Música Los conciertos del Muséu tornen a la Casa Natal Xovellanos esta nueche by asturnet 14 de marzu, 2008 Güei vienres, a les siete y media la tarde y con entrada de baldre, torna a la Casa Natal de Xovellanos, asitiada nel barriu xixonés de Cimavilla, los conciertos del Muséu, una iniciativa que quier afalar los conciertos de cámara na villa de Xovellanos y que nesta ocasión axunta a un griegu, el pianista Stefanos Spanopoulos y una valenciana, la xiblatera Gemma Corrales. El dúu de xiblata y pianu que van interpretar va incluyir obres de Eldin Burton, Maurice Ravel, Salvador Brotons, Francis Poulenc y André Jolivet. Lactu ta organizáu poles Mocedaes Musicales de Xixón y cunta col apoyu del Conceyu de Xixón y del Ministeriu de Cultura. 14 de marzu, 2008 0 FacebookTwitterPinterestEmail
Música Tuenda toquen en Llugones pa cellebrar el día de San Patriciu by asturnet 14 de marzu, 2008 Tuenda, grupo del que forma parte’l popular Xose Ambás xunto colos músicos Elias García y Pepín de Muñalen van tocar esti vienres 14 de febreru en Llugones. El conciertu va cellebrase a les 21:30 hores nel pub La Gatera (C/Leopoldo Lugones) precisamente nel día que se cellebra San Patriciu n’Irlanda. El repertoriu d’esta banda, per otra parte formada por músicos perconocíos de la escana folk asturiana, bebe direutamente de los archivos recopilaos nel trabayu d’investigación d’Ambás, que rescampla ultimamente nel programa Camín de Cantares. 14 de marzu, 2008 0 FacebookTwitterPinterestEmail
Música Audiovisual Theorem lleguen a la décima referencia col debú de Komatsu by asturnet 14 de marzu, 2008 Audiovisual Theorem, sellu asturianu especializáu en producciones musicales y de videu nel terren de la ellectrónica y lo esperimental, ta acabante se sacar a la cai’l primer trabayu del productor Hector Sandoval, más conocíu como Komatsu. Esti discu, col que la plataforma, amesta la so decima referencia al catálogu, ye un bon exemplu, en pallabres de los propios responsables del sellu, d’ambient dixital y ellectrónica sedosa que s’espeya en bandes señeres como Autechre o Boards of Canadá. Web del sellu 14 de marzu, 2008 0 FacebookTwitterPinterestEmail
Música El power-folk d’Skanda aporta esti sábadu a Meruxeo by asturnet 14 de marzu, 2008 Skanda. una de les bandes más actives del folk asturianu y finalistes nel premiu al meyor cantar, van tocar esti sábadu na localidá de Meruxo (Cenera) a les 20:00 hores dientro de la xira que los va llevar per toa Asturies y delles ciudaes del restu l’estáu. Skanda van ufiertar, ente otres del so repertoriu, les canciones de “El cuartu”, lo que ye la so última referencia discográfica que grabaren ente febreru y marzu del añu pasáu. 14 de marzu, 2008 0 FacebookTwitterPinterestEmail
Música El blues de Charles Mack ye la nueva propuesta del ciclu “Música del siglo XX” by asturnet 14 de marzu, 2008 El baxista Cherles Mack, un de los instrumentistes más solicitaos de la escena blues americana, va tar tocando esti sábadu 15 de marzu nel centru cultural Cajastur de Mieres (C/Jerónimo Ibrán). El conciertu, que pertenez a la serie d’actuaciones qu’organiza la entidá financiera col ciclu “Música del sieglu XX”, ye de baldre y va entamar de magar les 20:00 hores. Ye una bona ocasión pa siguir de cerca a un músicu que tien collaborao nos sos 20 años de carrera con bandes de rap como Cypress Hill, nomes notables del blues como Otis Rush o Lucky Peterson y numberoses formaciones de jazz. 14 de marzu, 2008 0 FacebookTwitterPinterestEmail
Plástiques Una amuesa pal públicu infantil recueye’l trabayu de ilustrador Svjetlan Junakovic by asturnet 13 de marzu, 2008 El centru de cultura Antiguu Institutu de Xixón va acoyer dende esti xueves 13 de marzu una nueva esposición empobinada al públicu infantil, nesti caso col arte de la ilustración como exe central de la mesma. “‘El gran libro de los retratos animales” va llevar al centru municipal xixones, el trabayu del pintor y fotógrafu croata Svjetlan Junakovic, en una coleición de retratos animales inspirados en grandes obres pictóriques de distintes dómines. 13 de marzu, 2008 0 FacebookTwitterPinterestEmail
Música Paco Ibáñez va tocar a les 20 hores nel Congresu dedicáu a Goytisolo by asturnet 13 de marzu, 2008 Esti xueves 13 de marzu, a les 20:00 hores, nel Teatru Filarmónica dUviéu, el cantautor Paco Ibáñez va dar un conciertu por cuenta del IV Congresu Internacional José A. Goytisolo, Asturies ente versos, quentama lAula José Agustín Goytisolo de la Universidá Autónoma de Barcelona. 13 de marzu, 2008 0 FacebookTwitterPinterestEmail
Música La Kremerata Báltica da un conciertu güei nel Auditoriu dUviéu by asturnet 13 de marzu, 2008 Güei, xueves 13 de marzu, a les ocho la tarde, la Sala Principal del Auditoriu Príncipe Felipe dUviéu va acoyer un conciertu de La Kremerata Báltica, un recital que ta dientro del ciclu Grandes Conciertos del Auditoriu y nel que van interpretar Siete últimes pallabres de Cristu na cruz, de J. Haydn, col solista Gidon Kremer al vigulín. 13 de marzu, 2008 0 FacebookTwitterPinterestEmail
Música Folk de raigón americanu y rock ye lo que proponen los Pine Leaf Boys pal so conciertu en Mieres by asturnet 12 de marzu, 2008 Folk, pero de raigón norteamericanu, ye lo que propón la banda Pine Leaf Boys pal que se quiera acercar pol Auditoriu de la Casa la Cultura “Teodoro Cuesta” de Mieres na nueche d’esti miercoles. Los músicos de Loiusiana van abordar el so repertoriu de magar les 20:00 hores nun conciertu que a buen seguru va ser un buen exemplu de lo qu’ufre la nuevoa música folk americana. Pine Leaf Boys remociquen la rica tradición musical de Nueva Orleans con influencies actuales nel so últimu trabayu editeu l’añu pasáu, “Les Blues de Musicien” 12 de marzu, 2008 0 FacebookTwitterPinterestEmail
Música El nuevu fadu, na voz de la portuguesa Diamantina, llega a Uviéu y a Xixón by asturnet 12 de marzu, 2008 Cajastur va traer a Uvieu y Xixón l’actuación de la cantante portuguesa Diamantina, una de les voces más destacaes del fadu nel país vecín. Esti miercoles la vocalista d’Alto Douro va visitar el centru cultural de la endidá financiera asturiana n’Uvieu (C/San Francisco, 4) a les 20:00 hores y al día siguiente va facer lo propio nel Centru Cultural Cajastur de la Colexata San Xuan Bautista de Xixón, tamien a la mesma hora. De la mano del fadista João Chora, Diamantina ta iguando una carrera que viene renovar esti estilu musical de la tradición portuguesa. La cantante ta agora mesmo grabando temes pa incluyilos nun discu que va axuntar a dellos de los artistes nuevos que tan surdiendo na escena portuguesa. 12 de marzu, 2008 0 FacebookTwitterPinterestEmail