Educación Una doctora que se define como falante materna dasturianu ye candidata a Decana by asturnet 25 de payares, 2010 La profesora Aquilina Fueyo dio anuncia’l miércoles 24 de presentar la so candidatura al Decanatu de la nueva “Facultá de Formación del Profesoráu y Educación”, xurdida de la fusión ente les vieyes Escuela de Maxisteriu y Facultá de Ciencies de la Educación. La candidata, que yá fuere decana de Ciencies de la Educación, afirma tener lasturianu como llingua materna y tien participaos en trabayos y apoyao la llingua y la cultura d’Asturies nel pasáu. Xustamente na nueva Facultá ye onde más presencia reglada tien la llingua asturiana (“mención” d’asturianu nel Grau de Maxisteriu d’Educación Primaria, y “especialidá” d’asturianu nel Master d’Educación Secundaria), presencia que la candidata diz va encontar cola so xestión, casu de resultar escoyida nes elecciones del próximu 15 d’avientu. 25 de payares, 2010 0 FacebookTwitterPinterestEmail
Conceyos Bloque por Asturies propón que la Casa Cultura de Gozón se dedique a Cristino García by asturnet 24 de payares, 2010 El conceyal del Bloque por Asturies en Gozón, Pablo Fernández, pidió nel Ayuntamientu que énte la negativa del PP a otorgar una cai a Cristino García, que la casa cultura del conceyu pase a denomase ´Casa de Cultura Cristino García. Cristino García Granda (Gozón, Asturies, 3 de xunu de 1913 – Madrid, 21 de febreru de 1946) foi un militante comunista, sindicalista y guerrilleru antifranquista y miembru de Resistencia Francesa demientres la Segunda Guerra Mundial. 24 de payares, 2010 0 FacebookTwitterPinterestEmail
Educación El Colexu Xovellanos lleval mundu rural a los sos escolinos by asturnet 24 de payares, 2010 Esti miércoles 24, el Colexu Xovellanos de Xixón apurre a los sos alumnos una esposición de preseos rurales. Más de doscientes pieces propiedá de Porfirio Rojo Díez, maestru xubiláu, que va esplicar a los guah.es lusu de caúna delles. Amás, dientro de los actos tán programaes charres y otros actos hastal 30 de payares, con un amagüestul día 25 a les cinco la tarde. GuÃa didautica de les Xornaes 24 de payares, 2010 0 FacebookTwitterPinterestEmail
Conceyos LAcademia avanza na recoyida de la toponimia dUviéu by asturnet 19 de payares, 2010 LAcademia de la Llingua Asturiana (ALLA) espublizó estos díes un númberu nuevu de la so colección de toponimia, dedicáu nesta ocasión a la parroquia uvieína de Naves. La recoyida toponímica ta fecha por Mercedes Suárez Naves. El cartafueyu yel númberu 133 de la colección de lALLA y supón la sétima parroquia estudiada na capital asturiana. LAcademia espublizó esti añu otros cinco cartafueyos dedicaos a la parroquia de Degaña, nel conceyu col mesmu nome; la parroquia de Zarréu tamién nesti conceyu; la de Felgueras en L.lena; la de La Marea en Piloña y la de Llatores, nUviéu. 19 de payares, 2010 0 FacebookTwitterPinterestEmail
Conceyos Reinaugúrase la Biblioteca de Roces tres delles obres by asturnet 19 de payares, 2010 La Biblioteca Municipal Alfonso Camín de Roces reabrió les sos puertes pa los ciudadanos en rematando les obres de remodelación de les sos instalaciones y equipamientos. La nueva biblioteca presenta agora una mayor amplitú d’espaciu, resultando más afayazdiza y accesible y dexando asina ufiertar una meyor calidá de los servicios qu’empresta al barriu xixonés de Roces. La biblioteca que ta asitiada na planta baxa del edificiu, cuenta con una sala infantil y un requexu específicu pa rapacinos con llibros y materiales escoyíos especialmente pa ellos. Al respective de la mediateca ye anguaño más espaciosa y lluminosa con seis places, mientres que la sala de prensa cunta con 12 puestos y la sala de llectura con 28 places. 19 de payares, 2010 0 FacebookTwitterPinterestEmail
Comunicación La prensa impresa en catalán medra pesie a la crisis del sector by asturnet 17 de payares, 2010 El viniente 28 de payares, va ñacer en Cataluña un nuevu mediu escritu ya impresu en papel, el diariu Ara, que se suma a otros comol célebre Avui. La industria de la información en catalán sigue medrando pesie a la crisis mundial que vivel sector. Nel proyectu dAra participen periodistes como Toni Soler, Xavier Bosch o Antoni Bassas, siendo los redactores, amás, accionistes del periódicu. Ente los oxetivos del mesmu ta ser més que un diari convencional, convirtiéndose nun diari sense fronteres mentals. Amás, nos próximos meses va entamar a imprimise una versión en catalán del diariu La Vanguardia, como vien faciéndose dende los noventa col Periódico de Catalunya. A estes iniciatives súmase la del diariu Avui, que va dar un pasu más na so fusión con El Punt. La llingua catalana ye una de les minorizaes meyor posicionaes, con decenes de cabeceres editaes, dellos canales como TV3, Canal9 o Canal Catalá y centenares demisores de calter nacional y llocal. Páxina del nuevu diariu en catalán 17 de payares, 2010 0 FacebookTwitterPinterestEmail
Educación “Clase d’asturianu na cai” pa protestar pol incumplientu de la Llei d’Usu by asturnet 12 de payares, 2010 Tres la reciente resolución del Tribunal Superior de Xusticia dAsturies, quafita que los ratios mínimos docho alumnos nun son conformes a derechu y manda al Gobiernu Asturianu a cumplir la llei y garantizar la enseñanza del asturianu, el nuevu Conseyeru d’Educación presentóse en comparecencia pública calificando l’aplicación de la llei como despilfarru, lo que la Xunta pola Defensa de la Llingua Asturiana califica como “ningunéu del drechu reconocíu de los estudiantes asturianos a poder estudiar asturianu”. La XPDLA anuncia, poro, recursu contra la sentencia y l’entamu d’una nueva campaña de movilizaciones pa desixir el cumplimientu de la llei de manera inmediata. La primer destes movilizaciones va ser una concentración y clas na cai que va facese a les 13 hores del mañana, sábadu 13 de payares, na plaza la Escandalera dUviéu. 12 de payares, 2010 0 FacebookTwitterPinterestEmail
Educación Xeira denuncia: hai dos escueles del Navia-Eo onde se ta dando asturianu en llugar de gallego-asturianu by asturnet 12 de payares, 2010 Lasociación eonaviega denuncia que na escuela de Berducedo (Allande) los alumnos tán recibiendo clases d’asturianu cuando afirmen, en Berducedo, como nes otres parroquies al occidente del Palo, fálase gallego-asturianu. Pa Xeira esti fechu resulta inesplicable yá que laministración, comenten habría tener en cuenta la realidá llingüística dAsturies y conocer les zones de cada llingua. Pa Xeira la situación resultatovía más escandalosa sabiendo questi nun yel primer casu. Xeira yá denunció yá en 2005 otru casu en Luiña (Ibias), onde sigue dándose asturianu en llugar de gallego-asturianu. La so crítica, afirmen nun va dirixida al asturianu sinón a la mala xestión pe parte de los responsables educativos que dexen que nuna zona onde se fala gallego-asturianu lasturianu-y quitel pocu sitiu que tien lasignatura. Pa Xeira la precariedá y el desamparu que sufre lasignatura de Gallego-Asturianu na Educación Primaria per parte de les instituciones que tendréi que velar por esta llingua queda clara si eschamos una güeyada botamos a la situación situación, que resumen recordando que nes 17 escueles de la zona de gallego-asturianu, namás 8 ufren lasignatura, el restu (Castropol, Bual, Xarrio, Grandas, CRA Eilao-Sarceda, CRA Occidente y A Veiga), nun tienen l asignatura. 12 de payares, 2010 0 FacebookTwitterPinterestEmail
Comunicación Uviéu Televisión estrena El Noticieru, nuevu programa nasturianu by asturnet 11 de payares, 2010 Uviéu Televisión estrena esti xueves a les nueve y media la nueche un programa nuevu nasturianu, El noticieru, un espaciu de 45 minutos quel so presentador, Xosé Lluis Remis califica como amiestu ente magacín ya informativu y nel que va haber tiempu pal resume de noticies, les entrevistes, informativa lliteraria, axenda, el tiempu y otres estayes. El programa, que pue vese na canal llocal uvieína, emítese pela TDT y Telecable y entama con un espaciu de cinco minutos dedicáu a los más pequeños, con dibuxos animaos nasturianu, fechos pol equipu del programa. Darréu una entrevista, que pal primer programa tien como convidáu al escritor Xuan Bello, un reportaxe dactualidá, espaciu pa los les novedaes lliteraries, laxenda y el tiempu de la fin de selmana. Un nuevu espaciu pal asturianu que se suma a los esistentes en televisiones como Canal10 o la TPA, ente otros. 11 de payares, 2010 0 FacebookTwitterPinterestEmail
Educación UDE algama la mayoría nel Claustru de la Universidá by asturnet 5 de payares, 2010 L’asociación Unión de Estudiantes de Asturias (UDE) foi la ganadora nes elecciones universitaries celebraes durante’l día d’ayeri na Universidá d’uviéu pa escoyer a los representantes d’estudiantes nel Claustru. UDE foi la opción más votada nel 75% de les Facultaes, siendo bultables les victories qu’algamo na Escuela Polítécnica d’Inxeniería de Xixón y nes Facultaes d’Economía y Empresa, onde nun llegaron a cubrise les places del Claustru convocaes por falta de candidatos, y Filosofía y Letras. El númberu total de representantes llográu por UDE foi de 37 claustrales, d’un total de 75, rozando la mayoría absoluta. 5 de payares, 2010 0 FacebookTwitterPinterestEmail