Cine Avilés acueye un festival sobre surf organizáu pola asociación Artículo20 by asturnet 7 d'avientu, 2007 L’asociación cultural Articulo 20 d’Aviles organiza pa esti xueves 7 d’avientu la primer edición de Surfilm Cinefest, festival cinematográficu empobináu a difundir el legáu cultural que acompaña a la praútica del surf. De les 17:00 hores a les 22:00, la Casa de Cultura de la capital avilesina acoyerá delles proyecciones y una mesa redonda d’alderique sobre mediu ambiente y cambiu climáticu. La asistencia ye llibre y le entrada de baldre. Esta iniciativa de Art20 tamien cunta col sofitu nes llabores organizatives de la Conceyalía de Cultura del Ayuntamientu d’Aviles y los responsables del Surfilm Festibal de San Sebastián 7 d'avientu, 2007 0 FacebookTwitterPinterestEmail
Sociedá El CAO dirá en primavera al parlamentu européu pa informar sobre la llingua asturiana by asturnet 6 d'avientu, 2007 El Conceyu Abiertu pola Oficialidá (CAO) va dir al parlamentu européu na primavera pa informar a los diputaos de la UE sobre la situación de la llingua asturiana, sigún dió anuncia esti miércoles el voceru del colectivu, Fernando Ornosa. El CAO axunta a más de 250 organizaciones, firmantes d’un manifiestu a favor de la oficialidá de la llingua asturiana qu’esti martes se llevó hasta Bruseles. Ornosa anunció nuna rueda de prensa que la intención del CAO ye solicitar la intervención de la UE y ve “mui posible” que la mesma se produza tres del conceyu qu’ayeri martes caltuvo en Bruseles con responsables de la Comisión Europea de Multillingüismu, a la qu’entregó dos informes n’asturianu y n’inglés sobre la situación de la llingua asturiana, ún d’ellos a nivel xeneral (políticu, alministrativu y social) y otru a nivel educativu, según informa Europa Press. “Tamos ya faciendo xestiones y prevemos que la intervención se produza na primavera del 2008, coincidiendo col momentu central del procesu de reforma del Estatutu d’Autonomía d’Asturies”, comentó Ornosa, calculando que’l memsu seya “n’abril”. Na declaración parlamentaria, el CAO va denunciar públicamente la “falta d’oficialidá” de la llingua, situación cola que’l so voceru entiende que se ta incumpliendo “l’artículu 3 de la Constitución Española”. Según Europa Press, Ornosa aseguró tamién que los representantes europeos colos que s’aconceyaron, ente ellos Johan Haggan, ún de los máximos responsables del organismu, xunto col comisariu Leonard Orban, “mostráronse sorprendíos” porque n’Asturies nun se declare oficial la llingua asturiana. “Tamién espresaron la so preocupación pola sobrevivencia del idioma ensin la oficialidá”, añadió. Según esplicó, “la comisión nun ye vinculante, pero informáronmos de que puen facer un llamáu d’atención al Gobiernu del Principáu” sobre esti asuntu. El voceru del CAO aseguró que la Comisón ta estudiando una posible visita a Asturies de Leonard Orban nel 2009, na que “s’entrevistaría colos principales axentes implicaos nesti asuntu”, ente los que mencionó a los representantes de los grupos políticos y de l’Alministración, l’Academia de la Llingua o los colectivos implicaos na llucha pola oficialidá. De la mesma manera, adelantó que’l CAO va caltener una “intensa comunicación” cola comisión nel añu 2008, na que van dir “informando de toles nueses actividaes asina como de la sitaución de la llingua”. Según Ornosa, na so visita a Bruseles, en compañía de Xulio Casado, otro resposable del CAO, pudieron comprobar que “n’Europa hai total desconocencia de la llingua asturiana” nel sen de que “nun saben nin qu’existe”. Al so xuiciu, esta situación débese a la falta d’oficialildá, porque “sólo ven les Llingües que son oficiales, anque seyan minoritaries; les non oficiales son inexistentes”. Criticó’l fechu de que “per parte del Gobiernu asturianu se promocione la llingua asturiana n’Asturies, pero nun haya nengún tipu de publicidá fuera, motivu pol cual existe un altu grau de desconocencia”. 6 d'avientu, 2007 0 FacebookTwitterPinterestEmail
Cine La Universidá espubliza’l guión de “La Torre de Suso”, del asturianu Tom Fernández by asturnet 5 d'avientu, 2007 La Uniniversidá d’Uvieu al travies del so serviciu d’espublizaciones ta acabante d’asoleyar el llibru que recueye’l guión cinematográficu de la película “La Torre de Suso”: obra del asturianu Tom Fernández. El volumen, de formatu bien cuidáu, incluí una introducción de la Profesora de Filoloxía Española Magdalena Cueto que foi maestra del director en dellos cursos de guión y creación cinematográfica na Universidá. Nel llibru tamien se recueye un testu del director cuntando’l procesu de creación de la película en toles vertientes de la obra, una serie de debuxos orixinales del storyboard del propiu Tom Fernández y una esbilla de les meyores semeyes de la película. 5 d'avientu, 2007 0 FacebookTwitterPinterestEmail
Cine FNAC proyecta esti xueves un documental sobre’l xenocidiu en Ruanda by asturnet 5 d'avientu, 2007 El civlu de documentales que tan esibiendo los responsables de programación del Fórum de la FNAC (Parque Principado en Siero) estos díes, van abordar el tema del xenocidiu en Ruanda na pasada decada de los 90 al travies de la obra “Shake hands with the devil. The journey of Romeo Dellaire” del director canadiense Peter Raymont. El pase va entamar esti xueves 6 d’avientu, a les 19:00 hores. Romeo Dallaire, protagonista del documental, yera’l teniente canadiense que tuvo al mandu de la misión de paz en Ruanda a les órdenes de les Naciones Xuníes. Dallaire escribió la so esperiencia nun llibru, que ye nel que se basa esti documental. La obra que esti xueves proyecta la FNAC algamó en 2005, el Premiu del Públicu al Meyor Documental Internacional nel Festival de Sundance. 5 d'avientu, 2007 0 FacebookTwitterPinterestEmail
Sociedá El Principáu va echar a andar tres iniciatives sobre voluntariau pa meyorar la vida de persones mayores y con discapacidá by asturnet 5 d'avientu, 2007 El Principado de Asturias dió a conocer los sos proyectos de voluntariáu na primer xornada del Congresu sobre Voluntariáu que se cellebra en Xixón dende ayeri y hasta güei miercoles 5 d’avientu. La Conseyera de Bientar Social del Principáu, Pilar Rodriguez anunció la prósima puesta en marcha de les inciatives “Cerca de ti”, sobre llabores d’acompañamientu a mayores; “Compartiendo aficiones”, proyectu pa iguar grupos de persones discapacitaes que compartan el tiempu d’ociu y “Vamos al parque”, acompañamientu de mayores y neños nos centros d’agospiu. Nel Congresu, que se cellebra nel recintu ferial de Xixón, aconceyense delles asociaciones rexonales y nacionales del sector del voluntariáu. Güei reciben la visita de los Príncipes d’Asturies, don Felipe y a doña Letizia, cola representación d’una obra de teatru. 5 d'avientu, 2007 0 FacebookTwitterPinterestEmail
Cine “Portman, a la sombra de Roberto” denuncia’l desaniciu ecolóxicu y económicu que se vive na costa murciana by asturnet 4 d'avientu, 2007 El Forum de FNAC, nel centru comercia Parque Principado de Siero, acueye esta tarde a les 19:00 hores la proyección del documental de Miguel Martí, Portman, a la sombra de Roberto. La cinta ye una denuncia de la situación grave de desaniciu mediuambiental que se vive nel pueblu de Portman, na bahía e Murcia. Esti trabayu foi presentáu na sección “Tiempo de historia” de la Selmana Internacional de Cine de Valladolid en 2001. La cinta ta centrada nel cierre del Lavaderu Roberto, un de los mayores por flotación del mundiu. Dende que la empresa Peñaroya ta instalada na bahía (llegó na metá de los 50) esta vive saturada con millones de tonelaes de residuos tóxicos procedentes del laváu del mineral. La situación ye más grave dende que en 1991 cerrara’l lavaderu xuntando al desastre ecolóxucu otru más grande económicu y social. 4 d'avientu, 2007 0 FacebookTwitterPinterestEmail
Sociedá Izquierda Xunida y JCA organizen un alderique alredor del Che en Corvera by asturnet 4 d'avientu, 2007 Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu. 4 d'avientu, 2007 0 FacebookTwitterPinterestEmail
Cine “Los Hnos Marx en el Oeste” ye’l platu pa gúei nel ciclu “Llunes de Cine” n’Uviéu by asturnet 3 d'avientu, 2007 Los hermanos Marx empobine nesta ocasión pal Oeste americanu a facer fortuna. Entos merquen una mina ensin valor, na llocalidá de Cripple Creek, que resulta tar nunos terrenos mui polos que nagua una poderosa compañía de ferrocarriles. Estu ye l’argumentu de “Los Hermanos Marx en el Oeste”, película cola que entama esti mes d’avientu nel ciclu Llunes de Cine del Teatru Filarmónica d’Uvieu. El pase entamará, como davezu, a les 20:30 hores. “Los Hermanos Marx en el Oeste” data del añu 1940 y foi la segunda de les películes que los cómicos rodaron pa los estudios MGM embaxo la dirección d’Edward Buzzell. Aun ensín la participación de la clásica Margarett Dummont y ya ensín el llastre de Zeppo esta comedia, parodia del western, está considerada como una de les meyores que rodaren los Marx durante una etapa de clara decadencia. 3 d'avientu, 2007 0 FacebookTwitterPinterestEmail
Sociedá Aula Joven lleva a 50 representantes d’estudiantes de la Universidá a conocer el Parlamentu Européu by asturnet 3 d'avientu, 2007 50 escolinos representantes de la Universidá d’Uvieu marchen güei llunes a Bruseles, Amsterdam y París pa conocer les instituciones europees nun viaxe organizáu pola asociación d’estudiantes Aula Joven. El viaxe ye de baldre y por invitación del eurodiputáu Antonio Masip y va llevar a los participantes a Bruseles, onde visitarán la eurocámara y aconceyarán con dellos eurodiputos pa conocer el funcionamienti d’esta institución. El miercoles dirán a Ámsterdam ya’l a París pa regresar el prósimu llunes día 10. “Trátase d’averar Europa a los x óvenes, que todos sintamos de verdá la ciudadanía europea, dalgo a lo que tamien contribuyen programes como l’Erasmus que tan importante papel xugó nos 20 últimos años nesa llabor de tresmisión de ciudadanía”, declaró’l Presidente d’Aula Joven y responsable del viaxe, Jose Armas. 3 d'avientu, 2007 0 FacebookTwitterPinterestEmail
Cine Ernesto Sevilla y Joaquín Reyes conducirán la gala de cierre del festival de cine by asturnet 30 de payares, 2007 Ernesto Sevilla y Joaquín Reyes van ser los encargaos de zarrar la edición del 45º Festival Internacional de Cine de Xixón nuna gala que se va cellebrar el sábadu a partir de les 20:30 hores nel Teatru Xovellanos. Estos dos cómicos son famosos nel panorama nacional pol so trabayu en programes como “La hora Chanante” y “Smonka”, nel canal temáticu Paramount Comedy y recientemente por “Muchachada nui” na 2 de Televisión Española. La gala tamien va cuntar cola participación músical d’un habitual de la escena xixonesa, Pedro Vigil. El llider d’Edwin Moses va remocicar en directu los sones del compositor Mychael Danna y les sos pieces pa los films “El Precio de la Verdad” y “Pequeña Miss Sunshine” cola collaboración d’otros diez músicos n’escena. Pa pone-y el ramu a la velada va tar sobre les tables Marisa Paredes que recoyerá’l premiu Nacho Martínez, entregáu n’otres ediciones a Asumpta Serna, Maribel Verdú o Eusebio Poncela. Per otru lláu, va proyectase “Eagle vs Shark”, una comedia de la directora de Nueva Zelanda Taika Waititi pa poner puntu y final a esta edición del festival. 30 de payares, 2007 0 FacebookTwitterPinterestEmail