Comunicación Air France entama los vuelos diarios col Charles de Gaulle by asturnet 10 de payares, 2008 La compañía Air France entama esti llunes un nuevu serviciu ente l’aeropuertu d’Asturies y el Charles de Gaulle de París, con dos vuelos al día que salen a les 7.40 y 15.30 hores y aporten a Ranón a les 9.30 y 17.10 hores. Asturies ye la tercer conexón d’Air France nel norte d’España, dempués de Vigo y Bilbao, qu’entamaron tamién con dos vuelos diarios y anguaño tienen cuatro y cinco, respeutivamente. Air France va abrir una oficina permanente na terminal aérea asturiana con dos persones p’atender a los viaxeros. 10 de payares, 2008 0 FacebookTwitterPinterestEmail
Comunicación La segunda temporada de Nós estrénase afitando la bona acoyida del públicu a la programación n’asturianu de la TPA by asturnet 10 de payares, 2008 La segunda entrega d’esta temporada, qu’entamó’l sábadu día ún de Payares, con un programa sobre la capital del conceyu d’IIbias caltuvo la cuota media del 8,2% qu’algamare nos 30 programes de la primer temporada y que supera en cásique un puntu al promediu actual de la cadena, un 7,4%. Esi sábadu, “Pieces” y “Camín de cantares” que yá lleven emitiéndose dende ochobre, tuvieron un 12 y un 13 % respeutivamente de share, amosando’l favor qu’el públicu tien pa cola programación ‘asturianu de la TPA. L’equipu de Nós visitó nel programa d’esti sábadu pasáuu’l conceyu Valdés con ún de los grupos más significativos de la música tradicional nel occidente asturianu, la Banda de Gaites La Reina del Truébano. El programa, que va emitise tolos´sábados alrodiu de les 12,10 o 12,15 de la mañana, componse de 30 capítulos de 10 minutos de duración caún realizaos íntegramente n’asturianu y ta dirixíu y presentáu pol periodista y académicu Próspero Morán. Nos emitese tamién pol satélite Hispasat pal restu d’España, Europa y América y por Internet para tol mundiu al traviés de la so web www.rtpa.es. 10 de payares, 2008 0 FacebookTwitterPinterestEmail
Política La Xunta califica como “decepcionante” el pautu IX-FSA y de “nefasta” la política llingüística actual by asturnet 7 de payares, 2008 La Xunta pola Defensa de la Llingua Asturiana calificaba esti vienres l’alcuerdu de gobiernu ente PSOE ya IX-Bloque por Asturies-Los Verdes como “decepcionante y continuador de la política de marxinación llingüística llevada alantre hasta’l momentu pol gobiernu del PSOE, política que vien siendo criticada sistematicamente pola Xunta como un plan pa esterminar l’asturianu a mediu plazu”. Amás d’eso, la Xunta dicía nun comunicáu fechu públicu pela mañana que nun se pue escaecer “que la FSA ta acabante de proponer una redacción entá más restrictiva d’artículu 4u del Estatutu d’Autonomía nel que la llingua asturiana desapaez como tal pa convertise nun «patrimoniu». Nesti contestu danse les negociaciones qu’orixinen el presente alcuerdu de gobiernu”. El comunicáu afonda nel fechu de que “nel testu del alcuerdu abonden les declaraciones d’intenciones xenerales y escasien o nun esisten les concreciones sobre les midíes, actuaciones, aplicaciones y plazos que tendríen que guiar la política llingüística del nuevu gobiernu”. La Xunta atalanta que se tien qu’entender que “la non esplicitación de midíes concretes implica la non esistencia d’eses midíes nel pautu de gobiernu”. El comunicáu de la Xunta pola Defensa de la Llingua sigue diciendo que “si énte l’alcuerdu ente estes mesmes fuercies polítiques en 2003 la Xunta amosó una postura enforma crítica, esti nuevu pautu confirma les impresiones que tuviéramos daquella: ye imposible afitar un procesu de normalización ensin una voluntá y compromisos concretos, que nun existen tampoco anguaño”. Por tolo mentao, l’asociación cívica de defensa de los asturianofalantes valora “de forma especialmente negativa la falta de referencies a la necesidá de normalización de la llingua, un términu omnipresente nel pautu de 2003”. Igualmente “desapaecen les referencies al desarrollu de la Llei d’Usu” y, nesi sen, “el testu del alcuerdu ye en tou casu una llectura parcial y restrictiva de lo contenío na Llei d’Usu y Promoción del Asturianu vixente dende l’añu 1998 y polo tanto d’obligáu cumplimientu”. Pala Xunta, “l’asturianu ye la única llingua del Estáu español que nun ye oficial, lo que ye causa fundamental de la situación actual de grave retrocesu, de perda de falantes y ámbitos d’usu. La falta d’un marcu llegal que garantice los derechos llingüísticos básicos y una presencia digna nel sistema educativu, nes alministraciones y medios de comunicación públicos, toponimia, etc., lleva irremediablemente a la desapaición del idioma a curtiu o mediu plazu”. Esti procesu “nun pue tornase con polítiques cosmétiques, sinón con aquelles qu’avancen hacia la dignificación de la llingua y la so equiparación llegal col restu de llingües del Estáu. Si la intención del nuevu gobiernu fuera la d’afitar el futuru del idioma tendría qu’esplicitase la voluntá de construir consensos pa la inclusión de la oficialidá na prósima reforma del Estatutu d’Autonomía. Obviar el problema de la non oficialidá, dicir qu’agora nun toca pa llegar a alcuerdos de gobiernu, non solo nun val de solución sinon que val pa consolidar más tovía l’escenariu actual de marxinación y falta de derechos”. Dende la Xunta pola Defensa de la Llingua Asturiana va siguise “trabayando pa sumar a tolos axentes políticos y sociales d’Asturies na defensa d’un patrimoniu común que pertenez a tolos asturianos y asturianes”. Pero tamién se va siguir denunciando, “cola mesma claridá qu’hasta agora, les práctiques polítiques que xeneren prohibiciones, coacciones y ataques contra l’usu de la llingua asturiana, como les qu’anuncia con esti alcuerdu esti gobiernu que ye nuevu nos sos componentes pero que nun apurre nenguna novedá na nefasta política llingüística actual”. 7 de payares, 2008 0 FacebookTwitterPinterestEmail
Comunicación La RTPA usa denomación billingüe nel so portal de noticies by asturnet 7 de payares, 2008 LEnte de Comunicación del Principáu dAsturies amuesa na cabecera de la so páxina web rtpa.es, la denomación billingüe de la institución: Radiotelevisión del Pricipado de Asturias / Radiotelevisión del Principáu dAsturies. Un cambiu favoratible pa col asturianu quanque simbólicu vien a sumase a los recientes esfuercios asumíos pol Ente pal usu efectivu de la toponimia oficial dAsturies, a lo que ta obligáu lEnte por llei. 7 de payares, 2008 0 FacebookTwitterPinterestEmail
Comunicación La segunda temporada de “Nós” na TPA aporta esti sábadu al occidente de la man de La Reina del Truébano by asturnet 7 de payares, 2008 La segunda entrega d’esta temporada, qu’entamó’l sábadu pasáu n’Ibias, componse de 30 capítulos de 10 minutos de duración caún realizaos íntegramente n’asturiano. L’espaciu algamó na primer temporada, nel periodu xineru-mayu de 2008, una cuota media del 8,2%, que supera en cásique un puntu al promediu actual de la cadena, un 7,4%, según datos facilitaos por Taylor Nelson Sofres (TNS). >L’equipu de Nós visita nel programa de mañana sábadu’l conceyu Valdés con ún de los grupos más significativos de la música tradicional nel occidente asturianu, la Banda de Gaites La Reina del Truébano. El director del grupo, Luis Feito, y dellos de los sos componentes van desplicar les torgues y el trabayu del día a día d’esta banda qu’anguañu ye un referente nel ámbitu européu de la gaita. Nos emitiráse tamién pol satélite Hispasat pal restu d’España, Europa y América y por Internet para tol mundiu al traviés de la so web www.rtpa.es. 7 de payares, 2008 0 FacebookTwitterPinterestEmail
Política El conceyal del PP d’Uviéu José Suárez fala del país onde “lo que importa nun pasa y lo que pasa nun importa” by asturnet 5 de payares, 2008 El conceyal de Cultura del Ayuntamientu d’Uviéu, José Suárez Arias-Cachero, qu’afalagó’l compromisu del Rector faciendo alcordanza alrodiu de la so intervención n’asturianu nel Primer Conceyu Internacional de la Llingua Asturiana de qu’estes coses nun salen gratis n’Asturies, ufrió una intervención enforma política, debuxando una fonda semeya del país onde “lo que importa nun pasa y lo que pasa nun importa”. José Suarez Arias-Cachero, pernomáu como Felechosa ente l’asturianismu, entamó la so intervención nesti Conceyu Internacional, amosando’l so contenu por inauguralu por ser l’asturianu “nun sólo una de les mios pertenencies más queríes, sinon que la so reivindicación ye clave nel mio trayeutu vital”. Felechosa dió la bienvenía la xente “que vien d’otres partes d’España, especialmente de les tierres ástures, Lleón, Zamora, Salamanca, Miranda” y a la xente “que vien de fuera, sobremanera a Michael Metzeltin, Paul O’Neill, Antionio Barrolo y Max Pfister”, pero tamien a la “xente de casa” a la qu’agradeció’l trabayu que faen pela llingua. Pero lo más aplaudío de la so intervención foi cuando contó daqué que lu ablucara: “hai unos meses llei que según un sondéu reciente, ún de cada cuatro ingleses, pensaba que Churchill y Ghandi yeren personaxes lliterarios y qu’ensin embargu Sherlock Holmes y Robin Hood fueren homes de carne y güesu. Dexome asustáu que tantu inglés confundiera d’esa manera a figures cimeres de la so historia coles de la lliteratura. Pues bien, conozo un país que nun sólo confunde a los sos personaxes, sinon que desconoz, nel sentíu de que nun ye a reconocela, la so llingua”. Y fizo alcordanza del so amigu Chus Pedro, pa dexar afitao que “somos una sociedá que vive, fala, canta, escribe y suaña nuna llingua que nun esiste. Y nun esiste porque buena parte de la xente que la fala nun la reconoz como propia”. El conceyal de Cultura del PP n’Uviéu dexó nidia la so calidá de lliberal y la so creencia na llibertá llingüística al tiempu que-yos dicía a los presentes que nun tuvieren esmolición si esti Conceyu nun apaecía nos medios de comunicación: “N’Asturies nunca pasa nada, porque lo que importa nun pasa y lo que pasa nun importa”. Arias-Cachero finó la so intervención afitando la seguranza de só en que los prósimos mil años de la llingua “van facese con tres T: la del Talentu, la de la Tecnoloxía y la de la Tolerancia”. 5 de payares, 2008 0 FacebookTwitterPinterestEmail
Política El Pautu de Gobiernu afitase por unanimidá na FSA y por una bultable mayoría en IX by asturnet 5 de payares, 2008 El Conseyu políticu d’Izquierda Xunida (IX) perafitó’l pautu de Gobiernu col PSOE por una bultable mayoría con 126 votos a favor (90,65%), 9 a la escontra (6,47%) y 4 abstenciones (2,48), según informó la coalición nuna nota de prensa. Según las intervenciones realizadas por el coordinador xeneral d’IX, Jesús Iglesias, y los secretarios d’organización y comunicación, Angel González y Pablo Prieto, el “pautu permite afrontar la crisis económica dende la izquierda; garantiza más izquierda nel Gobiernu y supón un cambiu políticu n’Asturies”. La coalición atalanta que la so entrada nel Gobiernu “garantiza que l’aición de gobiernu tendrá dos obxetivos: dar rempuesta a los problemes de la xente y afrontar los retos de futuru n’Asturies”. Izquierda Xunida atalanta que la so entrada nel executivu de Vicente Álvarez Areces fadrá “un gobiernu más d’izquierdes qu’asitie l’emplegu, la vivienda y la cohesión social ente las prioridaes y qu’asitie a los servicios públicos como elementos centrales de la su aición política qu’invertirá más n’educación, en sanidá y en servicios sociales”. La FSA tamién sofita’l pautu La Comisión Executiva Autonómica de la FSA-PSOE sofitó esti martes de forma unánime’l pautu políticu entre los socialistas e IU-BA-Verdes. La medida tomóse de forma esplícita y como actu de “responsabilidá”, según informó en rueda de prensa’l secretariu xeneral de la Federación Socialista Asturiana, Javier Fernández. 5 de payares, 2008 0 FacebookTwitterPinterestEmail
Política Noemí y Aurelio Martín sedrán los dos nuevos Conseyeros d’IX by asturnet 5 de payares, 2008 El Conseyu políticu d’Izquierda Xunida (IX) propuso tamién nel so conceyu d’esti martes a Noemí Martín pa dirixir la Conseyería de Bienestar Social, Vivienda y Cooperación y a Aurelio Martín pa Mediu Rural. Los dos nomes ya s’adelantaren nestos caberos díes como cabezaleros de les dos Conseyeríes apautaes col PSOE. Pela so parte, el Secretariu de la FSA, Javier Fernández, nun esclarió si Areces fadrá una remodelación mayor del Gobiernu aprovechando la entrada de los dos nuevos conseyeros d’IX. 5 de payares, 2008 0 FacebookTwitterPinterestEmail
Política Izquierda Xunida negocia una Dirección Xeneral de Política Llingüística xestionada pol PSOE by asturnet 3 de payares, 2008 Lalcuerdu de gobiernu robláu ente Izquierda Xunida-BpA-Los Verdes y la FSA-PSOE, podría incluyir, según pudo sabese estos díes, cambios na política llingüística del Gobiernu. Dun llau col aumentu en mediu millón deuros del presupuestu pal fomentu de la llingua asturiana y dotru, con cambios na estructura de gobiernu na estaya de política llingüística, que podríen dixebrar lactual Dirección Xeneral de Cultura y Política Llingüística, xestionada por Consuelo Vega, en dos estayes. Estos cambios estructurales podríen ser aprovechaos pol cabezaleru del Gobiernu dAsturies, Vicente Álvarez Areces, pa la salida de lactual Conseyera de Cultura y Turismu, Encarnación Rodríguez Cañas. La nueva Dirección Xeneral de Política Llingüística, nesti momentu integrada na de Cultura, xestionaríala, la titular actual de la mesma, Conseula Vega. Esti departamentu desdoblaríase pa satisfacer asina la reivindicación dIX-BA-LV, anque diba siguir en manes del PSOE. 3 de payares, 2008 0 FacebookTwitterPinterestEmail
Política IX-BA-Verdes xestionarán Bientar Social, Vivienda, Mediu Rural y Cooperación nun nuevu gobiernu de coalición by asturnet 31 d'ochobre, 2008 La FSA-PSOE ya IX-BA-Verdes aportaron esti vienres a un pautu pa formar un gobiernu de coalición y darréu la coalición va algamar la Conseyería de Bienestar Social y Vivienda y l’area de Mediu Rural, amás de la Direición Xeneral de Cooperación, de la que nel pasáu mandatu s’encargó Rafael Palacios. Les dos formaciones presentaron el pautu esti vienre nuna rueda prensa xunta’l presidente del Principáu, Vicente Álvarez Areces. Al llau tuvieron el secretariu xeneral de la Federación Socialista Asturiana (FSA-PSOE), Javier Fernández y el coordinador xeneral d’IX, Jesús Iglesias. PSOE ya IX-BA-Verdes nun van compartir conseyeríes nin promover la creación de nenguna conseyería nueva nin tampoco direiciones xenerales.El primer conceyu del nuevu Conseyu de Gobiernu podría celebrase tres del del viaxe institucional del Presidente a los Emiratos Árabes que fina’l 13 de payares. L’acuerdu inclúi l’apoyu d’IX a los presupuestos autonómicos que xorrecen un 7,6 por cientu pa 2009. 31 d'ochobre, 2008 0 FacebookTwitterPinterestEmail