Comunicación Unidá Nacionalista Asturiana (UNA) pide que la TPA pueda vese en Galicia y la gallega en toa Asturies by asturnet 25 de payares, 2009 Énte les informaciones qu’apaecen na prensa qu’indiquen que, énte l’inminente apagón analóxicu’l presidente de Galicia quier asegurar que nel occidente d’Asturies se pueda ver la TVG, el Portavoz Nacional d’UNA, Faustino Zapico, comentó la perplexidá de la organización al ver que’l presidente de Galicia, cuestionáu polos sos ataques al idioma gallegu nel so territoriu vuelve sacar una pantasma vieya cola que quier probablemente esviar l’atención sobre la so política llingüística que vien de ser refugada inclusive pol Tribunal Supremu”. UNA recuerda que’l debate llingüísticu nel occidente hai tiempu que quedó claru y que nin los habitantes de la zona del Navia-Eo nin el restu de los asturianos acepten nin van aceptar tuteles non solicitaes, inxerencies espansionistes o paternalismos culturales como los que se quixeren exercer nel pasáu. Zapico esixó por tanto a Feijóo que nun use Asturies como un argumentu nos debates políticos gallegos, darréu que la política llingüística n’Asturies solo correspuende a los asturianos y asturianes. El portavoz d’UNA aprovechó pa criticar la política audiovisual del gobiernu asturianu, que arrequexa y marxina la programación n’asturianu na TPA y que nun-y manda a los medios de comunicación públicos pa normalizar la llingua asturiana, amás d’escaecer dafechu la fala del Navia-Eo. Zapico recordó que «dende UNA deféndese que la TPA tien que ser una televisión con una seña d’identidá que ye la emisión en llingua asturiana”. Pa cabu Zapico afirmó que dende UNA camentámonos que colos medios tecnolóxicos esistentes anguaño tolos asturianos y asturianes, non solo los del occidente, habríen poder recibir otres televisiones y familiarizase d’esta manera con otres llingües del estáu, al igual que los gallegos habríen poder recibir les emisiones de la TPA n’asturianu”. 25 de payares, 2009 0 FacebookTwitterPinterestEmail
Conceyos El PAS critica lescasu compromisu del Ayuntamientu de Llangréu pa colos drechos de los asturfalantes by asturnet 24 de payares, 2009 LAgrupación del Partíu Asturianista en Llangréu (PAS), denunció lescasu compromisu que lAyuntamientu de Llangréu tien, y lolvidu permanente de los sos compromisos colos derechos lingüísticos de los asturianofalantes. Pa lAgrupación asturianista bueno sería que dende la institución más próxima a los ciudadanos, como ye lAyuntamientu, se promoviera una campaña de promoción y fomentu de la Cultura y Llingua Asturiana. Dende lAgrupación del Partíu Asturianista en Llangréu (PAS), recuerden al Ayuntamientu quamparándose nel marcu xurídicu vixente, esto ye, na Llei del Principáu d´Asturies1/1998, dUsu y promoción del Asturianu, xunto cola Carta Europea de les Llingües Rexonales y Minoritaries, aprobada pol Conseyu d`Europa en 1992 y ratificada pol Congresu de los Diputaos dEspaña pue facer un mayor fomentu y amparu, nel nuestru casu, de la Llingua Asturiana. Y recuerden que lAyuntamientu tien competencies pa ello. El PAS, propón al Ayuntamientu una campaña visible de fomentu y promoción de la Cultura y Llingua Asturiana en collaboración coles sociedaes culturales y empresariales del conceyu, aprovechandol tiempu de Navidá que sacerca, con lletreros lluminosos nasturiano y música con melodíes típiques asturianes. 24 de payares, 2009 0 FacebookTwitterPinterestEmail
Conceyos Piloña, Parres y Caravia estrenen Oficina de Normalización Llingüística l1 davientu by asturnet 23 de payares, 2009 La Mancomunidá del Sueve, formada polos conceyos de Piloña, Parres y Caravia, va poner na Casa Cultura de LInfiestu, en Piloña, la so Oficina de Normalización Llingüística. Paula Cristobal Caso va ser la responsable de la mesma y va tener al so cargu a otres dos persones. Con una sovención de 12.000 euros per parte de la Dirección Xeneral de Promoción Cultural y Política Llingüística. 23 de payares, 2009 0 FacebookTwitterPinterestEmail
Comunicación Asturnews estrena la so presencia en Facebook con una canal de noticies by asturnet 23 de payares, 2009 El Diariu Cultural Asturnews estrena na rede social Facebook una canal de noticies cola que quier adaptase a les nueves víes dinformación de los nuesos llectores. Dende va tiempu los llectores dAsturnews podíen compartir les nueses noticies nuna llarga riestra de redes sociales con namás calcar una tecla. Agora, Asturnews xube los conteníos a la rede social más popular, tando asina más cerca de los sos llectores, calteniendol so compromisu de siempres cola información cultural dAsturies. Páxina dAsturnews en Facebook 23 de payares, 2009 0 FacebookTwitterPinterestEmail
Música El sellu Algamar ufre temes de Sambre y La Tarrancha by asturnet 23 de payares, 2009 El sellu musical “Algamar” sigue medrando, esta vegada apostando por dos grupos de trayectoria contrastada: Sambre y La Tarrancha. De los quagora, na so web, pueden sentise los primeros temes. Sambre va pau ente pasu consolidandose dientru’l mundiu rock-folk d’Asturies. “Na Solombra” ye’l títulu de so primer discu que yá sentama a poder atopar nes tiendes habituales. Sambre descata polos sos sonidos puros y la so actitú enriba l’escenariu. D’otra mano , La Tarrancha, col so soníu mecigaya-fusión, ye un grupu veteranu nos escenarios festivos asturianos. Dempués de siete años de vida, llegó’l momentu de grabar el so primer discu de llarga duración. Ska, fusión, reggae, funk, rock, folk, vientos… una mecigaya de soníos nos escenarios que nun dexarán que naide quede nel so asientu ensin blincar y baillar. El discu tará a finales de mes nes tiendes. Siente equí unos adelentos de los discos de Sambre y de La Tarrancha 23 de payares, 2009 0 FacebookTwitterPinterestEmail
Conceyos Sariegu celebra una Esfoyaza Popular esti vienres by asturnet 20 de payares, 2009 Güei, vienres 20 de payares el Polideportivu de Vega en Sariegu va acoyer a partir de les siete la Esfoyaza Popular, que llega esti añu a la so sétima edición. LAyuntamientu collabora col Grupu Deportivu 6 Conceyos pa esti eventu, nel que van facese llabores como la esfueya de panoyes o enrestrar con blimes, entamase xuegos dantaño, espadañes y bilortos. Amás, va entamase un amagüestu con sidra del duernu, amenizáu polos cuentos y cosadielles de Miliol del Nido. Toes estes actividaes van ser gratuítes y los organizadores piden a los participantes na esfoyaza que vaigan «vistíos dépoca». 20 de payares, 2009 0 FacebookTwitterPinterestEmail
Música Lasturianda llega güei al Centru Municipal dEl Coto (Xixón) by asturnet 19 de payares, 2009 La Fundación Municipal de Cultura, Educación y Universidá Popular del Conceyu de Xixón, en collaboración cola Asociación dIntérpretes de la Canción Asturiana (AICA) ufre güei xueves un espectáculu de tonada a partir de les 19:30 hores cola actuación de Noelia de Dios Fernández y Armando Quintes Ordieles, acompañaos a la gaita por Natalia Fernández Vázquez, amás duna representación de teatru costumista a cargu del Grupu de Teatru Rosario Trabanco. Les actuaciones tán dientro del yá célebre ciclu xixonés Lasturianada nos Centros Municipales. 19 de payares, 2009 0 FacebookTwitterPinterestEmail
Música Entamal II Outono Cultural en Bual by asturnet 13 de payares, 2009 Lasociación xuvenil “Mezá” organiza la segunda edición d’estes xornaes culturales na Casa da Cultura del conceyu de Bual, que van durar hastal 5 davientu. La primer fecha correspuende a la charra de los hestoriadores Esperanza Martín y Fernando R. del Cueto titulada “El trabayo d’arqueólogo nel occidente d’Asturias”, que va celebrase a les seis. Darréu, a les ocho la tarde, va celebrase un conciertu del cantautor Alfredo González. La segunda fecha va cuntar cola presencia de Xosé Antón Fernández Ambás y Guillerme Ignacio Costa titulada “A tradición oral en Asturias y Galiza: culturas ermás” y el conciertu de Mezá. 13 de payares, 2009 0 FacebookTwitterPinterestEmail
Música UNA cree que la SGAE pon en peligru los eventos musicales en munchos conceyos by asturnet 11 de payares, 2009 Tras el nuevu casu de Cabranes Faustino Zapico, dUnidá Nacionalista Asturiana, denuncia que la SGAE va impedir que munchos Conceyos asturianos y otres entidaes puedan organizar eventos musicales pa los sos ciudadanos. La formación nacionalista llamó l’atención sobre los casos últimos de deldes imputaes a corporaciones llocales o comisiones de fiestes polos derechos d’autor. UNA yá s’allugó’l pasáu mes de febreru en contra de les tases de la SGAE por actos culturales populares a traviés del so conceyal de Carreño, daquella Santiago Artime, polos pagamientos a esta entidá que fixo’l conceyu, qu’amás d’escesivos ya inxustificaos, impedíen la celebración de fiestes populares pol costu que suponen estes tases. Pela so parte, el portavoz nacional d’UNA Faustino Zapico, en referencia a la delda de 7.500 del Conceyu de Cabranes a la SGAE declaró que la SGAE ta convirtiéndose nun peligru pa la cultura popular n’Asturies y cuida que ye increíble qu’una sociedá que diz representar la cultura tea tentando de lucrase ensin criterios claros de la so difusión per parte de los Conceyos y otres entidaes. Dende’l puntu de vista d’UNA ye intolerable que la SGAE recaude dineru de la música popular asturiano y esto nun reinvierta nada nos propios músicos asturianos”. Asina mesmo UNA, criticó la presión que la SGAE fae sobre iniciatives socioculturales n’Asturies como el “Pueyes rock qu’ante la demanda de la SGAE al entamador del evento tuvo que suspendese, acabando con uno de los festivales d’iviernu onde los grupos asturianos teníen la posibilidá de dase a conocer. UNA propón que s’establezan unes tarifes especiales pa los actos de difusión cultural de traza pública. D’igual manera, la organización asturianista quier que s’identifique perfectamente en conceptu de qué derechos cobra, tanto igües como pieces orixinales, pa qu’en nengún casu la música tradicional se vea fiscalizao pola aición de la SGAE. 11 de payares, 2009 0 FacebookTwitterPinterestEmail
Música Silvino Antuña ganó’l V Premiu Nacional “Martínez Torner” by asturnet 10 de payares, 2009 El Conceyu d’Uviéu otorgó’l que ye’l V Premiu Nacional de Folclore ‘Martínez Torner’, convocáu pola Escuela Muncipal de Música Tradicional Asturiana, al cantante de tonada Silvino Antuña, más nomáu como Silvino’l Xastre. El premiu va entregase’l día 24 de payares a les 19.30 hores na Sala de Cámara del Auditoriu Príncipe Felipe. Silvino Antuña Suárez, sastre de profesión, tuvo siempre como pasión la canción asturiana. Utilizó los llocales de la sastrería que rexentaba en Sotrondio como improvisada escuela, que llegaría a constituyise baxo la so direición como ‘Academia de Canción Asturiana’, col patrociniu de la Diputación Provincial d’Asturies. 10 de payares, 2009 0 FacebookTwitterPinterestEmail