Música Dixebra fizo un mui bon papel na primer participación dAsturies nel Liet-Lavlut by asturnet 20 d'ochobre, 2008 La primer participación dAsturies nel festival de la canción Liet-Lavlut foi tou un ésitu. Anque la victoria foi pa los corsos Jacques Culioli col tema Hossanna in Excelsis, los asturianos, que particpaben en nonu llugar, consiguieron tar en primer llugar a lo llargo de gran parte de la votación del xuráu, que pela parte asturiana tuvo a Beatri R. Viado como miembru. A la fin, los avilesinos, ficieronse nun llucha mui reñida cola corsos, con 73 puntos, los mesmos quel cantar en sami dElin Kåven y namás ocho menos que los ganadores. Enantes de lactuación Xune Elipe reclamó la oficialidá del asturianu y comentó la situación de la llingua asturiana y la hestoria del cantar Indios, col que representaron a Asturies. Ente les anécdotes del día tuvo la voz de los asturianos presentes, qua pesar de poder cuntase colos deos duna mano, tuvieron que ser callaos pol presentador dempués de lactuación de Dixebra, cuando entamaron a cantar lAsturies, patria querida. A la fin de lactuación Xune Elipe glayó un oficilidá que pudo oyise en toa Europa al traviés de les radios y televisiones de decenes de países. 20 d'ochobre, 2008 0 FacebookTwitterPinterestEmail
Música El cantautor corsu Jacques Culioli foi’l ganador absolutu del festival Liet-Lavlut by asturnet 19 d'ochobre, 2008 Jacques Culioli, un cantautor pernomáu en Córcega, foi’l ganador absolutu del primer festival Liet-Lavlut, la Eurosivisión especializada en grupos musicales quusen llingües europees minorizaes, nel que participaba Asturies cola representación del grupu de rock Dixebra y que se celebraba esti sábadu, 18 dochobre en Lulea. Jacques Culioli, un cantatutor de música tradicional de la villa de Chera nel sur de Córcega, algamó tantu’l premiu de l’audiencia como’l del xuráu nesta quinta edición del festival cola so canción “Hosannah in Excelsis”. La canción taba escrita como un ruegu por una Córcega xunida depués del periódu oscuru nel que los nacionalistes corsos lluchaben unos escontra otros. La organización desti festival cuerre a cargu del Sweblul, una asociación que representa a les cinco minoríes llingüístiques de Suecia y cunta col sofitu dentidaes públiques daquella zona y del departamentu suecu del Buró Européu de Llingües minoritaries. Esta yera la primer vegada que participaba un grupu que canta nasturianu, sumándose asina lasturianu a les demás llingües participantes: bretón, corsu, albanés dItalia, sami, frisón, friulanu, galés, mordviniu y gallegu. 19 d'ochobre, 2008 0 FacebookTwitterPinterestEmail
Música Llanes al Cubo trai la folixa del tardíu dende’l 31 d’ochobre by asturnet 19 d'ochobre, 2008 Dende’l 31 d’ochobre al 2 de payares, Llanes acoyerá una nueva edición de Llanes al Cubo n aque van participar La Banda de Gaites Llacín, la orques Baobab, Cantaca de Macao y Lam el vienres y Pignoise, Lila Downs, Peret y Kíla nel sábadu. Amás, conciertos, esposiciones, teatru y presentaciones de llibros enllenarán los tres díes d’actividaes. 19 d'ochobre, 2008 0 FacebookTwitterPinterestEmail
Música Entamaron les clases na Escuela de Música Tradicional de Llangréu by asturnet 18 d'ochobre, 2008 La Escuela de Música Tradicional de Llangréu, qu’esti añu cumple 10 años, entamó esta selmana les clases con delles especialidaes. Los primeros foron los alumnos de Canción Asturiana con Anabel Santiago qu’allugense nel martes a partir de les 19 hores. Les clases de flauta de Pepin de Muñalén entamaron de xueves col horariu dende les 16 hores y na clas los alumnos ya disfrutaron del serviciu d’ alquiler de flautes que-y ufierta Marcos Llope a la escuela, pudiendo escoyer una flauta qu’usarán dende l’aniciu. El vienres toquen les asignatures de Curdión de botones con Xose R. Navia y Ensame folk con Alberto Ablanedo a les 18 y les 20 hores respeutívamente, el sabadu la gaita con Chus Solís ya tien horarios dende les 9 la mañana fasta les 19 hores, siendo necesariu ampliar también na selmana pola demanda, pal martes y xueves dende les 19 hores. Y el sábadu también entamaba tambor de 10 a 14h con Chema Fombona, mecánica y mantenimientu de la gaita dende les 16 hores con Pelayo Fernández, zanfoña dende les 11 hores y bandurria dende les 12 con Héctor Braga. 18 d'ochobre, 2008 0 FacebookTwitterPinterestEmail
Convocatories La Comarca la Sidra busca responsable pal Serviciu de Normalización Llingüística by asturnet 14 d'ochobre, 2008 La Comarca la Sidra busca un responsable pal so Serviciu de Normalización Llingüística. Les funciones del puestu son la torna de documentos, guíes turístiques y otres publicaciones al asturianu. Amás dendel puestu van impulsase campañes de normalización llingüística nos sectores dhostelería y comerciu, amás dotres de dinamización cultural en llingua asturiana. Pa poder optar al puestu tien que se tar en posesión duna titulación universitaria media y amás tener formación en llingua asturiana. Nes bases danse tolos detalles de la convocatoria, que terminal próximu día 17 dochobre. Bases completes de la convocatoria 14 d'ochobre, 2008 0 FacebookTwitterPinterestEmail
Convocatories Prepárase la presentación del Atenéu Cultural Xuan María Acebal by asturnet 8 d'ochobre, 2008 Según anuncien na so páxina web, el próximu vienres 10 dochobre va presentase en sociedá lAtenéu Cultural Xuan María Acebal, con motiu del 130u aniversariu del poema acebalianu El Amor del Hogar. LAtenéu ye un colectivu pa la defensa del mundiu rural asturianu, pa la promoción y revitalización de los elementos culturales (tanto materiales como inmateriales) qu’hestóricamente configuraron a Asturies como País, y pal re-descubrimientu de la nuesa Hestoria dende una perspectiva asturiana dafechu. LAtenéu va trabayar temién el campu de la lliteratura clásica asturiana. Nesi sen, comenten dende la organización, va trabayase na recuperación, lestudiu y la reedición de la lliteratura asturiana menos conocida. Lactu de presentación va celebrase nAlborá Llibros, en Xixón, a les 19:30 hores. Nel mesmu van presentase les actividaes de la organización la so directiva y amás, va celebrase una llectura de poemes de Xuan María Acebal a cargu de diferentes persones de trayectoria venceyada a la lliteratura, la politica y los medios de comunicación. Páxina de l’Atenéu Cultural Xuan María Acebal 8 d'ochobre, 2008 0 FacebookTwitterPinterestEmail
Convocatories Les Xornaes de trabayu de Filoloxía Asturiana presenten güei les novedaes sobrel proyectu de traductor dasturianu by asturnet 8 d'ochobre, 2008 Les xornaes Llabor en tienda lleguen a la so tercer xornada güei miércoles. A les 10 hores Fernando Álvarez-Balbuena García va presentar Programa dinvestigación nencuestación toponímica. A les 10:45 hores Patrick W. Zimmerman, de la Universidá de Carnegie Mellon, EE.XX., va presentar el proyectu dinvestigación Nacionalismu domesticáu: lasturianismu dende la Transición. A les 12 la mañana, Alfonso García Leal, de la Universidá dUviéu, va presentar el proyectu Fakilo dinformación bibliográfica de colecciones documentales medievales de la Península Ibérica. El proyectu ESLEMA van esplicalu Xulio Viejo y María Cueto, a les cinco la tarde, mientres que sobrel mesmu tema, Roser Saurí i Colomer y Johan Ari Larusson van falar a les 17:45. Aresenio Coto va pesllar la xornada cola llectura de El traductor asturianu sobre tecnoloxía Apertium. Mañana xueves va celebrase la xornada última de Llabor en tienda coles últimes presentaciones de los proyectos de llingüística asturiana que tán en marcha nestos momentos. 8 d'ochobre, 2008 0 FacebookTwitterPinterestEmail
Convocatories Entamaron nUviéu les xornaes Llabor en tienda, tendencies nueves na llingüística asturiana by asturnet 7 d'ochobre, 2008 Esti llunes 6 d’ochobre entamaben les Xornaes cola presentación a les diez de la mañana del proyectu AMPER de fonética y prosodia del asturianu, que presentó Carmen Muñiz Cachón de la Universidá dUviéu y a les 10,45 la desplicación de la investigación sobre Gramática Generativa de la llingua asturiana Allugamientu de los pronomes nasturianu y periferia izquierda sintáctica que ta desenvolviendo Francisco Rubiera na Universidá de Georgetown. La mañana finó a les 12 cola presentación por Antonio Meilán de la Universidá dUviéu del Proyectu Dámaso Alonso sobrel gallego-asturianu. Los proyectos dinvestigación llingüística nel ámbito lleonés entamaron la tarde, dende les 17 hores cola presentación dHéctor García Gil, de la Universidá de Lleón, pa siguir a les 17,45 col proyeutu Papel de los escritores nel procesu de recuperación del asturianu que presentó Xuan Santori Vázquez. Programa completu de les Xornaes 7 d'ochobre, 2008 0 FacebookTwitterPinterestEmail
Convocatories Últimos díes papuntase a los cursos de llingua asturiana de la Universidá Popular de Xixón by asturnet 3 d'ochobre, 2008 Los cursos, qu’entamen esti mes dochobre con trés niveles: básicu, conversación y espresión escrita y traducción. Tolos cursos van ser nhorariu de tarde dos díes a la selmana y la matrícula va poder formalizase nes Oficines dAtención al Ciudadanu del Conceyu de Xixón, nos Caxeros Ciudadanos o na páxina del conceyu de Xixón hasta esti llunes. El preciu de la matrícula son 15 euros y la duración de los cursos de 40 hores. Tamién, nesti cursu, la UP de Xixón ufrel cursu Moos de vistir, maneres de vivir impartíu por Fe Santoveña Zapatero nesti casu, nel Muséu del Pueblu dAsturies. 3 d'ochobre, 2008 0 FacebookTwitterPinterestEmail
Música Cursu de baille asturianu padultos en Candás by asturnet 30 de setiembre, 2008 El Grupu de Baille San Félix de Candás entama un Cursu de baille asturianu padultos que va desendolcase na capital de Carreño los xueves de 19:30 a 21 hores (dendel 16 dochobre). La matrícula pue confirmase’l xueves 16 dochobre a les 19:30 hores nel antiguu local de SOFECA (La Baragaña), onde van impartise tamién les clases y el preciu del cursu ye de 15 euros. 30 de setiembre, 2008 0 FacebookTwitterPinterestEmail