Sociedá Izquierda Xunida y JCA organizen un alderique alredor del Che en Corvera by asturnet 4 d'avientu, 2007 Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu. 4 d'avientu, 2007 0 FacebookTwitterPinterestEmail
Sociedá Aula Joven lleva a 50 representantes d’estudiantes de la Universidá a conocer el Parlamentu Européu by asturnet 3 d'avientu, 2007 50 escolinos representantes de la Universidá d’Uvieu marchen güei llunes a Bruseles, Amsterdam y París pa conocer les instituciones europees nun viaxe organizáu pola asociación d’estudiantes Aula Joven. El viaxe ye de baldre y por invitación del eurodiputáu Antonio Masip y va llevar a los participantes a Bruseles, onde visitarán la eurocámara y aconceyarán con dellos eurodiputos pa conocer el funcionamienti d’esta institución. El miercoles dirán a Ámsterdam ya’l a París pa regresar el prósimu llunes día 10. “Trátase d’averar Europa a los x óvenes, que todos sintamos de verdá la ciudadanía europea, dalgo a lo que tamien contribuyen programes como l’Erasmus que tan importante papel xugó nos 20 últimos años nesa llabor de tresmisión de ciudadanía”, declaró’l Presidente d’Aula Joven y responsable del viaxe, Jose Armas. 3 d'avientu, 2007 0 FacebookTwitterPinterestEmail
Escéniques Los gallegos Teatro de Ningures falen sobre inmigración na obra “Emigrados” by asturnet 30 de payares, 2007 “Alcuentros n’Asturies”, ciclu teatral que organiza la entidá financiera asturiana Cajastur, va cuntar na nuecge d’esti vienres 30 de payares cola prticipación de la compañía gallega “Teatro de Ningures”. La obra escoyía pa la ocasión ye “Emigrados”, una esbilla de testos d’autores como Suso del Toro, Anxo Sumai, X. M. Pazos, Sonia Torre y Cándido Pazos. El pase entama a les 20:00 hores na Colexata San Xuan Bautista de Xixón. “Emigrados” toca temes como la emigración, el retornu o la perdida de los raigaños, usando un llinguax contemporáneu y cola ironía por bandera La dirección cuerre al cargu del dramaturgu lugonín Etelvino Vázquez, un de los más ponderaos del panorama asturianu y la obra cunta cola actuación de Sonia Rúa, Santiago Cortegoso, Mónica Camaño, Fran Paredes, Salvador del Río y Casilda García. 30 de payares, 2007 0 FacebookTwitterPinterestEmail
Escéniques Los madrileños “Faro Teatro” ponen n’escena la hestoria de tres naufrágos con “En alta mar” by asturnet 30 de payares, 2007 El polacu Slawomir Mrozek, un de los másimos esponentes del teatru del absurdu, escribió en su día la obra “En alta mar”, na que cuntaba con sorna la situación de tres naúfragos en mediu d’una encrudiyada vital. Munchu tiempu dempues la obra, remocicada por Karol Wisniewski, llega al Centru Cultural Cajastur d’Uvieu (Cai San Francisco, 4) de les manes de Faro Teatro y dientro del ciclu “Alcuentros n’Asturies”. La cita ye’l sábadu 1 d’avientu a les 20:00 hores. Ente l’elencu de la madrileña compañía Faro Teatro tan los actores: Ignacio Alonso, Pedro Chamizo, Miguel Ángel de Juan y Joaquín Abad. Lleven funcionando dende l’añu pasáu embaxo’l llideratu del propiu Karol Wisniewski: un dramaturgu y director d’amplia esperiencia nos escenarios internacionales ya integrante de compañíes como La Fura dels Baus, Gusarapos, Destellos, y Elefante Blanco. 30 de payares, 2007 0 FacebookTwitterPinterestEmail
Escéniques Morboria remociquen la obra de Zorrilla con un montaxe nel Teatru Palacio Valdés by asturnet 30 de payares, 2007 El dramaturgo toledano Francisco de Rojas Zorrilla andaría ahora, en pleno siglo XXI, por los cuatrocientos años de edad, pero esta circunstancia cronológica no ha supuesto ningún impedimento a la hora de montar «La ventana Rojas», una antología de tres de los guiones más esclarecidos del toledano, uno de los renovadores de la escena clásica que nació cuando Lope de Vega determinó el arte nuevo de hacer comedias. Esta tarde, a partir de las ocho y cuarto, el Palacio Valdes acogerá una función del espectáculo a cargo de la compañía madrileña «Morboria Teatro» La obra, que ye la suma de los testos “Entre bobos anda el juego”, “Donde hay agravios no hay celos” y “Abre el ojo”, llega a Aviles coincidiendo col aniversariu del nacimientu de Zorrilla. 30 de payares, 2007 0 FacebookTwitterPinterestEmail
Sociedá Fernando Ornosa saludó les declaraciones del PP favoratibles a un nuevu marcu llegal pala llingua by asturnet 30 de payares, 2007 Fernando Ornosa saludó esti día les últimes declaraciones de representantes del Partíu Popular (concretamente’l diputáu autonómicu Joaquín Aréstegui y l’alcalde d’Uviéu, Gabino de Lorenzo) mostrando’l so interés pola conservación de la llingua y apostando pola busca d’un nuenvu marcu llegal, recordando-y al PP que “agora tien de dar el pasu y apoyar la declaración d’oficialidá”. El voceru del CAO llamentó en rueda de prensa, sigún Europa Press, les declaraciones de la FSA: “Ye un posicionamientu que conduz a los falantes d’asturianu a tener menos derechos que los ciuadanos d’otres comunidaes con llingües propies, o que los ciudadanos d’Asturies falantes de castellán”. 30 de payares, 2007 0 FacebookTwitterPinterestEmail
Sociedá El CAO va denunciar el martes énte la UE la situación del asturianu by asturnet 30 de payares, 2007 El Conceyu Abiertu pola Oficialidá, CAO, va denunciar énte la Unión Europa l’actual situación de “discriminación” de la llingua asturiana por mediu de dos representantes d’esta agrupación, Fernando Ornosoa y Xulio Casado, que van treslladase a Bruseles esti mates pa entrevistase col comisariu européu de Multillingüismu, Leonard Orban, pa entrega-y un informe críticu col contestu actual de “falta de reconocencia de la llingua”. En Bruseles van sentase con cuatro miembros del gabinete d’Orban, Patricia Bigñot, Johan Haggman, Eva Valle y Ann Vanwinsberghe, a los que van entregar un dossier “de denuncia de la situación llingüística que sufre Asturies”. Los representantes del CAO tamién quieren convidar a Leonard Orban a “venir a Asturies pa que conoza a toles partes implicaes nel procesu de la llucha pla oficialidá”, en referencia a les organizaciones integrantes del CAO, la Xunta pola Defensa de la Llingua, y a los partíos políticos representaos nel Parlamentu Asturianu, ente otros colectivos: “Queremos que n’Europa s’enteren de que lo que ye un derechu civil, los mesmos partíos que lu apoyen n’otres comunidaes equí se nieguen a reconocelu”. 30 de payares, 2007 0 FacebookTwitterPinterestEmail
Escéniques Teatro Casona ponen nes tables del Filarmónica la obra “País” d’Adolfo Camilo Díaz by asturnet 29 de payares, 2007 “País”, traxicomedia asturiana d’Adolfo Camilo Díaz pasada pol tamiz del director Andres Presumido llega esti vienres 30 de payares al Teatru Filarmónica d’Uvieu. Los encargaos de representar la obra, que va entamar a les 20:00 hores, son la compañia Teatro Casona. Cola interpretación de Xuan Coll, Isabel Friera, Carmen Gloria García, Cristina Bravo, Andres Presumido y Aique, “País” cunta, n’hora y media de duración, la historia en flash-back de la vida d’un mineru sindicalista “folganzán, malfaláu, machista, borrachu, violentu y babayu”. 29 de payares, 2007 0 FacebookTwitterPinterestEmail
Escéniques Barataria Teatro va representar nel Centru Cultural Cajastur de Mieres a obra de Corte “Travesía sobre nieve de Bagdad” by asturnet 29 de payares, 2007 Esti xueves 29 de payares, a les 20 hores, nel Centru Cultural Cajastur de Mieres (Jerónimo Ibrán 10), la compañía Barataria Teatro va representar la obra “Travesía sobre nieve de Bagdad”. La obra, escrita y dirixida pol dramaturgu llavianés Roberto Corte, afonda nes relaciones personales de los personaxes col conflictu dIraq como fondu. 29 de payares, 2007 0 FacebookTwitterPinterestEmail
Sociedá Bueno llama a los conceyales de Xixón “incultos y analfabetos” por tener que pidir la so Fundación les subvenciones como les demás by asturnet 28 de payares, 2007 El filósofu y profesor eméritu de la Universidá d’Uviéu, Gustavo Bueno, manifestó’l martes que’l Conceyu de Xixón retiró la subvención de 12.000 euros a la Fundación qu’él mesmu preside por “incultos y analfabetos”, mentantu que’l conceyal encargáu precisaba que lo que tien de facer la entidá que preside’l conocíu filósofu ye solicitar l’ayuda mediante convocatoria. Sigún Europa Press, el filósofu dixo lliteralmente que “el Conceyu piensa que na Fundación facemos Xuntes escontra’l PSOE”. El profesor de Filosofía realizó estes manifestaciones a Europa Press momentos enantes d’aconceyase la Comisión pa la Recuperación de la Memoria Histórica creada pol alcalde d’Uviéu, Gabino de Lorenzo, pa cambiar el nome de les cais franquistes y de la que Bueno forma parte. El filósofu asturianu, qu’aseguró que s’enteró pola prensa de la retirada de la sovención, esplicó qu’hai dos niveles diferentes. Nel primeru, dixo, “el Conceyu de Xixón pue retirar la sovención ensin dar nenguna esplicación”, y nel segundu, manifestó, que la “represalia” nun foi por dalgo tan puntual como la publicación del so llibru ‘Zapatero y el pensamientu Alicia. Un presidente nel país de les maravilles’, sinón por dalgo más “global”. Gustavo Bueno dixo entender que la ‘Selmana Negra’ “ye dalgo que atrai a munches persones y que’l mundiu de la filosofía ye dalgo pa unos pocos”. Amás, detacó que la Fundación “fai un gran llabor y convida a xente de toa España y d’América”. Bueno manifestóse nestos términos dempués de que’l Grupu Municipal Popular aletara ayeri, per mediu del conceyal Manuel Pecharromán, de que’l Conceyu de Xixón retirara la sovención qu’anualmente recibía de 12.000 euros. Pela so parte, el conceyal de Cultura del Conceyu de Xixón, Justo Vilabrille, negó que’l Conceyu denegara una sovención a la Fundación Gustavo Bueno, pa la celebración del so alcuentru anual. Según l’edil, “nun hai nenguna decisión de tipu políticu nin ideolóxicu” que se tenga en cuenta a la hora d’otorgar sovenciones. Nesti mesmu sen pronuncióse güei’l voceru de la Xunta de Gobiernu del Conceyu de Xixón, José María Pérez, qu’aseguró que “nun se-y denegó a nenguna entidá la so subvención pal 2008”. El responsable municipal precisó que lo que debe facer agora la entidá que preside’l conocíu filósofu ye solicitar l’ayuda mediante convocatoria. 28 de payares, 2007 0 FacebookTwitterPinterestEmail