Música La Orquesta Sinfónica de Xixón homenaxe a Asturies by asturnet 30 de mayu, 2009 El Teatru de La Llaboral acueye esti domingu, 31 de mayu, un conciertu de la Orquesta Sinfónica Ciudad de Gijón, que va facer un homenaxe musical a Asturies a partir de les ocho y media la tarde y embaxol preciu de 12 euros. La primer parte va conformase pola obra Vaqueiros, de Juan Carlos Casimiro, cuntando cola sopranu Teresa Castal y el tenor José Alberto García. La parte segunda, titulada Asturianía en Fa, ta compuesta por Juan Antonio Merino y la tercer parte, Tres canciones asturianas ta iguada por Daniel Sánchez Velasco, amosando los cantares Sal a Bailar, Ayer vite en la fonte y Dime Paxarín Parleru . Lactividá organízalal Teatru Xovellanos de Xixón, que tien la so sede habitual nobres, en collaboración cola Sociedá Filarmónica de Xixón. 30 de mayu, 2009 0 FacebookTwitterPinterestEmail
Música L’Aula Tradicional de Mieres celebró’l 12 Microconciertu by asturnet 30 de mayu, 2009 Esti vienres celebróse un nuevu Microconciertu del Aula tradicional Jorge Areces y Javier Tejedor de la Escuela de Música de Mieres del Camín nel que los escolinos de gaita, curdión y percusión de la Escuela interpretaron un repertoriu tradicional nel que s’incluyía esta pieza bretona, “Arin Arin”. El Microconciertu ye una actividá que vien desendolcando esti añu la Escuela de Mieres y que va empobináu a los escolinos y pás de los estremaos cursos d’instrumentos de la escuela. El dedicau a la música tradicional yera’l númberu dolce ya incluyía la desplicación a los más pequeños de los instrumentos tradicionales por parte de Jorge Areces y Javier Tejedor. Nel conciertu interpretóse tamién la Jota las Tabiernas, la Muñeira de Batribán, l’Añada pa Gael de Tejedor, el Son d’Arriba (polos escolinos de curdión Sergio y Pablo Zapico) y l’Asturias Patria Querida (col escolín Adrián Martínez a la gaita). Xunta estes pieces, el grupu del Aula tradicional interpretó “Cuquina”, “Jiga” y la pieza bretona “Arin Arin”. 30 de mayu, 2009 0 FacebookTwitterPinterestEmail
Música Conceyu Abiertu organiza un taller d’iniciación al baille tradicional asturianu by asturnet 29 de mayu, 2009 Güei, vienres 29, dende les 4 la tarde, va facese un taller de baille tradicional asturianu impartíu por Paula Cristóbal Casu, venceyada al folclor dende bien neña, y miembru de dellos grupos de baille tradicional asturianos y del grupu de pandereteres Herbamora. El taller va arrancar colos bailles más cenciellos como son les dances hasta llegar, adulces, a bailles a lo suelto. Trátase d’un taller d’una única sesión y pue participar d’él cualquier persona esmolecida pol baille ensin nengún tipu de conocencia previa. El Conceyu Abiertu ta asitiáu nUviéu, na cai La Gascona 12. 29 de mayu, 2009 0 FacebookTwitterPinterestEmail
Música La Conceyalía de Cultura Tradicional presenta en Xixón “Escolinos colos sos raigaños” by asturnet 29 de mayu, 2009 El Conceyal de Cultura Tradicional y Llingua Asturiana, Jesús Montes Estrada, va presentar güei na Sala de Prensa de la Casa Conceyu de Xixón, lactu participativu que va celebrase esti sábadu 30 de mayu nel Pueblu d’Asturies, “Escolinos colos sos raigaños”, una actividá organizada por esta Conceyalía en collaboración cola Agrupación Folklórica Asturiana Los Xustos. Lactividá partipativa organízase dientro del programa Baille na Escuela, y va tener llugar esti añu nel Muséu del Pueblu dAsturies en Xixón y a partir de les cinco y media la tarde. NEscolinos colos sos raigaños va baillase, tocase pueces y conocer lavance de los neños na conocencia de la so cultura musical. A les doce y media la mañana del sábadu van llegar los escalinos y el Grupu Cantigase Frores de Llugo, de Galicia. A la una la tarde van celebrase dellos xuegos tradicionales a cargu dIniciatives deportives y culturales de La Calzada en La Escuelona y yá de tarde, phacia les cuatro y media, va facese una visita guiada al Muséu del Pueblu dAsturies, con una demostración dinstrumentos Tradicionales a les 1730 hores pola Asociación de Folclor Tradicional La Quintana. A les seis, Cantigas e Frores y Los Xustos van celebrar dellos Talleres y demostración pa los neñes y neños de les escueles. 29 de mayu, 2009 0 FacebookTwitterPinterestEmail
Música Manolo García, esti sábadu nel Campoamor by asturnet 29 de mayu, 2009 El cantautor, ex llíder dEl Último de la Fila, va llegar al Teatru Campoamor dUviéu esti sábadu a partir de les nueve la nueche pa presentar el so últimu trabayu en solitario “saldremos a la lluvia”. 29 de mayu, 2009 0 FacebookTwitterPinterestEmail
Música Dani de la Cuesta presenta lestudiu Averamientu a la tabla tañida y otros sones by asturnet 28 de mayu, 2009 El Monesteriu de San Pelayo d’Uviéu acueye güei, xueves 28 de mayu, la presentación del estudiu Averamientu a la tabla tañida y otros sones, del investigador y músicu Dani García de la Cuesta. A partir de les ocho la tarde De la Cuesta va presentar esti trabayu nel que afonda na apaición de referencies en dellos testos medievales asturianos sobre l’usu d’un instrumientu idiófonu usáu como llamáu a conceyu. El datu del usu más antiguu rexistráu hasta agora d’esti instrumentu, comenta lautor remóntanos al 6 de xunu del 1289, precisamente nel propiu Monesteriu de San Pelayo, de lo que fai agora 720 años . 28 de mayu, 2009 0 FacebookTwitterPinterestEmail
Música La Nueche Folk de Soto Rei trai a Doolin y los Tejedor by asturnet 26 de mayu, 2009 Esti prósimu sábadu 29 de mayu, a partir de les 23 hores, va celebrase una nueva edición de la Nueche Folk de Soto Rei, con un cartelu que tien a Tejedor y a los franceses Doolin como llamáu d’un festexu nel que la organización pon chigre y carpa pa garantizar el conciertu nel casu que lloviere. El grupu bretón Doolin actúa per primera vegada n’Asturies, ufriendo esa música irlandesa con aire bretón que lleven asoleyando dende 2005 n’actuaciones como la que davezu pudo vese l’añu pasáu en dellos pubs de Lorient a lo llargu del festival. 26 de mayu, 2009 0 FacebookTwitterPinterestEmail
Música Rafa Pons toca esta nueche nEl Patio de la Favorita by asturnet 26 de mayu, 2009 El cantautar catalán Rafa Pons va tocar güei a partir de les nueve la nueche, nel bar El Patio de la Favorita, asitiáu na cai Ezcurdia 4, de Xixón. La so música recueye les influencies dartistes como Bruce Springsteen, Joaquín Sabina, Quique González o Tahúres Zurdos. 26 de mayu, 2009 0 FacebookTwitterPinterestEmail
Conceyos Piloña organiza la segunda edición del so Concursu de Narraciones Curties by asturnet 25 de mayu, 2009 El Conceyu de Piloña abriól plazu pa presentar orixinales al II Concursu de Narraciones Curties nasturianu. Los trabayos han dunviase enantes del 12 de xunu a la Conceyalía de Cultura, asitiada na cai Cuadonga, 9, de LInfiestu. Los cuentos nun puen tar espublizaos nin premiaos notros concursos. El llargor dellos nun sedrá menos de trés fueyes nin más de cinco, escrites per un llau namás, en lletra de cuerpu 12. El primer premiu ta dotáu con 1.000 euros y el segundu con 700 euros. El periódicu El Fielato espublizarál trabayu premiáu cuando lo xulgue oportunu, y queda atrocáu pol Conceyu de Piloñal derechu despublizar los trabayos que resulten premiaos; tamién podrá asoleyar les obres non premiaes, siempre col alcuerdu de los sos autores. El fallu del xuráu va dase a conocer nos medios de comunicación la selmana del 12 al 19 de xunetu de 2009; los premios van entregase nun actu na Casa de la Cultural día 24 de xunetu, onde los premiaos tán obligaos a lleer la so obra en públicu. 25 de mayu, 2009 0 FacebookTwitterPinterestEmail
Convocatories Bimenes convocal Concursu de Cuentos pola Oficialidá by asturnet 25 de mayu, 2009 Un añu más, y va doce, el Conceyu de Bimenes convocal Concursu de Cuentos pola Oficialidá del Asturianu, con plazu abiertu pa presentar trabayos hastal 5 de xunu. El certáme celébrase col envís de facer alcordanza de la declaración doficialidá del asturianu nesti conceyu, que desficieron los tribunales darréu. Los cuentos han unviase a la Casa Cultura de Bimenes, Santuyano s/n (CP 33527) de Bimenes, redactaos en llingua asturiana (con una estensión máxima de 10 folios), respetando les normes ortográfiques de lALLA, inéditos, de tema llibre, non premiaos notros concursos lliterarios y que nun tean suxetos a nengún compromisu dedición. Establécense trés premios de 800, 50 y 350 euros, y nel actu institucional dentrega, que va ser el día 3 de xunetu del 2009, coincidiendo coles celebraciones de la Fiesta de la Oficialidá de la Llingua Asturiana en Bimenes, va facese una llectura pública del primer premiu na voz del autor. 25 de mayu, 2009 0 FacebookTwitterPinterestEmail