Sociedá República Asturiana celebra una manifestación contra los Premios Príncipe by asturnet 19 d'ochobre, 2010 El colectivu República Asturiana convoca un añu más una manifestación contra la celebración de los Premios Príncipe d’Asturies que califca d'”humildación” pal pueblu asturianau. Pa esta organización los premios fueron crearos “por vieyos herederos del franquismu”, ciando a Graciano García, Pedro Masavéu o Sabino Fdz. Campo. Pa la organización los Premios faense como “un intentu de llavase la cara y xustificar, y democratizar, una institución como la casa real que ye heredera del franquismu”. Critiquen que se presenten estos premios “como populares cuando la presencia a los mesmos ta suxeta a invitación, invitación que nel casu de los empresarios que quieren codease cola “flor y nata” de la burguesía y de los politicos, paguen a 3000 euros lasientu”. Protesten tamién pol papel del Ayuntamientu dUviéu “que tién una delda de 140 millones deuros, mas 41 millones de cinturón verde, gaste les perres en llimpiar a fondu la ciudá o contratar a grupos de baille tradicional pa dar a les cais un aspectu de solemnidá”. Recuerden que “la Fundación Principe, que nació con un presupuestu donce millones de pesetes hai 30 años y agora manexa un presupuestu de 20 millones deuros (3300 millones de pesetes)” y que se-y cedieronterrenos publicos nAvilés “pa la construcción de los sos chiringuitos”. Amás consideren otra humildación que la cultura asturiana “brille pola so ausencia, y que pa un premiu que repercute nAsturies, el del pueblu exemplar, sía financiáu al 50% pol gobiernu dAsturies y quel mesmu fora creáu 10 años mas tarde pa llavase la cara ante los asturianos que daben la espalda a los premios”. La manifestación va facese’l sabadu 23 dochobre a les 13 hores na Estación del norte dUviéu. 19 d'ochobre, 2010 0 FacebookTwitterPinterestEmail
Sociedá La fundación Lions organiza un desfile de moda pa lluchar contra’l cáncanu de mamiella by asturnet 19 d'ochobre, 2010 Esti martes, 19 d’ochobre, Día Internacional contra’l cáncanu de mamiella, la Bruno Salvadori Lions Fundación entama un desfile col envís de recaldar fondos pa la mesma entidá, que dende va trés años trabaya en beneficiu de les persones que sufren esa enfermedá. Les mesmes enfermes y distintes voluntaries de la Bruno Salvadori van ser les protagonistes de la pasarela onde amosarán estremaes alternatives de bañu, ropa interior, abrigos, vestuariu de cai ya inclusive traxes pa feches especiales. Amás el desfile va tar amenizáu por distintes actuaciones de música y baille. 19 d'ochobre, 2010 0 FacebookTwitterPinterestEmail
Conceyos Siero convoca beques d’investigación sobre’l conceyu by asturnet 18 d'ochobre, 2010 Hasta’l 2 de payares ta abiertu’l plazu pa presentar proyectos sobre hestoria, economía, xeografía, folclore y tradiciones ya industria. La convocatoria ábrela la Fundación Municipal de Cultura de Siero y ta dirixada a profesionales o persones dedicaes a facer trabayos d’investigación sobre estudios específicos del Conceyu de Siero. Los trabayos pa los que se soliciten les ayudes nun pueden tar espublizaos enantes. Les bases completes y la ficha de solicitú de d’esta convocatoria tán na web del Conceyu de Siero. Bases completes de la convocatoria 18 d'ochobre, 2010 0 FacebookTwitterPinterestEmail
Conceyos Ribedeva acueye los III Alcuentros Astur-Cántabros by asturnet 15 d'ochobre, 2010 L’Ayuntamientu de Ribadeva organiza estos III Encuentros en Colombres los díes 15, 16 y 17 d’ochobre. Nestos alcuentros faense toa una serie d’actividaes culturales: folclore, artesanía, etnografía, tradiciones, deportes, música tradicional, rock, danza y otres munches propuestes rellacionaes cola cultura cántabra y asturiana. Programa completu d’actividaes 15 d'ochobre, 2010 0 FacebookTwitterPinterestEmail
Sociedá Cultura espubliza la resolución d’ayudes pal asturianu p’asociaciones y empreses by asturnet 15 d'ochobre, 2010 Nel BOPA del xueves, 14 d’ochobre del 2010, espublizáronse les resoluciones de la Conseyería de Cultura y Turismu del Principáu d’Asturies pola que se conceden y denieguen subvenciones p’actividaes d’asociaciones y d’empreses privaes pa la normalización del asturianu y del gallego-asturianu. Resolución de la convocatoria d’asociaciones 15 d'ochobre, 2010 0 FacebookTwitterPinterestEmail
Sociedá COXERSA convoca la quinta edición de la Rede de Escueles pol Reciclaxe by asturnet 14 d'ochobre, 2010 El Consorciu pa la Xestión de Residuos Sólidos dAsturies (COXERSA) entama yá la quinta edición del so programa de sensibilización ambiental nos centros educativos dinfantil, primaria, secundaria y educación especial de toa Asturies, la Rede dEscueles pol Reciclaxe, questa vegada tien por títulu Compostaxe y reciclaxe. La inscripción pue facese na páxina web del Consorciu (www.cogersa.es) hastal próximu día 29. Yá nel cursu 2009-2010, el Consorciu entregó 52 compostadores a otros tantos colexos ya institutos, anque non toos consiguieron llevar el procesu de la ellaboración del compost a la so fin, razón pola questi añu se quier dar un emburrión mui especial a esti apartáu, amás davanzar nel usu desta enmienda orgánico nos güertos y xardinos de los centros educativos que dispongan dellos. De fechu, una de les novedaes principales de la temporada que vien va ser el concursu Patios verdes onde va premiase a los centros quafalen la reducción de residuos nes hores non llectives, nel recréu, con aiciones de trabayu nequipu talos como obres de teatru y esposiciones artístiques, talleres de manualidaes, güertos ecolóxicos, espacios pal compostaxe, puntos dinformación (charres, cursos, etc.) mercaos de segunda mano o de troque 14 d'ochobre, 2010 0 FacebookTwitterPinterestEmail
Sociedá Asturies yá cuenta con un mapa dinterpretación medioambiental de les carreteres by asturnet 14 d'ochobre, 2010 Trátase dun documentu que foi desendolcáu en comuña pola Asociación Española de la Carretera y lInstitutu de Seguridá Vial de la Fundación Mapfre, y que, tal y como espliquen los sos responsables nun quier ser un mapa de carreteres al usu pues xira alredor dunos criterios que nun tán presentes nos mapes tradicionales. Nesti sen, el proyeutu estructúrase en tornu a dos grandes bloques: espacios naturales protexíos y accidentalidá por atropellu de fauna. Primero, el MIMAR Asturies da información sobre los estremaos espacios naturales protexíos del país, con una calificación que va dende Parque Nacional a Paisaxe Protexíu, pasando per Parque Natural y Reserva Natural. Acordies cola Rede Natura 2000, quaxunta los espacios naturales más ricos y estremaos de la Unión Europea, cásique la metá del territoriu dAsturies correspuende a Sitios dInterés Comunitariu (LIC) y Zones dEspecial Proteición (ZEPA), categoríes quengloben daqué más de 50 espacios protexíos nel Principáu. Per otra banda, da información concreta sobre les zones onde se rexistren atropellos de fauna cola fin de quel conductor pueda tomar les midíes de precaución precises al circular per estes zones. Lestudiu identifica los Tramos de Concentración dAtropellos dAnimales (TCAA) quesisten en tola rede de carreteres que percuerren Asturies, ye dicir, los tramos de carretera con un máximu de 20 quilómetros nos que se rexistraron tres o más atropellos pel periodu analizáu. Pal trabayu tomáronse como base les estadístiques apurríes pola Direición Xeneral de Tráficu (DGT) pal periodu que va ente xunu de 2005 y xunetu de 2006. Con ello, la AEC llegó a la conclusión de que nel estáu hai 848 TCAA, de los que 44 salcuentren nAsturies. Nesti sen, el MIMAR Asturies analizó 907 quilómetros de rede viaria, nos que se produxeron 690 atropellos de fauna. La especie más amenazada fueron los xabalinos, que concentren el 63% de los siniestros. Siguida de cerca pol corzu, que yel segundu animal más atropelláu na rede viaria dAsturies. 14 d'ochobre, 2010 0 FacebookTwitterPinterestEmail
Sociedá Xulguen a una independentista por querer facer una entruga a Rosa Díez by asturnet 14 d'ochobre, 2010 Va dellos meses la llider de la formación centralista española UPyD daba una conferencia nel Clú de Prensa Asturiana, de La Nueva España. Nesti actu, una militante independentista llevantó la mano col envís de facer una entruga a Díez y foi detenida enantes de poder facela, según afirmen dende’l colectivu Sofitu. Esti vienres habrá un xuiciu de faltes por coaiciones nos xulgaos dUviéu y dende Sofitu convócase una concentración a les 11:30 la mañana nos xulgaos dUviéu pa “solidarizase cola militante asturiana y denunciar a los nuevos faches que sescuenden tres el nomáu estáu de drechu costitucionalista”. Sofitu afirma que “Nesa charra, los únicos fechos quasocedieron, foi que la muyer agora xulgada foi sacada pola fuercia de la sala y entregada a los miembros de la policía española namás que por llevantar la mano pa facer una entruga que nun pudo nin entamar. Una vegada fuera la sala foi detenía y conducía a comisaría”. Pa Sofitu “La denuncia de los ultres españoles, ye un montaxe políticu-policial que tien como fin volver a pasar de verdugos a victimes, y criminalizar, de pasu, a tolo que nun seya españolismu ranciu” denuncia la organización antirrepresiva. Asina, “nel so escritu mienten cuando dicen quunes venti persones taben insultándolos nel esterior pos la muyer foi sola al actu. Mienten cuando dicen que diba enfilada o drogada porque diba en perfeutu estáu. Mienten cuando dicen que los insultó y amenazó, porque nun la dexaron nin abrir la boca”. A la fin, espliquen, “de too esto foron testigos los periodistes de los medios afines que cubrieron lactu, y que nun asoleyaron nada de los supuestu incidente nes sos cróniques, porque namás que nun asocedió”. 14 d'ochobre, 2010 0 FacebookTwitterPinterestEmail
Sociedá El Salón del Cómic presenta un númberu nuevu d’El Wendigo by asturnet 13 d'ochobre, 2010 El Salón del Cómic celebra la so edición 34 nel Vieyu Institutu de Xixón y presenta güei, a les 18:30 hores, el númberu 115-116 de la revista El Wendigo, cola presencia de Faustino R. Arbesú, Ramón Fermín y F. Flórez. Darréu Fernando Cuesta va falar de “Carlos Mª de Luis y Adolfo García y sus trabajos en Prensa asturiana”, presentándose dempués el curtiu “El último día entre los muertos” de Carlos del Rincón, cola presencia de Javier Cosnava. 13 d'ochobre, 2010 0 FacebookTwitterPinterestEmail
Sociedá Morrió Fernando Lago, pioneru del folk asturianu by asturnet 13 d'ochobre, 2010 El folk asturianu ta de llutu. Esti llunes pasáu finó Fernando Largo, músicu y compositor pioneru del folk asturianu. El so llabor más conocíu ye’l d’integrante del míticu grupu “Beleño”, col que grabó dos discos en 1986 y 1987. Largo foi pioneru tamién col harpa céltica y tuvo siempres venceyáu a la música, al traviés del so trabayu como productor y hosteleru, con llocales d’ambiente folk como’l chigre Cadorna, n’Uviéu. En 1983 fundó Beleño xunto a Xuaco Amieva, sumándose dempués Pedro Pangua y Rody Herrera. Fizo la banda sonora pal pabellón d’Asturies de la Expo 92. Nos años últimos dedicóse a la producción de música na so casa y estudiu d’El Pitu, en Cuideiru. Largo morrió a los 50 años por mor d’un bálamu. El funeral celebróse ayeri, martes, na Ilesia uvieía de San Franciscu d’Asís, na plaza de la Xesta. 13 d'ochobre, 2010 0 FacebookTwitterPinterestEmail