Música El Festival Intercélticu dOccidente presenta sos bandes de gaites by asturnet 19 d'agostu, 2009 El FIDO inaugura güei la espooisicón Memories dotra época, sobre la cultura tapiega. Lamuesa va permitir al visitante adientrarse na hestoria de la vida tapiega al traviés doxetos ya imáxenes. La esposición tará abierta tolos díes del festival de 19.00 a 21.00 hores nel Institutu Marqués de Casariego. A les 20:30 de güei miércoles, la plaza del Ayuntamientu va llenase de música coles bandes participantes nesta XIII edición de Fido. Intervendrál director del Festival, Martín Cascudo, xunto a les autoridaes llocales y autonómiques convidaes. Les bandes participantes son: Bagad Landerneau, Bagad an Eor Du, Bagad Landerneau, la banda escocesa Williamwood Pipe Band, Banda de gaitas Manxadoira (Pontevedra) y Banda gaites Villa de Mieres. A les nueve la nueche les bandes van tocar nel parque de Tapia. 19 d'agostu, 2009 0 FacebookTwitterPinterestEmail
Música Xixón 5º40′ entama mañana con xotes y un conciertín de Tuenda by asturnet 18 d'agostu, 2009 La capital de la Costa Verde estrena mañana miércoles el festival intercélticu Xixón 5º40′, cola puesta n’escena del espectáculu “Xixón con Jota”, que va entamar a les diez de la nueche nel escenariu central de Poniente. A partir de les 23:30 El Baruku, asitiáu na cai Almacenes, va acoyer una Folixa Celta con conciertín de la formación asturiana Tuenda, lliderada por Xosé Ambás. Estos actos suponen l’entamu de cinco díes nos que la música celta va tomar les cais de Xixón. 18 d'agostu, 2009 0 FacebookTwitterPinterestEmail
Música Tapia sigue colos actos del XIII Festival Intercélticu d’Occidente by asturnet 18 d'agostu, 2009 El Festival Intercélticu d’Occidente sigue celebrando un bayurosu programa, qu’inclúi activades musicales y de toa triba. Güei martes va proyectase, a les siete la tarde nel Institutu Marqués de Casariego, el vidiu “Las Brañas”, ente otres actividaes. A les 20:00 hores va celebrase un alderique dientro del ciclu “CULTURLINGUA”, que va tratar güei la hestoria del teatru costumista en Tapia, con un repás a un sieglu d’actuaciones teatrales nel llugar. A les nueve la nueche “Música pal teatru” va repasar de la mano de la banda de gaites Marino Tapiega va interpretar los soníos qu’a lo llargo los años precedieron a les actuaciones teatrales de la villa. Amás, de 10 a 14 hores, ta abierta la esposición “A muyer tapiega”, que percorre la vida tradicional de les muyeres del conceyu. 18 d'agostu, 2009 0 FacebookTwitterPinterestEmail
Música El Festival Xixón 5º40 tien yá programa completu by asturnet 14 d'agostu, 2009 Esti mes d’agostu entama la primer edición del Festival Xixón 5º40′ de manes de la Conceyalía de Cultura Tradicional y Llingua Asturiana, dende la que comenten llega pa quedase y cubrir un espaciu fundamental d’ociu y cultura nel branu de Xixón. A menos duna selmana de quescomencipie, el programa pue consultase dafechu. El festival que tien como obxetivu cimeru amosar la cultura, los vezos d’unos pueblos que mos sentimos xuníos por esa mar que marca los nuesos moos de vida, según pallabres de Jesús Montes Estrada, conceyal de la estaya. El festival va inaugurasel miércoles 19 dagostu nel escenariu central de Poniente, con Xixón con Jota, mientres que nel Baruku, va tocar Tuenda. El xueves van tocar Danserien Kerne, de Bretaña; y La Deva, Los Xustos y Xanzaina, grupos asturianos. El festival inclúi la participación duna llarga riestra de grupos, y de monologuistes como Carlos Alba, el grupu de teatru Nun Tris. Amás, va celebrase un mercáu popular asturianu en Cimavill y el IX Festival internacional de gaites Villa de Xixón, ente otres munches actividaes. El pieslle van ponelu, el día 24, Dixebra y el grupu de Cánada y Escocia, The Real Mkenzies, amás duna folixa Celta con Sambre, nel Dompedro. Programa completu del Festival 14 d'agostu, 2009 0 FacebookTwitterPinterestEmail
Música Rosario Flores canta nel escenariu principal de la Selmanona de Xixón by asturnet 13 d'agostu, 2009 La cantante Rosario va presentar el so nuevu álbum Parte de mí, el so octavu trabayu. La Playa de Poniente en Xixón, va acoyer la so actuación dende les diez de la nueche y de baldre. 13 d'agostu, 2009 0 FacebookTwitterPinterestEmail
Conceyos Oficializada dafechu la toponimia tradicional de Siero by asturnet 12 d'agostu, 2009 La toponimia del conceyu de Siero apaez yá oficializada nel BOPA. El Conseyu de Gobiernu aprobárela’l miércoles 29, convirtiéndose asina nel conceyu númberu 39 cola toponimia oficial segúnn lo afitao pola Llei d’Usu del Bable/Asturianu de 1998. Ente los topónimos aprobaos tán los nomes de les parroquies dAramil, Argüeyes, La Carrera, Celles/Ceis, La Collá, Collao, Feleches, Granda, Hevia, Lieres, Llimanes, Llugones, Marcenao, Muñó, La Paranza, La Pola, Samartindianes, Samartino, Samiguel, Santa Marta, Santiago, Areñes, Santolaya, San Xuan del Cuto, Tiñana, Trespando, Valbona, Valdesoto, Viella y Santa Marina. El testu completu pue consultase nel Boletín Oficial del Principáu d’Asturies. BOPA col archivu completu 12 d'agostu, 2009 0 FacebookTwitterPinterestEmail
Música Ciclu de música clásica nel Teatru Riera de Villaviciosa by asturnet 6 d'agostu, 2009 El vienres que vien, 7 d’agostu, la Coral Capilla La Torre de Villaviciosa va abrir el ciclu Clásicos del Branu con un conciertu a les 20.30 hores nel Teatru Riera de Villaviciosa. Van segui-y el sábadu 8 Armando Orbón y Kamal Sabri cola so orixinal propuesta de música fusión de guitarra española y sarangui de la India, nel Teatru Riera a les ocho y media. Les siguientes cites van ser el martes 18 a les 20 hores cola OSP na Ilesia Parroquial, un conciertu que -otru añu- ye posible gracies a Caxastur. El sábadu 22 va sonar en Villaviciosa el jazz contemporaneu del Quintetu Cova Villegas, a les 20.30 hores, otra vuelta nel Teatru Riera. El pieslle del ciclu toca-y esti añu al recital nel marcu del Festival Internacional de Pianu de Xixón que -la primer vez- celebra ún de los sos conciertos en Villaviciosa, apurriendo al públicu llocal y de fuera la posibilidá estraordinaria de sentir solistes mozos de proyeición internacional, como la pianista Akiko Shirogane. El so conciertu va ser el vienres 28 d’agostu a les 20..30 hores nel Teatru Riera. El ciclu musical Clásicos del Branu presenta d’esta miente un programa ambiciosu y anováu, con estilos distintos y una calidá curiosa. Tolos conciertos son con entrada llibre hasta enllenar l’aforu. 6 d'agostu, 2009 0 FacebookTwitterPinterestEmail
Música Xera ufre de baldre’l so nuevu discu: Tierra by asturnet 5 d'agostu, 2009 Xera, un grupu de folk-electrónicu asturianu, vieno acabante llicenciar el so caberu trabayu discográficu, Tierra, con Creative Commons, ufriéndo a tolos aficionaos la posibilidá de descargase l’album enteru. Esto ya lo ficieron con Lliendes, presentáu en 2006, sobre’l qu’ufren nel nuevu trabayu una evolución nidia con más protagonismu vocal Con tolos temes orixinales, menos una versiónn del tema popular “Xilguerín Parleru”, cuntaron esta vegada cola collaboración de Lluis Xabel Álvarez “Texuca”, escritor, profesor y filósofu asturianu, como narrador nuno de los temas. D’esti discu Tierra, del que llevaben un tiempu avisando, asoleyaren hai unos meses el cantar L’Anduriña, y agora ufrenlu enteru pa descarga nel so sitiu web. Tierra va presentase pal 23 de setiembre nel Teatru de la Llaboral de Xixón a les ocho de la tarde. Páxina web de Xera pa descargar el discu 5 d'agostu, 2009 0 FacebookTwitterPinterestEmail
Música La Col.lá Propinde anuncia nuevu discu: A TEYAVANA by asturnet 4 d'agostu, 2009 El grupu l.lenizu La Col.lá Propinde, ta terminando de preparar lo que va ser el so tercer discu destudiu tituláu A TEYAVANA. El discu van sacalu cola so discográfica AMBITU-LAGUAÑAZ pa la seronda, nun sabemos mui bien si pa finales de setiembre o yá pa ochobre. La Col.lá entamó a grabar nel mes de mayu nos Estudios TUTU de Corevera con Sergio Rodríguez como Productor. Tamos grabando unos 15 temes pa depués escoyer unos 11 o 12, non más Entá nos queda grabar dalguna cosina ya igualo too terminar el trabayu. De momento, La Col.lá nun quier adelantar na al rodiu del mesmu. Nel discu van poder sentise temes tradicionales y temes de composición propia, munchos dellos pa cantar. En cuanto al tútulu, decidimos que fuere A TEYAVANA, porque de xemes, sentímonos asina y la nuestra música ta siempre al descubieto, ensin ninguna barrera ni teyao. Con esti títulu queremos facer el nuestru homenaxe particular a Nel Amaro, un bon amigu del grupu, quien escribió una bona montonera de columnes periodístiques entitulaes de la mesma manera, con un conteníu siempre perinteresante. Tamién quieren incluyir dientro del discu, un tema que prepararon pal programa de Camín de Cantares dirixíu por Xose Antón Ambás, col que se zarró esta temporada. El tema ye una reel.laboración que nos pasó Ambás sobre dos pieces del Gaitiru de Carabanzo y la verdá ye que foi una experiencia prestosa y si ye posible meterémoslu dientro del discu como daqué mui especial pa nos. Esti branu vienen de tocar de Sons do Vento en Galiza y vamos poder velos el prósimu día nueve dagostu en Valdesoto (Siero) y el 22 dagostu en Xixón, nel Festival 5º40, onde adelantarán dalgún de los temes nuevos pa ver como furrulen col públicu. Dempués de L.L y GÜERIA, esperemos que a la xente y siga prestando A TEYAVANA. Páxina Web de La Col.lá Propinde 4 d'agostu, 2009 0 FacebookTwitterPinterestEmail
Conceyos Esposición en Quirós sobre Burkina Fasso by asturnet 3 d'agostu, 2009 L’Ayuntamientu Quirós organiza una esposición de semeyes pa dar a conocer la presencia del conceyu en Burkina Fasso, pol mediu d’un proyectu de cooperación que se ta desenrrollando allí. Pue visitase na Casa de Cultura del 1 al 15 d’agostu, de martes a sábadu, de 11 a 14 y de 17 a 20 hores. 3 d'agostu, 2009 0 FacebookTwitterPinterestEmail