Música La Xunta contabiliza en más de 2.000 los asistentes al XXI Conciertu pola Oficialidá by asturnet 28 d'abril, 2009 Pocos díes dempués de la celebración del XXI Conciertu pola Oficialidá, los organizadores faen balance del resultáu dasistencia al mesmu, que pese a que la lluvia nun dio tregua tuvo riaes de xente enllenando la carpa, conviertiendo la convocatoria nun ésitu de convocatoria y una amuesa mui bona de la calidá y vitalidá de la música nasturianu. El conciertu foi, según los voceros de la Xunta pola Defensa de la Llingua Asturiana un bon escaparate pa les campañes y materiales de la Xunta, y fundamentalmente pa la convocatoria de la manifestación pola oficialidá del Día de les Lletres Asturianes. Los Xunta contabiliza en más de dos mil persones los asistentes al conciertu nel que se pudo esfrutar de los sones tradiconales de los veteranos del tríu Tuenda y de los Gatos del Fornu. La Xunta pola Defensa de la Llingua Asturiana quixo agradecer el compromisu y la solidaridá demostraos por tolos grupos y artistes. El so apoyu ha valir pa poder siguir lluchando por algamar loxetivu de la oficialidá. 28 d'abril, 2009 0 FacebookTwitterPinterestEmail
Música Tolo dAsturies presentase con un programa peratractivu by asturnet 28 d'abril, 2009 Los organizadores de la muestra cultural Tolo dAsturies anunciaron estos díes el programa dactos de la tercer edición desti festival quamiesta la música col llibru y los productos del país y questi añu va celebrase entel 14 y 17 de mayu en Llangréu. El xueves 14 mayu van entamar los actos cola presentación oficial de la III Muestra Cultural Tolo dAsturies a les siete la tarde y con un conciertu nel que van participar Ignacio Alfayate, Filippo Gambeta, Xuan Nel Expósito y los Alumnos de la Escuela Acurdión de la Escuela de Música Tradicional Reija de Llangréu. Va inaugurase amás al Esposición Acurdión Tradicional y los cursos de curdión diatónicu de la Escuela de Música Tradicional Reija de Llangréu. Estes actividaes van celebrase nel Centru la Cultura y la Llingua Asturiana Casa los Alberti, asitiada en Ciañu La segunda xornada va cuntar cola participación de Los Ciquitrinos y Los gatos del Fornu, amás del grupu italianu I Liguriani, nun conciertu-espectáculu que va facese a partir de les diez de la nueche. El sábadu 16 a les doce la mañana va abrise lamuesa oficialmente cola Banda de Gaites Conceyu Llangréu, y a la una, el conciertu de los Hermanos Valle Roso. Pesllando la xornada un conciertu con Xideces, David Munnelly Band y Herbamora, amás de la participación de más de 100 músicos nel escenariu, con un espectáculu quinclúi un pasucais previu dende El Parque Vieyu La Felguera hasta la Estación Central dAutobuses de Llangréu. La última xornada, la del domingu, va entamar a les 12:30 hores con un Conciertu de la Banda Música de Llangréu. Una hora más tarde va celebrase un rectial de tonada y a les seis, un conciertu dHéctor Braga. A les siete la tarde, celébrase Carta blanca a Tomás Zapico, un espectáculu onde va presentar el so discu y reinterpretar escoyeta de temes del repertoriu desti músicu de La Güeria Urbiés a cargu dacurdionistes modernos del altor de Marga Lorences, Nel Ordóñez, David Varela, Jose Manuel Tejedor y Marcos Alonso, xunto con un homenaxe a la tradición del curdión, cola dirección de Xuan Nel Expósito y la collaboración y presentación de Xosé Antón Fernández Ambás. A lo llargo de tola fin de selmana va celebrase, amás, un mercáu tradicional dartesanía y gastronomía, una feria del discu y el llibru nasturianu y cursinos de folixa y baille de baldre con bandines tradicionales y grupos de baille y música tradicional, ensin escaecer los talleres danimación, xuegos, deportes tradicionales, artesanía 28 d'abril, 2009 0 FacebookTwitterPinterestEmail
Música Alie Robertson ufre un conciertu d’arpa céltica nos centros Caxastur d’Uviéu y Xixón by asturnet 28 d'abril, 2009 La escocesa Alie Robertson va ufrir un conciertu d’arpa céltica nos centros culturales Caxastur d’Uviéu y Xixón, dientro del ciclu Caxastur ‘Música del Sieglu XX’. Caxastur va llevar a Uviéu mañana’l conciertu d’arpa céltica interpretáu por Alie Robertson, con una actuación nel Centru Cultural de la entidá financiera, allugáu na cai San Francisco, cola entrada al llau de la puerta principal del Teatru Filarmónica. El segundu conciertu de l’artista va tener llugar el xueves 30 d’abril nel Centru Cultural Caxastur de la Colexata San Xuan Bautista de Xixón. Dambes actuaciones van entamar a les ocho de la tarde, con entrada de baldre hasta completar l’aforu. Alie Robertson ye una moza arpista escocesa, gran virtuosa de la interpetación, composición y improvisación. A lo lllargo de la so trayectoria recibió abondos galardones poles sos actuaciones col arpa tradicional escocesa, conocíu como ‘clarsarch’. 28 d'abril, 2009 0 FacebookTwitterPinterestEmail
Convocatories Convócase’I Premiu Alfonso Iglesias de cómic by asturnet 27 d'abril, 2009 La primer edición del Premiu Alfonso Iglesias de comic en llingua asturiana tien abiertul plazu pa presentar trabayos. La convocatoria que les obres han ser inédites y non premiaes enantes, pudiendo ser una hestoria única o un conxuntu dhestories, con o ensin rellación ente elles, presentaes nun formatu mínimu dA4 y non superior al A3, enantes del 31 dagostu desti añu. Los trabayos han llevase, presencialmente o per corréu, al Rexistru de la Conseyería de Cultura y Turismu, asitiáu na cai Eduardo Herrera “Herrerita” dUviéu. Les obres han dir en sobre zarráu col nome del premiu per fuera, dientro ha dir otru sobre colos datos del autor y un curriculu curtiu. Pal ganador, la Conseyería de Cultura y Turismu ufre 7.000 euros y el compromisu dedición, quedando los drechos pa la edición notres llingües, en manos del autor. 27 d'abril, 2009 0 FacebookTwitterPinterestEmail
Música Mala Rodríguez canta esta nueche na Sala Acapulco de Xixón by asturnet 24 d'abril, 2009 La cantante xerezana Mala Rodriguez va cantar esta nueche, a partir de les diez, na Sala Acapulco de Xixón. Nel conciertu va cantar los temes del so últimu discu publicáu, Malamarismo, quinclúi collaboraciones de Julieta Venegas, Tego Calderón y Raimundo Amador. 24 d'abril, 2009 0 FacebookTwitterPinterestEmail
Música Uviéu celebra esti sábadu’l XXI Conciertu pola Oficialidá by asturnet 24 d'abril, 2009 La Xunta pola Defensa de Llingua Asturiana celebra mañanal XXI Conciertu pola Oficialidá, que va celebrase nes instalaciones de la Universidá dUviéu, dientro del Campus dHumanidaes, onde va instalase una carpa con dos escenarios pelos que van pasar Tuenda, Los Gatos del Fornu, Felpeyu y La Bandina, amás de los grupos rock Skama la Rede, Dixebra y Skontra. La cita va tener llugar a partir de les siete la tarde. El conciertu, con una duración de siete y hores tien un preciu d8 euros anticipada y 10 na puerta, pudiendo mercase güei y mañana n’Uviéu: La Casa Posafuelles. Xixón: El Trisquel, El Barucu y Llibrería Alborá. Avilés: El Cafetón. Candás: La Gueta. Tinéu: Mesón Cervantes. Cangas: Bar Azul. La Puela Allande: Café Centro. Mieres: L’Abellugu. La Pola L.lena: La Xarrina. La Felguera: El Llar de Keko. L’Entregu: Tom Mallory. Llaviana: El Riscar. La Pola Siero: Abre César. Nava: La Posta y L.luarca: Panadería Andrín, Estancu Cachona. 24 d'abril, 2009 0 FacebookTwitterPinterestEmail
Convocatories Mieres entrega mañana miércoles el Premiu Teodoro Cuesta de poesía by asturnet 22 d'abril, 2009 Lalcalde de Mieres va entregar mañana, miércoles 23 dabril, el XVIII Premiu de Poesía Teodoro Cuesta. El ganador foi esti añu Xosé Anxelu Gutiérrez Morán y va recibir 4000 euros, pol poemariu Diversa Memoria. 22 d'abril, 2009 0 FacebookTwitterPinterestEmail
Convocatories El conceyu de Ponga acueye les xornaes culturales Vezos y creyencies populares by asturnet 21 d'abril, 2009 Lasociación Alfabetización y Deprendimeintu del Asturianu (AYDA) orgaiza esta fin de selmana, 25 y 26 dabril, unes xornaes en Beleño, conceyu de Ponga, embaxol nome “Vezos y creyencies populares y cola participación dautores como Roberto González Quevedo, Ramsés Ilesies o Alberto Álvarez Peña. El sábadu 25 a les 11:30 hores entamen les xornaes cola charra-alderique El filu doru: Relixón ya identidá na tradición oral asturiana por Cristobo García Pérez. Phacia les cinco la tarde, Alberto Álvarez Peña va dar llectura a la conferencia La bruxería nAsturies y a les siete la tarde va facese un averamientu prácticu al baillel país por Ramsés Ilesies, rematando la xornada con una danza na plaza layuntamientu, a partir de la medianueche. El domingu, a les 11:30 entama la segunda xornada cola charra ¿Fiestes cristianes o fiestes paganes?” por Roberto González Quevedo, pa finar con una xinta na Fonda Ponga. Lagospiu y les xintes tán incluyíes nos precios, 30 euros por un día, 60 poles dos xornaes; incluyendo en dambos casos los materiales del cursu. Papuntase ha mandase un corréu a aydastur@hotmail.es 21 d'abril, 2009 0 FacebookTwitterPinterestEmail
Conceyos LAyuntamientu de Colunga convocal concursu de semeyes Josefina Pis by asturnet 20 d'abril, 2009 LAyuntamientu de Colunga ta acabante convocar esti concursu nel marcu de les XII Xornaes del Sueve que se celebren en xunu. Les semeyes han reflexar cualesquier aspectu venceyáu col cordal del Sueve. Los participantes han mandar les semeyes a la Casa Cultura solliñando nel sobre Concursu FotoSueve´09, a la carretera xeneral, s/n. Colunga, hasta l1 de xunu próximu. Los premios establecíos son de 150 y placa pal primeru; y100 pal segundu, amás de cuatro accesits pa les meyores semeyes presentaes por residentes nos conceyos del cordal, Caravia, Colunga, Parres y Piloña. 20 d'abril, 2009 0 FacebookTwitterPinterestEmail
Convocatories Villaviciosa busca llogotipu pa la Casa dAlcuentros de la Muyer by asturnet 20 d'abril, 2009 LAyuntamientu de Villaviciosa, ta acabante convocar un concursu pa da-y llogotipu a la Casa dAlcuentros de la Muyer. El premiu ye de 300 euros y cada artista pue presentar dos trabayos, faciéndolos llegar, hasta l1 de xunu, a la Conceyalía de Muyer ya Igualdá, asitiada na Plazal Güevu 33300 Villaviciosa. Bases completes del concursu 20 d'abril, 2009 0 FacebookTwitterPinterestEmail