Sociedá IX atalanta quun debate electoral ensin la so presencia sedría antidemocráticu by asturnet 10 d'abril, 2007 Jesús Iglesias, candidatu a la presidencia del Principáu dIX-BA-Verdes, considera quun debate a dos bandes nel quúnicamente participen los candidatos de PP y PSOE sería antidemocrático y podría considerase una falta de respetu, non a Izquierda Xunida, sinon al electoráu de la coalición y a la sociedá asturiana ya que marxinaría la propuesta dun partíu que, por voluntá afitada de los ciudadanos dende hai cuatro años, vien participando nel gobierno del país. Izquierda Xunida desixirá y demandará al PP y al PSOE la so presencia y participación, al mesmu nivel, nos posibles debates electorales que se celebran hastal 27 de mayu. Sigún asoleya na so páxina web Izquierda Xunida, Jesús Iglesias dexó bien afitao que la propuesta de IU-BA-Verdes va a ser la que determinará el gobierno de Asturias darréu de la iniciativa de PP y PSOE de protagonizar debates colos sos dos candidatos, cuando la política en Asturias desde hace cuatro años es cosa de tres. 10 d'abril, 2007 0 FacebookTwitterPinterestEmail
Sociedá Presentóse la coalición nacionalista Unidá by asturnet 9 d'abril, 2007 Andecha Astur (AA), Izquierda Asturiana (IAS) y los Verdes-Grupu Verde presentaron esti llunes 9 d’abril la coalición electoral “Unidá”, opción nacionalista que va tener por candidatu al escritor Ignaciu Llope y que xurde d’un alcuerdu programáticu que llevare dellos meses de negociación. Los oxetivos de la coalición pasen por defender la identidá asturiana y proponer un modelu social, económicu, y ecolóxicu basáu na xusticia social. Llope calificó na presentación a “Unidá” al gobiernu asturianu como “desfasáu y ensin idegues” y descartó darréu cualaquier alianza colos partíos d’esi gobiernu en casu de llograse representación na Xunta Xeneral. Na presentación de la candidatura participaron tamién, Germán Abad, representante d’Andecha Astur, el secretariu xeneral d’IAS, Faustino Zapico, Violeta Santapaz y Santiago Artime, conceyales d’Andecha Astur por Riosa y Candás, que van ocupar los númberos dos y trés de la llista de “Unidá” na circunscripción central tres d’Inaciu Llope. El candidatu pela circunscripción oriental va ser Germán Abad y el de la occidental Roberto Menéndez. Acuerdu programáticu de la coalición 9 d'abril, 2007 0 FacebookTwitterPinterestEmail
Sociedá Gabino de Lorenzo acusa al Presidente de caltener el mesmu “cercu” a la lllngua qu’a la capital by asturnet 8 d'abril, 2007 “Amigu Vicente, espero que nun t’enfades porque escriba n’asturianu pues fáigolo porque lo siento y tamién por solidaridá, porque la verdá ye que-y tienes puesto un cercu tan altu como’l que sufrimos na capital del Principáu que presides.” Con tan nidies y dures pallabres Gabino de Lorenzo fina una carta empobinada al Presidente del Principáu y espublizada esti domingu por La Nueva España na que s’afita l’apueste que l’alcalde d’Uviéu vien faciendo nestos caberos meses pola llingua asturiana. Depués d’emplegar l’asturianu na presentación de la so candidatura a les elecciones municipales y de dirixir una carta n’asturianu a Antonio Trevín, Gabino de Lorenzo torna a emplegar l’asturianu pa criticar a Areces y failo amás afitando que lo que ta faciendo’l Presidente del Principáu ye “cercar” a la llingua talamente como a la capital. Na carta, entitulada “Cuentiquinos” y espublizada esti domingu en La Nueva España, Gabino de Lorenzo, diz que “los del Ministeriu Fomento primero dicíen que si facíamos la Llosa diba entornase la iglesia de Santullano. Agora dicen que nun tienen perres y tu, que yes un señor, vas y dices que-yos les adelantes. ¡Cómo yes, entovía tan cayéndome les llárimes col to detalle!. Amigu Vicente: delles veces toos metemos algo la patuca. Pero home, ye que a vosotros nun vos da tiempu a sacala y ya tais otra vez nello. Per esi camín van llevantate’l cargu, ya toi viendo a Ovidio encaramáu nel to escañu. Déxailu fríu qu’él ye algo delicáu pa eses coses.” Cuentiquinos 8 d'abril, 2007 0 FacebookTwitterPinterestEmail
Sociedá Xuristes pol Asturianu presentó’l “Dictame sobre’l conflictu llingüísticu n’Asturies” by asturnet 2 d'abril, 2007 L’Asociación “Xuristes pol Asturianu” presentó en Xixón esti llunes 2 d’abril, a les 20 hores, el so estudiu “Dictame sobre’l conflictu llingüísticu n’Asturies”. El dictame xurídicu sobre’l Conflictu Llingüísticu n’Asturies ye ún de los primeros trabayos del grupu y nelli afitase que’l fechu de nun declarar l’asturianu como llingua oficial “ye nestos momentos un desacatu a la Constitución Española, asina como a otros convenios y trataos de calter internacional” espeyando como la llingua asturiana y los sos falantes son discriminaos na aplicación de los artículos 3.2 y 3.3 de la Constitución Española. L’Aconceyamientu de Xuristes pol Asturianu fórmenlu un grupu d’abogaos y profesionales del derechu, ente ellos Xosé María Estrada Janariz, Xurde Blanco Puente y Xesús Xabel Álvarez Villa, y la so actividá alrodiu la defensa de los derechos llingüísticos n’Asturies. 2 d'abril, 2007 0 FacebookTwitterPinterestEmail
Sociedá Finó’l caberu de los cursos pa periodistes de la Oficina de Política Llinguística by asturnet 1 d'abril, 2007 El pasáu sábadu 24 de marzu pesllóse’l Cursu Básicu d’Asturiano Faláu pa Profesionales de la RTPA, que se venía faciendo dende’l 2 de febreru nes dependencies del ente públicu de comunicación. Esti yera’l caberu de los cursos pa periodistes que venía desendolcando la OPL. Sigún s`asoleya na páxina web de la Oficina de Pólítica Llinguística, nesti cursu, de 40 hores, matriculáronse 37 periodistes y trabayadores de la comunicación, y impartiéronlu los filólogos Fernando Álvarez-Balbuena, Llinu Álvarez Santidrián, Pablo Texón Castañón y Xosé Nel Comba Paz. Ye’l primer cursu d’estes característiques qu’organiza n’andecha la RTPA y la Oficina de Política Llingüística. 1 d'abril, 2007 0 FacebookTwitterPinterestEmail
Sociedá IAS y Andecha anuncien candidatura autonómica con Los Verdes-Grupu Verde by asturnet 1 d'abril, 2007 Les formaciones polítiques Andecha Astur, Izquierda Asturiana (IAS) y Los Verdes-Grupu Verde, van dir en coalición a les próximes elecciones del mes de mayu. L’anuncia, fecha esti día, fina con cásique dos meses de negociaciones. Sigún dieron a conocer les formaciones polítiques que van presentar candidatura conxunta, la llista va presentase col nome de Unidá y quier ser “una alternativa real y ilusionante en clave nacionalista asturiana d’izquierda y ecoloxista a les actuales polítiques de PSOE-IX y PP”. L’alcuerdu pa les elecciones autonómiques amiéstase al que yá fixeren públicu les formaciones nacionalistes IAS y AA va poques selmanes p’acudir a les elecciones. La formación “Los Verdes – Grupu Verde” partíu que nun tien rellación con “Los Verdes d’Asturies” que van integrando la candidatura que presenta Izquierda Xunida – Bloque por Asturies. En Los Verdes-Grupu Verde militen “dellos exmilitantes de Los Verdes d’Asturies que nun taben conformes col pautu de la so formación con IX, amás d’otros miembros de colectivos vecinales y ecoloxistes”. 1 d'abril, 2007 0 FacebookTwitterPinterestEmail
Sociedá Izquierda Xunida/BA/Los Verdes presentó les llínies programátiques de la so candidatura by asturnet 1 d'abril, 2007 Izquierda Xunida presentó esta fin de selmana les llínies básiques del compromisu programáticu de la candidatura d’Izquierda Xunida/Bloque por Asturies/Los Verdes, nun actu nel que se punxo a les clares l’apueste d’esta formación por poner en valor el trabayu desendolcáu nel ámbitu de la vivienda y los servicios sociales nesta llexislatura. Na presentación Izquierda Xunida dAsturies fizo lanuncia de que va incluyir nel so programa electoral pa les prósimes elecciones autonómiques el compromisu dabrir una nueva llinia dayudes pal pagu de les hipoteques y la creación d’impuestos nuevos sobre la vivienda desocupao, los solares ensin edificar y los depósitos bancarios. Sigúnn desplicó’l candidatu de la coaliciçon xunta l’actual Conseyera de Vivienda, Laura González, y el Direutor Xeneral d’esa Conseyeria, Manuel Orviz, “ente la medra de los tipos dinterés son munches les families asturianes que lleguen a fin de mes con agobios nes sos cuentes familiares. Durante lúltimu añu y mediul Bancu Central Européu incrementó siete veces el preciu de los créditos padquirir una vivienda, lo que xenera dificultaes pamortizar les viviendes adquiríes. Pa iguar esta situación Izquierda Xunida dAsturies va comprometese en poner en marcha una llinia dayudes a la que van poder optar les persones quadquieran la so primera vivienda, constituyeran una hipoteca a partir del añu 2000 y tengan una ingresos, por unidá familiar, per baxo de 3,5 veces lIndicador Públicu de Renta dEfectos Múltiples (IPREM), que se sitúa aprosimadamente en 1.800 euros mensuales” . Esti compromisu, que va llevase a cabu si Izquierda Xunida gobierna nAsturies, ayudaría a un númberu de families que ronda les 130.000, según los datos que manexa la Conseyería de Vivienda y quel vienres dio a conocer el Coordinador Xeneral dIzquierda Xunida dAsturies y candidatu a la presidencia del Principáu, Jesús Iglesias. La llinia dayudes “va beneficiar por igual a quienes merquen una vivienda llibre quuna protexida. Layuda va poder ser recibida polos demandantes mediante un pagu únicu añal”. Esta cuantía empobinada a meyorar la situación de los asturianos a la hora de facer frente a les sos hipoteques nun va condicionar nin hipotecar los presupuestos autonómicos, como aseguró Jesús Iglesias durante la so intervención xunta a Laura González, Conseyera de Vivienda y Bientar y Manuel Orviz, Director Xeneral de Vivienda. Lobxetivu dIzquierda Xunida dAsturies ye caminar hacial reconocimientu de la vivienda como un derechu subxetivu de tolos asturianos. Pa ello va potenciar tamién una Llei Asturiana de la Vivienda y va impulsar que la nueva redacción del Estatutu dAutonomía tamién incluya esti derechu constitucional. Documentu de llinees programátiques 1 d'abril, 2007 0 FacebookTwitterPinterestEmail
Sociedá L’Academia pide una definitiva toma de determín con respeutu a les llendes xurídico-oficiales del asturianu by asturnet 29 de marzu, 2007 L’Academia de la Llingua Asturiana dexó afitao esti día que “llamenta, daveres y fondamente, qu’el so llabor tutelar de los derechos llingüísticos tenga que ser una de les sos obligaciones más frecuentes” y que sía l’Alministración asturiana, “xustamente la que que tendría que facer de so la proteición de los nuesos derechos llingüísticos” la que “incumpla gravísimamente esi cometíu al refugar de mou esplícitu l’exerciciu de tales derechos”. Nun comuinicáu públicu la institución fizo tamién una propuesta a la Xunta Xeneral del Principáu pa iguar la situación. Sigún diz nesi comunicáu la presidenta de l’Academia de la Llingua Asturiana, Ana Cano, “yá nun ye solo que lasturianu seya la única llingua del Estáu que nun tien reconocíul so estatus como llingua oficial, sinón que, mesmamente, lexerciciu dun derechu incuestionable, como yel del emplegu de la llingua propia na rellación de los ciudadanos cola Alministración, vien siendo torgáu por decisiones quincumplen gravemente la llexislación europea (Carta de les Llingües Rexonales o Minoritaries), la española (Constitución) y el propiu ordenamientu xurídicu nel Principáu (Estatutu dAutonomía y Llei dUsu del Asturianu). Y ye lAlministración asturiana, xustamente la que que tendría que facer de so la proteición de los nuesos derechos llingüísticos, la quincumple gravísimamente esi cometíu fundamental al refugar de mou esplícitu lexerciciu de tales derechos. Decisiones como la non tramitación de la Tesis Doctoral del profesor Faustino Zapico o la denegación de cursar un permisu, pa ser sometíu a pruebes médiques, a D. Xurde Blanco, funcionariu de los Servicios Xurídicos del Principáu, poniendo nambos casos como xida lemplegu de la llingua asturiana, son bona prueba de lo que dicimos”. Inda más sangrín A estos fechos, denunciaos nel so momentu pola Academia de la Llingua Asturiana, hai quaxuntar agora la non tramitación per parte de la Conseyería dEducación duna comisión de serviciu, fecha pol profesor Xosé Nel Comba nasturianu. El presente casu ye sigún la institución llingüística “inda más sangrín, si ello ye posible, en cuantes quel mentáu profesor venía faciendo usu desti derechu, reconocíu esplícitamente na Llei dUsu del Asturianu nel so artículu 4, dende lañu 2004 y ensin nenguna torga burocrática. La mala fe ye bultable, amás, teniendo en cuenta que la documentación tramitada ye, darréu del so calter alministrativu, comprensible dafechu por cualquier funcionariu, al marxe del so conocimientu de la llingua asturiana”. Esti facer ye pala Academia “especialmente doliosu en cuantes quel discursu oficial del Gobiernu del Principáu dAsturies caltién que la oficialidá nun ye necesaria, porque nAsturies hai llibertá dusu llingüísticu acordies cola llei. La realidá, ensin embargu, ye mui estremada desque yel propiu Gobiernul quincumple la so obligación de promoción del asturianu y, nel so casu, prohíbelu cenciellamente”. Propuesta a la Xunta LAcademia diz nel comunicáu fechu públicu esti día conocer esta situación y ser sabedora dotres munches situaciones de discriminación llingüística y “nun pue, dende llueu, zarrar los güeyos énte una realidá dramática pa la llingua y la cultura del Pueblu Asturianu”. Poro, da anuncia de que, con calter urxente, y como máxima Institución llingüística del Principáu, empobinará darréu a la Xunta Xeneral o, nel so casu, a la Diputación Permanente del parllamentu asturianu, asina como a los grupos parllamentarios, la propuesta dalcuerdu que vien darréu: La llingua asturiana ye un patrimoniu milenariu del Pueblu Asturianu y, como tal, forma parte de la herencia cultural de tolos asturianos y asturianes ensin esclusión. Esti patrimoniu, como larte y otres manifestaciones culturales de nueso, necesita proteición y actualización. Poro, lemplegu de la llingua asturiana per parte de los ciudadanos que quieran facer usu della y el so reconocimientu con valir llegal son el meyor encontu pa la so proteición y actualización. Les instituciones asturianes dautogobiernu tienen la obligación de facer quel derechu de los ciudadanos asturianos al usu de la llingua asturiana seya, acordies cola llegalidá vixente, plenamente efeutivu. Nesti sen, la Xunta Xeneral del Principáu, muérganu históricu de representación de los asturianos, encamienta al Gobiernu del Principáu que faiga vidablel derechu de los ciudadanos al emplegu del asturianu nes sos rellaciones coles instituciones asturianes y, nel so momentu, coincidiendo cola reforma del Estatutu dAutonomía dAsturies, proponga una definitiva toma de determín con respeutu a les llendes xurídico-oficiales de la so consideración. Aguarda lAcademia de la Llingua Asturiana que la Xunta Xeneral del Principáu, una de les instituciones de más fondu raigañu nAsturies y de más altu significáu pa los asturianos, sepa tar al altor desta xusta y democrática demanda y, darréu dello, la acueya como propia. 29 de marzu, 2007 0 FacebookTwitterPinterestEmail
Sociedá El PP ya IX defenden en Siero y Samartín la oficialidá escontra’l PSOE by asturnet 29 de marzu, 2007 El Plenu del Conceyu de Siero aprobó esti xueves una moción na que se pide a la Xunta Xeneral del Principáu que declare la oficialidá del asturianu colos votos favoratibles de los grupos del Partíu Popular, Izquierda Xunida y Conceyu y la posición a la escontra del del PSOE. En Samartín del Rei Aurelio refugóse cola mayoría socialista otra moción asemeyada, cola que PP ya IX mostraronse al favor. La moción taba presentada en Samartín por una iniciativa cívica col aval de más de 500 firmes que xunta los votos de PP ya IX nun pudieron cola mayoría absoluta del PSOE. La posición de los socialistes nos dos conceyos argumentose siempre por “coherencia cola postura de la FSA” y por atalantar que “nun ye’l momentu más afayadizu”. 29 de marzu, 2007 0 FacebookTwitterPinterestEmail
Sociedá Más de 500 firmes avalen una moción pa que lAyuntamientu de Samartín by asturnet 27 de marzu, 2007 Dellos sectores cívicos de Samartín del Rei Aureliu van llevar al plenu desti xueves, 29 de marzu, una moción con cuenta de que lAyuntamientu inste a la Xunta Xeneral al reconocimientu dafechu de los derechos llingüísticos de los falantes dasturianu na prósima reforma estatutaria. Siguiendol camín marcáu en conceyos comol de Villaviciosa gobernáu pol PP y el de L.lena gobernáu pol PSOE, que yá cuenten con declaraciones institucionales quinsten a la Xunta Xeneral del Principáu dAsturies a otorgar el status doficialidá a la llingua asturiana, diversos sectores del mundu social y cultural del conceyu de Samartín del Rei Aurelio promueven dende la participación cívica ciudadana una moción pa que nel Plenu del Ayuntamientu resuenen les más de 500 firmes de vecinos y vecines del conceyu que respalden la propuesta. La moción contempla en tou momentu la VOLUNTARIEDÁ del individu a la hora dexercer los derechos llingüísticos amparándose nes diverses lleis, constituciones, declaraciones y cartes de derechos yá esistentes y califica de discriminación el fechu de que notres partes del Estáu se contemplel derechu a usar en tolos ámbitos la llingua patrimonial y nAsturies, non. Tala moción foi remitida a tolos grupos políticos con representación na Casa Conceyu de Samartín, ente los qualcontról sofitu dIX-BA, que sedrál grupu que presente esta reivindicación ciudadana nel plenu pal debate y, si atropa apoyos suficientes, la so posterior aprobación. 27 de marzu, 2007 0 FacebookTwitterPinterestEmail