Escéniques El jazzing flamencu aporta al Teatru Xovellanos by asturnet 18 de xineru, 2011 La Compañía de Danza Antonio Najarro va ufiertar el vienres 21 a les 20:30 hores nel Xovellanos el so últimu trabayu coreográficu, Jazzing Flamencu. El coreógrafu y baillarín foi galardonáu nos Premios Max 2010 como Meyor Intérprete Masculín de Danza. Va Ser la primer vegada que Najarro presente énte’l públicu xixonés esti espectáculu nel que desenrrolla un personal llinguaxe del flamencu. Antonio Najarro asítiase al mandu de la so compañía pa crear, dirixir y poner sobre la escena Jazzing Flamencu, terceru de los sos espectáculos tres Tangu Flamencu y Flamencoriental. Al igual que nes sos anteriores producciones, Najarro funde de nuevu la danza clásica colos nuevos enclinos vanguardistas tantu musicales como dancísticas que caractericen y rixen el so estilu personal como creador. 18 de xineru, 2011 0 FacebookTwitterPinterestEmail
Escéniques La obra B-52 llega al Teatru Xovellanos by asturnet 14 de xineru, 2011 Soldepaz-Pachakuti, en collaboración col Comité de Solidaridá cola Causa Árabe, ufre la obra de teatru en castellán B-52 que va poder esfrutasel 23 de xineru a las 20,30 hores. Nella, cinco collacios xugando a pilotar un bombarderu B-52 cuya misión ye destruyir oxetivos n’Iraq. El xuegu vuélvese tan seriamente apasionante, tan competitivu, que t< por paecer real. La compañía de teatru ye El Perro Flaco Teatro, fundada nAsturies nel 2006 y la obra que nos presenta, B-52, ye una obra espresamente escrita pa ellos por Santiago Alba Rico, el creador de los míticos Electroduendes. Ente bombardéu y bombardéu danse duelos verbales d’aplastante comicidá, coreografíes surrealistes, sátires musicales qu’entren a degüellu y una puesta n’escena que paez salida del imaxinariu de Ray Bradbury. Más información 14 de xineru, 2011 0 FacebookTwitterPinterestEmail
Educación Entama la Matrícula pa Cursos y Talleres de la Universidá Popular de Xixón by asturnet 13 de xineru, 2011 La Universidá Popular de Xixón abre plazu de matrícula pa la ufierta de cursos y talleres que s’imparten a partir del 16 de febreru. Dende’l día 25 de xineru puedes matriculase nos cursos y talleres de manera presencial, nel caxeru o ninternet. La matrícula faise siempres cola Tarxeta Ciudadana. N’internet o caxeros ciudadanos va requirise’l númberu PIN. Si nun se dispón de tarxeta ciudadana, puede solicitase nel momentu, nes Oficines d’Atención al Ciudadanu o con antelación al traviés de la páxina web (www.xixon.es) La matrícula va empezar de forma gradiada los díes 25, 26 y 27 de xineru y el plazu pa matriculase remata’l 11 de febreru. Ufierta completa de cursos de la UP 13 de xineru, 2011 0 FacebookTwitterPinterestEmail
Conceyos El Conceyu de Llanes convoca una plaza darquiteutu by asturnet 12 de xineru, 2011 El Conceyu de Llanes convoca una plaza d’arquiteutu con calter d’interinidá hasta que seya cubierta, de manera definitiva, cola Ufierta Pública d’Empléu de 2010. La prueba d’oposición va ser eliminatoria y quien aprueben pasen a la fase de concursu. El plazu de solicitú remata’l 21 de xineru. Bases completes del concursu nel BOPA 12 de xineru, 2011 0 FacebookTwitterPinterestEmail
Escéniques El grupu Rosario Trabanco actúa na Selmana Cultural de Los Moscones by asturnet 12 de xineru, 2011 El xueves, 13 de xineru, de magar les ocho la tarde, van representase La Xilguerina! y dellos sainetes nel Atenéu La Calzada a partir de les ocho la tarde, per parte del Grupu Rosario Trabanco. Lactuación forma parte de la Selmana Cultural de Los Moscones en Xixón. 12 de xineru, 2011 0 FacebookTwitterPinterestEmail
Educación El BOPA yá recueye la rectificación de la Universidá sobrel Concursu Lliterariu by asturnet 12 de xineru, 2011 El BOPA del 4 de xineru afitó la decisión del Vicerrectoráu dEstensión Universitaria de la Universidá dUviéu de camudar les bases del so I Concursu Lliterariu quagora recueyen la posibilidá de presentar obres nasturianu, y non solo en castellán, como se recoyía enantes de la reclamación del Conceyu Universitariu pol Asturianu (CUPA), que motivó esti cambiu nes bases. Nel certame pueden paticipar los alumnos matriculaos nel cursu académicu 2010/11 en cualquiera de les enseñances oficiales impartíes en centros propios de la Universidá. Cada concursante pue presentar una única obra, en castellanu asturianu, por cada modalidá y de tema llibre. Na modalidá de rellatu curtiu la estensión de los testos tien un mínimu de 10 fueyes y un máximu de 30. Na modalidá de poesía la estensión mínima ye de 600 versos y máxima de 1.200. El concursu ta dotáu dun premiu únicu de 1.000 euros por cada modalidá. La presentación o unviu dorixinales, dirixíos a la Vicerrectora dEstensión Universitaria, Cultura y Deportes ha efectuase en cualquiera de los rexistros de la Universidá. El plazu acabal 11 dabril del 2011, yá que col cambiu nes bases, la Universidá decidió aumentar un mes el plazu de la convocatoria, d manera que los testos nasturianu nun se vean en desventaya. Páxina del BOPA onde se fizo la corrección 12 de xineru, 2011 0 FacebookTwitterPinterestEmail
Escéniques De tal palu tal astiella represéntase en Posada de Llanes by asturnet 4 de xineru, 2011 Esti martes, 4 de xineru, a les 19:30 hores, el Centru Civicu de Posada de Llanes acueye la representación de la obra costumista De tal palu tal astiella, fecha pola compañía xixonesa Traslluz. La obra ta escritra por Carmen Duarte. 4 de xineru, 2011 0 FacebookTwitterPinterestEmail
Conceyos Un monte maliayu de Toroyes va convertise nun llaboratoriu vivu by asturnet 31 d'avientu, 2010 El Monte de Toroyes, en Villaviciosa, va convertise nun llaboratoriu vivu sobre la xestión de la castañal y l’agricultura tradicional. La casona allugada nesti monte va reformase pa convertila en 2012 nuna aula didáctica. El Director de Política Forestal anuncia que la obra de meyora del camín a Toroyes dende Priesca va llicitase en 2011, con un presupuestu de 298.668 euros. El monte Toroyes ocupa 91,2 hectárees que s’arrexunten ente’l valle del ríu Llamargón y delles riegues. Ta constituyíu nel so mayor parte por parceles de vocación forestal. La mayoría de los praos tán abandonaos ya invadíos por carba. La masa principal d’arboláu ta constituyida per monte baxu de castañal entemecida con dellos carbayos, bidules y árboles de ribera (omeros, sauces y fresnos), zona que sirve d’abellugu de la fauna de la zona. Amás, esisten abondoses especies protexíes como xardones y texos. Esti monte considérase una de les mayores y meyores mases de castañales d’Asturies d’un únicu propietariu. Les postreres curties realizáronse fai unos 50 años ensin llimpieza nin tratamientos silvícolas posteriores. El conceyu de Villaviciosa clasificó la mayoría de los terrenes como Suelu d’Especial Protección del Paisaxe o como Suelu d’Especial Protección Forestal, lo que determina l’usu del suelu con criterios de caltenimientu. L’oxetivu ye realizar una xestión integral de la masa forestal na que la especie principal ye la castañal empobinada sobremanera a la investigación y el desenvolvimientu del Plan Estratéxicu de la Castañal. Coles mesmes, nel marcu del Conveniu la Dirección Xeneral de Política Forestal, va enllantar nel monte un sistema de certificación forestal sostenible. 31 d'avientu, 2010 0 FacebookTwitterPinterestEmail
Educación La Voz de Asturias ufre un cursu básicu dasturianu y cultura asturiana by asturnet 30 d'avientu, 2010 El diariu La Voz de Asturias entamó esta selmana un un cursu básicu de llingua y cultura asturianes tituláu “Avérate”. Nel cursu van confrotase ciertes cuestiones carauterístiques de la llingua asturiana que la confrontian col castellán pa consiguir una mayor conciencia llingüística. Col cursu búscase que los usuarios del mesmu seyan a espresase curiosu n’asturianu al traviés del trabayu cola gramática, la fonética y la sintaxis de la llingua asturiana. Amás de distintos campos semánticos del vocabulariu. Amás, el cursu va dar a conocer la cultura popular y les costumes tradicionales asturianes. Veránse, por exemplu, mitos, lleendes, música, gastronomía, oficios tradicionales y construcciones asturianes, faciéndose tamién con conocimientos básicos de la hestoria de la llingua asturiana: d’una manera cenciella esplicaráse l’asoceder históricu de la nuesa llingua. La lliteratura asturiana dende los sos oríxenes hasta l’actualidá sedrá tamién un tema a trabayar nel cursu. El cursu va enseñar les normes de lAcademia de la Llingua Asturiana, con exercicios y xuegos pa prauticar. La primer llección puede descargase yá 30 d'avientu, 2010 0 FacebookTwitterPinterestEmail
Escéniques Zoo, ganador del Max 2010 a meyor espectáculu infantil llega al Xovellanos by asturnet 29 d'avientu, 2010 Yllana presenta nel Xovellanos una hilarante propuesta que sol títulu de Zoo encadena gags desternillantes basaos nel eternu conflictu ente l’home y la naturaleza. El so sellu personal nel tratamientu del teatru xestual vuelve trescalar esta producción, que s’alzó col Max 2010 al Meyor Espectáculu Infantil y que yá escosó toles llocalidaes nel Xovellanos . Zoo ye la última aventura del grupu madrilanu Yllana. Inmensos nel arte de dicilo too a base de xestos y mímica, vuelven poner de pies un espectáculu escepcional y pa tolos públicos, una pieza escénica pa esfrutar en familia. Nacíos en 1991 como compañía de teatru d’humor xestual, Yllana foi desenvolviendo una actividá paralela na qu’al pie de les sos propies pieces orixinales produz distribúi y promueve montaxes d’otres compañíes. Zoo va representase’l xueves 30 d’avientu a les 19:00 hores nel Teatru Xovellanos. 29 d'avientu, 2010 0 FacebookTwitterPinterestEmail