Sociedá Andecha convoca un Conceyu Xeneral Estraourdinariu by asturnet 21 de xineru, 2007 Andecha Astur va celebrar el prósimu sábadu 24 de febreru, na Antigua Casa Sindical de Xixón, na cai Sanz Crespo de la Villa Xovelllanos, un Conceyu Xeneral Estraourdinariu pa tratar la tema de les elleiciones y preparar la campaña electoral. El Conceyu Xeneral d’Andecha ta previsto qu’entame’l sábadu a les 11 con un Orden del díi nel qu’amás de les elleciciones trataráse sobre los Conceyos y Xuntes Xenerales de 2006 y la Xunta executiva. 21 de xineru, 2007 0 FacebookTwitterPinterestEmail
Sociedá Andecha pide a mediu Ambiente que se tomen medíes urxentes cola viesta de texu del Sueve by asturnet 21 de xineru, 2007 Andecha Astur ta acabante d’empobinase al Conseyeru de Mediu Ambiente pa que la viesca de texu del Sueve, con 8.000 texos, la mayor dEuropa, sea declarada RESERVA NATURAL, dalcuerdu cola so riquezan vexetación, fauna, flora y colos sos valores paisaxísticos escecionales, tomando medides urxentes de conservación y recuperación. Andecha tamién pide que se cambie y actualice la redación del PORNA y dellos documentos oficiales no que cinca a la viesca de texu del Sueve, adatándola a la realidá. Sigún asoleyaba esti día Andecha nuna nota de prensa, un buen númeru dasociaciones y publicaciones relacionaes con la protección del mediu ambiente nun se cansen de pedir protección pala viesca de texu del Sueve, llamando poderosamente latención quel Principáu dAsturies nin siquiera reconoza la so existencia. Ye un fechu indiscutíble que nel Sueve esisten mas de 8.000 texos,y que forman la mayor viesca de texu dEuropa, lo que yos da un valir esceicional, costatándose al mesmu tiempo questi espaciu tá degradáu y menazáu poles plantaciones docalitos, la presión urbanística y la falta de regulación de la población y de lactividá de gamos y xabalinos. La redación danguañu del PORNA y otros documentos oficiales del Principáu (páxina Web incluyía) limítase a asitiar el texu nel caberu llugar de la vexetación del Sueve, ensin reconocer dafechu la esistencia de larboleda. Copiamos literalmente esta información del PORNA sobre el Paisaxe Protexíu de la Sierra del Sueve: Lo mas destacable de su vegetación son las formaciones arboladas del interior de la sierra en el extremo norte. Se trata de bosquetes en los que dominan los acebos y las espineras, que aportan la estructura básica, pero que contienen también otras especies como hayas, fresnos, abedules, avellanos, olmos, arces y tejos, de cuya unión resultan unas formaciones muy diversas que resaltan la calidad del paisaje”. 21 de xineru, 2007 0 FacebookTwitterPinterestEmail
Sociedá Llangréu presenta la campaña “Equí tas en casa” by asturnet 19 de xineru, 2007 LAyuntamientu de Llangréu pon en marcha la campaña EQUÍ TAS EN CASA entel sector hosteleru del conceyu. Ye esta una campaña específica pactuar sobrel sector hosteleru y que pretende normalizar lusu del asturianu faciéndolu visible. La campaña EQUÍ TAS EN CASA va ufrir material de diversu tipu pa que restoranes, hoteles, cases rurales, sidreríes, cafeterías, chigres, centros sociales… puedan usar lasturianu na rellación colos/es sos veceros/es. Los oxetivos principales de la campaña son dos: Dun llau, fomentar el consumu nel sector hosteleru del Conceyu de Llangréu. Lo que se pretende ye respaldar lactividá de los hosteleros de Llangréu, sumándomos con esta campaña a otres formes de promoción que tienen entamaes. Paezmos que la llingua asturiana pue ser un reclamu publicitariu más, que casa mui bien cola idea de cercanía y tratu personalizáu. La campaña ufierta instrumentos útiles pa lasturianización del sector, asitiándose dientro dun procesu más ampliu de modernización desti y dincrementu de la calidá na atención al cliente. Dotru llau, que la hostelería del nuestru conceyu se convierta naxente dinamizador de la Llingua Asturiana. Búscase tamién reforzar y esparder la llingua asturiana, dando seguridá y información clara. Consideramos que la llingua asturiana ye tamién una forma de definir la personalidá de los nuestros servicios, ye, cada vez más, una ventaxa competitiva, un valir añadíu pa los nuestros bares restoranes, cafeteríes y sidreríes. La llingua asturiana ye una seña didentidá propia de gran interés pa turistes y visitantes y sobre too pa la xente del conceyu, presentándose como un valor de proximidá y dapreciu polo propio, y sobre manera supón una meyora na calidá de los servicios al garantizar que los/les clientes seyan atendíos na so llingua. Los hosteleros y hosteleres de Llangréu que quieran participar de la campaña van beneficiase de los materiales que vienen darréu: Pegatines cola imaxe identificativa de la campaña. Carpetes cola imaxe de la campaña y que van sirvir pa presentar los materiales. Mantelos individuales cola imaxe de la campaña, testu imformativo-divulgativu de la llingua asturiana, xuegos… Rótulos identificativos cola imaxe de la campaña (ACUTAO, HOMES, MUYERES, PRIVAO, TELÉFONU, ABIERTO/PESLLAO). Rotulación distintiva aplicación nueva llei del tabacu cola imaxe de la campaña (dos modelos rótulos con testu y pictograma identificativu). La campaña ta coordinada pol Serviciu de Normalización Llingüística del Ayuntamientu de Llangréu organismu que va ufrir a tolos y toles hosteleros/es del conceyu el sofitu afayadizu pa la creación personalizada de platos y menús en llingua asturiana. LAyuntamientu de Llangréu asumel coste económica duna campaña que se diseñó en collaboración cola Rede de Normalización Llingüística nos Conceyos y va ponese en marcha, amás den Llangréu, nos conceyos y mancomunidaes de Xixón, Mancomunidá del Cabu Peñes, Siero, Samartín del Rei Aurelio, Mieres, Cangas del Narcea y Mancomunidá de la Sidra. Amás d’en L.lena y Avilés onde la campaña yá ta funcionando. 19 de xineru, 2007 0 FacebookTwitterPinterestEmail
Sociedá CSI-CSIF denuncia l’usu del eonaviegu nes comunicaciones de la Conseyería de Xusticia by asturnet 19 de xineru, 2007 La Conseyería de Xusticia, Seguridá Pública y Relaciones Esteriores, ta emplegando l’asturianu, y l’eonaviegu nel so ámbitu, como llingua normal de la comunicación que mantién colos xulgaos del país. Asina la selmana pasada’l Xulgáu de Castropol recibía una solicitú d’asistencia xurídica gratuita n’eonaviegu. Esta solicitú nun cayó en gracia al sindicatu CSI-CSIF que denunció’l fechu. El documentu remitíu a los xulgaos de Castropol ye l’impresu pa solicitar l’asistencia xurídica de baldre. Esti documentu supón una forma de comunicación de la ciudadanía cola alministración, polo qu’el so usu taría amparáu na Llei del Asturianu. Dende la Central Sindical Independiente y de Funcionarios (CSI-CSIF) denuncia que pel momentu los únicos documentos que llegaron al xulgáu de Castropol tán escritos en eonaviegu. Sobre esta cuestión dende la Conseyería de Xusticia aseguraben que tamién se diben unviar los formularios en castellano. Pal sindicatu funcionarial “la polémica del usu del asturianu, y del eonaviegu, habría tar acompañada de planes de normalizadores”, al tiempu que critiquen que s’esixa que los funcinarios conozan el castellano, asturianu y eonaviegu. Pa la Conseyería de Xusticia l’actuación al centrase nel ámbitu alministrativu ta amparada pola Llei del Asturianu y poro ye dafechu llegal. Dende’l sindicatu alúdese a qu’énte la falta d’un Reglamentu de la Llei del Asturianu “fae falta un consensu ente les fuerces polítiques pal so desendolcu”. Francisco Javier García Valledor, Conseyeru de Xusticia, al concluir el trespasu de les competencies na materia, yá diera anuncia que l’alministración de Xusticia entamaría a usar l’asturianu con normalidá dientro de les sos competencies. Les pallabres del Conseyeru fueron, yá daquella, contestaes dende dellos estamentos y asociaciones de profesionales del ámbitu. 19 de xineru, 2007 0 FacebookTwitterPinterestEmail
Sociedá Asociaciones del Navia-Eo creen la Plataforma Cultural Eonaviega by asturnet 18 de xineru, 2007 Dellos colectivos de la fastera más occidental d’Asturies acaben de formalizar la creación d’una plataforma d’aición conxunta pa frenar los proyectos d’inmersión cultural gallega que sofre’l cotarru del poniente asturianu. Les asociaciones que componen esta plataforma son les que más activamente s’opusieron a la candidatura luso-gallega a la UNESCO. La plataforma naz cola xera de frenar los intentos de proyectu cultural de la Federación d’Asociaciones del Occidente Navia-Eo, entendiendo que los sos proyectos son d’índole claramente galleguista al “defender que na fastera del navia-eo se fala gallego”. Dende la Plataforma Cultural Eonaviega afírmase qu’ente los proyectos que la Federación quier desenvolver alcuéntrase la creación d’un Centru pa la recuperación, estudiu y divulgación de la cultura del occidente d’Asturies, nesti sen consideren que la construcción del mesmu partiría de la premisa de que la cultura del Navia-Eo ye diferente a la del restu del país. Les asociaciones constituyeron la plataforma nun actu na casa conceyu d’El Franco. La Plataforma Cultural Eonaviega ta compuesta poles entidaes que se citen darréu: Fundación Cultural Amigos de la Historia de Veiga, la Banda Gaitas “La Reina del Truébano” de Navia, la Banda de Gaitas Marinotapiega de Tapia, l’Asociación de Bolos de Lloza de Cuaña, l’asociación cultural El Cabazo d’El Franco, asociación cultural Mezá de Bual, Xeira d’El Franco y el Grupu de Piragüísmu Onda Brava de Pezós. Dende la plataforma críticase la esistencia d’intereses privaos que promoverían la diferenciación cultural de la fastera respectu del restu del país mediante l’adhesión a la candidatura al patrimoniu inmaterial de la UNESCO. Pa los componentes de la Federación lo mesmo qu’el rio Navia nun fai de llende ente les cultures gallegues y asturiana, tampoco ye una raya ente la cultura de la fastera y la del restu del país. 18 de xineru, 2007 0 FacebookTwitterPinterestEmail
Sociedá Artículu de Ramón d’Andrés sobre la Sentencia del Tribunal Superior de Xusticia sobre Faustino Zapico by asturnet 18 de xineru, 2007 El Xefe de la Oficina de Política Llingüística, Ramón d’Andrés, espón la so posición, nesti artículu, sobre la sentencia del Tribunal Superior de Xusticia d’Asturies sobre la presentación de Tesis Doctorales n’asturianu. Ramón d’Andrés ye la primer persona que presentó la so tesis n’asturianu, abriendo un camín seguíu por bien de doctorandos. 18 de xineru, 2007 0 FacebookTwitterPinterestEmail
Sociedá La Oficina de Normalización de Siero entama una campaña de promoción by asturnet 17 de xineru, 2007 La Oficina de Normalización de Siero ta acabante asoleyar una campaña de promoción del usu del asturianu destinada al pequeñu comerciu del conceyu. Esta campaña yá se fizo l’aú pasáu algamando una perbona acoyida énte los comerciantes de Siero. Los materiales que se van repartir son bolses, axendes, pegatines, bolígrafos, carteles, asina como elementos publicitarios de les campañes de rebaxes, calendarios y paneles identificativos de los productos del comerciu. Los comerciantes de Siero yá tán entamando a recibir los materiales d’esta campaña. 17 de xineru, 2007 0 FacebookTwitterPinterestEmail
Sociedá La FSA contesta a IX diciendo que l’asturianu nun va ser una pieza fundamental del Estatutu by asturnet 17 de xineru, 2007 El secretariu d’organización de la FSA-PSOE, Jesús Gutiérrez, contestó ayer al conseyeru de Xusticia, Francisco Javier García Valledor, sobre les declaraciones d’esti últimu en relación a la prósima reforma estatutaria y del prósimu pactu de gobiernu. Gutiérrez afirmó que la llingua “anque importante” nun se va convertir na piedra angular del nuevu estatutu. Sobre’l pactu de gobiernu Gutiérrez anunciaba qu’el deséu de la FSA-PSOE ye algamar una mayoría absoluta. Pa Jesús Gutiérrez, secretariu d’organización de la FSA-PSOE, les crítiques de Valledor a la falta de voluntá del PP y de la FSA-PSOE p’abordar la reforma del estatutu son entendíes como “de mala fe” por situar al PP y a la FSA nel mesmu sacu nel procesu de desarrollu estatutariu. El dirixente socialista rechazó la idega de que la reforma haya facese teniendo al marcu llegal del idioma como referente fundamental de la mesma. Nesti sen manifestó que ye un “elmentu importante” pero qu’ahi munches otres coses. Respectu a la negativa de Valledor de reeditar el pactu de gobiernu, de nun pactase la declaración d’oficialidá nel prósimu Estatutu, Gutiérrez apeló al votu de la ciudadanía, aludiendo a que les espectatives de la FSA-PSOE s’alcuentren n’algamar la mayoría absoluta. Valledor afirma qu’IX nun va pactar cola FSA-PSOE si nun hai oficialidá 17 de xineru, 2007 0 FacebookTwitterPinterestEmail
Sociedá La Fundación de la Sidra d’Asturies concede’l so VI Premiu al Festival de Lorient by asturnet 17 de xineru, 2007 Los miembros del Xuráu del Premiu de la Fundación de la Sidra concedieron la VI edición del mesmu al Festival Intercélticu de Lorient. La candidatura presentóla Lisardo Lombardía, presidente de la Fundación Belenos, actualmente director del Festival Intercélticu de Lorient. El Xuráu na so resolución esplica la concesión d’esti premiu a Lorient pol so llabor na difusión de les diferentes castres de sidras del Arcu Atlánticu européu. El premiu, dotáu con 6.000 y una estatuina de Pablo Maojo, tien por aciu reconocer el llabor desenvueltu na promoción y difusión de la sidra. Ente los premios figuren dende carpinteríes pola recuperación los toneles de castañal, Carpintería Terán, o llagareros del restu del Arcu Atlánticu. La Fundación de la Sidra d’Asturies ta compuesta poles Conseyeríes de Cultura y Mediu Rural, los conceyos de la Comarca de la Sidra, l’Asociación de la Sidra y l’Asociación Empresarial del Principáu d’Asturies, asina como Uviéu y Xixón. 17 de xineru, 2007 0 FacebookTwitterPinterestEmail
Sociedá Valledor afirma qu’IX nun va pactar cola FSA-PSOE si nun hai oficialidá by asturnet 16 de xineru, 2007 El Conseyeru de Xusticia, Francisco Javier García Valledor, afirmó ayeri que la negativa de la FSA a la oficialidá del asturianu na prósima reforma del estatutu dificultaría la reedición del alcuerdu de gobiernu, que mantienen les dos fuerces polítiques. Valledor anunciaba qu’ensin oficialidá nun diba ser posible un nuevu pactu de gobiernu pasaes les elecciones de mayu. Pal conseyeru sedría “inconcebible” volver a pactar cola FSA-PSOE si esti partíu nun avanzara hacia posiciones favorables al reconocimientu de los derechos llingüísticos. Valledor citó, amás, otros asuntos como’l de la Inspección de Trabayu énte aquellos qu’habríen tar xestionaos por Asturies a partir de les próximes elecciones. El conseyeru de Xusticia, y númeru 2 de la candidatura d’Izquierda Xunida a la Xunta Xeneral, dixo que na prósima llexislatura se desenvolverá la reforma del Estatutu y que nun se podría entender un pactu de gobiernu que nun contemplara los asuntos básicos de la reforma. Pa Valledor la imposibilidá de reformar l’Estatutu n’esta llexilatura pasada débese a la falta de responsabilidá de PP y FSA-PSOE na d’encarar esti procesu. Causa pola que, según el conseyeru, Asturies se situe nel vagón de cola de les autonomíes. Sicasí’l conseyeru Valledor consideró que nestos cuatro años se desenvolvió un camín pedagóxicu, qu’anque llentu, ta faciendo posible que dientro de la FSA-PSOE se vaya verbalizando’l la pallabra oficialidá, esti deprendizaxe va reforzándose nes conciencies de los dirixentes del partíu mayoritariu de la Xunta Xeneral. 16 de xineru, 2007 0 FacebookTwitterPinterestEmail