru, 2008 La Fundación Municipal de Cultura, Educación y Universidá Popular de Xixón continua col ciclu de cine alredor del xeneru de comedia americana col pase de “Más fuerte que el orgullo” con Laurence Olivier y Edna May. La cinta va poder vese esti miercoles 23 de xineru nel salón d’actos del centru municipal de El Coto a les 19:30 hores cola entrada llibre y de baldre. La película, obra del cineasta Robert Z. Leonard estrenada en 1940, cunta la vida de cinco hermanes na Inglaterra del sieglu XIX y los sos esmolecimientos por alcontrar maríu. 23 de xineru, 2008 0 FacebookTwitterPinterestEmail
Plástiques Universidá y Banco Herrero renueven una collaboración que permitirá la puesta en marcha de cuatro esposiciones by asturnet 22 de xineru, 2008 La Conseyería de Cultura del Principáu ya’l Banco Herrero renovaron esti llunes un alcuerdu de collaboración pa favorecer la difusión y la promoción cultural fecha n’Asturies. La primera de les esposiciones que va poder disfrutar el públicu asturianu por mor d’esti conveniu ye “¿Que arte? Discursos sin fronteras”, qu’entamó esti llunes nel Edificiu Hestóricu de la Universidá d’Uvieu con motivu del 400 aniversariu de la institución educativa asturiana. Tres esta primer actividá van llegar tres esposiciones. Siempre nel espaciu d’arte del Banco Herrero, el ciclu va siguir a metá del mes d’abril con una amuesa n’homenaxe de la obra de la pintora xixonesa Pepa Osorio. El turnu pasará dempues al fotógrafu Edward Steichen, un de los más poderaos de la so xeneración pol so trabayu en revistes como “Vogue” o “Vanity Fair”. La última de les cuatro esposiciones previstes va tar dedicada al pintor asturianu durante la II República, Andres Vidau. Esti alcuerdu ente les dos entidaes ye una renovación del que firmaron en 2002 con un resultáu de 20 esposiciones de diferentes estilos feches por mor d’esta collaboración. La novedá principal nesta nueva firma, que tendá valor durante un ciclu de cinco años, ye la incorporación del compromisu poles dos partes de difudir la cultura y los artistes asturianos nel estu d’España. 22 de xineru, 2008 0 FacebookTwitterPinterestEmail
Plástiques Una amuesa analiza la propaganda política n’España al traviés de les pegatines by asturnet 22 de xineru, 2008 Les pegatines como instrumentu de propaganda na hestoria de la democracia española ye’l tema central de la amuesa qu’arrancó esti llunes nel Palaciu Conde Toreno d’Uvieu de la mano de la Fundación Jose Barreiro. La esposición recueye un total de venticuatro paneles de material propagandísticu con temátiques rellacionaes ente si: el referendum de 1976, les elleiciones ente 1976 y 2004, el referendum pa la constititución de 1978 y la consulta que se fizo p’aprobar la entrada na OTAN en 1986. Al actu de presentación acudieron el presidente de la Fundación Jose Barreiro, Manuel Fernández de la Cera y los políticos asturianos d’aquella dómina Manuel García Fonseca, Emilio García-Pumarino Ramos, Juan Luis de la Vallina Velarde y M.ª Nelly Fernández Arias. 22 de xineru, 2008 0 FacebookTwitterPinterestEmail
Cine La sociedá Gesto ufre la proyección de “El caballeru Verde”, con Sean Connery by asturnet 22 de xineru, 2008 La sociedá cultural Gestode Xixón continua col so programa de proyecciones cinematográfiques nos centros municipales de Xixón col pase de “El Caballeru Verde”, film alredor de la figura del Rei Arturo y los Caballeros de la Tabla Redonda dirixíu por Stephen Weeks en 1884 y protagonizáu por Sean Conery. La xornada que propón Gesto, en collaboración cola Fundación Municipal de Cultura, Educación y Universidá Popular de Xixón va entamar a les 19:30 hores col primer pase y finará a les 21:30 col segundu. La entrada nes dos ocasiones ye de baldre. 22 de xineru, 2008 0 FacebookTwitterPinterestEmail
Música El Cine Felgueroso de Sama acueye un nuevu pase nel ciclu de cine sobre boxéu by asturnet 22 de xineru, 2008 El cine Felgueroso de Sama continua esti martes 22 de xineru, cola esibición del film”El difunto protesta” d’Alexander Hall, el programa del ciclu “El cine contra las cuerdas”., que dende’l 8 d’esti mesmu mes vien repasando les películes más representantives col boxeu como tema central. La cita, como davezu nesti ciclu, ye a les 19:30 hores. Les prósimes cintes que van pasar pol Felgueroso son “Nadie puede vencerme”, “El ídolo de barro” con Kirk Douglas, “Marcado por el odio” con Paul Newman encarnando a Rocky Graziano, “Más dura será la caída” con Humphrey Bogart, “Requiem por un boxeador”, “Rocky”, “Toro Salvaje” con Robert De Niro y “The boxer” aprosimación al eneru del irlandes Jim Sheridan con Daniel Day-Lewis 22 de xineru, 2008 0 FacebookTwitterPinterestEmail
Música Hevia tien clarul tema col que quier representar a España nEurovisión by asturnet 22 de xineru, 2008 El gaiteru asturianu más internacional comentaba apocayá a un mediu rellacionáu col festival Eurovisión la so intención de presentase a la preselección quorganiza cada añu TVE pa buscar al representante español pa Eurovisión. En nueves declaraciones a esti mediu avanzaba confieso que tengo una idea clara sobre un tema nel que toi trabayando, amás avanzó tamién quhabrá lletra y yá sé quién llevaría pa eses voces. Amás, aseguró que sedrá una propuesta mui mui impactante y afirma que si va a Eurovisión fáigolo pa ganar. En plena promoción del so últimu trabayu discográfich Obsessión, Hevia paez cada vegada más convencíu de querer representar a España en Belgrado, onde va celebrase Eurovisión en 2008. Preguntáu lartista asturianu pola escoyeta llingüística del tema diz que el castellán ye una de les llingües coles que crecí como artista anque lasturianu ye la llingua na que pienso y na que me comunico cola mio familia. Na mio carrera dambes tuvieron presentes y compartiendo espaciu nocasiones. Pa Eurovisión Hevia cree que más que la querencia idiomática ye necesario poner la llingua al serviciu de la música, al fin y al cabu, el públicu receptor ye una comunidá multillingüe. Nos próximos díes TVE va anunciar la forma na que va escoyer esti añu al representantes dEspaña pa Eurovisión 2008, va ser entós cuando podamos conocer si Hevia decide finalmente presentar el tema que paez que tien yá perfiláu. Hevia quier dir a Eurovisión y Âtien mui bones idees sobre cómo facelo 22 de xineru, 2008 0 FacebookTwitterPinterestEmail
Plástiques L’edificiu hestóricu de la Universidá acueye una amuesa d’artistes asturianos by asturnet 21 de xineru, 2008 Esti llunes 21 de xineru a les 19:30 hores arranca l’amuesa “¡Que Arte?. Discursos sin fronteras” que recueye una esbilla de la produción de varios artistes asturianos. La organización d’esta esposición cuerre al cargu de la Universidá d’Uvieu, ta fecha con motivu de les cellebraciones del so 400 aniversariu y va poder vese nel espaciu qu’habilitaron pa ella nel Edificiu Hestóricu d’Uvieu hasta’l prósimu 29 de febreru. Fotografía, escultura, pintura, obra gráfica y delles propuestes multimedia son los terrenos polos que se muieven los artistes de Que Arte? nesta amuiesa que va poder vese en horariu de 09:00 a 20:00 hores, de llunes a vienres y de 10:00 a 14:00 los sábados. A la inauguración de l’amuesa van asistirán el el Rector Juan Vázquez, la Conseyera de Cultura, Encarnación Rodríguez ya’l presidente del Banco Sabadell, Jose Oliú. 21 de xineru, 2008 0 FacebookTwitterPinterestEmail