Música Candás acueye esti sábadu la so VIII Nueche Celta by asturnet 18 d'agostu, 2005 Candás acueye mañana sábadu 20 la so ya tradicional Nueche Celta que nesti añu cumple la so octava edición. Felpeyu, Corquiéu Y Llendes son les bandes que van tocar nel escenariu del Prau Gervasia nesta cita irrefugable del calendariu asturianu de festivales folk. La Nueche Celta de Candás vuelve entamase un añu más después de la incertidume creada poles torgues qu’atoparan los sos organizadores col Ayuntamientu de Carreño pa la so celebración. Dende les 23.00 hores el Prau Gervasia va ser de nuevu el sitiu d’alcuentru con esta amuesa de lo más representativo de la música popular d’Asturies qu’entama l’Ensame Xuvenil Trisquel de la villa candasina. 18 d'agostu, 2005 0 FacebookTwitterPinterestEmail
Música Casu lleva a Anabel Santiago, Xuacu Amieva y Deua Dubra a la so Selmana Cultural by asturnet 17 d'agostu, 2005 La III Selmana Cultural de Casu trai pa la nueche del sábadu una nueche celta, na que van participar Anabel Santiago, Xuacu Amieva y el grupu ‘Deua Dubra’. El conciertu entama a les diez y media la nueche nel polideportivu d’El Campu. La iniciativa cultural del ayuntamientu casín, tien preparada pa esta tarde, a les cinco, nel Centru de Recepción y Interpretación del Parque Natural de Redes la obra de teatru pa neños ‘El Quijote para niños’. Mentes que’l grupu Trasluz va llevar a escena el vienres, a les siete, el testu ‘Tocome la lotería’. Pa la tarde del sábadu, va facese un encuentru ente los mozos que participen nos campos de trabayu del conceyu y los que tán nel municipiu d’Amieva. Pero l’actu central de la Selmana, va ser el conciertu preparáu pa les diez y media la nueche nel qu’actuarán Anabel Santiago, Xuacu Amieva y el grupu llavianes ‘Deua Dubra’. 17 d'agostu, 2005 0 FacebookTwitterPinterestEmail
Música Festeyos de Xixón negocia un conciertu de U2 pal añu que vien by asturnet 17 d'agostu, 2005 L’Ayuntamientu de Xixón entamó va unos díes negociaciones colos productores de les xires europees de U2 pa consiguir que la banda irlandesa toque nel Molinón l’añu que vien. Les feches que se remanen pal posible conciertu de los irlandeses asítiénlu na primavera de 2006. Acabante’l so pasu arrollador pela península ibérica la banda de Bono podía volver a Asturies si prosperen les negociaciones ente’l departementu de Festeyos del Teatru Xovellanos y los representantes de U2. Va unos díes el conceyal de la estaya, Iván Álvarez Raja viaxó hasta Donostia pa aconceyar con un de los responsables de produción de les xires internacionales de la banda y ver les posibilidaes de que l’añu que vien tean tocando en Xixón. Hasta agora desconócense los términos concretos de la negociación que podía allargase inda nos prósimos meses enantes de llegar a un alcuerdu. Esta nun ye la primer ocasión na que l’Ayuntamientu playu tenta traer a los irlandeses. Hasta agora les dificultaes de la producción técnica de los conciertos d’U2 nel formatu que s’ufiertaben impidieron que Xixón pudiere acoyer una de les sos actuaciones. Si les negociaciones actuales lleguen a bon puertu, l’Estadiu del Molinón diba afayar el posible conciertu de los irlandeses. 17 d'agostu, 2005 0 FacebookTwitterPinterestEmail
Música Dixebra esgota la primer edición del so discu “Ensin novedá” by asturnet 17 d'agostu, 2005 Dixebra tien esgotada la primer edición del so discu “Ensin novedá”(L’Aguañaz) alpenes dos meses después de ponelu a la venta. L’últimu trabayu grabáu de los avilesinos foi un de los cedés más demandaos nes tiendes de música y el cuartu nel hit parade de los más vendíos en Fnac. Mientres sigue la so xira braniega, la banda de Xune refierve nel que va ser el so prósimu discu, un trabayu en directu. La fidelidá de los fans de Dixebra y la so abatanada xira de veranu per toa Asturies son en parte curiosa los responsables de que la primer edición de “Ensin novedá” s’esgotara. Anguaño el sellu editor del grupu L’Aguañaz trabaya na publicación d’una segunda tirada de discos pa fartucar la demanda del últimu trabayu de la banda de Xune. El grupu cabezaleru del rock asturianu anunció na presentación en xunu del so últimu discu que’l prósimu diba ser un recopilatoriu grabáu en directu, un proyectu que Dixebra cuantayá allampiaba facer y que los sos numberosos fans ensin dulda van agradece-yos. 17 d'agostu, 2005 0 FacebookTwitterPinterestEmail
Música Llugo vivel rock by asturnet 16 d'agostu, 2005 Dientro del programa les fiestes de Santa María de Llugo Llanera, l’asociación de cultura y festejos ‘Perllugo’ entama un conciertu gratuitu de rock. El ‘Rock in Lugo 05’ trai a Llanera pal llunes 22 d’agostu a Mala Reputación, Jacky Trap, Human, Desakato y Tormento. A les ocho la tarde del día 22 d’agostu entamará’l conciertu del ‘Rock in Lugo 05’. La entrada a esti conciertu ye de baldre y los grupos que van participar nel festival son Mala Reputación, Jacky Trap, Human, Desakato y Tormento. Les fiestes de Llugo Llanera van durar del 19 al 23 d’agostu. El día 20, pela tarde,l’Asociación de Muyeres de Llanera va representar la obra de teatru ‘Funky’. El domingu, a la una, habrá canción asturiana y pela tarde desfilarán grupos folclóricos xunta les tradicionales carroces, tres de les qu’actuarán los cómicos monologuistes de la Paramount Comedy. L’actu estrella del llunes ye l’anunciáu conciertu de rock, pero les fiestes nun van terminar hasta la nueche del martes, con una verbena amenizada poles orquestes Sonora Real y Assia. Asociación Cultural y de Festeyos ‘Perllugo’ 16 d'agostu, 2005 0 FacebookTwitterPinterestEmail
Música VI Festival + o – Celta de Baíña by asturnet 16 d'agostu, 2005 El vienres 26 d’agostu, a les diez de la nueche, entamará el VI Festival + o – Celta de Baíña, con un ampliu repertoriu d’actuaciones, nel que destaquen los históricos Nuberu, La Bandina, La Col.lá Propinde y Anabel Santiago. Con motivu de les fiestes de San Bartolome de Baíña, el día 26 d’agostu tien llugar el VI Festival + o – Celta. La organización del festeyu tien preparáu un conciertu con un ampliu cartel de grupos folk, colos históricos entreguinos de Nuberu, La Bandina, La Col.lá Propinde y Anabel Santiago acompañada pola Asturiana Mining Company. Pa facilitar l’accesu a la fiesta ta previsto qu’esa nueche se pongan autobuses – curuxa especiales dende Mieres. 16 d'agostu, 2005 0 FacebookTwitterPinterestEmail
Música Melendi va grabar un discu acompañáu d’una banda gaites en San Matéu by asturnet 16 d'agostu, 2005 Melendi va aprovechar el so conciertu dientro les fiestes de San Matéu n’Uviéu pa grabar un DVD en directu. L’alcuentru del rumberu carbayón col so públicu va ser el prósimu 20 de setiembre y a la so formación avezada va acompañala una banda de gaites nel que quier ser el conciertu más asturianu de la so xira braniega. Les pistes de San Llázaro son l’escenariu escoyíu polos responsables de programación de Festeyos del Ayuntamientu d’Uviéu pa asitiar l’actuación del rumberu de La Tenderina. Con esta ubicación, los organizadores quieren evitar que se produza un colapsu nos accesos al sitiu del conciertu como sucedió l’añu pasáu n’actuación de Melendi na Plaza la Catedral. La presencia d’una banda de gaites y l’espardimientu masivu de banderines colos colores de l’asturiana van ser el guiñu del uvieín a la so afición local. Melendi vuelve a la so ciudá col últimu discu publicáu: “Que el cielo espere sentao”. El prósimui va ser el CD-DVD que va grabase nel conciertu de San Matéu el 20 de setiembre, l’últimu día de les fiestes carbayones. 16 d'agostu, 2005 0 FacebookTwitterPinterestEmail
Música Corquiéu y les pandereteres de Nerbia nel Tierra Astur de Cualloto by asturnet 15 d'agostu, 2005 El xueves 18 d’agostu, Corquieu actuará na sidrería Tierra Astur de Cualloto a partir de les diez de la nueche. D’esta manera, la sidrería continua col so programa de espiches-conciertu de los xueves, nes que’l día 25 van tocar les pandereteres de Nerbia. Tarañu, Fardaxu, Folixa, Risca l’Alba y Toli Morilla, son dalgunos de los grupos que tienen participao nes espiches que cada xueves entama la sidrería Tierra Astur de Cualloto (xunto l’antigua fábrica l’Águila Negra), onde, amás de disfutar de la bayura de la xinta y la sidra d’Asturies, puede escuchase lo más granao del folk y la música tradicional del país. La banda de Ribesella Corquieu y les pandereteres de Nerbia van ser los siguientes en facelo, los díes 18 y 25 d’agostu. 15 d'agostu, 2005 0 FacebookTwitterPinterestEmail
Música Venticinco años de música y danza nel Festival Internacional avilesín by asturnet 15 d'agostu, 2005 ‘Sabugo, ¡tente firme!’ organiza’l XXV Festival Internacional de Música y Danza popular qu’entama mañana cola recepción de los grupos participantes nel ayuntamientu avilesín. Nel certame d’esti añu van participar ocho grupos de los cinco continentes a lo llargo de tola selmana. El primer actu que se va facer mañana peles cais d’Aviles va ser un desfile, anque, oficialmente, el certame arranca a les siete y cuartu la tarde na Plaza Álvarez Acebal cola Misa de les Naciones. Na selmana que dura’l Festival de Música y Danza van poder vese muestres del folclore africanu, representáu por ‘Zeke Ti Beafrica’; asiáticu, col conxuntu folclóricu nacional ‘Leymer’ d’Irán; d’Oceanía, a travies de ‘Vanuato’, de les isles del mesmu nome; americanu, col brasileñu ‘Ballet de Amazonia’ y ‘Mi linda Costa Rica’. Y, como nun podía ser mesnos, con representantes europeos, col conxuntu folclóricu academicu de la Republica de Chuvachia, ‘Radost’ de Bielorrusia, y los propios ‘Sabugo, ¡tente firme!’, organizadores del alcuentru. 15 d'agostu, 2005 0 FacebookTwitterPinterestEmail
Música Entamal IX Festival Intercélticu del Occidente by asturnet 15 d'agostu, 2005 El Festival Intercelticu del Occidente, entama mañana en Tapia con un programa repletu d’actos. El director xeneral de Promoción Cultural y Política Llingüística, Carlos Madera, va tar presente mañana miercoles, 17 d’agostu, na presentación d’esti festival, que se va durar hasta’l 22 d’agostu. L’eventu empieza coles actuaciones de «Bagad Landerneau», de Gran Bretaña; los asturianos «Camín de Fierru»; «Williamwood Pipe Band», d’Escocia; «Corisco», de Galicia, y el grupu alemán «Volkstanzgruppe». Amás, mañana va proyectase un vídeu sobre hórrios y paneres y ta prevista una conferencia sobre «bandurries» asturianes, que va presentar el profesor de la Escuela de Música del Ayuntamientu de Tapia Jose Ángel Llanera. De nueche va cellebrase la primera verbena tradicional asturiana, na que dos bandes van interpretar música ambientada nel sieglu XIX. El xueves va poder disfrutase de diversos talleres, como’l de dances bretonas, el taller d’harpa y la esposición «Rabeles en España». Amás de la conferencia sobre «Folclore Galicia siglo XXI». La nueche tará llena de folk, coles actuaciones de «Save The Dragons», d’Escocia, y «Folixa», de l’Arxentina. El fin de selmana entama’l viernes con una conferencia sobre la gaita n’Alemania y otra sobre la flauta dientro del mundu del folk, con Xurto Santote, amás d’un cursu de percusión de Manuel Durán. De nueche la música cuerre a cargu de los asturianos «Rum» y los gallegos «Xistra de Coruxo». Mentes qu’l sábadu habrá un taller de danza gallega, un taller de gaita escocesa y un pasacais de les bandes del festival. Esti día tendrá llugar la «nueche máxica», con cuatrocientos artistes y la representación del grupu de teatru «Margen». El domingu toca un gran conciertu de música folck nel que van participar «Les Batinses» de Canadá, los asturianos «Llangres» y los escoceses «Breizh Le Cam». El programa termina’l llunes con un cursu d’averamientu a la gaita asturiana. Nel actu de presentación de mañana van tar presentes tamien l’alcalde de Tapia, Gervasio Acevedo; el director del FID´O, Martín Fernández; el director del centru territorial de TVE n’Asturies, Pedro Alberto Marcos, y un representante de Cajastur, Sociedá Xeneral d’Autores y el diariu La Nueva España. Esti festival, organizáu pola Banda Gaites Marino Tapiega, vien cellebrándose dende hai nueve años con gran esitu, convirtiendose asina nun referente de la música celta. 15 d'agostu, 2005 0 FacebookTwitterPinterestEmail