Música La gaitera xaponesa Mana Ando dio un recital nel Congresu de Cultura Xaponesa by asturnet 18 de marzu, 2009 Esti martes 17, la profesora xaponesa Mana Ando acudió al Edificiu Hestóricu de la Universidá dUviéu pa cuntar nel I Congresu de Cultura Xaponesa Asturies y Xapón. Fusión de Cultures, la so esperiencia cola gaita asturiana, al traviés de la conferencia Una visión xaponesa dAsturies y la gaita. La profesora de les Universidaes de Keio y de Musashi comentó los sos anicios na gaita y terminó la charra interpretando dellos temes: La marcha dAntón, lhimnu dAstuies, quufre Asturnews en vidiu, y un tema tradicional xaponés, adaptáu pa la gaita un instrumentu del que diz toi namorada della anque tovía nun soi una virtuosa. 18 de marzu, 2009 0 FacebookTwitterPinterestEmail
Música Colunga convocal IX Certame de Gaita Asturiana El Gaiteru Llibardón by asturnet 13 de marzu, 2009 LAsociación Cultural San Roque de Llibardón y la estaya de Cultura del Ayuntamientu de Colunga convoquen conxuntamente esta nueva edición del Premiu Gaiteru Llibardón, que va celebrase na plaza Chile de la llocalidá de Llibardón, el vienres 7 dagostu. El Certame inclúi dellos premios tanto pa categoríes infantiles, como pa la de gaiteros adultos. Nel certame, que tien por modalidá única la gaita asturiana, puen participar toles persones, dixebraes en Categoría Infantil, hasta los 14 años y Categoría Xoven y Adultu, de magar los 15 años. En caúna delles van poder participar un máximu de 12 gaiteros, per orde dinscripción. El plazu papuntase terminal 31 de xunetu, teniendo dabonar un depósitu caún de los participantes de 5 euros pa los infantiles y 10 pa la categoría adultos, nel númberu de cuenta del Caxastur de Colunga 2048.0046.98.0300045978 col conceptu Certame de Gaita Asturiana. La Organización comprométese a devolver estos importes a los participantes una vez finalicel concursu. En casu de producise dalguna baxa, devolveráse tamién el dineru, siempre y cuando se comunique enantes del 31 de xunetu. La inscripción formalízase personalmente o unviando per corréu la solicitú a la Casa Municipal de Cultura de Colunga, asitiada na plaza lAyuntamientu desta llocalidá. Tamién pue mandase al corréu lletrónicu cultura@colunga.es Particípase con dos temes llibres, almitiéndose composiciones propies. El xuráu va dase a conocer el mesmu día del Certame, y va entregar trés premios por cada categoría, de gaita de construcción tradicional, 60 euros y troféu, y 30 euros y troféu pa los infantiles; y una gaita asturiana fecha por Vicente Prado El Pravianu, 150 euros y troféu y 100 euros y troféu pa los adultos. El gaiteru más mozu, dientro o fuera de concursu, va recibir una reconocencia. 13 de marzu, 2009 0 FacebookTwitterPinterestEmail
Música Hector Braga presenta’l so discu en Llugones by asturnet 13 de marzu, 2009 La Casa de Cultura de Lugones, aueye a les ocho la tarde la presentación nesti conceyu del que yel nuevu discu del músicu llangreanu Héctor Braga “TRAD.YE” nun acto organizáu pola Fundación de Cultura. Dempués de ganar el premiu de la crítica RTPA como meyor discu de canción asturiana del añu 2008, el vienres 23 de xineru Héctor Braga ufiertó un conciertu-presentación nel Nuevu Teatru La Felguera al que sigue agora esti de Llugones. Héctor Braga, músicu y cantante profesional, ye llicenciáu pol Conservatoriu Superior dUviéu ya intérprete de Violonchelu, Gaita, Vigulín, Harpa, Gaita Rabil, Bandurria, Mandolina… Héctor Braga concibió «Trad.ye» pa recoyer los sos conciertos individuales, dando anuncia per primer vez del so ampliu rexistru vocal y tolos instrumentos questi artista gasta nes sos actuaciones. Con un sabor acústicu y basándose nos archivos recoyíos nes sos incursiones etnomusicales, reinterpreta les asturianaes clásiques de principios del sieglu XX, actualiza romances dorixe medieval, revive larte de cantar, toca la gaita, ellabora cantares herederos del más pícaru Mester de Xuglaría, recrea la xenuina lliteratura popular de cordel… Pero lloñe de quedase na música «de muséu», Héctor Braga ufre bien daportaciones artístiques a la tradición musical quinterpreta y investiga. Web del músicu llangreanu Hector Braga 13 de marzu, 2009 0 FacebookTwitterPinterestEmail
Conceyos La Casa Conceyu acueye la presentación de “Un día na zona rural de Xixón” by asturnet 12 de marzu, 2009 El Conceyal de Cultura Tradicional y Llingua Asturiana, Jesús Montes Estrada Churruca, va presentar güei xueves, a les 13:00 hores, na Sala de Prensa del Aytuntamientu de Xixón los materiales didácticos “Un día na zona rural de Xixón”. Na presentación van participar Carmen Rúa Morán y Roberto Colunga, asesores de la Conceyalía. 12 de marzu, 2009 0 FacebookTwitterPinterestEmail
Conceyos Andecha Astur fai oficial la so felicitación al alcalde de L.lena by asturnet 11 de marzu, 2009 La organización política Andecha Astur ta acabante de presentar nel Rexistru del Conceyu L.lena un escritu empobináu al Alcalde nel que-y da la norabona por siguir lexemplu del Conceyu de Cangas del Narcea y tomar el determín de valorar como méritu los conocimientos de llingua asturiana nes pruebes daccesu a los puestos de trabayu que sufierten dende lAyuntamientu. Y ye questa organización política, comenten dende la mesma, critica y denuncia les coses que se faen mal dende lequipu gobiernu del Conceyu L.lena, pero tamién sabe reconocer y aplaudir les que se faen bien. PAndecha Astur ye lóxico y normal que se valore positivamente la conocencia de la llingua asturiana a la hora de trabayar nuna Casa Conceyu dende la que se tien quatender a ciudadanos y ciudadanes que, según afita la llexislación vixente, pero sobre too el sentíu común, tienen el drechu de rellacionase cola Alministración pública nasturianu, si asina-yos peta. Nel escritu, amás de da-y la norabona al Alcalde y al so equipu de gobiernu, pídese-y que nun ceda a les presiones, que son munches y siguirán siéndolo, y tire palantre col determín tomáu de valorar positivamente los conocimientos de llingua asturiana a la hora dacceder a un puestu de trabayu na Casa Conceyu. 11 de marzu, 2009 0 FacebookTwitterPinterestEmail
Convocatories Uviéu va acoyer el I Congresu de Cultura Xaponesa, dedicáu a la rellación dAsturies col Xapón by asturnet 11 de marzu, 2009 Lasociación La Brisa de Japón va presentar mañana xueves el programa del I Congresu de Cultura Xaponesa, heriede de les dos xornaes de cultura xaponesa celebraes en 2007 y 2008. El Congresu, que va tener a Asturies y la llingua asturiana como coprotagonistes, xunto col xaponés, va celebrase ente los díes 16 y 19 de marzu nel Edificiu Hestóricu de la Universidá dUviéu. El Club de Prensa Asturiana va recibir la presentación a les siete la tarde cola participación de Javier López Espinosa, presidente de lAsociación cultural “La Brisa de Japón” y director del Congresu, Gerardo Antuña Peñalosa, conceyal de Mocedá del Ayuntamientu. dUviéu ya Iván de Santiago González, conceyal dHermanamientos y Rellaciones institucionales. Na organización desti congresu participa tamién la Universidá dUviéu, lAtenéu Cultural Xuan María Acebal y persones venceyaes al asturianismu cultural, como Inaciu Galán, director d’area de llingua asturiana de l’asociación organizadora. Asturnews adelantal programa completu desti I Congresu de Cultura Xaponesa, tituláu Asturies y Xapón, Fusión de Cultures. Programa completu del I Congresu de Cultura Xaponesa 11 de marzu, 2009 0 FacebookTwitterPinterestEmail
Música El Vieyu Institutu de Xixón acueye un conciertu del grupu Palinka by asturnet 11 de marzu, 2009 Güei, miércoles 11 de marzu, de magar les ocho la tarde, el Centru Cultura Vieyu Institutu Xovellanos va acoyer lactuación del grupu de jazz manouche y chansons françaises, Palinka. Lactu organízalu lAlianza Francesa de Xixón. 11 de marzu, 2009 0 FacebookTwitterPinterestEmail
Conceyos Vecinos, Rector y estudiantes refuguen la instalación de la Selmana Negra nel Campus de Viesques by asturnet 9 de marzu, 2009 La decisión tomada pol Ayuntamientu de Xixón dinstalar la Selmana Negra nun recintu ferial construyíu pa esi fin nel Campus de Viesques de Xixón, ta causando una importante polémica na ciudá. A la posición contraria amosada nun principiu pol Rector Vicente Gotor, súmense agora les voces de los vecinos, que planteguen una demanda contra lAyuntamientu, y de los estudiantes, que crearon el Colectivu Estudiantes contra la Selmana Negra (CECLASA). Esti colectivu formóse cola intención de frenar la que creen ye una decisión demencial, que va hipotecar la vida universitaria en Xixón pa siempres. Una decisión del Ayuntamientu que dicen nun entender, yá que meten nel campus xixonés una actividá que nada nun tien que ver cola vida estudiantil y quimpide limportante llabor investigador que se lleva a cabu nos edificios del Campus de Viesques. Los estudiantes que conformen el colectivu piden al Ayuntamientu de Xixón y al Gobiernu dAsturies que reconsideren la so postura y saquen del Campus de Viesques esti eventu, que pa los universitarios tien poco de cultural y muncho dincomodidaes pa los estudiantes y vecinos de la zona. El colectivu preguntáse tamién si ¿solo cambiará lAyuntamientu esta llocalización cuando haya una nueva sentencia xudicial como la que sacó a la Selmana Negra de la zona dEl Molinón?. Pa evitar a los xixoneses los gastos xurídicos y les molesties duna feria que debería ser lliteraria, pero que por una mala xestión se convierte nun llugar ensin llei, onde los problemes de seguridá son continuos. Les obres de construcción del recintu yá entamaron, pero los colectivos nun se rinden nel llabor de parar la celebración de la Selmana Negra nesti espaciu. 9 de marzu, 2009 0 FacebookTwitterPinterestEmail
Música La Banda de Gaites Hardcore de Llangréu graba DVD by asturnet 8 de marzu, 2009 El pasáu vienres díi 27 los alumnos de l’actividá d’agrupación de Banda Gaites de la Escuela de Música Tradicional de Llangréu ficieron una actuación poco común, la intro pal conciertu de “Escuela de Odio” que se cellebró na Sala Albeniz en Xixón y va servir pala grabación d’un DVD. El conciertu foi grabáu pa la edición de ún DVD conmemorativu que la veterana banda llangreana de Hardcore piensa editar pa cellebrar los sos 15 años d’esisitencia. Anque, por falta espaciu nel escenariu non participaron tolos alumnos de Banda Gaites que son más de una treintena, la experiencia foi de lo más sorprendente con solu de “gaitarra” y con tolos asistentes cantando l’ Himnu d’ Asturies. 8 de marzu, 2009 0 FacebookTwitterPinterestEmail
Convocatories La Universidá dUviéu acueye al creador del programa Al filo de lo imposible by asturnet 5 de marzu, 2009 Güei xueves, a les siete y media la tarde, lEdificiu Hestóricu de la Universidá va acoyer una conferencia de Sebastián Álvaro, alpinista y creador del programa de TVE Al filo de lo Imposible, titulada “No hay nada imposible”. Esta conferencia enmárcase na Serie Papeles de la Ciencia del Ciclu de Conferencies del Aula Magna, organizáu polos Vicerrectoraos dInvestigación y Estensión Universitaria, Cultura y Deportes de la Universidá dUviéu. Sebastián Álvaro Lomba (Madrid, 1950), Premiu Nacional del Deporte 2005, ye alpinista y creador del programa de televisión española “Al filo de lo imposible”. Dempués de pasar la mayor parte la so vida na televisión pública y 27 años como director del esitosu programa, nel so haber tán 200 espediciones, ente elles los 14 ochomiles del planeta, la travesía a pie del Polu Norte y la esploración de llugares tan inhóspitos como lAntártida y Tierra de Fueu. 5 de marzu, 2009 0 FacebookTwitterPinterestEmail