Música La Col. la Propinde finaron la xira de “Güeria” na sidrería Tierra Astur de Cualloto by asturnet 27 d'avientu, 2007 La Col. la Propinde actuaron esti xueves 27 d’avientu na sidrería Tierra Astur de Cualloto no que foi la fiesta cabera de la xira de “Güeria”. Con dos discos espublizaos y delles collaboraciones como la que ficieron col raperu “Dark la eMe” nel discu “Chigre y Dragón”, la banda ye una de les propuestes mas afitaes de la escana folk asturiana. Acabantes de xirar pa presentar el discu “Güeria”, segundu na so carrera, el grupu ta formáu pol cantante Nel; Alex Domínguez, a la gaita y los coros; David Suárez, cola flauta travesera, les xiblates y tamien a los coros; Cano na guitarra acústica y ellectrica; Lluis Moro, a los teclaos y la diatónica; Gelete, a la batería y les percusiones y David Tuñón, al baxu electricu. 27 d'avientu, 2007 0 FacebookTwitterPinterestEmail
Música La Tarrancha asoleyen un tema nuevu y busquen músicos pa la banda by asturnet 27 d'avientu, 2007 El grupu La Tarrancha ta acabante asoleyar un nuevu tema nel sos espaciu d’internet. “Tia Nemesia”, nome de la canción, ye parte del nuevu discu d’homenaxe a Dixebra nel que 21 bandes asturianes de tolos estilos musicales faen versiones de los temes de Dixebra. El discu va llevar por títulu “Salú ya dixebra. Perversiones” y va tar nes tiendes esti prósimu mes de xineru. Per otra parte, La Tarrancha siguen buscando, nuevos músicos, sobre manera un guitarrista pero tamien xente pala seccion de vientu, depues de que un de los guitarristes ya’l batería marcharen de la banda. Los componentes del grupu tienen a disposición esta dirección de correu pa tolos interesaos nel proyectu amás d’un espaciu onde se pueden escuchar les sos composiciones 27 d'avientu, 2007 0 FacebookTwitterPinterestEmail
Música La Escuela de Música Tradicional La Quintana cellebra’l so tradicional conciertu by asturnet 27 d'avientu, 2007 El Salón d’actos del Centru de Cultura Antiguu Institutu de Xixón van desenrollar esti xueves el tradicional conciertu de los escolinos y mayestros de Escuela de Música Tradicional La Quintana. El actu va entamar a les 19:30 hores y nel mesmu va haber llugar pa temes tradicionales asturianos y pa númberos instrumentales. Amás xunto con La Quintana actuarán miembros de la Escuela de Música Tradicional de Tineu. 27 d'avientu, 2007 0 FacebookTwitterPinterestEmail
Música El cuartetu de Marco Martínez actua nel Cafe Dam de Xixón nel aniversariu de la Universidá by asturnet 27 d'avientu, 2007 El cuartetu de jazz de Marco Martínez va actuar na nueche d’esti xueves nel Cafe Dam de Xixón (22:00 hores) dientro de la programación cultural organizada pola Universidá d’Uvieu por mor de la cellebración del so 400 cumpliaños. La entrada, como davezu nestos eventos de la Universidá ye llibre y de baldre. Marco Martínez Jazz Quartes ye la banda heredera del proyectu que entamaron en 1998 los músicos Marco Martínez y Xaime Arias col grupu Quatro Jazz Quartet. La banda paseo’l so jazz iconoclasta por escenarios como’l Festival Internacional de Jazz de Getxo, el Festival “Jazz en el Museo” de Badajoz o la Muestra de Jazz Ibiza. N’Asturies tienen actuao enentaes d’esta ocasión nel Festival de Ribeseya y nel ciclo “Jazz Cajastur”. 27 d'avientu, 2007 0 FacebookTwitterPinterestEmail
Música Los sones dAlebrix lleguen güei a la Casa Cultura dAvilés by asturnet 26 d'avientu, 2007 El xoven compositor castillonense Ernesto Paredano, descendiente de conocíes families valdesanes, presentarál so discu Alebrix güei, miércoles 26 davientu, a les 7 la tarde, nel Auditoriu de la Casa la Cultura d Avilés. Con esti motivu, va ufiertase un conciertu nel que actuará lintérprete del discu, el perconocíu barítonu castrillonense David Menéndez acompañáu al pianu por Ernesto. Les lletres dAlebrix son poemes adaptaos de la valdesana, poeta, maestra y académica de la llingua asturiana, Esther García. 26 d'avientu, 2007 0 FacebookTwitterPinterestEmail
Música Astro Discos asoleya’l documental “Cambia de vida: el viaje del Xixón Sound” by asturnet 25 d'avientu, 2007 Tres dos años d’espera Astro Discos, coincidiendo col so 13 cabudañu, asoleya’l documental sobre la escena musical xixonesa de los 90 “Cambia de vida: el viaje del Xixón Sound” d’Elena Medina y Jose A. Fernández. Esta película cunta con testimonios de los protagonistes de, lo que la prensa dio en nomar, Xixón Sound, amás d’una hora de conteníos extra con entrevistes, dos curtios de los dos propios realizadores y ensayos de bandes como Sangrientos, Nosoträsh, Detritus X y Jorge Explosión. 25 d'avientu, 2007 0 FacebookTwitterPinterestEmail
Música Ernesto “Paredano” García ya’l barítonu David Menéndez ponen música a los poemes d’Esther García by asturnet 24 d'avientu, 2007 Ernesto “Paredano” García ya’l barítonu David Menendez presenten esti miercoles (18:00 hores) na Casa municipal de Cultura d’Aviles el discu “Alebrix”, un trabayu nel que los dos músicos canten poemes d’Esther García. Nel actu van tar presentes los cantantes y la poeta y xunto con ellos asistirán Lisandro Lombardía, director del Festival Intercelticu de Lorient y Román Álvarez, conceyal de Cultura d’Aviles. Los poemes d’Esther García tan escritos ente 2003 y 2005 y cunten con música d’Ernesto García y la voz de David Menendez. 24 d'avientu, 2007 0 FacebookTwitterPinterestEmail
Música Morrió José Blanco Alonso, gaiteru mayor de Xixón dende 1963 by asturnet 24 d'avientu, 2007 Morrió Jose Blanco Alonso, gaiteru mayor de Xixón dende l’añu 1963. “Pepín el de la luz”, como yera conocíu popularmente, falleció ayeri a los 90 años d’edá por mor d’un infartu. Esti llunes a les 13:00 hores los familiares van cellebrar el funeral pola so memoria na Ilesia Parroquial de la Inmaculada. Pepe Blanco exerció de gaiteru mayor de la ciudá hasta va bien poco, tocando inclusive’l pasáu mes. Xunto con Belarmino Viña o Jose Luis Castaño, que lu acompañaben al tambor llevó la música tradicional asturiana por paises como Mexico, EE UU, Puerto Rico, Rusia, Suecia Egipto o Polonia. 24 d'avientu, 2007 0 FacebookTwitterPinterestEmail
Música Jaime Urrutia defiende les canciones de “EnJoy” na xixonesa Sala Albéniz by asturnet 22 d'avientu, 2007 Jaime Urrutia, el que foi cantante de Gabinete Caligari, va actuar esti sábadu na sala Albeniz de Xixón nun conciertu que forma parte de la xira que lu ta llevando por tola península pa presentar “EnJoy”: el que ye’l so primer discu recopilatoriu rexistráu en directu na madrileña sala Joy. Nesti trabayu, que incluí númberos de la epoca de Gabinete y de la suya propia en solitariu, participen tamien dellos collacios del músicu como Ariel Rot, Bumbury o Loquillo. Les entraes pal eventu, que va entamar a les 00:30 hores, tan a la venta nes taquilles de la Albebiz (Cai San Bernardo, 62) al preciu de 20 euros, 18 euros nel casu de mercales por anticipáu. 22 d'avientu, 2007 0 FacebookTwitterPinterestEmail
Música Asturnews ufre una entrevista en vidiu col grupu “Dulcamara”, les pandereteres del sieglu XXI by asturnet 21 d'avientu, 2007 El grupu Dulcamara llevo dellos años nos escenarios, pero hasta agora nun tenía discu nel mercáu. ¡Sali, l.luna! ye’l primer trabayu d’estes moces que vienen pisando fuerte y quieren modernizar el conceptu de lo que ye una panderetera. N’Asturnews ufrimos una entrevista con dos de les sos componentes, Paula y Carmen, esta última igua un testu de nueva creación pal discu y amás ye la voz principal en dalgunos de los temes. Calca nesti enllaz pa ver el vidiu 21 d'avientu, 2007 0 FacebookTwitterPinterestEmail