Escéniques Rebufaplanetes llega al escenariu del Teatru Xovellanos by asturnet 28 d'avientu, 2010 La revisión del yá clásicu y trotamundos Bufaplanetes llega al Xovellanos coles llocalidaes escoses nuna puesta n’escena que cunta col soporte na dirección de la gran coreógrafa Marta Carrasco. Una seronda de 1982 Pep Bou, un apareyador por obligación y artista por vocación, colgaba llápiz y escuadra pa facer pómpares de xabón sobre un escenariu. Esti saltu profesional al vaciu foi a efectos de creatividá unu de los momentos más orixinales y vanguardistas na hestoria del espectáculu y titulóse Bufaplanetes. Con eses pómpares de xabón Pep Bou convenció a espectadores de los seis continentes y agora, a casi tres décades d’entós, Bou revisital so Bufaplanetes convirtiéndolo en Rebufaplanetes. El tiempu pasó pol espectáculu… pa bien. L’artista catalán esperimentó colos llinguaxes visuales hasta’l puntu de que’l xabón fechu pómpares yá nun ye tan solo una metáfora de lo efímero sinón que se volvieron arte en si mesmu, investigación de nueves maneres d’entender l’espaciu, de combinar increíblemente precisión técnica y cautivación teatral. Esti espectáculu ta encamentáu a partir de cinco años y va tener llugar el miércoles 29 d’avientu a les 19:00 hores nel Teatru Xovellanos. 28 d'avientu, 2010 0 FacebookTwitterPinterestEmail
Conceyos Andecha Astur denuncia la grave situación de la ponte ferroviaria del Rebalde en Noreña by asturnet 27 d'avientu, 2010 Andecha Astur vien de denunciar ante la Conseyería de Cultura al Conceyu de Noreña, por abandonu y destrucción del patrimoniu hestóricu, en relación a la Ponte del Rebalde, parte de la linea orixinal del ferrocarril Xixón-Llangréu (lo qu’esplical so valor hestóricu-artísticu), que fuera desmontáu y númeráu pa reconstruyise va catorce años y atópase nun estáu llamentable, abandonáu nuna finca municipal de la cai del Sol ensin nengún tipu de protección contra lo qu’establez la Llei de Patrimoniu d’Asturies. Andecha Astur denuncia qual gobiernu municipal nun-y esmolez n’absolutu’l patrimoniu históricu y cultural como demuestra que nun s’empecipiara nengún trámite pa la declaración de Bien dInterés Cultural (BIC) de la Torre del Reló, el Palaciu del Rebollín o’l Palaciu Miraflores, por casu, o’l mesmu enterramientu, lliteral, de la ponte del Rebalde. Por ello, solicita a la Conceyalía de Cultura que se solicite la declaración de BIC de tol patrimoniu noreñense que cumpla los requisitos. 27 d'avientu, 2010 0 FacebookTwitterPinterestEmail
Conceyos Un pueblu lleonés podría tornar al territoriu asturianu integrándose en L.lena by asturnet 16 d'avientu, 2010 Villanueva de la Tercia ye un pueblu asitiáu a menos de diez quilómetros del Puertu de Payares (L.lena) y según dieron anuncia estos díes quieren dixebrase del so Conceyu, Vil.lamanín, pa pasar a formar parte de La Pola Gordón o del conceyu asturianu de L.lena. Ana Gutiérrez, vocera de les menos de cincuenta families que viven nel llugar amosó la intención del pueblu dabandonar Lleón, molestos col alcade popular Óscar Gutiérrez. 16 d'avientu, 2010 0 FacebookTwitterPinterestEmail
Conceyos Presenten un llibru sobre la parroquia moscona de San Xuan by asturnet 14 d'avientu, 2010 Esti martes, 14 davientu, a les ocho la tarde, la Sala Polivalente de la Casa Cultura de Grau va acoyer la presentación del llibru “Miradas. Historias y recuerdos de San Juan de Villapañada. Siglo XX” dÁlvaro Valdés Díaz y editáu por La Cruz de Grau. La presentación faise dientro de les Xornaes dEstudios Llocales quorganizal Círculu dEstudios Pramarenses. 14 d'avientu, 2010 0 FacebookTwitterPinterestEmail
Conceyos El Conceyu de Xixón va recoyer la toponimia menor de toles parroquies by asturnet 10 d'avientu, 2010 El Conceyal de Cultura Tradicional y Política Llingüística, Jesús Montes Estrada, anunció que quier da-y un emburrión al estudiu de la toponimia del Conceyu de Xixón. Asina, preparen un estudiu de la toponimia menor de les 25 parroquies que formen Xixón. Un procesu que va cuntar col trabayu despertos sobrel tarrén y del consensu con asociaciones de vecinos y coleutivos naide quier xenerar polémiques nin enfrentamientos. Xixón aprobó en 2006 la so toponimia, con 750 nomes rexistraos. 10 d'avientu, 2010 0 FacebookTwitterPinterestEmail
Conceyos Grau presenta la esposición de semeyes Asturias de mis amores by asturnet 10 d'avientu, 2010 El vienres día 10 d’avientu a les 20 hores, la Sala Polivalente de la Casa de Cultura de Grau acueye la presentación de la esposición fotográfica y del llibru Asturies de mis amores d’Alejandro López Pedrero. L’amuesa inclúi 35 fotografíes d’asturianos como representantes del arte, la ciencia, el deporte… y a última hora, la sociedá asturiana. Ente les personalidaes escoyíes hai trés mosconos: Hugo Fontela, Favila y Fernando Beltrán. 10 d'avientu, 2010 0 FacebookTwitterPinterestEmail
Educación SUATEA gana les elecciones sindicales nAsturies col 2524% de los votos by asturnet 3 d'avientu, 2010 SUATEA resultó la primer fuercia sindical na enseñanza tres unes elecciones sindicales marcaes pol mal tiempu n’Asturies que tuvieron de resultes un descensu na participación. El sindicatu asturianu dio les gracies pol sofitu al profesoráu que depositó’l so enfotu na so coherencia y compromisu en defensa de la escuela pública asturiana. SUATEA fízose col 2524% de los votos, mientres ANPE algamól 2406, UXT el 2218%, CCOO un 167% y CSIF un 67% de los votos totales emitíos. La participación tuvo nel 4733% con más de 6.000 votos emitíos. SUATEA fizo un llamamientu a toles fuercies sindicales pa trabayar xuníes en pro de la defensa de les condiciones llaborales de los docentes de la escuela pública y a evitar cayer nes trampes que l’alministración estatal y autonómico tienden. Según el sindicatu Hai munches asignatures pendientes cola alministración: retomar la negociación, vuelta de les competencies a la conseyería d’educación, estabilidá hasta l’accesu definitivu a la función docente pal colectivu interín, xubilaciones y amenorgamientu horariu. 3 d'avientu, 2010 0 FacebookTwitterPinterestEmail
Escéniques Tuxa llega a la Casa Cultura de La Pola Siero by asturnet 30 de payares, 2010 Esti martes 30 de payares, a les ocho la tarde, entama na Casa Cultura de La Pola Siero la representación de la obra teatral Tuxa, de manes de la compañía Teatro Contraste. La obra ye un repasu de la vida y obra de la escritora maliayesa Tuxa Villaverde (Tornón 1882-1934), personalidá que sintenta recuperar. Dirixida por José Luis Campa, la pieza inclúi fragmentos de la propia obra de Tuxa, combinaos con partes biográfiques, con testos adaptaos y ellaboraos por autores como Lluis Portal, Miguel González Pereda o Etelvino González López. 30 de payares, 2010 0 FacebookTwitterPinterestEmail
Conceyos El Conseyu de Gobiernu aprueba la toponimia dAvilés by asturnet 25 de payares, 2010 Nel conceyu del miércoles 24 de payares, el Conseyu de Gobiernu aproból decretu pol que se determinen los topónimos tradicionales del conceyu dAvilés, el tercer conceyu asturianu no tocante a númberu dhabitantes. Cola so aprobación, son yá cuarenta y ocho los conceyos asturianos que van tener los sos topónimos tradicionales oficializaos, ventiséis dellos nesta llexislatura. Uviéu sigue col so procesu paralizáu, convirtiéndose na última gran ciudá asturiana ensin un decretu de toponimia oficializáu. Dende Política Llingüística recuerden qul procesu de revisión toponímica ye necesariamente llargu y exhaustivu. Entámase a pitición de los propios ayuntamientos, y cuenta cola participación abierta de los partíos políticos con representación municipal, los colectivos de vecinos, les asociaciones de la zona, lAcademia de la Llingua Asturiana, el Real Institutu dEstudios Asturianos y la Universidá dUviéu, mesmo quinvestigadores, encuestadores y espertos en toponimia. Toos ellos collaboren nun procesu sistemáticu y rigurosu, trabayando, debatiendo y revisando les formes toponímiques hasta alcanzar alcuerdos y soluciones de consensu. A les resultes desti trabayu conxuntu, son casique 15.000 los topónimos tradicionales recuperaos desque en mayu del 2005 se publicaren nel Boletín Oficial del Principáu dAsturies los primeros decretos doficialización toponímica. Na actualidá, otros 15 conceyos más tienen abiertul so espediente, alcontrándose en distintes fases de tramitación. 25 de payares, 2010 0 FacebookTwitterPinterestEmail
Educación Una doctora que se define como falante materna dasturianu ye candidata a Decana by asturnet 25 de payares, 2010 La profesora Aquilina Fueyo dio anuncia’l miércoles 24 de presentar la so candidatura al Decanatu de la nueva “Facultá de Formación del Profesoráu y Educación”, xurdida de la fusión ente les vieyes Escuela de Maxisteriu y Facultá de Ciencies de la Educación. La candidata, que yá fuere decana de Ciencies de la Educación, afirma tener lasturianu como llingua materna y tien participaos en trabayos y apoyao la llingua y la cultura d’Asturies nel pasáu. Xustamente na nueva Facultá ye onde más presencia reglada tien la llingua asturiana (“mención” d’asturianu nel Grau de Maxisteriu d’Educación Primaria, y “especialidá” d’asturianu nel Master d’Educación Secundaria), presencia que la candidata diz va encontar cola so xestión, casu de resultar escoyida nes elecciones del próximu 15 d’avientu. 25 de payares, 2010 0 FacebookTwitterPinterestEmail